Azy’s POV
Napalunok ako sa nalaman kaya natahimik ako. Napansin niya ang naging reaksyon ko kaya natatawa siyang napailing-iling.
“Do you really want to know who I am? Kaya kong magpakilala mismo sa harapan mo.” Tinitigan niya na naman ako sa mga mata kaya kita ko na naman ’yon. “May kapalit nga lang.”
“Gusto kong malaman kung bakit ako nandirito at kung anong atraso ko sa ’yo,” matapang kong sagot kahit nakararamdam ako ng kaba.
Tumango-tango siya at hinarap ang mga tauhan. Nagtaka ako dahil lumapit sa akin ang dalawa. Nang malaman kong itatayo ako nito sa dartboard ay agad akong nagpumiglas pero anong silbi n’on dahil malalakas ang mga ito?
Nagwagi sila sa ginawa sa akin. Natutuwa na naman ang lalaki habang pinagmamasdan ako.
“Bawat kailangan mo sa akin ay may kapalit,” pahayag niya. “One question, one dart.”
Sa pagkasabing niyang ’yon, agad niyang tinanggal ang kaniyang maskara na nahulog pa sa sahig.
Nakita ko ang mukha niyang nakangisi sa akin. Ang mga mata ay maangas. Makapal ang kaniyang kilay na may maayos na ahit. Ang ilong niya ay matangos at mayroon siyang manipis na labing kulay rosas.
Perpekto ang mukha niya pero isa siyang demonyo.
Tumaas ang kanang kilay niya at itinabingi ng bahagya ang ulo. “Let’s start, woman. Ask me a question.”
Huminga ako nang malalim. Gusto ko talagang magtanong at malaman kung bakit ako nandirito. Naalala ko rin ang sinabi niyang papatayin niya lang ako kapag gusto niya kaya kapag bumato siya ng dart sa akin, alam kong hindi niya ipapatama.
“Anong atraso ko sa ’y—ah!”
Hindi ko pa nabubuo ang tanong ko, bumato na agad siya. Tumusok ang dart sa palad kong nakalapat, tumulo ang dugo roon. Halos makagat ko na ang labi ko sa sakit na nararamdaman.
“Your father is rich and owns a company but it went bankrupt dahil sa paglalaro niya ng casino. You’re father is a croupier. May utang ang tatay mo sa akin ng 2.2 billion na hindi man lang ako nagawang bayaran. Binigyan ko siya ng palugit pero tinakasan ako so I killed his wife and his youngest son. Ikaw na lang ang natitira, gusto mo rin ba?”
Hindi ko sinagot ang tanong niya.
“Paano ako napunta sa ospital na ’yon na walang katao-tao?”
“Nakalimutan mo bang binayad ka sa akin ng tatay mo bago siya mamatay?”
Natahimik agad ako sa sagot niya. Ayokong maniwala dahil baka nagsisinungaling lang ’to. Hindi magagawa sa akin ni tatay ’yon.
“E, hindi ako kuntento at hindi ko naman kailangan ng babae kaya kumuha ako ng tatlong buhay. Satisfied ka na ba?”
“Bakit ang dali lang sa ’yo pumatay ng tao?! Pamilya ko sila!” sigaw ko.
Muli akong napadaing nang bumato siya sa akin ng dalawang darts. Tumusok ang isa sa palad ko habang ang isa naman ay dumaplis sa aking pisngi. Dahan-dahang tumulo ang dugo pababa sa pisngi ko.
“Wala kang karapatang tanungin ako kung bakit ako pumapatay ng tao dahil papatay ako nang papatay hangga’t gusto ko!” malakas niyang sigaw sabay bato sa akin ng tatlong darts. Mukhang nagalit siya sa tanong kong ’yon.
Wala akong naramdamang panibagong mahapdi. Mukhang sinadya niyang hindi ako matamaan. Nanlilisik ang mga mata niyang nakatitig sa akin. Kinuha niya ang wine sa lamesa at umupo sa sofa. Sunod-sunod niya ’yong tinungga.
Anong nakagagalit sa tanong ko?
“Ako dapat ang magalit ng ganiyan,” hindi ko pagpapatalo. “Nasa masaya at kumpleto akong pamilya pero ninakaw mo ’yon sa akin. Wala ka ring karapatang pumatay ng tao dahil lamang sa utang!” Tumulo ang mga luha ko nang isumbat ko ’yon sa kaniya. “Graduating ako this year! Proud ang pamilya ko sa akin at lahat kami ay excited pero nawala ’yon nang dahil sa ’yo!” Naiyukom ko ang aking mga kamao kahit masakit. “Ngayong wala na ang pamilya ko, ano pang ginagawa ko rito? Just kill me! You can kill me anytime you want. You fucking heartless, moron!
Natuptop ang aking dila nang tutukan niya agad ako ng baril. Malamig ang kaniyang emosyon at handa nang galawin ang gatilyo para patayin ako.
“Say it again, woman. I will kill you now,” he ordered.
Hindi ako nakapagsalita. Napalunok ako ng ilang beses at nakaramdam ng takot.
“Say it again. Are you scared?”
Binaba niya ang baril at naglakad papalapit sa akin. Hinawakan niya nang mahigpit ang panga ko at itiningala para matitigan niya ako sa mga mata.
“For me, you’re nothing, nobody and useless. Kaya kitang patayin na walang permiso galing sa ’yo. Kaya kitang patayin kapag pumasok sa isip ko so don’t dare me, woman. You’re just my toy!”
Nilihis ko ang mukha ko para matanggal ang pagkakahawak niya sa panga ko. Napangisi siya sa naging kilos ko. Natutuwa siyang iniwan ako rito sa kwarto. Sumunod sa kaniya ang mga tauhan niya palabas. Ako lang mag-isa ang naiwan.
Tumulo ang mga luha ko. Humagulgol ako nang humagulgol dahil sa nalaman ko ngayon. Hindi naman ako mapupunta sa kamay ng lalaking ’yon kung hindi ako ibebenta ng tatay ko. Wala akong ideya kung paano ako napunta sa ospital kaya sigurado akong pinatulog muna nila ako para maipasok doon. Basta gulat at nagising na lang ako na nandoroon na ako at ito ako ngayon, lumalaban para sa buhay ko. Naguguluhan kung dapat na bang mamatay o titiisin lahat ng pahirap sa akin dito.
Wala namang kailangan sa akin ang lalaking ’yon. Bakit hindi niya pa ako patayin?!
Tanging hikbi ko lang ang maririnig sa kwarto. Tuluyan na akong nawalan ng pag-asa dahil wala namang tutulong sa akin dito.
Ilang minuto ang lumipas may kumuha na sa akin. Dinala ako nito sa sala at pinaupo sa sofa. Nakaupo rin si Cyprus pero nakaharap siya sa librong binabasa niya.
Hindi niya ako papapuntahin dito ng walang dahilan hanggang mapatingin ako sa telebisyon na balita ang nasa screen.
“Isang fourth year college student ang na-hit and run sa mismong harap ng eskwelahan...”
Nakita ko agad ang picture ng kaibigan kong nagmensahe sa akin noong nakaraang araw kaya hinarap ko agad si Cyprus.
“P-Pinatay mo ang kaibigan ko?” Umaapaw na naman ang galit ko sa puso.
Kalmado siyang tumingin sa balita bago ako harapin. “Iyan pala ang mukha ng babaeng tawag nang tawag sa ’yo.” Napatango-tango pa siya. “Baka kasi mangialam kaya pinapatay ko na agad.”
Sa sobrang galit ko, hinawakan ko ang vase at binato sa kaniya.
“Fuck you!”
Sapul siya sa gilid ng kaniyang noo. Tumulo ang dugo sa kaniyang mukha. Sabay-sabay na nag-angat ng baril ang kaniyang mga tauhan na nakatutok agad sa akin.
Umaapaw ang galit sa mga mata ni Cyprus hanggang maramdaman kong sakal-sakal niya na ako.