"Kulang pa ata 'yong matamis na kinakain mo, Tayla."
Inirapan ko si Feya sa pang-aasar niya, "Nakikita mo itong hawak kong kutsara?" Pinakita ko pa sa kaniya yung hawak ko. "Tutusok ko ito sayo kung hindi ka tumigil!" Banta ko sa kaniya pero tinawanan lang nila ako.
"Kanina ka pa namin china-chat, pre. Hindi ka nagre-reply," Sabi ni Green kay Edvin.
Tinuro ako ni Edvin gamit ang kaniyang ulo, "Katabi ko 'to," Mabilis niyang sabi.
Ano naman kung katabi niya ako? May tinatago ba ulit sila sa akin.
"Gago!" Binatukan ni Adaly si Green. Wow! Binabatukan ang jowa? "Mago-overthink na naman si Tayla dahil sa sinabi mo!"
Tumingin sa akin si Green at pilit na ngumiti, "Ay, sorry! Huwag kang mag-overthink, Tayla. Wala lang 'yon," Bawi niya agad sa sinabi niya.
"Nagsisimula na nga akong mag-overthink," Seryoso kong sabi habang nakahalumbabang nakatingin sa kaniya.
"Kunwari wala kang narinig!" Natatawang sabi ni Feya. Binato ko siya ng tissue dahil sa sinabi niya. Ano ako magkukunwari na bingi?
"Pwedeng umalis ka muna, Tayla? May pag-uusapan lang kami nila Edvin," Galit akong tumingin kay Grant noong sinabi niya iyon. Binato naman siya ni Edvin ng tissue at minura. "Bakit? Wala akong maling sinabi!" Pagdepensa niya sa sarili niya.
"Anong wala?! Pinapaalis mo si Tayla tapos wala kang maling sinabi?!" Hinahampas-hampas siya nila Adaly.
"Ay, sorry! Huwag kang mag-overthink, Tayla!" Katulad kay Green, binawi rin ni Grant 'yong sinabi niya.
Pinangsingkitan ko siya ng mata, "Papaalisin niyo ako sa sarili kong business? Kung sa chat niyo na lang siya kausapin!"
"Hindi nga namin makausap ‘yan ng maayos kasi ang kukulit nilang tatlo! Busy pa palagi itong si Edvin kasi palagi kang kasama," Reklamo ni Adaly.
"So, kasalanan ko? Siya itong palaging nakabuntot sa akin!" Sumbong ko sa kaniya. Natawa naman sila Green sa sinabi ko pero pinisil lang ni Edvin ‘yong kamay ko kaya tumingin ako sa kaniya at tinaasan siya ng isang kilay. "Oh, bakit? Totoo naman ah!"
"Palagi kasing nag-aasaran 'yang tatlo. Inaasar ni Grant si Edvin na nahalikan ka raw ni Green kaya napipikon naman itong isa," Parang batang nagsusumbong si Feya.
"Bakit ka raw hinalikan ni Green?" Natatawang tanong ni Adaly.
Nakatingin lang ako kay Adaly habang pinag-uusapan ulit nila 'yong naghalikan kami ni Green. Parang wala lang sa kaniya na nangyari 'yon. Napansin ko rito sa kaibigan ko na hindi siya selosa katulad ng ibang tao riyan. Masyado siyang maintindihin kaya okay lang sa kaniya na mangyari 'yon. Well, may rason naman si Green kaya okay lang sa kaniya pero kung walang rason? Baka nang-away na 'yan.
"Dali na, Tayla! Saglit lang naman!" Pangungulit sa akin ni Adaly.
Tumingin ulit ako sa kaniya, pinagkrus ko ang braso ko sa dibdib at sumandal, "Pag-uusapan niyo lang ako! Alam kong ako na naman ang topic niyo."
"Pwede mo naman sabihin na ayaw mo lang humiwalay kay Edvin," Sabat ni Grant.
Tamo ‘to! Ganyan na ganyan din siya sa panaginip ko. Sasabat lang bigla pero mapang-asar ang sasabihin.
"Mahal," Napatingin ako kay Edvin, nginitian niya ako at tinanguan. Alam ko na kung anong gusto nito!
Napabuntong hinga ako at padabog na tumayo, "Fine," Labag sa kalooban na sabi ko sabay alis doon.
Monthly period ko ngayon kaya madali akong mainis ngayon. Ano ba kasing pag-uusapan nila at kailangan paalisin ako? Hindi ba nila alam na nag-iisip ako kung anong pag-uusapan nila? Masyado silang halata!
"Oh, bakit ka nandito, Ma'am?" Tanong sa akin ni Nikka nang pumwesto ako sa counter.
"Pinaalis ako roon kasi kakausapin daw nila si Edvin," Nakabusangot na sagot ko.
"Ano pong pag-uusapan nila?" Chismosang tanong niya.
"Malay ko! Ayan nga rin ang iniisip ko ngayon!"
"Nako!" Napatingin ako kay Cessy na dumating at tumabi sa gilid ko. "Alam kong nago-overthink ka na ngayon, Ma'am!"
"Kanina pa," Masungit na sabi ko.
"Magtiwala ka lang po sa kanila, Ma'am. Wala silang binabalak na masama ulit," Dagdag ni Nikka.
Tinulungan ko na lang sila rito at ako na nag pumwesto sa counter. Ako na nagtatanong kung anong order nila. Kaysa naman sa tumunganga ako edi tulungan ko na lang sila tutal ito rin ang ginagawa ko dati pa.
"Halika na," Yaya sa akin ni Edvin pero hindi ko siya pinansin. Busy ako sa pag-aayos dito sa counter. "Tapos na kaming mag-usap," Nilapitan niya ako at hinawakan niya ang braso ko pero hindi ko pa rin siya pinapansin.
Busy lang ako sa pagtatanong ng mga order nila samantalang nasa gilid ko lang si Edvin. "Doon ka na. Busy ako rito," Pagsusungit ko rito.
"Tapos na kam—"
"Hi, Miss. Pwede ba akong makahingi ng tissue?"
Hindi na natapos ni Edvin 'yong sasabihin niya kasi may lumapit sa amin na lalaki. Kumuha ako ng tissue at inabot ko sa lalaking humihingi, "Ano pa po kailangan nila?" Magalang na tanong ko.
"Pwede ko rin bang hingin iyong number mo?" Ay, wow. Bakit pakiramdam ko number talaga ang gusto niyang hingin at hindi ‘yong tissue?
Magsasalita na sana ako kaso bigla akong hinawakan ni Edvin, "Halika na sabi!" Galit na sabi niya at hinatak ako paalis doon.
"Kinakausap ko pa ‘yong lalaki!" Singhal ko sa kaniya at sinusubukan na alisin yung kamay niya pero hindi ko magawa.
"At ano? Bibigay mo yung number mo?" Binitawan niya lang ang kamay ko noong nakarating na kami sa table namin kanina. Nakatingin sa amin sila Feya pero inirapan ko lang si Edvin at padabog na umupo kung saan ako umupo kanina. Hindi ko siya sinagot.
"Anong nangyari?" Nagtatakang tanong ni Green.
"Niyaya ko na siyang pumunta rito pero may lalaking lumapit para humingi ng tissue tapos gusto pang hingin iyong number niya," Galit na kwento ni Edvin, nag-make face ako.
"Ah, seloso," Sabi naman ni Feya.
"Huwag mo akong simulan. Naaasar ako," Banta ko sa kaniya.
Tumahimik naman sila at tumabi lang si Edvin pero hindi siya nagsalita. Nakakainis kasi eh!
"Tayla, iyong pinag-usapan nami—"
"Wala akong pake," Masungit na sabi ko kay Adaly. Uminom lang ako ng tubig at kinain ulit iyong Graham De Leche ko. Kahit naman anong gawin ko, hindi nila sasabihin kung anong pinag-usapan nila.
Tahimik lang akong kumakain at nagmamasid sa kanilang lima. Nagdadaldalan na sila ngayon at nag-aasaran. Busy ako kumain pero pasulyap sulyap ako sa kanila. Yung tainga ko, nakikinig sa mga sinasabi nila.
Bigla akong napatingin kina Feya at Grant, papalit-palit ang tingin ko sa kanilang dalawa. Nakamasid lang ako sa kanila na tumatawa ngayon dahil sa pinagsasabi ni Edvin. Mukha kasing clown kaya pinagtatawanan siya. Charot!
Napatingin sa akin si Feya at pinangsingkitan ako ng mata, "Alam ko ‘yang tingin mo! Pine-pair mo kaming dalawa ni Grant, ha! May lovelife ako kaya huwag ako!"
"Sino? Saan?" Nagtatakang tanong ko pati sila Adaly napatingin sa aming dalawa.
"Sa panaginip," Natatawang sabi niya.
Umismid ako sa kaniya, "Geez... Nakakatakot ‘yang panaginip na ‘yan," Kinilabutan ako ha!
"May trauma na!" Natatawang sambit ni Adaly habang tinuro-turo ako.
Napailing na lang sina Grant at Green samantalang hinawakan ni Edvin ang kamay ko. Nakasimangot akong nakatingin sa kanila dahil sa pang-aasar nila sa akin. Nakakatakot naman talaga ang panaginip!
Lumapit sa akin si Edvin at niyakap ako patagilid, "Mahal kita," Malambing na sabi niya at hinalikan ang gilid ng ulo ko.
"Mahal din kita," Marupok kong sabi sa kaniya.
Sorry na! Hindi ko lang kayang hindi siya pansinin!
"Ang sweet. May label?" Pang-aasar ni Adaly.
"Gusto mong gantihan kita ng pang-aasar?" Panghahamon kong tanong sa kaniya at ngumisi.
Inirapan niya ako at sumandal siya sa balikat ni Green, "No thanks! Iuungkat mo lang 'yong halikan niyo ni Green," Nakasimangot na sabi niya.
"Well..." Mapanukso kong sabi sabay kagat sa labi.
"Tazanna." Napatingin ako kay Edvin dahil 'Tazanna' na ang tawag niya sa akin. "Really? Iisipin kong nagustuhan mo ang halik ni Green."
"Hindi ka mabiro!" Sabi ko sa kaniya. Sumandal ako sa balikat niya at hinawakan ang braso niyang nakalagay pa rin sa bewang ko. Sinusuyo ko siya ngayon!
"Mang-aasar ka pa ha!" Natatawang sabi ni Grant, inirapan ko lang siya.
"Selos na selos si Edvin sa akin dahil hinalikan kita, Tayla. Kung alam mo lang na susuntukin niya sana ako. Buti na lang naawat siya ni Grant," Napailing siya sa kwento niya.
Tumingin ako kay Edvin, para siyang batang nagmamaktol dahil nakanguso pa siya. "Kung naalala ko lang na sila pala ni Adaly, hindi kami aabot sa ganoon," Paliwanag ko. Alam kong kailangan kong magpaliwanag sa taong masyadong seloso.
"Sinabi ko rin naman kay Adaly pagkahatid ko sayo sa bahay niyo. Dumerecho agad ako roon at sinabi ko sa kaniya na hinalikan kita dahil gusto kong malaman mo kung ano ba talagang nararamdaman mo kay Edvin. Buti nga naalala mo na 'yong nangyari sa bar," Paliwanag ni Green.
Tumingin ako sa kaniya at tumango bago ako uminom ng tubig, "Napanginipan ko 'yong nangyari sa bar. Nag-inuman kasi kami nina mama kaya ayon... Naalala ko."
"Buti na lang nasa bahay ka kundi baka maaksidente ka ulit. Ang kulit mo kasi!" Gigil na sabi ni Feya.
"Chill!" Nilagay ko pa sa harapan yung kamay ko na parang pinapakalma siya. "Hindi ko alam kung anong naisip ko noong gabing iyon at nagmaneho ako pauwi sa bahay."
"Kaya sa susunod, babantayan na talaga kita kapag iinom ka ulit," Nginitian ko na lang si Edvin.
Nagplano silang lima na pumunta sa Balesin Island sa susunod na araw. Gusto nilang mag-relax daw kahit paano. Sabi ko nga titingnan ko pa kasi kailangan ako rito sa Rainbow Escape pero sabi nila bahala na raw sina mama rito. Pinagpaalam na pala nila ako!
"Para wala kayong trabaho. Ano bang mga trabaho niyo?" Nagtatakang tanong ko sa kanila.
"CEO ako," Mabilis na sagot ni Green.
"Secretary niya ako," Gulat akong napatingin kay Adaly. Secretary na pala siya ngayon? "Doon ko siya nakilala at kaya naging kami," Masayang sabi niya.
"Matagal na ba kayo?" Curious na tanong ko sa kanila.
"Secret," Walang kwentang sagot ni Adaly kaya binato ko siya ng tissue.
Secret pala ha! Tinawanan naman nila ako kasi ang pikon ko raw. Sinong hindi mapipikon kung ang ayos ng tanong ko tapos walang kwenta 'yong isasagot niya?!
Nilapit ni Edvin ang mukha niya at bumulong sa tainga ko, "Soon, mahal. Magiging tayo rin katulad nila. Magiging akin ka rin."