ABALANG nag aayos ng gamit si Samantha dahil ilang oras nalang ay darating na ang kanilang professor sa Anatomy. Isa ito sa pinaka gusto niyang subject dahil talagang napag-aaralan nila ang bawat bahagi ng tao.
Napalingon siya ng biglang may tumabi sa kanya. Ganon nalang ang gulat niya ng makita kung sino iyon. Walang iba kung hindi si Jared. 
Kumunot ang noo niya. Bakit nasa klase niya ito? Hindi ba at sabi ni Jessica ay senior niya ito? Tinitgan niya ito. Gwapo talaga ito kahit saang anggulo.
"Alam kong napaka gwapo ko pero huwag mo akong pagkatitigan baka matunaw ako." Sambit nito at lumingon sa kanya at ngumiti.
Napasimangot siya. 'Mayabang talaga ang loko.' Sambit niya sa kanyang sarili. Hindi niya ito pinansin sa halip ay ipinagpatuloy niya ang pag aayos ng gamit.
Kumatok ito sa harap ng desk niya. "Hindi mo ba ako natatandaan?" Tanong nito. Tinuro pa nito ang pisngi nito. "Ako yung sinampal mo noong nakaraang gabi."
"Kung inaasahan mong hihingi ako ng tawag sayo ay nagkakamali ka. You don't deserve my apology." Sambit niya ng hindi pa rin lumilingon dito.
"Base sa sinabi mo ay feeling natatandaan mo na ako and by the way I'm not asking for your apology. I'm just curious about kung bakit ang isang istudyanteng katulad mo ay nag tatrabaho sa isang bar." Sabi pa nito. "By the way, my name is Jared Del Fuego. Your classmate in Anatomy." Inilahad nito ang kamay sa harap niya. Ngunit tinitigan niya lang iyon. Nagpatuloy pa rin siya sa pag aayos ng gamit niya. Classmate niya pala ito kaya pala nasa klase nito. 
"Ganyan ka ba talaga? Alam mo dapat matuto kang maging nice pag may nagpakilala sayo? Dapat magpakilala ka din."
"Magpapakilala lang ako kung interesado ako sa nagpapakilala sa akin." Sabi niya habang hindi pa rin niya ito nililingon. 
"You're really bad for my ego. Don't you think that you're too harsh to me? Sinagip kita kay Joshua." Paalala nito sa kanya. 
"At sa tingin mo ay magiging mabait ako sayo dahil sa ginawa mo? Ikaw ang dahilan kung bakit hindi ako nabayaran ng gabing iyon. Kung tutuusin ay may atraso ka sa akin dahil sa mga sinabi mo nang gabing iyon." Hinarap niya ito. "Kaya kung ako sayo lubayan mo nalang ako, kung ayaw mo na masampal muli."
Naiinis talaga siya sa mga taong katulad nito. Mayabang at babaero. Ang akala niya ay hindi niya na ito makikita pa dahil never naman nag krus ang mga landas nila sa loob ng apat na taon sa school na iyon. Pero sa gulat niya ay nakita niya ito kahapon na may kahalikang babae sa may hallway ng school nila. At ang mas nakakainis pa ay parang wala itong pakialam kung may makakita sa kanila. Para bang pinagmamalaki pa nito na kaya nitong makipag halikan sa kahit saang lugar. Lalo tuloy nadadagan ang inis niya rito. At ngayon ay kaklase pa pala niya ito. Paano siya magiging payapa?
"Jared, anong ginagawa mo rito? Hindi ba ayaw mo ng subject na ito?" Tanong ng dumating. Si Dylan pala iyon. Ang masugid na manliligaw ni Georgina. 
Matagal na itong nanliligaw kay Georgina, pero lagi naman itong basted. Ewan niya ba kung bakit nagtitiis pa rin itong manligaw eh halata namang walang paki si Georgina dito. Samantalang kung tutuusin ay gwapo rin naman ito at marami itong mapapaibig kung gugustohin lang nito.
Hindi niya alam na magkakilala ang dalawang ito. Ngayon niya lang napatunayan na napakaliit pala talaga ng mundo.
"Nagkaroon ako ng dahilan para pumasok sa subject na ito kaya wag kang istorbo dyan." Sagot lang ni Jared dito.
"Oh! Hi! Samantha, kamusta si Georgina my love?" 
Pero sa halip na sumagot ay tinanguan laman niya ito. Wala siyang balak kausapin ang sinuman sa dalawang ito. 
Maya maya ay pumasok na ang kanilang professor kaya hindi na niya inintindi ang dalawang katabi. Ngunit habang busy siya sa pakikinig ng discussion ay may kumatok sa desk niya at nakita niyang may nakatuping papel sa ibabaw niyon. Kinuha niya iyon at binasa. 
'Let's have lunch together. My treat.'
'Jared'
Bumuntong hininga siya at nilamukos ang papel. Wala siyang panahon rito. Bumalik siya sa pakikinig sa professor. Ngunit mga ilang minuto palang ang nakakaraan ng may kumatok muli sa desk niya. At may nakita na naman siyang papel na nakatupi sa ibabaw niyon. Inis na tiningnan niya si Jared. Pero sa halip na matakot ay nakangiti lang itong tumingin sa kanya at iniwestra na basahin niya ang papel. 
Inis na dinampot niya iyon at binasa.
'It's my way of saying sorry from what I've said to you the other night'
Nakasaad doon. Nilamukos niya ulit ang papel na iyon. At naghanap ng maaring malipatan na upuan, dahil sa tingin niya ay hindi talaga siya nito titigilan. 
Pero wala siyang makitang bakanteng upuan. Na lalo niyang ikinainis dahil ang ibig sabihin noon ay wala siyang choice kung hindi mag tyaga sa tabi ng ugok na si Jared.
Wala siyang choice kung hindi makinig muli sa discussion at ituon ang atensyon doon. Nagpasya siyang hindi na niya papansin ito kahit ilang katok pa ang gawin nito sa desk niya. Ilang pang katok ang narinig niya pero hindi na niya iyon pinansin pa. Nag concentraite nalang siya sa pakikinig. Bahala ito sa buhay nito. 
Naramdaman niyang bahagyang lumapit sa kanya si Jared. It makes her uneasy pero hindi niya iyon ipinahalata.
"You are very rude don't you think so?" Bahagya siyang nagulat ng maramdaman niya ang hininga nito malapit sa tainga niya. Dahilan iyon upang bigla siyang mapalingon rito. Pero agad din naman niya iyong pinagsisihan. Nanigas ang buong katawan niya at sa pakiramdam niya ay nag init ang buong mukha niya.
Dahil nahalikan niya ito!