Dinig kong may kumakatok sa pinto ng aking kuwarto. 
"Tiara, nandito na ang daddy mo at si Jim."
"Opo, tita."
Itinago ko sa drawer ang cellphone bago lumabas at sabayan si tita sa paglalakad.
"Ano ba plano mo kay Jim?"
"Po?"
"Makikipagbalikan ka ba?"
"Hmm..."
"Para sa akin ay mabait si Jim at mapagkakatiwalaan." I nodded lamang, "Handa ka niyang tulungan kung wala ka pa rin maalala."
"Sige po."
"Naiilang ka ba sa akin?"
"Po?"
"Nakakapanibago kasi ang ikinikilos mo simula nang mawalan ka ng ala-ala."
"Baka po dahil wala akong maalala sa mga pinagsamahan natin kaya po ganito. Pasensya na kung medyo disappointed ka sa inaasal ko."
"Wala 'yon, ang importante naman dito magkasundo tayo at gusto mo ako para sa daddy mo. Tutuparin ko ang nais mong ikasal kami bago matapos ang taong ito. Oo nga pala hindi mo maalalang sinabi mo 'yon pero at least may ideya kang close na close tayo."
"Ayan na pala sila..." boses ni daddy nang makababa kami. "Ready na ba kayo girls?
"Yes, sweetheart." Yapos ni tita sa braso ni dad.
"Oh, Tiara, alam mo na sigurong kasama natin si Jim, mainam at makapag-usap kayo ng masinsinan." 
"Opo, dad."
"Ako po ang magsasabay kay Tiara sa kotse susunod na lang po kami sa inyo." Bulaslas ni Jim.
"Okay, no problem basta magkita-kita tayo sa restaurant na pina reserved ko." Paalam ni dad nang palabas sila ni tita sa bahay.
"Kumusta?"
"Okay lang."
"Wala ka na ba nakalimutan sa gamit mo?"
"Wala na."
"Kung ganoon tara na." Akbay nito sa akin habang papalabas ng bahay. "Tumabi ka na sa akin ha?"
"Sige." Pinagbuksan ako ng kotse nang pinto.
"Kumusta ang pag-aaral mo? Balita ko ay tinutulungan ka ng mga kaklase mo para alalahanin lahat ng tungkol sa iyo. Alam mo makatutulong din kung palagi rin kita tatawagan ng sa ganoon maalala mo ang relasyon natin."
"Pero wala naman tayong relasyon." 
Pabalik-balik ito nang lingon sa puwesto ko, "Sino nagsabi sa iyo?"
"Isang kaibigan."
"Si Joed ba? Hmm...nag-cool off lang tayo pero hindi break. May hindi tayo pinagkasunduan kaya nakipagcool off ka sa akin pero hindi mo naman talaga 'yon gustong gawin."
"Siguro nga."
"Masyado lang over acting ang kaibigan mo sa relasyon natin."
"Hindi naman siguro...baka hindi ko lang sinasabi sa kaniya ang tungkol sa atin noon."
"Eh di mainam, magseselos kasi ako kung palagi mo ikukuwento sa kaniya ang relasyon natin. Gusto ko maging private ang relationship natin."
Tumango ako bilang pagsang-ayon.
➡️ RESTAURANT. Walang katao-tao maliban sa aming apat.
"Sweetheart, ang ganda mo talaga mag-set up ng date. Siguro nagpa reserved ka rin ng hotel para sa atin?"
"Paano mo nahulaan 'yon?" Ngiting-ngiti si dad halatang masaya ito.
"Feel ko lang, ganoon talaga kapag masyadong ma-effort."
"Naku, pinalalaki mo na naman ang ulo ko. Hayaan mo mamaya ibibigay ko sa iyo ang..." may binulong kay tita na siyang ikinangisi na tila nakikiliti. "Jim, ikaw na bahala maghatid kay Tiara sa bahay after natin magdinner."
"No problem, uncle."
"Sweetheart, punta lang ako sa comfort room." Paalam ni tita.
"Punta lang po ako sa counter gusto ko magrequest ng song." Paalam ni Jim.
"Okay na ba kayo ni Jim? Nagkabalikan na ba ulit kayo?" Usisa ni dad.
"Hindi naman po talaga kami nagbreak, nagpahinga lang."
"Eh kung ganoon may relasyon pa nga kayo."
"Opo, dad."
"May nakapagsabi sa akin hindi ka pa rin tinitigilan ni Joed sa pagsundo at hatid, baka magtampo si Jim."
"Magkaibigan lang po kami ni Joed, dad."
"Kahit magkaibigan kayo sana dumistansiya ka sa isang 'yon para hindi kayo magkalabuan ng boyfriend mo."
"Ginagawa lamang ni Joed kung ano ang papel niya bilang kaibigan sa akin."
Umiling habang naghihiwa ng steak, "Papel niyang suportahan ka sa lahat ng bagay ngunit hindi ang ginagawa dapat ng boyfriend mo. Sana nauunawaan mo ang ibig kong sabihin."
"Dad, hayaan mo na lang ako, please?"
"Seloso si Jim."
"Pero magkaibigan lang talaga kami ni Joed wala siya dapat ikaselos sa pagitan namin."
"Kung mahalaga sa iyo ang relasyon ninyo ni Jim, ikaw na mismo iiwas o didistansiya sa kaibigan mo. Isa pa, palagi na nga kayo magkasama sa school hindi ba puwede pagbigyan mo si Jim since dito lang kayo nagkikita sa bahay?"
I sigh, "Okay, dad masusunod."
"Sorry kung natagalan wala kasi silang maipatugtog na favorite ni Tiara." Sambit ni Jim.
"Huwag mo na alalahanin kumain ka na." Pakiusap ko rito dahil kanina pa ito hindi mapakali. Marahil gusto niya magpayabang sa akin.
"Sweetheart, tumawag ang secretary mo." Balik ni tita hawak ang cellphone at inabot kay dad.
"Excuse me, hay pasensya na anak kailangan ni dad magtrabaho kahit nasa date."
"Okay lang po dad." Senyas ko para kausapin ang nasa kabilang linya. Tumayo ito at lumayong bahagya.
"Kain ka lang nang kain, Jim." Nakangiting sabi ni tita.
"Salamat po."
"Nakakapag-online class ka pa ba?"
"Opo, tuwing gabi lang at sa umaga tumutulong ako sa opisina ni mommy."
"Naku, hindi ba nasagasaan ang online class mo ngayon?"
"Nagpaalam po ako sa tutor ko."
"Aba, mainam naman. Dapat pala ay nagtutor na lang din si Tiara para sa umaga masamahan ka niya sa opisina ng mom mo. Ano sa palagay mo, Tiara?"
Todo iling ako.
"Tita huwag mo po pilitin si Tiara baka mas gusto niya matuto sa mismong paaralan." Natatawang tanggol ni Jim.
"Kung sabagay, at baka mabagot ka lang sa bahay."
"Saka maganda pa rin 'yong marami ka makikilalang tao. Mararanasan kong gawin ang mga bagay na ginagawa sa school." Komento ko.
"Kahit na ako ay gusto ko rin ng ganoon pero dahil gusto ni dad na pagtuunan ko ng pansin ang company wala akong magagawa." Jim.
"Paano pala kung mag-asawa na kayo ni Tiara baka mawalan ka ng oras sa kaniya." Tita.
"Wala pa sa isip namin ikasal di ba Tiara?"
"Oo nga, ang babata pa namin tita para isipin ang bagay na 'yan."
"Eh di kung ganoon mag-iingat kayo marami na ngayon mang-aagaw ng boyfriend at girlfriend."
"Hindi po ako magpapa-agaw, tita."
"Ganoon din po ako." naghawak kamay kami nito para ipakitang solido ang pagsasama namin.
"Well, idolohin niyo ang daddy niyo pagdating sa pakikipagrelasyon."
"Anong pinag-uusapan niyo at bakit nadamay yata ako?" Balik ni dad na kapapatay lamang ng cellphone.
"Pinapayuhan ko sila na idolohin ka pagdating sa pakikipagrelasyon." tugon ni tita.
"Aba, sa lahat yata ng tao ako ang bukod tanging seryoso sa pakikipagrelasyon kaya tama ang payo ng tita niyo dapat stick to one lang."
Nakita ko si tita na tila biglang napainom ng tubig.
"Idolohin niyo rin ang tita niyo napaka sweet at maalaga kitang-kita naman di ba?"
"Sweet and caring, agree po ako riyan tito." Komento ni Jim.
"Di ba?" Dad.
"Ikaw ba Tiara sa palagay mo ba tama sinasabi ni Jim at dad mo na sweet at caring ako?" Bulaslas sa akin ni tita.
"O-opo, sweet at caring ka kay dad."
➡️ BAHAY. Sa kuwarto nakapatay na ang ilaw at handa nang matulog ng tumunog ang cellphone.
***Joed, gabing-gabi na. Bakit napatawag ka?*
***Tulog na ba ang daddy mo?*
***Siguro, bakit?*
***Lumabas ka ngayon.*
***Ngayon?*
***Oo.*
Madali akong lumabas ng bahay para hanapin sa labas ng gate si Joed. Nakasandal ito sa pader habang ang bisikleta nito ay nakatumba sa kalsada.
"Kanina pa kita tinatawagan pero hindi mo sinasagot."
"Iniwan ko sa bahay kanina dahil kumain kami sa labas."
"Kanina pa siguro 'yon."
"Mga dalawang oras na ang nakalipas."
"Ni hindi mo man lang sinilip ang cellphone mo."
"Sorry, naglinis muna kasi ako ng katawan at ginawa ang assignment natin, pero bakit nga ba?"
"Aayain sana kita mamasyal sa convention sayang."
"Sorry."
Itinaas ang paper bag, "Sa bakanteng lote natin ito kainin?" Kaagad akong tumango at sumakay sa bisikleta nito.
"Wala ka siguro magawa kanina pa ano?" Tanong ko matapos namin ayusin ang sapin at isa-isang nilapag ang mga pagkain.
"Bagot na bagot."
"Dapat tinawagan mo si Caloy."
"Nasa girlfriend niya ngayon 'yon!"
"Dapat yata mag-girlfriend ka na rin para hindi mo ako na iistorbo." Natigilan ako sa pagsubo ng pagkain, "I mean, kung sakaling hindi ako puwede 'yong girlfriend mo ang tatawagan mo."
"Istorbo na ba ako ngayon?"
"Hindi, hindi 'yon ang ibig kong sabihin."
"Kasasabi mo lang."
"Basta hindi ganoon ang ibig kong sabihin." He nodded, "Kumusta ang pakiramdam mo?"
"Ayos lang."
"Ang puso?"
"Masakit pa rin, kaya nga kailangan kita para may masabihan ako."
"Sige, sabihin mo lang."
"Masama na ba ako kung hinihiling kong sana dumating ang araw na maghiwalay sila?"
"Natural lang masaktan ka pero ang hindi okay ay 'yong hilingin mo ang hiwalayan ng nagmamahalan."
"Nakakainis!" Niyakap nito ang dalawang tuhod at yumuko, "Mahirap ba akong mahalin?"
"Hindi, malabong mahirap. Eh ikaw nga halos pagkaguluhan ng mga babae sa school natin."
"Pero ang gusto ko ay mahal din ako nang taong mahal ko."
"Pero hindi ganoon ang nangyari."
"Kaya nga naiinis ako, kung sino pa mahal ko 'yon ang hindi ako kayang mahalin."
"Baka may ibang babae para sa iyo."
"Sana dumating na 'yong babae para hindi na ako nasasaktan."
"Malabo pa yata 'yon. Dapat dumating ang babae kapag naka move on ka na kay Shine para walang problema di ba?"
"Kung sana ikaw na lang para wala na akong intindihin." 
Pareho kami nawalan ng kibo dahil sa huling sabi nito. Dahan-dahan itong lumapit sa puwesto ko at nang akmang magdidikit na ang labi namin ay kaagad akong tumayo hawak sa dibdib.
"Masyado nang gabi, mauna na ako sa iyo."
"Ihahatid na kita." Pinantayan ako sa pagkakatayo.
"Huwag na, malapit lang ang bahay kayang-kaya ko nang lakarin. S-sige, mag-iingat ka sa pag-uwi."
May halong kaba, at pag-aalalang lumayo ako sa kinaroroonan nito. Kakaiba ang dibdib ko ngayon, parang may kung anong drum na sobrang ingay at halos mabingi na ako. Hinihingal akong nakauwi nang bahay at humiga sa kama. Kahit anong puwesto nang higa hindi ko magawang makatulog. Shit, bakit ba? 
"Matulog ka na Tiara, huwag mo isipin 'yon. Nasa broken stage ang kaibigan mo natural lang siguro na kailangan niya na may makakaunawa sa kaniya. Tama, oo tama nga ganoon ang totoo."
Sumubsob ako sa unan at sumigaw para walang makarinig.
Tumunog ang cellphone ko dahil may nagtext.
***Tulog ka na ba, Tiara?* Jim.
***Hindi pa.*
***Siguro iniisip mo ako?*
***Haha*
***Bakit ba hindi ka pa natutulog?*
***Kumain kasi ako ulit nagpapababa lang nang kinain.*
Bakit totoo naman ah, kumain kami ni Joed kaya nagpapababa ako di ba?
***Maya-maya matulog ka na baka mahuli ka pa ng gising.*
***Sige, ikaw din matulog na.*
***Puwede ba ako tumawag?*
Magrereplay na sana ako nang tumatawag na ito.
"Magpopost ako sa Yesbook ng picture natin, ayos lang ba sa iyo kung i-tag kita?"
"Ikaw ang bahala."
"Salamat. Ahh, oo nga pala friends ba kayo ni Hazel sa Yesbook?"
"Si Hazel? Oo bakit?"
"Nag friend request kasi."
"Add mo if you want."
"Huwag na ayoko kasi magkaroon ng ibang friend maliban sa iyo."
"Ganoon?"
"Pero si Joed, I will accept his request."
"Nag-add din sa iyo?"
"Ngayon lang."
"Nag-Ye-Yesbook ka ngayon?"
"Oo, tingnan mo post ko."
Nagmadali akong sumilip sa laptop.
**Dinner date with my future wife.**
Kagat labi akong kinilig dahil ang guwapo niya sa picture namin.
"Bakit naman ganoon?" Natigilan ako sa pagngiti.
"Anong bakit?" Usisa ko.
"Bakit ang ganda-ganda ng girlfriend ko?"
"Syempre!"
"Hay, dapat pala nagkiss muna tayo bago naghiwalay."
"Hoy, bawal."
"Bawal?"
"Bawal magkiss?"
"Oo."
"Hay, kahit ngayong may amnesia ka ayaw mo pa rin magpahalik hehe."
"Talaga?"
"Oo kaya medyo nagdadamdam nga ako kapag umiiwas ka sa halik ko."
"Baka masyado lang ako..."
"Ayos lang, willing to wait sa masarap mong halik."
KAAGAD AKONG nagpaalam sa kabilang linya dahil gusto kong sumigaw sa kilig. Bago ako humiga ay binasa ko muna ang mga comment section. Bahagyang kumabog na naman ang puso ko dahil sa comment ni Joed.
***Future wife??**
Matapos kong mabasa nag-pop ang message ni Joed sa account ko pero nagpasa lamang ito ng emoji na okay at saka nag-log out.
***Matulog ka na my future wife** mensahe ni Jim.
***Sa iyo rin my future husband**
***Mahal kita, Tiara.**
Kaagad din napawi ang ngiti ko dahil sa huling chat nito.
Mahal daw niya ako. Mahal ako ni Jim. Ang sarap pala mahalin nakakagaan sa pakiramdam.
***Mahal din kita, Jim. Matulog ka na, sweet dreams.** 🌷🌷