HAILA'S POV
            Sinadya kong ipalaman ang toothpaste sa bread ng alaga ko.Gigil ako e.Para bang gustong gusto kong gumanti.Kumukulo ang dugo ko pag nararamdaman ko ang presensya nya.Alam kong masama ako sa lagay na yun pero gusto ko matauhan na sya.Nawawalan kasi sya ng respeto sa babaeng tulad ko.
Naglaba muna ako ng mga damit ng alaga ko pati na rin ang mga tuwalya at bedsheet.Medyo natagalan ako sa paglalaba kasi isiningit ko pa ang pagdidilig ng halaman.Kawawa naman ang mga halaman na itinanim ko kung diko didiligin.Ang ganda tuloy tignan ang mga namulaklak na.Pagkatapos kong maglaba at lahat na ng gawain ay sakto naman na tanghalian na.Hindi ko na pa tinawag ang alaga ko dahil kusa na syang bumaba.Dahil siguro sa gutom,hindi ko kasi pinalitan ang meryenda na hinatid ko sa kanya sa sobrang busy ko.Nakabusangot syang humarap sa mesa,buti na lamang at hindi sya sinita ni Sir Russel.Tahimik nalang ako na pinagsilbihan sya.Wala ako sa mood ngayon para makipagbangayan sa demonyo na to ngayon.Napansin ko din na napakaseryoso ng awra nya.Napakatahimik nya at ang dami nyang kinain ngayon.Haha kawawa naman gutom talaga ang asong ulol.
Naging busy kami sa paglilinis sa storage room ng mansyon matapos ang pananghalian.Matagal na daw kasing hindi nakakaranas ng linis yun.Hindi naman basta storage room yun na tambakan,para bang doon lang nilalagay mga kasangkapan na pwede pang gamitin.Masasabi kong kailangan din linisin yun upang maiwasan ang pagtira ng ahas o daga doon.Mahirap na kung tirhan ng ahas baka lahat kami ay makain.At sana kung meron mang ahas unahin na nya sanang kainin ang alaga ko.Hahaha!
Medyo maalibok kaya nahirapan kaming linisin iyon.Bale anim kami na kasambahay ang naglinis doon dahil ang ilan ay naiwan sa ibang gawain.Natapos ko na din ang trabaho sa alaga ko at bahala na daw sina manang na tawagin sya sa hapunan.Hindi namin napansin ang oras kaya natapos kami ng mga bandang alas syete.Nakakain na din ang mag aama dahil may pupuntahan daw si Sir Russel kaya napaaga na.Nagpahinga muna ako saka kumain ng hapunan bago naligo upang linisin ang aking katawan.Basang basa ng pawis ang damit ko sa sobrang babad ko sa  pagtratrabaho lalo na  nalimutan ko palang lagyan ng bimpo ang likod ko.Nakasanayan ko na din yun at mas komportable ako kapag kapiraso ng papel ang nilalagay sa likod ko.Hindi kasi iyon gaanong mabigat kaya mainam sa likod gawing panuyo ng pawis.
Pagkalabas ko palang ng kwarto dahil pupunta sana ako sa  kusina ay nakasalubong ko ang mayordoma.
"Haila,kanina ka pa hinihintay ni Sir Rhaiven sa taas.." Tugon nito na ipinagtaka ko.Teka ang alam ko lang na gagawin ko sa gabi ay ang dalhan sya ng gatas.Bat napaaga naman yata nyang uminom nun ngayon.Nakapagtataka talaga.
"Bakit daw po Manang?"
"Malamang may ipapagawa na naman sayo iyon.Oh sya sige na puntahan mo na sya  baka magalit na naman sayo yun.." Wika nya at hinawakan pa ang balikat ko tuluyang mawala sa paningin ko.
Hindi na ako nagsayang pa ng oras,pumunta ako sa kusina upang ihanda na lamang ang iinom nyang gatas para hindi na ako bumaba pa mamaya.Sana naman hindi na mainit ang ulo nun ngayon dahil pagod ako.Pakiramdam ko gusto ko ng kapayapaan ngayon,kahit ngayon lang sana.
Maingat akong pumaroon sa taas dahil hawak hawak ko ang baso ng gatas.Masama na kung matapon ko ito masakit pa naman ang paa ko kakalakad taas baba ng hagdanan na kay haba haba.Dalawang beses lang na katok ang ginawa ko bago binuksan ang pinto.
"Goodevening Sir eto na po ang ga------" Hindi ko na natapos pa ang sasabihin ng kaagad nyang ibinigay ang isang kapiraso ng papel kasama na din ang dalawang cartolina at mga iba pang materyales.
"Teka,Sir ano po ibig sabihin neto?" Naguguluhan tanong ko.Naglakad ako papunta sa studytable nya habang sya naman ay sumalampak ng higa sa malaki nyang kama.Nakatuon sa may telebisyon ang atensyon nya bago ako sinagot.
"May listahan dyan tignan mo nalang..." Sagot nya na hindi manlang tumingin sakin.
"Anong listahan Sir?Listahan po ba ng mga utang ko kahapon? Diba po babayaran ko naman pagkasumahod na ako?"
"Tss slow.." Singhal nya lang at bumangon sa pagkakahiga.Binigyan naman nya ako ng masamang tingin habang nakakrus ang dalawa nitong braso.
"Isn't it obvious huh? Ano sa tingin mo ang gagawin pagbinigyan ka ng cartolina and whatever?Tss." Pagsusungit nya sakin at napabuga ng hangin.Aba malay ko lang if papatapon nya diba? Madami naman ang ibig sabihin ng ganun.
"Malay ko lang po kung trip mo lang" sagot ko.Wala e yun nalang lumabas sa bibig ko.Hahaha!
"Wag na madaming satsat dyan pwede? Simulan mo nalang ang paggawa ng project ko kasi need ko yan bukas..."utos nya sakin at bumalik sa pagkakahiga.Itinuon ang tingin sa telebisyon habang ako nagtataka parin.
"Teka Sir! Bakit po ako ang gagawa neto? Sino po ba estudyante satin? Diba po ikaw? Kaya ikaw po ang gagawa nyan..."singhal ko saka ibinaba ang mga materyales sa study table nya na pasan pasan ko.
"Nagrereklamo ka ba ha!" Naiinis na wika nya sa medyo mataas na boses.
"Aba! Talagang magrereklamo ako Sir.Hindi naman po ata tama na sa akin nyo iasa iyang project na dapat kayo ang gumawa.Willing naman po ako na tumulong pero yung ako lahat gagawa,mali po iyon..."paliwanag ko.Sumama na naman ang tingin nya sakin.Halos magkasalubong ang kilay nya at halatang nainis sa mga katagang lumabas sa bunganga ko.
Tama naman kasi eh,yaya ako oo pero ibang usapan naman yata pag ganung bagay na.Pag aaral na ang usapan at hindi biro  iyon.
"Bakit? Kaya ka pang swelduhan ng pagiging ganyan mo? Tss..."inis na singhal nya.
"Hindi po pero mali po ang gusto nyong ipagawa sakin.Kaya tumayo na po kayo dyan at simula na naten.Tayong dalawa ang gagawa mas maganda pa iyon na tignan kesa ako lang..."
Napabuga sya ng hangin at napailing.Alam kong naiinis na naman sya sa akin.Halata naman iyon sa mukha nya e pero wala akong pakealam.Ang mahalaga magawa namin ang project nya agad.Bukas na pala ipapasa bakit mas inuna nya pang makipag inuman nung nakaraang araw? Tsk!
"Tss..." yun nalang ang narinig kong wika nya.Tumayo sya at linapitan ako sa may study table.Hindi naman kalayuan ang pwesto ng sofa sa pwesto ko kaya doon na sya naupo.Pero bago  yun ay ipinaliwanag nya ang dapat naming gawin.
Pinag isipan namin ng mabuti ang project nya upang mataas daw ang ibibigay na grado sa kanya ng guro nya.Yun lang kapag tinamad ito mamaya ewan ko nalang.Nagsimula kami na halos mabingi pa ako sa katahimikan.Hindi na din ako nagsalita dahil baka saan pa mapunta ang usapan.Ako ang tagagupit at nagdedesign sa model na ipapasa samatanlang sya ay nagrewrite ng essay din na kasama nung model.Ewan ko need din daw ng explaination ang model na ginawa nya.Hindi na ako bumunganga pa ay nagfocus nalang sa kanya kanyang gawain.Noong una seryoso pa syang gumagawa pero di kalaunan ay tumayo ito na akin naman na ipinagtaka.Eto na  nga ba ang sinasabi ko.Tinatamad na to.
"Oh saan ka pupunta Sir?" Tanong ko at inalis ang tingin sa paggugupit ng magazine.Doon pa kasi ako kumuha ng idea para kahit papaano ay maiapply daw ang salitang creativity.Psh!
"I need to take a rest now.Its getting late, may klase pa ako bukas..."tugon nya na nakatalikod sakin at hinubad ang tshirt nya.Magpapalit ata sya kasi maarte yan e.Napawisan lang ng konti kelangan na nya maghubad dinaig pa ako.May aircon ang kwarto nya pero pakiramdam ko kulang iyon.
"Eh hindi pa naten tapos to Sir..."sita ko.Alangan na ako ang gagawa lahat ng ito? Hindi ba uso sa kanya ang mag effort at magpuyat sa project?
Hindi nya ako sinagot dahil kumukuha sya ng damit sa closet nya.Nakatingin naman ako sa likod nyang masasabi kong ang hot nya.Muntik na akong mahuli ng bigla syang humarap sakin kaya naman nagkunwari nalang ako na chinecheck ang paligid.
Lumapit sya sa pwesto ko at ininom ang gatas na dala ko kanina.Nailang pa ako ng hubot hubad syang nasa harapan ko.Nakita ko na naman ang katawan nyang nakakalaglag panga.Aaminin kong humahanga ako sa sexy ng katawan nya.Kahit sino naman atang babae ang malalagay sa sitwasyon ko ay maglalaway talaga.Umakto nalang ako na para bang hindi ako nadadala sa presensya nya.Baka mamaya mag assuming pa to eh.Tss.
"Ikaw na tumapos nyan,kailangan ko ng matulog.Malawak naman ata ang pag unawa mo diba?Maayos na usapan ito unggoy kaya wag ka ng kumontra..."tugon nito.Sinuot na nya ang tshirt na hawak hawak nya saka nagtungo sa bathroom.
"Eh Sir konti naman na e matatapos na din ito kaya mamaya ka na matulog.Para naman ito sa grado mo e mag effort ka naman.."
"Its already 10 in the evening,anong mahirap intindihin dun sa sinabi kong may klase ako bukas?"naiinis na wika nya pagkalabas sa bathroom.Siguro naghilamos lang sya.
"Eh kasi Sir kon------"
"Magbabangayan na naman ba tayo Haila?"
Natigilan ako sa sinabi nya.Deretso syang nakatingin sa akin na nakataas ang isang kilay nito.Ewan ko pero anlakas ng dating ng pagkakabigkas nya sa pangalan ko.Ngayon nya lang ako tinawag sa pangalan ko at iba ang naging epekto nun sa buong sistema ko.Bumilis ang tibok ng puso ko at hindi alam kung bakit.
"Ehhh ... ano kasi uhmmm..."hindi ko alam ang sasabihin.Iba talaga ang dating nun sakin para bang tumigil ang mundo ko sa simpleng pagtawag nya sa pangalan ko.
"Tss...Tapusin mo na yan,tapos ko na din naman yung essay ko eh.Konti nalang yan kaya bahala ka na.."tugon nya at humiga na sa kama nya.
"Teka lang sir walang ganyanan,may usapan tayo kanina diba?"
"I'll pay for you,every 1 minute 100 pesos ang katumabas nun? Ano gagawin mo ba o hindi?"wika nya pero nakapikit na sya. Nagulat naman ako sa sinabi nyang iyon.Seryoso ba sya? Babayaran nya ng isang daan ang bawar isang minuto ko? Wow yaman naten pre.
"Sir naman eh..."
"I know you need it,kaya pwede ba wag ka ng madaming arte dyan.Babayaran ko ang oras mo matapos mo lang yan..."sarkastikonh tugon nya.Heto parin ako hindi makapaniwala sa mga sinasabi nya.
"Nagbibiruan po ba tayo dito Sir?"
"Ano ba sa tingin mo? Dali na tapusin mo na yan at ako matutulog na.Wala ng madaming satsat dyan.Babayaran na nga kita e nag iinarte ka pa..."
"Hindi naman po sa nag iinarte ako,ang aken lang seryoso po ba kayo?"
"Tss! Oo nga!"
"Sure na sure Sir?"
"Isa pang tanong mo dyan tatadyakan na kita..."
"Eh naninigurado lang po ako lalo na madaming MANLOLOKO NGAYON!" diin ko pa at ngumisi sakto naman na tumingin sya sakin.
"What do you mean huh? Na scam ako? Tss! Hoy babae kahit bulbol mo kaya kong bilhin.."
"Wow sinali pati nananahimik na bulbol ko ha..."
"Ikaw kasi e dami mo pa arte dyan mukhang pera ka naman tss..."
"Ako talaga?"
"Malamang!"
"Aba! Nagsalita yung maperang demonyo!"
"Hoy! Yang bunganga mo ayos-ayusin mo yan baka masira yan gamit tong kamao ko..."banta nya sakin
"Oh bakit natamaan ka? Means demonyo ka nga talaga!"
"Madami kang kasalanan sakin baka nakakalimutan mo.."
"Mas madami po ba sa sungay nyo?"
"What the! Balakajan gulo mo kausap..."wika nya at padabog na  tumalikod sakin.Natawa nalang ako.Pikon talaga kahir kailan.Ganito na ba sya lagi lakas mang asar pero pikunin.Haha!kawawang bata!
Pera na iyon kaya sino pa ako para mag inarte diba? Grasya na mismo lumalapit sasayangin ko pa ba? Nono bad Ahahaha! Madali lang pala tong kausap minsan e.Hinayaan ko na syang matulog at ako naman ay pinagpatuloy ang ginagawa.Sana matapos ko ito bago mag alas dose maaga pa naman dapat ang gising ko bukas para pagsilbihan ang demonyo na to.
Makaraan ng ilang oras ay natapos ko din sa wakas.Inunat ko pa ang dalawang braso ko sa ere at sabay hikab.Inaantok na ako.Bago tuluyang iniwan ang alaga ko ay nilinis ko ang mga kalat namin saka inayos sa may folder ang project nya.Himbing na himbing ang tulog nya kaya maingat akong nag aayos sa may studytable nya.Pagkatapos ay tuluyan na akong lumabas ng kwarto  ng maingat parin maski pagsara ko ng pinto.Hinugasan ko muna ang baso na pinaglagyan ko ng gatas nya kanina.Pumasok ako sa may kwarto namin at tinignan ang wall clock.Hating gabi na pala matagal tagal pala ang paggawa namin ng project nun.Sana talaga totohanin nya yung pera bukas dahil kailangan ko iyon.Hehehe!