APPARENTLY her world becomes more colorful when one opportunity has knocked on her door. It was an invitation from a talent manager who has been managing talented aspiring artist to become a famous superstar.
"Good day, Ellie! My name is Mrs. Herrera, a talent manager from RTV, I'm here 'cause, I am inviting you to have a workshop with us as a talent artist. So, would you like to take a few minutes just to discuss you the other information about our management?" Sandaling napalingon si Ellie kay Miss Glenda na kasalukuyang kausap niya. Pero ang hindi niya alam ay ini-refer siya nito kay Mrs. Herrera dahil nakita pala nito sa kaniyang information na gusto niya rin maging artista.
"Take your time, Ellie," sabi pa ni Miss Glenda. Bahagya naman siyang napangiti at saka napasunod kay Mrs. Herrera.
At matapos mai-discuss ni Mrs. Herrera ang tungkol sa history ng RTV ay saka niya ito prangkang tinanong, "Mawalang galang na po, Mrs. Herrera, pero, bakit po sa dinami-rami ng mga kapwa ko contestant ay ako po ang naimbitahan ninyo?"
"Ellie, Miss Glenda referred you to us, and we are glad to see your strength and looking forward with you to be our future artist." Hindi siya makapaniwala sa narinig kung kaya't napaawang lamang ang kaniyang labi. Walang kahit anong salita ang gustong lumabas sa bibig niya sa kabila ng sayang nararamdaman. "So, are you interested?"
"Siyempre po, sobra!" maluha-luhang aniya. "Matagal ko na pong pangarap na maging isang artista kaya gagawin ko po ang lahat ng aking makakaya para matupad 'yon." Para sa kaniya ay isang malaking opportunity iyon lalo pa't kilala sa buong bansa ang TV network na lumalapit sa kaniya.
"Well, goodluck to you, Ellie. See you on next week. Thanks for your time," nakangiting wika pa nito.
"Thank you rin po!" masayang pagtugon niya.
Nang balikan niya si Miss Glenda upang magpasalamat ay sakto namang tapos na ang rehearsal. Hindi niya namalayan ang mabilis na pagtakbo ng oras nang sandaling kausap niya si Mrs. Herrera. Tanging si Kiara at ang ibang mga kapwa contestants ang naroon.
"Kia, may itinuro bang bago si Miss Glenda?" pagbungad niya rito na ikinalingon nito sa kaniya.
"O, Ellie, ahm, wala naman na. Nag-advice na lang siya at nagbigay ng mga tips para sa magiging laban natin." Nang marinig niya 'yon ay naging doble ang kaba niya, bukod kasi sa nalalapit na pageant day ay ang oportunidad na ayaw niyang palampasin. "O, bakit natahimik ka? Saan ka ba kasi nanggaling?"
Sandali siyang napabuntong hininga bago pa man kuhanin ang mga gamit habang sumasagot sa kaibigan, "Nakausap ko 'yung talent manager ng RTV," tipid at klarong aniya.
Subalit hindi niya inaasahan ang magiging reaksyon ni Kiara. "Omg! RTV? So it means, may chance na maging artista ka?" Malakas ang pagkakasabi nito kung kaya't hindi maiwasang pagtinginan sila ng ilang kapwa contestant. At ang hindi maiwasang pagtaas ng kilay ng isa sa matindi niyang katunggali, bali-balitang ito ang pride ng Maynila at madalas din na manalo sa mga kompetisyon, si Lanie Fernandez.
"Tama ba ang narinig ko? Kinukuha kang artista ng RTV? Hindi ba't napaka-imposible naman yata no'n?" Boses iyon ni Lanie na nagpalingon sa kaniya rito. Para sa kaniya ay isa iyong insulto pero pinili niya pa ring hindi ito patulan.
At napataas din ang kilay ni Kiara dahil sa pagsali nito sa usapan. Pero si Ellie ay nanatili pa ring kalmado. "Wala pa namang assurance na ma-a-absorb ako ro'n, isa pa lang naman iyong invitation para sa workshop."
"Well, ako na ang nagsasabi sa'yo na hindi madali ang maging artista, marami kang butas ng karayom na pagdadaanan bago mo maabot 'yon." Matapos sabihin iyon ni Lanie ay pinasadahan pa siya nito ng tingin mula ulo hanggang talampakan. "And look at you, 'di hamak naman na mas karapat-dapat akong maging artista kaysa sa'yo, sa kutis pa lang ay talo ka na," pang-iinsulto pa nito na nagpaawang ng labi niya. Aaminin niyang nakakabawas ng confidence ang sinabi nito sa kaniya.
Subalit hindi niya inaasahan ang pagtatanggol na gagawin sa kaniya ni Kiara, "Excuse me, don't you dare to compare yourself with Ellie dahil maputi ka lang, si Ellie, black beauty and brain. Saka bakit mo ba iniinsulto ang kaibigan ko? Inggit ka, 'no? Well, mahirap 'yan. Walang gamot sa sakit na inggitera!" Nakita nilang dalawa ang pagtaas ng kilay nito na tila p'wede silang sugurin sa loob lamang ng ilang segundo.
Pero sa halip na sumagot pa ito ay napapadyak na lamang ito sa inis at napasigaw sa kawalan, "Ah!"
Pagkaalis lamang ni Lanie ay hindi maiwasang mapatanong ni Ellie sa kaniyang kaibigan, "Kia, bakit mo pa ba ginawa 'yon? Baka lalo lang akong pag-initan no'n, e."
"Aba, subukan lang niya. Saka natural lang na ipagtanggol kita dahil kaibigan kita, Ellie. At naniniwala ako sa kakayahan mo, balang araw ay kikinang ka na parang isang bituin," nakangiting sabi pa nito na hindi naiwasang magpalabas ng kaniyang ngiti.
"Alam mo, Kia, salamat, ah. Ikaw lang talaga ang hindi ako itinuturing na katunggali rito. Kahit dito lang tayo nagkakilala ay isa kang mabuting kaibigan para sa akin at nagpapasalamat ako ro'n. 'Wag kang mag-alala, kapag dumating ang araw na 'yon ay hinding-hindi kita malilimutan."
"Aba'y dapat lang!" sabi pa nito at saka sila nagtawanan.
Nang dumating ang pageant night ay todo dasal si Ellie sa sarili. Ito kasi ang pinakamalaki at pinakaprestihiyosong pageant na sasalihan niya. Abala ang lahat sa paghahanda at ramdam ang magkahalong saya't kaba. Lalong-lalo na si Ellie na first time lumaban sa ganitong klaseng pageant.
"Ellie, sis, good luck sa atin!" sabi iyon ni Kiara kung kaya't sinalubong niya ito ng yakap.
"Salamat, Kia, good luck talaga sa atin. Para sa akin ay isang achievement na ang maging isang kandidata at lumaban para sa pride ng Quezon Province," nakangiting sabi niya nang harapin ang kaibigan.
"Gano'n din ako, ang importante ay na-i-representa ko ang pride ng Bulacan!"
At sandaling natigil ang kanilang usapan nang sumingit na naman dito si Lanie, "Well, umpisahan n'yo nang kabahan dahil nasa harap n'yo na ang kokoronahan bilang Mutya ng Pilipinas, twenty twenty. No other than, Lanie Fernandez," mataas na kompiyansa pa nito sa sarili kung kaya't napataas na naman ang kilay ni Kiara.
"Hoy, 'wag kang magyabang na akala mo ay makukuha mo ang loob ng mga hurado. Tandaan mo na hindi lang basta-basta ang kompetisyon na 'to para insultuhin mo ang mga contestants na kagaya namin," pangangatwiran dito ni Kiara na sinang-ayunan naman ni Ellie.
At sa unang pagkakataon ay nagkaroon siya nang lakas ng loob para harapin ito at sabihing, "Tama si Kiara, sumusobra ka na kasi, Lanie. Alam mo, mabuti pa at mag-focus ka na lang sa kompetisyon hindi 'yung inaatupag mong mang-insulto sa amin." Hindi nakasagot si Lanie sa sinabi niya, bagama't malakas ang loob nito dahil mismong sa bayan nito ginanap ang venue ng kompetisyon, sa Maynila.
Nag-umpisa na ang kompetisyon at isa-isa na silang rumampa sa stage at nagpakilala. Apatnapung kandidata mula sa iba't ibang panig ng bansa ang naglaban-laban. Kung kaya't magkakaibang lenggwahe at kultura ang kanilang nakasanayan. "Magandang gabi sa inyong lahat. Ako po si Ellie Hermosa, twenty years old, ang pride ng Quezon Province!" Malakas na hiyawan at palakpakan ang kaniyang natanggap mula sa kaniyang mga kababayan sa Quezon na nagpunta roon upang ipakita ang suporta sa kaniya, lalong-lalo na ang kaniyang ina, na nag-iisa niya na lamang kasama sa buhay, simula nang magkaroon din ng sariling pamilya ang kaniyang nakatatandang kapatid.
Hanggang sa kinilala na ang top ten candidates na lalaban para sa final round. "And now, as the decision of our judges, tonight. We would happy to inform you that we are finalizing the result according to the performance and character of our lovely candidates." Nanatiling tahimik ang lahat at hinihintay ang susunod na sasabihin ng emcee, "Let us introduce you our top ten, from the city of Batangas, Ms. Kylene De Vera, candidate number five." Malakas na palakpakan at hiyawan muli ang nangibabaw sa gitna ng kompetisyon. Hanggang sa i-announce na ng emcee ang natitirang top five kung kaya't doble na ang kaba ni Ellie ng mga sandaling iyon. Pero parang tumigil ang mundo niya nang sandaling marinig ang kaniyang pangalan. "And our lucky candidate who got on the fifth spot, congratulations, from Quezon Province, Ms. Ellie Hermosa, candidate number eight." Malakas ulit na palakpakan at hiyawan ang nangibabaw. Humalik pa sa kaniyang pisngi si Kiara na hindi pa rin natatawag sa mga oras na 'yon.
Kung kaya't pasimple silang nagbulungan sa isa't isa. "Apat na lang, Ellie at hindi na ako umaasa na matatawag pa," pasimpleng bulong nito sa kaniya.
"Ano ka ba, Kia, 'wag kang mawalan ng pag-asa, magaling ka." Sandaling napangiti si Kiara bago niya pa man ito iwan upang magpunta sa puwesto ng top ten finalists.
Hanggang sa hindi inaasahan ni Kiara na matatawag siya sa third spot habang si Lanie naman ang sa second spot, at ang kinilala sa first spot ay si Ms. Janine Suarez ng Pasig City.
Sa final round ay sadyang ipinakita ni Ellie ang kaniyang best answer para sa question and answer portion. Na hindi inaasahan ng mga judges ang kaniyang angking katalinuhan. Hanggang sa pinalad siyang makapasok sa top three kung saan ay naroon sina Lanie at Janine. Hanggang sa i-announce na ang nanalo at sa pagkakataon na 'yon ay hindi mawala ang kaba sa kaniyang dibdib ng dalawa na lamang sila ni Janine Suarez ang natira sa stage. "Our Mutya ng Pilipinas twenty twenty, congratulations-- the crown is yours, Ms. Janine Suarez of Pasig City!" Napayakap sila sa isa't isa ni Janine.
Subalit nagkukubli ang panghihinayang sa kaniyang sarili.
"Still proud of you, Ellie!" sabi iyon sa kaniya ni Kiara.
"Salamat, Kia. Proud din ako sa'yo dahil nakapasok ka sa top ten." Marahil ay hindi pa iyon ang tamang oras para sa kaniyang pangarap. Pero masaya pa rin siya na nakarating siya sa final round at naging first runner up ng Mutya ng Pilipinas.
Pero hindi pa nagtatapos ang lahat para kay Ellie, dahil lingid sa kaniyang kaalaman ay may fandom na siyang nabuo simula nang sumali siya sa pageant na 'yon. At isang paghanga ang nabuo sa katauhan ni Ronnie Juanson na naging isa sa mga audience ng gabing iyon, para sa kaniya ay bukod tangi ang kagandahan ni Ellie na napakahirap abutin.
Pero sino kaya ang lalaking ito? At ano ang magiging papel nito sa buhay ni Ellie?