➡️ **JOED'S POINT OF VIEW ** 🌷🌷
"Kanina ka pa ba rito?" Tinig ni Tiara mula sa loob ng kanilang bahay.
"Half hour."
"Talaga ng ganoon katagal?"
"Ayaw mo makipagkita sa akin eh dahil ba sa ginawa kong paghalik sa iyo?"
"H-ha?"
"Pasensya na, kung naghihintay ka ng paliwanag ko puwes huwag kang umasa dahil sa totoo lang wala akong maipapaliwanag sa iyo."
"O-okay lang...uhm, sabi ni dad pumasok ka muna sa loob para makapaghapunan."
"Sinabihan nga ako pero tumanggi na lang ako."
"Bakit?"
"Baka napipilitan lang."
"May galit ka ba sa daddy ko?"
"Wala 'no!"
"Kung ganoon bakit ganyan ka?"
"Siya dapat tanungin mo...may galit ba ang daddy mo sa akin? Simula pa noong unang pagkakaibigan natin palagi niya akong ipinagtatabuyan pero ngayon aayain niya ako sa loob kahit alam niyang nasa loob din si Jim."
"Paano mo nalaman?"
"Sinabi ni Auntie Loren."
"Nasaan siya?"
"Lumabas may dalang bag."
"Umalis siya?"
"Denepensahan kaagad niyang hindi siya aalis may kikitain lang daw siyang kaibigan."
"Mamaya mo na lang ayusin 'yan pumasok ka na sa loob."
"Aayusin ko na para kung sakaling pahiyain ako ng dad mo makakauwi kaagad ako." Sumalampak ito sa kalsada. "Anong ginagawa mo?"
"Binabantayan ka."
Natawa ako, "Para kang sira pumasok ka na hayaan mo na lang ako rito."
"Hihintayin kita."
"Pero baka hintayin ka nila."
"Tingin ko mamaya pa nila ako hahanapin."
"Sige ikaw ang bahala."
"Ano nga pala sinabi ni Kelsey noong makitang..."
"Tinanong niya ako kung may relasyon na ba tayo."
"Dapat sinabi mo ang totoo."
"Nagsabi naman ako ng totoo."
"Mabuti, bakit kasi hindi mo na lang siya balikan? Palagay ko mahal ka pa rin niya."
"Iba na kasi nasa puso ko."
Napakamot ito sa sintido, "Kaya nga lang ay hindi ka mahal di ba?"
"Balang-araw magmamahal ako ng taong mahal ako."
"Kaya huwag ka ng magpakatanga kay Shine."
"Alam ko."
Kung alam mo lang Tiara kung gaano ako naguguluhan sa nararamdaman ko sa pagitan niyo ni Shine.
Nagsinungaling ako sa kaniya na hindi lamang half hour ako nandito. Simula pa noong uwian at sinundan ko sila ni Jim pero bago pa makauwi ang dalawa ay nakita ko si Auntie Loren na papaalis sinabi nitong may kikitain siyang kaibigan pero labis itong nag-aalala kaya kung maaari ay hintayin ko ang daddy ni Tiara para makita ako at makapasok sa loob ng bahay. Mayroon daw gustong sabihin daddy nito kung may pagkakataon.
Matapos kong maayos ay nakangiti itong tumayo.
"Mayroon bike race sa susunod na linggo sasali ka ba?"
"Oo, kami ni Dom."
"Gusto mo ba ayain ko si Shine na lumabas kami sa araw na 'yon para hindi mo siya makita?"
"Para kang tanga bakit mo gagawin 'yon?"
"Baka mawala ka sa focus."
"Ah, gaya noong nanalo si Dom at ako ang pang second place lang ganoon?"
"Magpapakatotoo ako, oo ganoon nga."
"Mananalo ako titiyakin ko sa iyo."
"Gusto mo pa yata makipagpustahan."
"Puwede, ipupusta kong kapag ako ay nanalo iiwan mo si Jim."
"Joed naman eh..."
"Bakit?"
"Wala naman ganyanan."
"Takot ka dahil baka magalit ako?"
"Aba, syempre!"
"Takot ka rin mawala sa huwad mong boyfriend." Mahinang sabi ko.
"Ano?"
"Pumasok na kayong dalawa nakaluto na ng hapunan." Tawag ni tita sa amin.
"Ipasok mo na ang bisikleta." Utos ni Tiara pero tinulungan din akong magbuhat.
"So, kilala niyo na ang isa't-isa di ba?" Usisa ni tita ng naghahapunan na kami.
"Yes po." Jim.
"Opo," Tugon ko.
"Ang akala ko talaga ay si Joed ang boyfriend mo pero hindi ko lubos akalain na sa kabila ng pagiging playboy ni Jim ay pinatawad mo pa rin siya." Tutok ni tita kay Tiara.
"Ganoon po talaga ang love kahit gaano siya kasama o hindi perfect matatanggap mo dahil sa nararamdaman." Komento ni Tiara sabay hawak sa kamay ng boyfriend.
"By the way since nandito ang lahat gusto ko sana ipaalam sa inyo na may business trip ako next week." Simula ni tito.
"Saan? Sasama ako?" Tita.
"Sorry, sweetheart maiiwan ka baka mapagod ka at makasama sa baby."
Sabay-sabay kaming nalingon tatlo maliban kay tita.
"B-buntis ka?" Tiara.
"Congratulations po, tito and tita." Jim.
"Uhm, congrats." Maikling wika ko. Pero si tito nga ba talaga ang tatay ng ipinagbubuntis niya?
"Pansamantala ikaw muna bahala sa tita mo Tiara dahil medyo maselan ang ipinagbubuntis niya."
She nodded lang at nakatitig na sa pagkain. Alam kong hindi ito masaya sa balita pero mas may sasakit pa kung pati itong nalalaman ko ay malaman niya.
"Sweetheart, tingin ko naglilihi ako."
"Talaga? Ano ba gusto mong kainin?"
"Wala, ang gusto ko lang makita palagi si Jim."
Nabahala ako sa magiging reaksyon ni Tiara pero parang naging bato ito sa kinauupuan na tila walang naririnig sa usapan.
"Naku, Jim mukhang pinaglilihian ka ng tita mo."
"Haha, ang guwapong bata siguro niya kung naging lalake." Tawang-tawa si Jim sa sinabi ni tito.
"Ayos lang ba Jim kung dito ka na lang mag-online class?" Pakiusap ni tita.
"Nakakahiya po baka maabala ko pa kayo."
"Sweetheart, ano sa palagay mo?"
"Wala naman akong magagawa eh pinaglilihian mo si Jim." Hindi mawala ang ngiti ni tito.
"Tiara?"
"Ano po 'yon tita?"
"Ayos lang ba hiramin ko muna ang boyfriend mo?"
Umiwas ito ng tingin, "Uhm, sige po."
"Okay lang ba talaga? Kung ayaw mo ay sabihin mo lang." Nakahawak ito sa tiyan.
"Anak, pagbigyan mo na ang tita mo ganoon talaga ang mga buntis. Naalala ko tuloy ang mommy mo noong ipinagbubuntis ka, palagi niya pinahahanap sa akin ang cartoon character na si Aurora."
"Kaya naman pala sobrang ganda ng anak niyo sa disney princess siya pinaglihi." Komento ni Jim.
"Wala naman po problema sa akin 'yon." Pero sa mukha ni Tiara alam kong napipilitan lang.
"Tito," sabat ko sa usapan. Lahat sila ay lumingon. "Next week mayroon bike race ipapaalam ko sana si Tiara."
"Hmm...walang kaso sa akin."
"Salamat po." Buong ngiti ko.
"Pero isama niyo si Jim."
"Sweetheart, hayaan mo na si Tiara." Apela ni tita.
"Ay, oo nga pala...hmmm...sige ipapasama ko na lang si Loren."
"I'll take care of her, katulad pa rin ng dati." Apela ko rin.
"Hmm, bueno ikaw na bahala sa anak ko." Lumingon ito kay tita dahil ngiting-ngiti nakatingin kay Jim. Muli kami nagkatinginan dahil na pansin nitong nakita ko rin ang reaksyon ng asawa niya. Tumikhim siya bago magpaalam para magbihis.
NAKATAPOS kami sa hapunan. Bumalik si Tiara sa kaniyang kuwarto dahil may kukunin ito sa kuwarto ng kaniyang dad.
"Hindi mo talaga mabitaw-bitawan ang girlfriend ko." Maangas na sabi ni Jim.
"Kinakabahan ka ba?" Patol ko.
"Bakit ko naman dapat maramdaman 'yon? Tiwala akong hindi ka magugustuhan ng girlfriend ko."
"Paano ka nakasisigurado?"
"Dahil kaibigan ka lang."
"Maraming pagkakaibigan ang napunta sa pag-iibigan, huwag ka pasisiguro Jim."
"Sa akala mo papayag ako na mangyari 'yon?"
Namulsa ako at humarap dito, "Kung makaasta ka akala mo wala kang ginagawang masama. Tell me, ganiyan na ba talaga kakapal ang mukha mo para sabihin sa akin ang bagay na 'yan?"
"Ano ba pinagsasabi mo?"
"Tsk, kung magsisinungaling ka sa harapan ko sana galingan mo naman pag-arte, masyado mo akong naiinis."
Bahagya itong nagbago ang reaksyon ng mukha.
"Paano mo nalaman?"
"Si Tiara lang bulag sa kabahuan mo pero ako hinding-hindi mo maloloko," Lumapit ako at tinitigan ito ng masama. "Mamili ka, hihiwalayan mo siya o ako mismo magsasabi sa kaniya na ang boyfriend niyang pinagmamalaki ay may kalokohan na namang ginawa."
Alam kong pikon na pikon siya pero dahil ayaw niyang magkagulo ay lumayas ito na hindi man lang lumilingon.
"Saan pupunta si Jim?" Kaagad nagbago ang hitsura ng mukha ko dahil sumulpot kaagad si Tiara.
"Ewan, mukhang gusto ng umuwi."
"Inaway mo na naman."
"Wala akong ginagawang masama."
"Hmm, tara."
"Saan?"
"Tumawag sina Reina labas daw tayo."
"Ipagpapaalam kita sa dad mo."
"Nagpaalam na ako, sayang umuwi kaagad si Jim isasama ko sana."
"Tara alis na tayo." Dedma ko sa sinabi nito.
HUMINTO kami sa isang mini stop dahil natanaw namin sina Shine, Dom, Reina, Dani, at ang kambal na sina Ariana, at Arciana.
"Iwan niyo muna rito sa mini stop ang bisikleta mo." Panimula ni Reina.
"Saan ba tayo pupunta?" Usisa ko.
"May event ngayon si mama gusto kong ma-experience niyo manuod ng mga minemake-upan na model."
➡️STUDIO
May mapalalake at babae na minemake-upan ng mama ni Reina kaya pala mahusay ito sa make-up dahil may pinagmanahan.
"Joed," siko ni Shine. "Kumusta ka na? Hindi na kita gaano nakikita pagpasok at uwian."
"Kailangan kong gawin para mabilis makamove-on."
"P-pasensya na."
"Wala ka dapat hingin ng paumanhin sa akin dahil ang totoo masaya naman talaga ako sa relasyon niyo ni Dominick."
"May sinabi si Kelsey."
"Ano?"
"Totoo ba hinalikan mo si Tiara?"
"Uhm..."
"Tingin ko kaya mo ginawa 'yon ay dahil may nararamdaman ka para sa kaniya."
"Hindi ko alam naguguluhan ako."
"Hindi naman puwede 'yong bigla mo siyang hahalikan na walang dahilan di ba?"
"Ewan ko ba..." napahawak ako sa batok. "Pati sarili ko naguguluhan sa sitwasyon."
"Bakit hindi mo subukan mahalin si Tiara?"
"Pero ikaw ang gusto ko."
"Alam ko Joed pero maling halikan ang isang kaibigan at wala kang maidahilan kung bakit mo nagawa ang bagay na 'yon. Pinaglalaruan mo ba si Tiara?"
"Hindi, hindi 'yan totoo!"
"Kung ganoon," nakasimangot itong nakahalukipkip papalapit sa puwesto ko, "Anong dahilan sabihin mo sa akin. Kilala kita alam kong gumagawa ka ng hakbang dahil may alam ka."
"Ah, ah, ah..." umiwas ako ng tingin dahil palapit ito nang palapit. "Mamaya ko sa iyo sasabihin ayokong marinig ng iba."
"Dom dom!" Tawag nito, "May bibilhin kaming snack ni Joed, may gusto ka ba?"
"Ikaw na bahala." Kumindat ito bago lapitan sina Reina. 
Nagulat ako dahil nakatingin pala si Tiara.
"May gusto ka ba?" Usisa ko rito.
"Busog pa ako." Sabay talikod at balik sa pinapanuod.
➡️ MINI STOP
"Totoo ba 'yang sinasabi mo?!"
"Oo."
"Pero paano nangyari 'yon??"
"Noong araw na tumawag sa akin ang daddy niya umiiyak ito dahil na tagpuan si Tiara sa banyo na nakahandusay at may lubid sa itaas. Sa palagay namin ay balak nitong magpatiwakal."
"Sa tingin mo bakit plinano ni Tiara na magpakamatay?"
"Wala akong ideya kung bakit at bakit hindi natuloy ang binabalak niya. Humingi ako ng tulong kay Caloy baka sakaling may mahanap siyang pruweba."
"...at may nahanap siya?"
"Mayroon,"
"Ano?"
"Ang kinakasama ng dad niya at si Jim may sikretong relasyon." Napatakip ito ng bibig. "Ayon kay Caloy isa sa kaklase namin na may common friends ni Jim at si Edmar nga 'yon. Kinausap ko si Edmar, sinabi nitong si tita nga ang babaeng palaging kasama nito noong pinakita ko ang picture."
"Haay, grabe, hindi ako makapaniwala pati ba naman matanda pinatulan ni Jim."
"Palaisipan pa rin sa akin kung ano ba talaga nangyari kay Tiara."
"Siguro dahil sa pagkabigla niya."
"May isa pa pala akong iniisip..."
"Ano?"
"Sinabi ni Hazel, bago raw maaksidente si Tiara umiiyak daw itong tumawag at sinabing may ibang lalake ang tita niya."
"Eh di iyon nga nalaman niyang may relasyon sina Jim at tita niya at pagkatapos nagbalak siyang magpakamatay dahil hindi niya matanggap!"
"Kilala ko si Tiara, hindi niya gagawin ang bagay na 'yon."
"Pero at least may clue na tayo kung bakit ganoon na lang siya nabigla sa nalaman niya. Kung babalik lang mga ala-ala ni Tiara baka sakaling malaman natin ang totoong pangyayari."
Napasandal ako, "Nag-aalala ako na baka mali ang iniisip ko at tama ang hinala ni Caloy na balak talaga niyang magpakamatay. Kasalanan ko ito kung hindi ko sana siya pinabayaan noon baka hindi mangyari ang ganitong bagay."
"Nauunawaan kita Joed kung kailangan mo ng tulong sabihan mo lang ako."
"Salamat, salamat Shine."
"Ayos na ba mga binili mo?"
"Oo, magbayad na tayo."
Nakapila na kami sa counter at ang sabi ko ay ako na magbabayad.
"Joed?" Paglingon ko ay si mommy may dalang basket.
"Mommy, pauwi ka pa lang ba?"
"Oo, dumaan lang ako rito dahil may lulutuin ako bukas," lumingon kay Shine, "Akala ko si Tiara kasama mo."
"Nasa studio si Tiara ng mama ni Reina mayroon lang kami binili ni Shine."
"Anong oras ka ba uuwi?"
"After siguro ng event." Papalayo ito pero sinundan ko, "Tulungan na kita, mommy."
"Ako nang bahala magbayad ka na." Kinuha kong pilit ang basket.
"Joed, ako na magbabayad nito." Sambit ni Shine dahil kami na ang magbabayad.
"Sige," kumapit ako kay mom, "Ang ganda ni Shine ano?"
Sumilip ito, "Oo maganda nga siya pero mas gusto ko si Tiara para sa iyo." Nakangising lumayo para kumuha ng mga grocery.
"Mom naman!" Habol ko rito.