Kairi's P.O.V
"YOUR future boyfriend."
Bwisit hindi ako pinatulog kaya pala kinuha niya cellphone ko kahapon, para lang ilagay phone number niya sa contacts ko. At kinuha ng palihim ang numero ko grabe rin ang galawan ng isang Drei Caspistrano.
Anong rason ng hudas na 'yon? Baka gusto ng ka-textmate o gusto lang guluhin ang mundo ko. Napabuntong hininga ako ng sobrang lalim at nandito na naman ang isip ko na ayaw magpapigil ng mag-isip ng kung ano-ano.
Inistorbo lang ako kagabi para sabihin na nakarating na siya sa bahay. Bakit tinatanong ko ba siya o sinabihan ko ba na i-update ako kung ano nangyayari sa kaniya? Argh!
Nandito kami ngayon sa may soccer field susubukan namin na gawin 'yong activity, kaso hindi pa kami nakakapagsimula paano wala pa 'yong isang famous sa university. Pa-special treatment talaga ang hudas na 'yon kahit kailan.
Maya-maya'y nakita namin na naglalakad papunta sa aming direksyon nakashades at nakajacket. Ano na naman pakulo niya? Acceptable 'yong naka-jacket kasi medyo malamig ang panahon, pero ang nakashades nasaan ang hustisya makulimlim ang panahon tsk. At talagang may engrandeng entrance pa na nalalaman parang actor lang sa pelikula na may nakakasilaw na liwanag habang nags-slow na naglalakad.
Pero infairness sa outfit niya na black jacket, white t-shirt, black pants at black shoes ang tindi ng appeal. No wonder marami na naman higad na nagkalat.
Hindi pa siya nakakalahati sa paglalakad papunta sa pwesto namin, sumasakit na tenga ko kakatili ng mga bwisit na malalantod. Bagay sa kanila 'yong kanta ni Vice Ganda na "Higad Girl."
Nang malapit na siya sa amin agad kong piningot ang kaniyang tainga. Nanggagalaiti ako sa inis hindi dahil sa mga malalantod na fan girls niya, kung hindi sa pangingialam ng phone ko.
"Ouch! What's that for?" Inalis niya ang kaniyang shades at hinimas ang kaniyang tainga na piningot ko.
"Bwisit ka! Talagang pambawi ko 'yan sa'yo dahil sa pangingialam mo sa cellphone ko. Kaya pala kinuha mo kahapon may gagawin kang kalokohan!" pagtataray na sabi ko. Pinapanood lang kami ng iba namin kasama.
Ang iba na nakakakita sa amin kinikilig dahil para kaming magkasintahan na naglalambingan. Pero ang totoo walang kami, nasa open field ang kinaroroonan namin kaya maraming estudyante sa paligid.
"Well, nagustuhan mo? Lumang style na kasi 'yong magpapaalam para makuha number, 'yong ginawa ko 'yon ang uso na-surprise ka 'di ba?" Humahagikgik siyang tumawa.
"Surprise my ass." Inirapan ko siya at tinalikuran.
"Ok guys, tutal kompleto na tayo start na?" Tumango kaming lahat.
"Ganito ang scene, ikaw Kairi ang unang papasok pagmamasdan mo ang mga nahuhulog na snow. Ang emotion dito sinasabayan mo ang dahan-dahan pagbagsak gets?" Tumingin sa akin si beki na agad naman akong tumango.
"Alright! Let's try handa na ba ang props pati ilaw?" Tinignan ko kung nakahanda na at sa nakita ko naka-ready na.
"Iyong focus ng video cam dapat nasa long shot para kuha ng buo 'yong scene," sabi ko ulit na inayos na ang pagkakalagay.
"Ok, 1 2 3 camera action," sambit na sabi ni beki.
Kunwari akong naglalakad sa isang malawak na lupain, kung saan makikita ang bawat pagbagsak ng snow. Tumingala ako at nagpaikot-ikot hinahayaan kong bumagsak ang snow papunta sa aking mukha. Habang ginagawa ko ang scene na 'yon nasa gilid ko lang ang props kung saan nagsisilbi na parang snow, ang alam ko yari sa kinaskas na styrofoam. Ang ilaw din importante kasi medyo madilim ang panahon para hindi malabo ang video. Gano'n ang scene ng narinig ko nag-cut si beki.
Lumapit ako kay beki at pinanood ang kinuhanan niyang video. Hindi ako masyado satisfied may konting technical problem lang.
"Suggest ko dapat sa una huwag mo muna iclose-up ang mukha ko, kapag nag-start na saka ako tumingala ro'n mo simulan na medium shot para kita ang anggulo ng mukha, then kapag nagpaikot-ikot ako na nakapikit saka mo na gamitan nang close-up shot para kuha ang expression ng mukha." Nakatingin lang si beki sa video cam habang patango-tango sa sinasabi ko.
"Ok, ulitin natin ulit pasensya na guys." Tinapik ko lang siya sa balikat at ngumiti.
Inulit namin ang scene sinunod nila lahat ng suggestion ko, then nung natapos pinanood namin nakuha rin sa wakas ang nais naming mangyari. Next is another scene wala akong idea so pinakinggan ko siya.
"Next scene," malanding pagkasabi niya. Confirm beki nga napatawa lang kami.
"Second scene, habang paikot-ikot si Kairi papasok ka Drei at yayakap sa kaniya patalikod, then haharap si Kairi sa'yo hahawakan mo siya sa mukha at magtititingan kayong dalawa gets ba?" malanding paliwanag niya na may pahawak-hawak pa sa braso ni Drei.
Sayang 'tong si beki g'wapo naman at maganda rin ang katawan. Hindi mo nga mapaghahalataan na bakla dahil kilos lalaki. Kahit sa pananamit pormahang macho 'yon nga lang sablay kapag nagsalita. Mas malandi pa nga sa babae ang boses kung magsalita.
"Ok, let's do it!" Agad na umalis at lumapit sa akin. Nairita siguro sa ginawa sa kaniya ni beki.
"1 2 3 camera action," wika ni beki. Agad namin sinimulan ang scene.
Gaya nang sinabi ni beki ginawa namin ang scene, nagpaikot-ikot ako ng hindi masyadong mabilis habang nakapikit, dinadama ko kunwari ang snow. Naramdaman kong yumakap sa akin si Drei patalikod inaamin ko naningas ang katawan ko, parang may kuryente na dumaloy sa buong katawan ko pero hindi ko pinahalata school activity 'to kaya dapat pagtuunan ng pansin. Dahan-dahan akong humarap sa kaniya at hinawakan niya mukha ko, nagtitigan kami ito 'yong time na nakita namin nang malapitan ang mukha ng isa't isa. Hindi namin alam kung bakit nadadala kami sa scene kahit palabas lang 'to. Ang ganda ng kulay bughaw niyang mata kasing bughaw ng dagat. Para kang hinihigop palapit sa kaniya, parang nangungusap ang titig ng kaniyang mata. Pareho na pala kaming hindi kumukurap kung hindi kami tinapik ni beki na tapos na, hindi kami matatauhan sobrang lapit na pala mga mukha namin.
"Hoy! Awat na!" Rinig namin na sabi ng tatlo kaya napabitaw na kami.
Heto na naman ang mabilis na kabog sa dibdib ko. Napaayos ako ng tindig at pinakalma ang sarili, gano'n din ang ginawa ni Drei hindi lang makatingin sa akin ng diretso. Nagkatalikuran kami bigla dahil parehong nag-iinit mga pisngi namin.
Tinignan namin ang paligid at marami na palang nanonood sa amin, lalo na ang mga fan girls ni Drei. Masama ang tingin sa akin tsk, hindi ako malantod ginagawa lang namin para sa major subject.
"Beks, tignan ko nga 'yong kinuhanan mo." Lumapit ako at pinanood namin, ok naman hindi na kailagan ng take two. Ibinaling ko na lang sa iba ang attention para mabawasan ang tensiyon. Napabaling na rin ang tingin sa akin ni Drei ng marinig niya ang sinabi ko. Pinukol din niya ang tingin sa video na kinuhanan kanina.
"Itong part na 'to hindi masyado maganda ang pagkuha pwede natin ulitin?" Singit ni Drei at lahat kami napatingin sa kaniya.
"Seriously Drei? Gusto mo batukan kita!" Tinaasan ko siya ng kilay.
"Nagbabakasakali lang baka makalusot." Pilit na ngiti ang binigay niya sa akin.
"Para-paraan ka lang Drei, akala mo makakalusot ka kay Kairi na isang amazona." Mahinang bulong ng isa naming kasama pero narinig ko naman. Pinandilatan ko 'to ng mata na agad naman niyang tinampal ang bibig.
"Last scene naman magpagulong-gulong kayong dalawa." Napatingin kami ni Drei sa isa't isa.
"What? Paano namin gagawin ang magpagulong-gulong?" Nakakunot noo tanong ko.
"You heard it right Kairi magpagulong-gulong kayong dalawa. After niyo maghiwalay sa pagtitigan sabay kayo hihiga tapos bahagyang babangon si Drei, titingin siya sa'yo at magtitigan saglit, then yayakap si Drei at magpagulong-gulong na kayo." Tumingin ako kay Drei na nakacross arm lang siya at relax na relax.
"Basta 'yong scene na napapanood niyo sa movie kapareho lang 'yan," wika niya at inayos na ang video cam.
"Last scene, in 1 2 3 camera action!" malakas na pagkasabi ni beki.
Ginawa namin ni Drei ang eksena naghiwalay kami sa pagtitigan sabay kami humiga ng dahan-dahan. Ilang minuto rin na gano'n ang posisyon namin. Then bumangon siya bahagya, lumapit siya sa akin hinawakan ako sa beywang nagkatitigan ulit kami ng ilang minuto tapos nagpagulong. Isang gulong lang ang ginawa namin dahil huminto bigla si Drei at narinig ko napashit siya.
"Cut direct!" Mabilis siya tumayo at inalalayan niya ako patayo.
"Hindi pa tapos Drei! Bakit mo pinutol?" naiinis na wika ni beki. Pati ang ibang kasamahan namin sumimangot.
Nagulat ako ng bigla niya hinubad ang kaniyang jacket. Akala ko nagalit dahil sa inasta ng ibang kasamahan namin, 'yon pala inalis niya para ibalabal sa aking beywang.
"Naka-dress siya hindi pwede na magpagulong-gulong kami, kaya pinutol ko ang eksena sensya na." Paghingi niya ng paumanhin. Agad naman tinapik siya sa balikat ng mga kateam namin.
Nakadress nga ako that day hindi ko kasi alam na may ganyang eksena, kung sana alam ko nagsuot ako ng pants.
"Ok, take two ulit tayo." Pagsenyas ni beki may pagkumpas kumpas pa ng kaniyang kamay.
Pero bago namin gawin ang last scene lumapit sa akin si Drei at may binulong.
"Ayokong may namboboso sa'yo baka makapatay ako."