Gia,
"Kamusta ang first day, anak?" bungad sa 'kin ni mama.
"Okay lang, Ma. Wala naman masyadong lesson dahil first day," I answered and forced a smile.
"Sigurado kang okay lang, nak? E, bakit parang pilit 'yang mga ngiti mo?" tanong pa ni mama. Natigilan ako roon.
"Wala po ito, Ma. Pagod lang. Sige ho, bihis lang po ako," sagot ko pa bago pumasok ng kwarto. Agad akong napahiga at napatitig sa kisame. Sobrang nakakapagod itong araw na 'to.
Hays, may mga kailangan ka pang tapusin Gia. Kaya mo 'to!
"Oh, nak saan ang punta mo?" tanong sa 'kin ni mama nang makalabas ako ng kwarto.
"Ah, may pupuntahan lang, Ma. Ingat kayo rito, ah," sagot ko at hinalikan ito sa noo.
"Mag-iingat ka roon anak," sambit pa ni mama. Ngumiti akong ng matamis bago tuluyang lumisan.
* * * * *
"Anak, anak gising na," rinig kong panggigising sa 'kin ni mama. Pikit mata akong bumangon nang muli itong magsalita. "Anong oras ka na kasi umuwi, nak, ayan tuloy. Oh, sige na, ako na bahala sa susuotin mo maligo ka na roon."
"Opo," sagot ko pa bago tuluyang lumabas ng kwarto.
Nang makaalis ako ng bahay ay agad akong nag-abang ng masasakyan, pero labinlimang minuto na ang lumilipas ay wala parin.
Gia, mala-late kana!
At dahil wala paring sasakyan ay inumpisahan ko nang maglakad-lakad. Siguradong mayroon ng tricycle sa crossing—
Agad akong napalingon sa kaliwa ko nang sunod sunod na busina ang narinig ko. Laking gulat ko ng may kotseng paparating at malapit na sa 'kin kaya agad akong napaupo at napatakip ng mukha gamit ang dalawang kamay ko.
"What the hell, miss?! Hindi ka ba marunong tumingin sa dinadaanan mo?!" bulyaw sa 'kin ng taong nasa harap ko kaya napatingin ako rito.
"Ano?! Uupo ka lang diyan?!" muli nitong sigaw. Napatayo kaagad ako dahil narin sa gulat.
"P-Pasensya na po—"
"W-Wait, you're from Averil?" putol nito sa 'kin kaya napatango agad ako.
"P-Pasensya na po ulit, Prinsipe Eros. M-Mauna na po ako," nakayukong paumanhin ko at mabilis na naglakad palayo.
Oo, ang Prinsipe Eros ang muntik ng makabungo sa 'kin. Hindi ko akalaing ganito ang sasabihin niya sa 'kin imbes na mag-sorry. Hindi ko na naman napigilan ang luha ko.
Ano ba 'yan Gia, wag kang umiyak! Matapang ka, 'di ba? Ipakita mo sa kanila 'yon.
"Manong, dito nalang po," sambit ko saka bumaba ng tricycle. "Ito po 'yung bayad," dagdag ko pa at nag-abot ng bente pesos.
"Ma'am, h'wag na ho kayong malungkot. Huwag niyo hong ipakita ang kahinaan niyo sa kanila dahil baka gagamitin ho nila 'yan para pabagsakin kayo," sambit sa 'kin ni manong habang inaabot ang sukli ko. Natigilan ako sa sinabi niya. Hindi ko akalaing sasabihin niya iyon sa 'kin. Napansin ba niya akong umiiyak kanina? "Ma'am, baka ma-late kayo—"
"Ay, sorry ho kuya, nagulat lang po. Sige po, salamat!" putol ko rito bago tumakbo papasok ng campus. Nakayukong naglalakad ako sa hallway nang makita ako ni Shaira kaya dali dali itong lumapit sa 'kin.
"Good morning, Gia!" masayang bati niya sa 'kin.
"Good morning," bati ko rito. Napahinto kami ng panay lalaki ang mga nakatambay sa hagdanan. Hindi namin ito mga kilala kaya napaatras ako at napahawak sa braso ni Shaira.
"Hindi 'yan, tara na," bulong niya. Nakayukong naglakad kami paakyat nang bigla nagsalita ang isa sa kanila.
"Sexy, ah." Napahinto si Shaira at inis na hinarap ang lalaki. Agad ko siyang pinigilan ngunit huli na ako.
"Aba mga bastos kayo, ah!" inis na sigaw nito sa kanila.
"Bakit kaya mo ba kami, ha?" nakangising tanong nito kay Shaira. Napaatras kaming pareho.
"Sis, 1... 2... 3... takbooo!"
Nagmamadaling tumakbo kami paakyat mas lalo naming binilisan nang makitang nakasunod sa 'min ang mga ito.
"A-Ah! Bitawan mo ko, ano ba?!" inis na sigaw ni Shaira habang nagpupumiglas nang mahuli ito. Napahinto ako at napapikit.
I'm sorry, but I have to do this.
"Ikaw pa isa—"
Hindi na niya natuloy ang balak nitong sabihin nang bigla ko itong sinipa dahilan nang pagkatumba niya. Napaatras ako nang biglang lumapit sa 'kin ang dalawa pang lalaki at mabilis akong hinawakan. Napapikit ako sa sakit at higpit nang pagkakahawak nila, hindi ko na kaya 'to. Bahala na sa kakalabasan maging ligtas lang kami ni Shai. Napabuntong-hininga muna ako saka pinaikot ang braso ng dalawang lalaking 'to. Sigaw nila ang narinig sa buong building habang namimilipit sa sakit.
"A-Ah! Tama na!" sigaw ng isang lalaki kaya agad ko itong binitawan nang sampalin ako ng malakas ng isa pang lalaki.
"Gia!" nangingiyak na tawag sa 'kin ni Shaira. Ningitian ko ito at pinilit na tumayo para labanan ang lalaki. Ginawa ko ang itunuro sa 'kin ni papa. Suntok dito, suntok doon habang panay iwas sa mga atake nila. At isang malakas na sipa ang binitawan ko dahilan ng pagkatumba niya.
"Anong nangyayari rito?"
Agad na napabitaw ang dalawang lalaki kay Shaira at akmang tatakbo nang mahawakan ito sa kuwelyo ni Prinsipe Klevin.
"Wala talaga kayong kasawa-sawa, ano? Gusto niyong dalhin na namin kayo sa guidance?!" tanong nito. Takot ang bumalot sa mga lalaking iyon at sabay sabay na umiling.
"S-Shai, tara na please," bulong ko kay Shaira dahil nararamdaman ko na 'yung pagkamanhid ng pisngi ko.
"At kayong dalawa, saan kayo pupunta?" baling sa 'min ng prinsipe kaya nagkatinginan kaming dalawa.
"Prinsipe Klevin, sila ang dapat parusahan dito! Tingnan mo ang ginawa ng babaeng 'yan kay Justin, Mark at Joseph!" inis na sumbong ng isa pang lalaki, masama ang tingin sa 'kin.
"Hindi niya gagawin sa inyo 'yan kung hinayaan niyo nalang kami!" sigaw pabalik ni Shaira at hinawi ang buhok kong tumatakip sa namumula kong pisngi. "At ito?! Gusto mong ibalik ko sa 'yo 'yung ginawa ng kaibigan mong mukhang unggoy?!"
"S-Shai, h-hayaan mo na. Umalis nalang tayo—"
"Are you okay, Gia? Gusto mong dalhin kita sa clinic? The fvck! Sinong gumawa sa 'yo n'yan?!"
Nagulat kami pare-parehas nang biglang lumapit sa 'kin si Prinsipe Cris at tiningnan ang pisngi ko. Agad akong napalayo rito nang makaramdam ako ng kirot dahil sa pagkakahawak niya sa pisngi ko.
"O-Okay lang po ako. W-Wala lang 'to," sagot ko at umiwas ng tingin sa kaniya.
"Kayong lima sumama kayo sa 'kin, kung ayaw niyong ma-expelled dito," muling sambit ni Prinsipe Klevin at naunang bumaba ng hagdan.
"Are you sure that you're okay, Gia? Let's go to the clinic—"
"O-Okay lang ako," putol ko sa kaniya at ngumiti ng pilit. Bumaling ako kay Shaira. "T-Tara na, Shai."
"Ako nang bahala sa kaniya, Prince Cris. Thank you sa inyo ni Prince Klevin," rinig kong sabi nito sa prinsipe bago tuluyang sumunod sa 'kin.
"Sis, nakita mo yon? He really cares about you, 'di ba—"
"W-Wala lang 'yon, saka ano ka ba, kaya ko naman sarili ko," putol ko sa kaniya.
"Okay... fine, pero sure ka bang ayos ka lang? Tingnan mo nga namumula 'yang pisngi mo!" pag-iiba nito, nakaturo sa pisngi ko. Napapikit ako nang makaramdam ako ng pagkirot nang hawakan ko iyon.
"Mawawala rin 'to. Tara na," sagot ko at tuluyang pumasok ng room. Wala pang masyadong tao sa room kaya nakipagkwentuhan muna si Shaira habang ako ay yumuko nalang muna.
Bakit ang malas ko ngayon? Una, muntik nakong masagasaan. Pangalawa nabastos kami ng mga lalaki sa hagdan. Pangatlo napaaway ako at nasampal.
Hay, Gia. Last na 'tong pakikipaglaban mo. Baka mapahamak pa ko at ma-expelled sa school.
* * * * *
Shaira,
Kasalukuyan akong nakikipagdaldalan sa mga iba naming kaklase nang mapansin kong nakayuko lang si Gia. Hindi ko na ito nakausap dahil agad na pumasok ang iba naming kaklase sabay sabing... 'Andyan na si ma'am!'
Bigla akong nakaramdam ng kaba. Ito kasi ang teacher namin sa Science na nagpa-exam kahapon.
Sana naman Shai, nakapasa ka kahit papaano.
"Good morning, class!" bati nito at binati rin naman namin pabalik. Nang paupuin niya kami ay agad nitong inilabas ang mga papel namin. "So, here's the result of your pre-test exam. Nakakatuwa't maraming nakapasa sa inyo," nakangiting aniya.
"Sis, baka masama ka sa top 3!" baling ko rito kay Gia na agad namang umiling.
"M-Malabo 'yon, Shai. Ang hirap kaya ng pre-test," sagot nito na ikinasibangot ko.
"Pero malay mo, 'di ba? Ikaw pa!" sambit ko pa at kinindatan siya.
"Simulan natin sa top 5 pero katulad nga nang sinabi ko, top 3 lang ang magkakaroon ng additional grades," pagpapatuloy nito. Hindi naman ako aasang makakasama riyan.
"Our top five who got 21 points, this is over 30, congrats... Ms. Shaira Smith!"
Agad na nanlaki ang mga mata ko sa sinabi ng teacher namin. Lahat sila ay napalingon sa gawi ko. Hindi ako makapaniwalang pumasok ako sa top 5!
"Congrats, Shai, ang galing galing mo!" bati sa 'kin ni Gia ng matapos kong kuhanin ang papel ko kay Mrs. De Leon.
"Salamat! Hindi ko akalaing mapapasama ako rito, sis!" nakangiting sagot ko rito. Nag-thumbs up pa siya sa 'kin at muling nakinig.
"Ang top 4, who got 24 points, congratulation... Prince Cristian Faulter!"
Nagsihiyawan ang mga kaklase namin habang pumapalakpak. Matalino rin naman talaga kasi ito, at sobrang bait pa. Nakangising tumingin naman ako kay Gia saka ninguso ang prinsipe na ikinakuno't ng noo niya. Napailing nalang ako.
"Next is our top 3 scorer who got 26 points. Dalawa lang ang lamang niya kay Mr. Faulter. Congratulation, Prince Klio Agassi!" Muling naghiyawan ang mga klase namin at nagsipalakpakan. Expected naman na ito. Si Prinsipe Klio lang naman kasi ang pinakamatalino sa grupo kahit may pagkamaloko rin tulad ng mga kaibigan niya.
"For our top 2 and top 1 kapag natawag ang pangalan niyo ay pumunta kayo rito sa harapan," sambit ni ma'am. Exciting 'to parang laban lang sa mga pageant.
"Sis, baka kasali ka riyan!" muli kong baling dito kay Gia. Natawag na kasi si Prinsipe Klio na kadalasang nangunguna sa mga gan'yan.
"Hindi, ah, hindi nga siguro ako nakaabot kahit top 10," sagot nito sa 'kin. Magsasalita pa sana ako nang muling magsalita si Mrs. De Leon.
"Please come here, Princess Alliyah Louise Laxus!" Napahiyaw ang mga ilan sa mga kaklase namin lalo na ang mga kaibigan nito. Napairap naman ako. Lumalaki na naman ang ulo niya. Tsk! "And Ms. Giana Marie Silvestre!"
My eyes grew bigger, tossing a glance at Gia. I knew it!
"Sabi sayo, e!" sambit ko rito saka siya binigyan ng dalawang thumb ups.
"So, class sino ang tingin niyong top 1 scorer natin?" tanong ni ma'am at iisa lamang ang naging sagot nila.
"Princess Alliyah na 'yan!"
"Oo nga walang makakatalo sa kaniya!"
"Siya naman lagi ang first."
"Hindi kaya ng nerd na 'yan ang prinsesa!"
Napairap ako sa mga bulungan ng iba kong kaklase. Halos lahat sila ay puro si Alliyah ang binabanggit habang ang iba naman ay tahimik lang. Nang mapatingin sa 'kin si Gia ay agad ko itong ningitian para naman lumakas ang loob niya. Alin man siya sa dalawa ay proud parin ako sa kaniya.
"Our top 1 scorer, who got 29 over 30... " Napa-ow kaming lahat sa sinabi ni ma'am. 29 out of 30?! Grabe, isa nalang perfect na!"Congratulation... "
Papalit-palit ang tingin ko sa dalawa, ang prinsesa ay nakangising nakatayo at confident na confident na siya ang top 1. Si Gia naman ay halata sa mukha ang pagkakaba. Napapikit pa ito ng muling nagsalita si ma'am.
"Ms. Giana Marie Silvestre!"
Napatayo ako at napasigaw sa sobrang tuwa habang hindi naman makapaniwala si Gia. "Wohoo, bestfriend ko 'yan! Gia, ang galing mo!" sigaw ko pa at sinalubong siya. Parang nanalo si Gia sa isang pageant sa sigaw ko. "Ang galing galing mo, sis!" bati ko rito.
"S-Salamat, Shai," nakangiting sagot nito sa 'kin. Napalingon naman ako sa prinsesang hindi maipinta ang mukha at namumula sa sobrang inis.
"T-This can't be!" sigaw nito na ikinatahimik ng lahat.
"Congrats, Princess Alliyah, you've got 27 over 30," baling ni Mrs. De Leon sa kaniya.
"N-No! Hindi ko tatanggapin 'yan! Baka nagkamali ka lang ng check!" sigaw nito kay ma'am na ikinakunot ko ng noo.
"Double checked na 'yan, Ms. Laxus. Si Ms. Silvestre talaga ang top 1 natin," sagot sa kaniya ni ma'am at pinabalik to sa kaniyang upuan.
"Tsk! Masyado kasing feelingera. Akala mo kay galing galing—"
"Shai!" saway sa 'kin ni Gia. Napairap nalang ako, sinalubong ang masasama nilang tingin sa amin.
"Let's move on at magpo-proceed na tayo sa ating lesson," sambit ni ma'am kaya nawala ang tensyon sa pagitan namin.
Tuloy tuloy ang naging klase kaya naging tahimik ang lahat. Pilit ko namang nilalabanan ang antok ko. Gutom narin ako dahil hindi ako nag-umagahan kanina. Mabilis akong nagligpit ng gamit nang matapos ang apat na magkakasunod na subject namin ngayon. Napahinto pa ako nang biglang nilapitan ng tatlong bruha si Gia.
"A-Anong kailangan niyo—"
"How dare you! Sinadya mo bang maliin ang ilan sa mga numbers para hindi ako 'yung maging top 1?!" sigaw sa kaniya ni Alliyah na ipinagtaka ko. Sinasabi nito?
"H-Hindi—"
"Sinungaling ka! Gusto mo kasing agawin 'yung pwesto ni Princess Alliyah kaya mo 'yon ginawa!" sigaw naman ni Kaeli.
"H-Hoy! Ano na namang ginagawa niyo kay Gia?" singit ko na ikinangisi nila.
"At nagmamataas ka na rin ngayon Shaira?" mataray na tanong sa 'kin ni Zein.
"May kasalanan sa 'kin 'yang si Gia, kaya tumabi ka riyan kung ayaw mong madamay!" sabi naman ni Alliyah na mas lalo kong ikinainis.
"Ano bang kasalanan sa 'yo ni Gia? Tanggapin mo nalang Alliyah na may mas matalino na sa 'yo ngayon—"
"Shut up, Shaira! Galangin mo 'ko dahil ako ang pinakamataas dito! You should call me Princess Alliyah—"
"Wala kang pakialam kung anong gusto kong itawag sa 'yo! Princess?! Hindi nga sa 'yo bagay na tawaging prinsesa—"
"Ah, gano'n?" putol niya sa 'kin at akmang sasabunutan ako nang humarang si Gia.
"T-Tama na, h'wag na kayong mag-away. Pasensya na kung ako 'yung naging top 1, prinsesa. Hindi ko naman akalain na masasama ako," sambit nito na ikinatigil namin.
"Gia, ano ba, bakit ka nagso-sorry riyan?!" inis kong tanong dito pero hindi ako niya pinansin.
"S-Saka... sagot ko naman 'yung sinagot mo, 'di ba? H-Hindi mo nga binalik sa 'kin 'yung papel ko," dagdag nito na ikinagulat ko. Inis akong napatingin sa tatlo na nagulat din sa sinabi ni Gia.
"Ang kapal ng mukha mong sugurin si Gia rito, e, cheater ka naman pala!" sigaw ko. "Kaya kung ayaw mong malantad 'yang baho mo, pwede ba padaanin niyo kami?" dagdag ko pa na ikinaatras nila kaya agad kong hinila si Gia palabas ng classroom. "Gia, ano ka ba naman? Bakit mo pinakopya 'yung mga 'yon?!"
"E, bigla nalang nila kinuha 'yung papel ko," nakayukong sagot nito.
"Gia naman, dapat nagsumbong ka! Saka buti nga sa cheater na 'yon hindi siya 'yung top 1!" inis na sambit ko pa.
"H-Hayaan mo na Shai," sambit nito na ikinataas ko ng kilay.
"Gia, kung magiging mabait ka sa kanila, mas lalo ka nilang aapihin! Panigurado isasama ka na nila sa Q-list!" sagot ko rito. Hindi naman na ito nagsalita kaya napabuntong-hininga nalang ako. "Siya nga pala P.E. natin ngayon, maghanda ka," pag-iiba ko nang makaupo kami.
"H-Ha? Ano bang gagawin natin?" tanong nito.
"Tuturuan tayo ng mga sayaw at mga galaw ng isang prinsesa. Binibigyan kasi nila lahat ng opportunities kung ano at pano nga ba maging prinsesa," paliwanag ko rito. "Pero depende 'yan sa schedule. Tulad ngayon mag-aaral tayo ng waltz at kung ano-ano pang ginagawa ng mga prinsesa. Pero next week iba naman, mga iba't ibang sport," dagdag ko pa.
"May contest ba ng mga sport dito?" tanong niya kaya agad akong tumango.
"Sportfest! Pero ang pinakasikat at pinakainaabangan dito ay ang basketball at archery," kwento ko.
"Bakit naman?" inosente nitong tanong.
"Dahil dito kilala ang prinsesa at prinsipe na susunod na Royal Prince and Princess ng kaharian ng Ethiopia," sagot ko at sumubo ng pizza.
"Nakapunta ka na ba sa palasyo?" tanong pa nito sa 'kin.
"Sa Europe? Hindi pa, sis. Pero rito sa Pilipinas, oo. Isa lang siyang napakalaking mansion kung saan nakatira roon ang pamilya ng mga Laxus, sila Prinsesa Alliyah," kwento ko na ikinatango niya.
"Nasa Europe ba ang totoong palasyo?" tanong pa niya na ikinatango ko naman.
"Sabi ni Dad, maaari lang pumunta ro'n kapag may kokoronahan o paparangalan at kung may okasyon. Dito kasi sa Pilinas namumuno ang tatay ni Alliyah at ang mommy niya, pero hindi ibig sabihin no'n sila na ang hari at reyna ng buong Ethiopia," mahabang kwento ko. Bago ko makapasok dito ay ipinaunawa na sa 'kin lahat lahat ito ni Dad.
"Nasan ang totoong hari? Nasa Europe?" tanong nito na ikinatango ko naman.
"At pumupunta lang siya rito kapag may importanteng meeting o okasyon sa Averil. Emperador ang tawag sa kaniya," dagdag ko pa bago kami tuluyang dumiretso sa locker room.
"Emperador..."
***
THE LOST PRINCESS SERIES
by: thesweetest_thing