Tahimik ang buong kapaligiran ngunit ito si Wong Ming, nakatanaw sa malayo habang ikinakalma ang sarili.
Tunay ngang masaya ang buhay niya ngayon kumpara sa buhay niya na nasa Sky Flame Kingdom.
Hindi niya kinukumpara ang ibinigay na kapaligiran ng mga magulang niya sa kaniya noon bagkus ay ang kapayapaan ng puso niya ngayon sa Flaming Sun Guild. Dito ay nakapag-isip-isip siya ng mga bagay na dapat niyang gawin.
Patungkol sa mga magulang niya ay alam niyang nasa malayo ito na siyang kampante naman siya lalo pa't protektado din ito ng isang malakas na pwersa na walang pinoproblema.
Naiisip niyang nagkaisip na rin siguro ang kapatid niyang sanggol pa lamang ito. Mas gugustuhin pa ni Wong Ming na doon na manirahan ang mga magulang at ang kapatid niya dahil ayaw niyang manatili ang mga ito sa Dou City o di kaya sa malapit lamang sa kaniya dahil masyadong magulo ang sistema rito.
Ordinaryong lamang na mga tao ang mga ito at ayaw niyang madamay pa ang mga ito sa gulong pinasok niya noon o sa hinaharap man.
Alam niya sa sarili niyang sinusubukan niyang magtiis at magtiwalang uunlad ang kakayahan niya at marami ang maaaring maging kaaway niya.
Ayaw man niyang sabihin at parang makasarili mang pakinggan ngunit kailangan niyang mabuhay ng mag-isa. Asura Level talents is not a trivial matter, sigurado siyang darating ang araw at matutuklasan din ng lahat ang tinatago niyang malaking lihim na ito dahil kapag nangyari iyon ay pamilya niya ang pupuntiryahin ng mga ito.
Nakikibalita lamang siya sa pamamagitan ng Feathers Guild dahil itong guild lamang ang mapagkakatiwalaan niya at wala pa siyang lakas ng loob upang banggain ang naglalakihang mga pwersa ng mga ito. Tiwala siyang walang makakaalam.
Patungkol sa pabor na binigay niya noon sa Feathers Guild ay gagamitin niya rin iyon balang araw. Hindi pa niya dapat gamitin ang alas na iyon dahil alam niyang balang-araw ay mapapakinabangan niya ito.
Maraming bagay ang natutunan ni Wong Ming at isa na rito ang paggamit ng mga martial art skills at mga uri ng mga combat mapa-close contact man o long range.
Sinanay silang lahat sa nagdaang tatlong buwan hindi lamang sa wala kundi inihanda sila upang sa hinaharap ay sila rin ang papalit upang protektahan ang mismong Flaming Sun Guild na siyang humasa ng lahat ng kakayahan nila sa iba't-ibang aspeto.
Hindi mabigat ang trabaho nila sa bawat courtyard dahil salit-salitan at nagtutulungan ang bawat isa. Kapag nabilang ka sa isang courtyard ay maituturing mo ng kaibigan o kapamilya ang mga ito ayon na rin sa isa sa pangunahing Sect Rules ng kanilang Flaming Sun Guild na masasabi naman ni Wong Ming na isang mabuting bagay.
Alam niyang may bond na siya sa buong South Courtyard at maituturing niyang mga ate't kuya ang mga kapwa niya disipulong naririto.
Hindi lamang sa nagtutulungan sila sa mga gawain dito sa kanilang courtyard kundi ay maaasahan din ang mga ito kapag may nsging problema ka. Maaasahan niya ang mga ito kahit na ang iba ay hindi niya matandaan ang mga pangalan ng mga ito, basta kapwa courtyard nila, awtomatikong close na agad yan.
Hindi din maiiwasan dito ang courtyard conflicts kaya kapag nagkaproblema ang mga disipulo sa magkabilaang courtyards ay talagang rambulan talaga ito kaya ang epektibong solusyon rito ay ang paglaban sa loob ng Circular Platform na nasa gitnang bahagi mismo ng Flaming Sun Guild.
Isang legal na pamamaraan iyon at ito lamang ang tanging daan upang masolusyunan sng problema ng mga nagkakaalitan, kapwa mo man ka-courtyard o hindi.
Napabuntong-hininga na lamang si Wong Ming lalo pa't kasalukuyang nagkaproblema ang kanilang courtyard sa ibang mga courtyards dahil lamang iyon sa pangkalahatang produksyon.
Hindi naman silang lahat ang may kasalanan kundi ang iilan lamang sa mga itinuring nilang South Courtyard Council. Binubuo ng limampong miyembro ang bawat Courtyard Council upang pangalagaan ang kanilang panloob na interes ng kanilang courtyard.
Napagpasyahan ng mga ito na magkaroon ng friendly Match ng ang involve ay ang mga baguhang mga disipulo ng bawat courtyard. Isang Courtyard battle ito kung tutuusin at malabong friendly match ang mangyayari dahil natural na magkakaaway ang bawat courtyard kung tutuusin.
Talagang ginawa pa silang parang mga manok na pagsasabungin sa harap nila. Tila nagmumukhang pre-battle match ito dahil sa susunod na buwan pa nagkakaroon ng Group Battle.
Labing-isang eksperto ang mga baguhang disipulo sa bawat courtyard ng South Courtyard, North Courtyard at West Courtyard habang sampo lamang ang mga bagong disipulo ng East Courtyard ngunit alam ni Wong Ming na lugi pa rin sila sa East Courtyard dahil maituturing na Essence Capital Courtyard ito at di malabong mas uunlad ng mabilis ang mga ito habang lumilipas ang mga araw idagdag karamihan sa mga East Courtyard ay mga napromote bilang mga Inner Disciples. Imposibleng walang bias na magaganap dito.
Hindi na bago ito sapagkat ikinwento na ng mga matagal ng disipulo ang patungkol rito. Maituturing na dominators ang East Courtyard kung kaya't kung gusto nilang makapasok o mapromote bilang Inner Disciples ay nasa mga kamay pa rin nila ito.
Nasanay na rin sila pagiging outer disciple at ayaw na rin ng mga itong umalis pa sa courtyard na ito kung tutuusin lalo pa't di naman sila pinapabayaan ng Flaming Sun Guild. Kung titingnang mabuti ay napakayaman na nila kumpara sa mga ordinaryong tao sa mundong ito.
Mabilis na tumayo si Wong Ming at maglakad patungo sa isang Cultivation Building. Plano niyang magsanay sa malawak na cultivation room na maituturing na pwedeng gamitin ng sinuman. Ang bawat courtyard ay may mga iba't-ibang gusaling nakatayo at kompleto rin ang mga kagamitan rito. Ngayon pang nakapasok sila sa Flaming Sun Guild na isa sa mga malalakas at matunog na guild ay talagang may prebilihiyo silang gamitin ang mga pasilidad at iba pang bagay na ibinigay sa kanila ng mismong guild nila. Hindi naman ito palalampasin ni Wong Ming.
Ramdam niyang malapit na siyang magbreakthrough sa Middle Golden Vein Realm na isa sa itinatagong lihim niya. Masyadong mabilis ang pagbe-breakthrough niya kung tutuusin na dapat ay lima hanggang anim na buwan bago makalagpas sa cultivation boundaries ng Golden Realms upang matiyak ang tuloy-tuloy na pag-unlad ng iyong cultivation.
Masuyong binaybay ni Wong Ming ang daan patungo sa isang Cultivation Building. Kailangan niyang paghandaan ito. Dahil sa Restrictions ay nasa Middle Purple Blood Realm lamang siya na inayon niya sa cultivation level niya noong nakaraang pagsali niya sa trial upang hindi siya paghinalaan o pag-initan ng mga nilalang na nakakasalamuha niya dito sa loob ng Flaming Sun Guild na siyang iniiwasan niyang mangyari dahil baka ito pa ang maging hadlang upang hindi niya maisagawa ang matagal niya ng plano, ang simulang tukuyin at kalapin ang mga impormasyong may kinalaman sa Devil's Clock.