Lizzie's POV
Katulad ng kinagawian ay hindi ulit ako sumabay sa kanilang kumain kinaumagahan. 
Naghahanda na akong magsapatos ng lapitan ako ni tatay. "Anak, bakit hindi ka muna kumain? Sumabay ka na sa amin ang nanay mo." 
Umiling ako. "Hindi na, 'tay. Busog pa po ako, kumain naman po ako kaninang alas dos." 
Nagtataka ang mukha nito habang pinapanood akong magsuot ng sapatos. "Ah, eh, ganoon ba.. oh sige, kumain ka na lang mamayang lunch break mo, dito ka na kumain."
Umiling ako ulit. "Hindi na 'tay, kasabay ko naman mga kaibigan ko, sa canteen na ako ng school kakain."
"Ganoon ba, sige, mag-iingat ka, ha?" 
Pagkatapos ko magsapatos ay tumango lang ako at umalis na. Nakita ko namang masama ang tingin ni Mika sa akin habang kumakain, magkakrus pa ang mga binti nito na animo'y isa itong tunay na anak sa pamilyang 'to.
Inirapan ko naman ito at tuluyan nang umalis, sa school na lang ako babawi ng kain. Hindi ko kasabay ang Tyron na 'yon ngayon, pagkaalis ko sa bahay ay wala na ito, marahil ay nauna itong pumasok sa akin o kaya naman ay hindi pa ito nagigising. 
Pagpasok ko sa loob ng room namin ay sakto namang pagpasok rin ng teacher namin sa english subject.
Wala pa rito si Tyron, I wonder kung nasaan ito. 
Nagsimula na ang klase, tahimik lang akong nakikinig sa klase namin, nagtetake down notes ng mga sa tingin ko ay mahalaga at makatutulong sa exam namin soon. Nakafocus lang ako sa discussion, hindi ako pwedeng tamarin o antukin man, ayokong bumaba ang grado ko at madisappoint sa akin si tatay. 
30 mins na ang nakakalipas mula nang magsimulang magklase ay nakarinig kami ng dalawang magkasunod na katok sa pinto. Lumapit roon ang teacher namin at pinagbuksan ng pinto itong Tyron na 'to.
Nang makaupo ito ay sinimulan na ng teacher namin na magdiwara. 
"Mr. Trillano, bakit ngayon ka lang? It's been 30 minutes since our class started."
"Pasensya na po, Sir. Naligaw po kasi ako, hindi ko na po matandaan ang room dahil bago lang ako rito."
Bumuntong hininga ang teacher namin. "Okay, sa ngayon ay hihindi na muna kita ilelate, sana'y sa susunod ay maka-attend ka na ng tamang oras sa klase ko. Maaari ka namang magtanong sa mga kaklase mo, Mr. Smith, pakitulungan itong kaklase niyo, you are the president of this class so I will asign you to help Mr. Trillano." 
"Okay, Sir. I will po." nakangiti naman itong sumagot.
'Hay! Bakit ang bait ng best friend ko? Pero kung alam mo lang kung gano nito pestehin ang buhay ko ay sa malamang, hindi ka papayag.'
Tinuloy na nito ang pagdidiscuss, at ako naman ay hindi na nakapagfocus pa sa pagtetake down notes dahil alam kong may something. Hindi naman ito galing sa bahay kanina, pawis na pawis siya kanina noong pumasok siya sa klase.
Ilang saglit naman ay natapos na ang klase. May susunod pa kaming klase kaya nanatili lang ako sa upuan ko, ginagayak ko na ang notebook at book ko para sa susunod na klase nang humarap sa akin si Floryn, girl best friend ko, ang secretary namin. At ang boy best friend ko naman ay si Franz, ang president sa classroom namin. At ako? Ako lang naman ang muse sa room na 'to. 
Bakit? Maganda ako, eh!
"Bessy! Sama tayo mamaya kay Franz!" excited na sabi ni Floryn sa mukha ko. 
"Saan?"
"Saan pa ba?" tinuro niya si Tyron sa upuan nito. Nakadukdok lang ito sa desk niya. 
Umiling ako. "Kayo na lang."
"Tss! Ang kj naman nito, oh!?" 
"Tinatamad ako maglakad, saka bakit ba sasama pa tayo? Si Franz lang naman ang sinabi ni Sir na tulungan itong bago, bakit kailangan pa natin sumama?" 
"Psh! Para ka namang others, Liz! Sige na, gusto ko rin gumala e. I-tutour daw natin iyong bago sa buong school para hindi na ito naliligaw." 
Umiling ako. "Kayo na lang."
"Anong pinag-uusapan niyo?" ani Franz na paparating sa upuan ko. 
Humarap si Floryn kay Franz at binigyan ito ng mukhang nagmamakaawa, na-gets naman iyon ni Franz agad kaya nang humarap ito sa akin ay binigyan ako nito ng um-oo-ka-na-look. 
Pilit nila akong pinapa-oo nang dumating na ang sunod na teacher namin para sa susunod na klase. Mabilis naman silang nagsibalik sa upuan nila at napansin kong nakadukdok pa rin ang Tyron na 'to. Nasa bandang unahan lang kasi ito sa akin, kaya naman kitang kita ang mga galaw nito, hindi kami magkarow nito pero sapat na ang agwat namin para mamonitor ko ang mga ginagawa niya.
Nagkatinginan naman si Franz at Floryn, pinaghihilian kung sino ang gigising sa Tyron na tulog habang nakadukdok ang ulo sa desk. At sa huli ay si Franz rin ang gumising. 
Nagsimula na ang klase, at katulad ng nakagawaian ay nagtake down notes ulit ako, nagfocus ulit sa discussion at kapag may tanong ang teacher namin ay ako lagi ang nagbo-volunteer sa pagsagot. 
*****
"Haaay! Sa wakas, natapos rin ang klase! Saan tayo magbibreak? Canteen? Or kay Ate Bineng?" ani Floryn habang nag-iinat sa tapat ng upuan ko. 
"Kahit saan na lang." tipid kong sagot.
"Sa canteen na lang muna tayo, baka malate pa tayo sa susunod nating klase." suggestion ni Franz na sinang-ayunan naman namin ni Floryn. 
Dumating na kami sa canteen, ang dami na agad nakapila sa bawat paninda. 
Dahil nga marami ang nakapila ay marami pa ang mga bakanteng table kaya pinaupo na lang kami ni Franz sa isang table roon at siya na lang ang pumili ng makakakain namin. 
6 years old pa lang kami nang maging magkakaibigan na kami nitong si Floryn at Franz. Dati kaming magkakapit-bahay, pero hindi na ngayon, lumipat na kasi kami ng tinitirhan ni tatay mula nang hindi na umuwi si nanay sa bahay, hindi ko rin naman alam ang dahilan kung bakit hindi ito bumabalik pero ang nasa isip ko lang ay baka kaya hindi ito makauwi ay dahil wala na kami roon sa dati naming bahay. 
Alam ng dalawang ito ang tungkol sa nanay kong hindi na lang bigla umuwi, kaya naman buong buhay ko ay sila na ang kasama ko bukod kay tatay. 
Binaba na ni Franz ang corndog at milktea sa akin at kay Floryn naman ay burger at milktea rin, at kay Franz ay cheese nachos at coke. Dumaragsa na ang mga estudyante kaya naman napagpasyahan na naming bumalik na sa room. 
Nang makarating sa room ay nakita ko na namang nakadukdok lang sa desk si Tyron. 
'Anong ina-arte-arte nito?'
Siya lang ang nakita namin sa loob ng classroom dahil ang lahat ay mga nagmimiryenda na sa canteen, siya lang nandirito at natutulog.
Nagkatinginan kaming tatlo at nagkibit balikat na lang ako. Ano bang pake ko kung kumain man siya o hindi? Hindi naman kami magkadugo. 
Dumating na ang teacher namin sa Math. Hirap na hirap ako sa subject na ito pero pilit ko namang pinipiga ang utak ko para lang may maintindihan ako rito pero walang epekto.
Siguro kaya ito ang isinunod na subject sa break time ay para marefresh ulit ang utak namin. 
Katulad ng mga naunang klase ay nagtake down notes ako ulit pero hindi ko maiwasang hindi matapunan ng tingin itong Tyron na 'to na dahil para na itong nabuhayan ng dugo matapos matulog kanina. Tutok na tutok na kasi ito sa board habang nagdidiscuss at nagsosolve ang teacher namin mula sa board. 
Muli ka namang binaling ang atensyon sa pagsusulat at pakikinig. 
'Pull yourself together, Lizzie Leigh Davis! Hindi ka pwedeng mawala sa focus!
Itutuloy...