Maraming nangyari sa mga sumunod na araw dahil buong week ang celebration ng Intramurals.
Noong Monday, pagkatapos akong makausap ng nurse ay pinayagan na rin n'ya akong lumabas nang maayos ang mga tests na ginawa sa akin. Maghapon tuloy akong bantay-sarado nina Sky at Harper o di kaya ay nina Kaydee at Mavi. 
Noong Tuesday naman ay may laban ng badminton at basketball pero hindi ako nakanood.
"Bawal," sabi ni Mavi nang maramdamang susunod ako sa kan'ya.
"Dali na, please. Lalayo ako sa court, promise!," pagpupumilit ko pa pero sa huli ay hindi pa rin s'ya pumayag.
Naiwan tuloy kami ni Sky sa classroom. Bilang pampalubag-loob ay binigyan ako ni Mavi ng ice cream.
Noong Wednesday naman ginanap ang Mr. and Ms. Intramurals, kasama na rin ang iba pang contests. Wala naman kami masyadong bet sa mga kasali sa Mr. and Ms. Intramurals kaya bored lang kaming nanood.
Kahapon naman ay wala kami masyadong ginawa dahil hindi ako familiar sa mga sports na nilaro kahapon. Wala rin naman akong choice kundi mag-stay sa room dahil hindi ko mapipilit si Mavi na pasamahin ako sa kanila.
At ngayong Friday naman magaganap ang closing ceremony.
"Baka naman pati sa mga palaro mamaya, hindi mo pa rin ako pasalihin ha!," nagtatampong sabi ko kay Mavi.
"Talagang hindi," sagot n'ya kaya sinamaan ko s'ya ng tingin. Narinig ko namang natawa s'ya sa reaksyon ko.
"Joke. Sige na nga, gawin mo kung anong gusto mo," parang bata ako na tuwang tuwa nang pinayagan na n'ya ako sumali mamaya. Nagpaalam ako nang matanaw sina Sky at Harper sa may di kalayuan.
"Wow, good morning naman sa'yo, sis. Agang aga napakaganda ng ngiti natin d'yan ah," pang-aasar na bati ni Sky nang makalapit ako.
"Hoy hindi ha!," pagdedepensa ko saka lumayo ang tingin.
"Bakit ka ba kasi super kung makapag-smile d'yan," nakangiting tanong ni Harper habang tinutusok pa ang bewan ko.
"Kasi pinayagan ako ni Mavi na maglaro mamaya," proud na sabi ko pa. Nakita ko silang nagtinginan saka sabay na ngumisi.
"Ikaw ha! Jowa mo ba si Andrei?," tanong ni Sky na obviously ay may kasamang pang-aasar.
"Jowa agad?!," tanong ko. Bakit naman jowa agad?! Hindi ba pwedeng concerned citizen lang? Or concerned na kaibigan.
"Syempre sabi n'ya pakiramdam n'ya ay kasalanan n'ya nung natamaan ako ng bola last Monday kaya nag-aalala rin siguro s'ya. Gan'on," pagdedepensa ko.
Inasar lang nila ako nang inasar na baka raw may secret relationship kami or may gusto ako kay Mavi, at kung ano-ano pa. Tumigil lang sila nang makasalubong namin si Kaydee at Mavi na kanina pa ata kaming hinahanap.
"Ayan na pala kayo, tara na. Magsisimula na ata yung mga palaro," sabi ni Kaydee saka n'ya hinila si Sky.
Hinila rin naman ako ni Mavi kaya sumunod na lang din ako.
"Sige guys, okay lang naman ako," pagpaparinig ni Harper kaya napalingon kami sa kan'ya. Hinila ko na lang din s'ya.
Nang makarating kami sa venue ng palaro ay nakaramdam ako ng excitement. By section ata ang mga palaro at may guide kaming dapat sundin, syempre may scorer din.
"Hello! First of all, welcome! Let me introduce myself first. I am Ate Kyla and I will guide you today and I will be your scorer for today," masiglang bati ng isang babae na sa tingin ko ay nasa fourth year na.
"So basically, parang ang gagawin lang natin dito ay parang team building pero mayroon kayong iba't ibang laro na lalaruin. Ready na ba kayo?," agad namang nagsigawan ang mga kaklase ko. 
Nagform kami ng groups at kasama ko sa grupo si Kaydee at Sky. Nasa kabilang grupo naman si Harper at Mavi.
"For the first game, ang gagawin n'yo lang ay sack race. This game requires 5 players. Ang unang player ang unang magsusuot ng sako at tatalon hanggang sa makaikot sa mark na nasa unahan. Tsaka nila ipapasa ang sako sa sumunod na player, hanggang sa makarating tayo sa 5th player. Malinaw po ba?," pagpapaliwanag ni Ate Kyla.
Namili na kami ng mga players at sumali kami ni Kaydee. Si Sky naman ay tamang cheer lang sa gilid. Sa kabilang team ay kasali rin si Harper at Mavi. Ako ang 5th player namin, gayundin si Mavi sa team nila. Nang makita n'ya akong nakatingin sa gawi nila ay nginitian n'ya ako.
Hindi ko alam kung bakit pero napangiti rin ako. Hindi ko inexpect na darating ang araw na ngingiti rin ako sa mga lalaki.
Pinagsawalang bahala ko na ang mga naiisip ko saka nagfocus sa laro. Magkakaroon ng additional points ang team na mauuna.
Nang tumunog na ang pito ni Ate Kyla ay nagsimula na ang mga pang-unang player. Hindi magkanda-mayaw ang mga kaklase ko sa pagsigaw at pag-cheer. Mabilis ang sa team namin at kami ang nauuna hanggang sa ipasa na ang sako sa third player na si Kaydee.
Medyo bumagal ang pagtalon ni Kaydee dahil medyo madulas ang sahig. Naunahan tuloy kami ng kabilang team. Nagmamadali ang 4th player namin dahil patapos na ang 4th player ng kabilang team.
Maya-maya ay halos maabutan na n'ya ang kabila. Sabay kaming nagsuot ng sako ni Mavi pero nagmamadali s'ya kaya nagmadali rin ako sa pagtalon hanggang sa mapadaan ako sa madulas na part ng sahig.
Napaupo ako pero hindi naman ako nasaktan. Nakita kong nagulat si Mavi. Pero mas nagulat ako nang makitang tinanggal n'ya ang sako n'ya saka lumapit sa akin para tulungan ako sa pagtayo.
Nang masiguradong okay na ako ay tinanguan n'ya ako saka s'ya bumalik sa sako n'ya at nagsimula muling tumalon.
Gan'on din ang ginawa ko pero sa huli ay si Mavi pa rin ang mas mabilis.
"Okay lang 'yan, bawi tayo next game!," pagpapagaan ng loob ng mga team mates namin.
"Okay ka lang ba, Reign?," nag-aalalang tanong ni Mavi sa akin, hindi ko napansin na lumapit pala sila ni Harper sa amin.
"Oo naman, baliw ka! Bumalik na muna kayo sa team mates n'yo," nakangiting sabi ko.
"Huwag mo na akong pag-alalahanin, Reign," kalmadong sabi n'ya saka bumalik sa mga ka-team mates n'ya. Ako naman ay napatulala na lang dahil nagulat sa sinabi n'ya.
Siya? Nag-aalala? Sa akin? 
Hindi makuha ng utak ko ang mga ideya na 'yon, iniisip kung paano at bakit nagkaroon ng isang tao na nag-aalala sa kalagayan ko.
"Huy, iniisip mo ba yung kanina? Okay lang 'yon, ano ka ba," sabi ni Kaydee saka tinapik ang balikat ko. Sunod-sunod din naman ang pagsasabi ng "Okay lang 'yon" ng mga team mates namin.
Sa sumunod na laro ay hindi muna ako sumali dahil saka ko na lang naramdaman ang pananakit ng paa ko.
"Oh," napansin kong may nakatayo sa tapat ko at may hawak s'yang water bottle. Agad ko itong kinuha at nagpasalamat.
Maya-maya ay lumuhod si Mavi sa tapat ko kaya nagulat ako. Agad n'yang inabot ang paa ko at sinuri ito.
Napangiwi ako nang maramdamang ang hapdi nito dahil may sugat pala.
"Bakit ba kasi napaka-careless mo," rinig kong bulong pa n'ya habang nilalagyan ako ng band aid. Kung ano ano pa ang pagrereklamong sinasabi n'ya habang ako ay tumatawa lamang.
Kung ano ano pa ang mga larong nilaro namin. Sa ilan ay sumali ako, at sa iba ay hindi. Sa huli ay team namin ang nanalo kaya binigyan kami ng mga premyo.
"So ano na ang balak natin ngayon?," tanong sa amin ni Sky nang matapos kaming magligpit ng mga gamit.
Tiningnan ko ang oras sa cellphone ko at nakitang maaga pa. Early dismissed din kami ngayon dahil sa mga events na naganap sa buong week. 
"Uuwi na siguro ako, kailangan ko pa rin mag-edit ng pictures na ginamit sa intramurals," sabi ko sa kanila. Inabot na rin sa akin ni Kaydee at Mavi ang memory card para sa pictures na kinuha nila.
Nakita ko naman ang pagsimangot ni Sky at Harper.
"Ano ba 'yan, akala ko pa naman makakapag-bonding tayo," sabi pa ni Sky.
"Tara na lang kaya kila Reign na bahay?," suhestyon ni Kaydee na sinang-ayunan naman nilang lahat.
Sa huli ay wala na rin akong magawa dahil pinipilit na nila ako, sino ba naman ako para tumanggi. Isa pa, baka sabihan nila akong KJ kapag hindi ako pumayag.
Bago umuwi ay dumaan kami sa supermarket na malapit sa paradahan para bumili ng mga makakain at maluluto. Gagawa rin daw si Harper ng bread rolls para sa aming lahat kaya bumili s'ya ng mga kailangan.
Puno ng tawanan at ingay nilang lahat ang jeep na nasakyan namin. Hindi naman naiinis ang ibang pasahero dahil nakikitawa rin sila sa amin.
"Para po!," sigaw ko nang matanaw na malapit na kami sa subdivision namin. Agad kaming nagsipag-babaan nang tumigil ang jeep.
Habang naglalakad ay hindi pa rin maawat ang bibig ni Sky sa pagkukwento. Kausap niya si Kaydee at in fairness, hindi sila nag-aaway ngayon. Si Harper naman ay nakasunod sa kanila at nakikinig sa kwentuhan nila. 
"Tahimik mo ata?," bulong ni Mavi kaya sinamaan ko s'ya ng tingin. Maya-maya ay natanaw ko na ang bahay namin kaya dali-dali ako para pagbuksan sila ng gate.
"Si Tita?," tanong ni Sky.
Nilingon ko s'ya habang naglalabas ng pitsel ng tubig at mga baso, "Mamayang mga bandang 6:00 or 7:00 pa uuwi si Mama e"
Nang maabutan sila ng mga baso na may tubig, nagpaalam akong aakyat muna sa kwarto para magbihis at kumuha ng laptop.
"Omg, seryoso ba 'to? Nagdadala ako ng lalaki sa bahay?," tanong ko sa sarili ko habang nakaharap sa salamin.
"Pero kaibigan ko naman sila, wala namang masama d'on 'di ba?," pagpapatuloy ko sa monologue ko.
"Aaah!," inis kong sabi habang ginugulo ang buhok ko. Iniisip kung bakit ba kinokontra ako ng sarili ko sa idea na magkaroon ng kaibigang lalaki.
Nalilito rin ako madalas sa sarili ko eh, minsan ay parang may part sa akin na ayaw maging masaya knowing na nagkaroon ako ng lalaking kaibigan. Parang yung part sa akin na 'yon ay gustong kamuhian ko na lang lahat ng lalaking makikilala ko.
"Reeeign?," napatayo ako nang marinig ko ang boses ni Harper mula sa ibaba.
"Wait!," sigaw ko pabalik.
Agad akong nagbihis saka kinuha ang laptop ko para makapagsimula na sa page-edit.
Nang makababa ako ay nakita kong naggagayat na ng ingredients si Kaydee samantalang naghuhugas ng kamay si Harper at Sky. Si Mavi naman ay casual na nakatayo sa gilid at pinanonood ang mga kaibigan namin.
Nilingon din agad ako ni Harper saka ako nginitian.
"Sorry, nauna na kaming kumuha ng mga gamit. Hehe," nahihiyang sabi ni Harper saka tumulong kay Kaydee na maghiwa ng mga gagamitin.
"Ang tagal mo kasi ih!," reklamo ni Sky.
Tinawanan ko lang s'ya at pinabayaan magluto doon. Nag-ayos na ako ng laptop at ipinatong 'yon sa dining table para doon mag-edit. Maya-maya ay naramdaman kong may umupo sa katabi ng upuan ko.
"What?," tanong ko, hindi inaalis ang tingin sa laptop ko.
"Tulungan kita," pagvovolunteer pa ni Mavi kaya nilingon ko s'ya.
"Ayaw"
Nakita kong sinamaan n'ya ako ng tingin. "Sila ang tulungan mo," pagpapatuloy ko pa.
"Ayoko, malaki na sila. Kaya na nila 'yon," rinig kong bulong pa n'ya kaya siniko ko s'ya.
Maya-maya naman ay tumayo na rin s'ya para tumulong d'on sa tatlo. Buti naman dahil gusto kong gumawa nang mapayapa.
Bukas na rin kasi kaagad ang deadline nito kaya kailangan kong madaliin eh.
Inilagay ko ang memory card na iniabot ni Kaydee sa akin kanina. Mula doon ay nagsimula akong mamili ng mga pictures saka nagbura ng mga hindi kailangan.
Ayaw ko rin naman kasing mag-edit ng sobrang daming pictures pero kaunti lang ang kailangan.
Nang makapili na ako ay may lagpas 25 na pictures akong naitira. Paano ba naman kasi, yung mga nakuhanan n'ya ay madalas blurred o kung hindi man ay walang kung ano man sa frame, basta nalang kumbaga.
Sabagay, hindi ko rin naman s'ya masisisi dahil basketball ang sport na na-assign sa kan'ya, malamang ay maha-hype s'ya at mas pagtutuunan ng pansin ang laro kaysa  pagkuha ng larawan.
May ilang pictures din akong nakita kung saan nand'on kaming lima, hindi ko 'yon binura. Pati ang picture nilang dalawa ni Mavi.
Nagpatuloy na lang ako sa page-edit ng mga natirang pictures mula kay Kaydee. Madadagdagan pa rin naman 'yon dahil I'm sure na madaming nakuhanan si Mavi.
Nasa kalagitnaan ako ng page-edit nang naramdaman kong may naglapag ng plato sa tapat ko, saka nakita si Harper na nakangiti sa akin. May lamang bread rolls ang plato na ibinigay n'ya.
I mouthed the word "Thank You" bago nagpatuloy muli sa page-edit.
Naririnig ko silang apat na nagtatalo-talo at maingay na nagtatawanan, nag-aagawan din sa mga bread rolls na ginawa nila.
"Akin na kasi 'yan! Kami nag-roll n'an ih!," rinig kong sigaw ni Sky kaya nilingon ko sila.
Si Kaydee ay tawa nang tawa habang itinataas pa lalo ang plato na may lamang bread rolls, si Harper naman ay tahimik na tumatawa at si Mavi ay tinutulungan si Kaydee na itaas pa ang plato.
Hindi ko na sila pinansin at nagpatuloy ulit. 
Matapos ang almost isang oras ay natapos ko ang pag-eedit ng kalahati sa gawa ni Kaydee kaya nagstretch muna ako.
Nakita ko namang naglapag si Mavi ng isang baso ng juice sa tapat ko. Nginitian n'ya ako saka nagpatuloy sa pagsasalin ng mga juice sa bawat baso.
Dahil gutom na rin ay kinain ko ang bread roll na iniwan nila sa akin kanina, medyo makunat na nga lang dahil mag-iisang oras na s'yang nakatengga d'on.
Nang matapos ay nagulat ako at halos masamid nang maglapag muli si Mavi ng isa na namang plato na may lamang french fries.
"Eat well," nakangiting sabi n'ya saka kinuha ang gamit ko na plato at dinala sa sink.
Saka ko lang napansin na si Sky at Kaydee ay tahimik na nagluluto samantalang naghuhugas ng mga plato si Harper. Napailing na lang ako dahil para akong may mga katulong na tagapag-luto at hugas ng plato.
Ang sunod ko namang ginawa ay inedit ang pictures na nakuhanan ni Mavi. Mamaya ko na itutuloy ang kalahati ng kay Kaydee dahil madami ang pictures na nakuhanan ni Mavi.
Pero nagulat ako, as in nagulat talaga, nang makita ko ang laman ng memory card na bigay ni Mavi.
"Mavi!," sigaw ko kaya dali-dali s'yang lumapit sa akin para itanong kung ano ang problema. Itinuro ko sa kan'ya ang screen.
"Ano yan!," tanong ko.
Paano ba naman kasi, puro pictures ko ang nand'on! Mga pictures ko bago ako matamaan ng bola noong nanonood kami sa court, mga stolen pictures ko sa gym, pati stolen picture ko habang tulog sa classroom.
Nakita kong napakamot s'ya sa ulo n'ya. 
"Ay, puro pala ikaw. Scroll mo lang 'yan, meron siguro d'yang mga 10 na matinong pictures," sabi n'ya saka tumakbo papunta sa kusina. 
Narinig ko pang inaasar s'ya nung tatlo. Sinunod ko ang sinabi n'ya at nagscroll para maghanap ng mapakikinabangang mga pictures. 
Mayroon nga. Pero hindi sampu, 8. 8! 8 na pictures ang matino pero almost 100 ang pictures na nasa memory card n'ya.
Napabuntong-hininga na lang ako saka nagpatuloy sa pag-eedit hanggang matapos ko ang pictures na nakuhanan n'ya.
Saka ko itinaas ang laptop ko sa kwarto dahil saka ko na itutuloy 'yon bago matulog, malapit na rin kasing umuwi si Mama.
Nang makababa ay nag-aya ako ng movie marathon pero hindi ko pinapansin si Mavi. Napakabaliw n'ya kasi, ang unti ng nakuhanang pictures kaya naiinis ako.
Natapos ang movie nang hindi ako umiimik, nakauwi si Mama at kumain kaming lahat sa hapunan nang hindi ko kinikibo si Mavi.
Hanggang sa magpaalam silang uuwi na dahil gabi na rin. Hinatid ko sila sa labas ng bahay at balak ko sana silang ihatid sa labas ng subdivision.
"Huwag na, madilim na tapos mag-isa ka pang babalik mamaya," pagpigil ni Mavi pero sinamaan ko lang s'ya ng tingin.
"Kaya nga, Reign! Kaya namin sarili namin, okay? Message ka namin kapag nakauwi na kami," mahinhing sabi ni Harper na sinang-ayunan nilang lahat.
Wala akong choice kundi magpaalam na sa kanila. Papasok na sana ako nang marinig ko si Mavi.
"Wait, una na kayo. Saglit lang ako," rinig kong sabi n'ya kay Kaydee. Tinanguan s'ya ni Kaydee saka s'ya umakbay kay Sky kaya nag-away na naman sila sa daan.
Nilingon ko si Mavi na nasa harap ko ngayon, pinagtaasan ko s'ya ng kilay.
"Galit ka ba?," tanong n'ya.
Gusto ko s'yang sagutin ng "Obvious ba?" pero hindi ko pa rin s'ya kinibo.
"Sorry," rinig kong bulong n'ya. 
"Hindi ko rin alam bakit ikaw yung kinukuhanan ko ng pictures eh, pero babawi ako sa susunod. Dadamihan ko na ang pictures sa susunod, promise!," nakangiting sabi n'ya.
Napatulala ako dahil hindi ko alam ang irereact ko. Pero sa huli ay nahawa ako sa ngiti n'ya kaya ginulo niya ang buhok ko.
"Bye!," nakangiting sabi n'ya saka tumalikod para sumunod d'on sa tatlo.
Tinanaw ko s'ya bago ako pumasok at hindi ko inaasahan na titigil s'ya sa kalagitnaan para lumingon at kumaway sa akin.
Pagpasok ko ay isang tanong ang bumalot sa isip ko... bakit nga ba ako nakangiti?