"It turns out that you must accept the lead role Enrico. The netizens badly wants you to portray the hero of that novel. Kikita tayo nang malaki dahil gusto rin ng fanbase mo na ikaw ang gumanap."
Enrico kept his mouth shut and acted like he didn't hear his manager's demand. Wala siyang kagana-ganang makipag-meeting sa kahit sino. Pakiwari niya'y wala pa siyang nasisimulang gawin pero nakakaramdam siya kaagad ng matinding pagod. "Enrico, nakikinig ka ba?"
Kung hindi pa siya marahang tinapik sa balikat ng manager na si Mr. Sam, hindi talaga siya iimik. "Ganyan din ang sinabi ng direktor sakin, pero hindi ko talaga gusto ang storyline. Hindi ako gaganap na sundalo. Ayokong maging sundalo," tila lantang gulay na paliwanag niya saka hinawi ang kurtina sa bintana upang matingnan ang view sa labas ng building na kinaroroonan nila.
"Na-bitter ka sa tatay mo na gusto kang mag-sundalo ano? Relax ka lang. Aktingan lang naman 'yon," pakli ni Mr. Sam.
"Acting pero kailangan pang dumaan ng training? Hindi ko kakayanin. Sa iba na lang na mas deserve. Give them a chance."
"Ayan na naman tayo Enrico. Sige iba na lang ang pag-usapan natin, may photoshoot ka sa isang magazine, kailangan mo ring dumalo sa movie premiere ni Chantal —"
"Okay okay." Huminga nang malalim si Enrico matapos patigilin sa pagsasalita ang manager. Ipinaling niya sa bintana ang tingin. On the peripheral view, puro nagtataasang building lamang ang nakikita at kapag tinuon niya ang tingin paibaba ay tila nakakalula. How he wished that he can break the window glass and jump over there so the pressure won't bother him anymore.
"Sabi ko naman sa'yo eh, lumabas kayo ni Chantal. People love seeing you together. They buy those gossips about you," mungkahi pa ni Mr. Sam na mas ikinairita ni Enrico. "May boyfriend si Chantal," paglilinaw niya pa. Ang tinutukoy niya ay ang kapwa artista na madalas niyang makapareha sa mga palabas.
"Bakit? Hindi n'yo ba kayang magpanggap? Kumikita kayo dahil sa issue na 'yan!" singhal ni Mr. Sam. Sa totoo lang ay naninibago siya sa behaviour ni Enrico, kilala naman niya ang binata na palaging sumusunod sa kagustuhan niya pero ngayon ay unti-unti na siya nitong kinokontra.
"Hindi ko kayang ipeke ang part na 'yon Sir sa totoo lang, lalo na't may masasaktang ibang tao. Kasasabi ko lang na may boyfriend si Chantal at hindi ko rin siya type," pag-amin ni Enrico. Tila nagpantig ang tainga ni Mr. Sam dahil sa kanyang katwiran kaya bigla siya nitong tinulak at dinuro-duro pa.
"Hoy! Ang lakas ng loob mong kontrahin ako, may utang na loob ka sa'kin Enrico! Kung hindi kita pinasikat baka hindi ka makakatikim ng mansyon!" sumbat ni Mr. Sam at nanatiling hawak ang kwelyo ni Enrico.
"Lahat ng tinatamasa ko, pinaghirapan ko 'yon." He managed to stay calm. Ilang saglit ay iniwas niya ang sarili sa nagngingitngit niyang manager. "No Enrico, hangga't hawak kita, wala kang karapatan na magreklamo!"
"May karapatan ako dahil napapagod na ako sa lahat, pati sa'yo! Ginagamit n'yo ang mukha at pangalan ko para i-exploit ako kahit kailan n'yo gustuhin!"
Enrico walked out. Napanganga si Mr. Sam sa naging aksyon niya, hindi na nga niya alintanang bumulahaw sa hallway ang nagtataasang nilang boses.
“Enrico! Hindi pa tayo tapos mag-usap!”
Napatid na yata ang litid ni Mr. Sam at hindi na iyon pinansin pa ni Enrico. Gusto rin naman niyang mapikon ito sa kanya nang husto. Alam niyang hindi pa siya nito mabibitawan dahil obligado pa siyang mag-commit sa mga network at ibang kompanya dahil sa kontratang kanyang pinanghahawakan.
***
Sinundan lamang ng tingin nina Chaye at Harwell si Enrico na papalabas sa building ng isang entertainment company. Madaling napansin ni Harwell ang galit na nagre-reflect sa mukha ni Enrico nang makasalubong ito. "Feeling ko may problema ang taong 'yon," puna niya saka binalingan ng tingin ang nobya.
"Oo nga, parang may kaaway siya. Alam mo Harwell, ang layo naman ng awra niya sa personal? Lagi kasi siyang nakangiti sa TV," pagsang-ayon ni Chaye. "Baka pagod? Di ba?" ani Harwell.
"Maybe." Nagpalitan sila ng ‘confused’ look sa isa't isa bago pasukin ang opisina ni Mr. Sam na kanilang pakay.
"Mabuti na lang dumating ka Mr. Esguerra," bungad ni Mr. Sam na mukhang dismayado. "Syempre naman po, di po ba sabi n'yo ay urgent?" sagot pa ni Harwell at saka naupo sa bakanteng silya katabi ni Chaye.
"Nandito kanina si Enrico, akala ko mapapapayag ko na kaso ayaw pa rin niya eh."
"Gano'n po ba? Hindi na po ba maaring humanap ng ibang gaganap?" tanong naman ni Harwell na lubhang naapektuhan sa balita. Madaling ma-sense ni Chaye ang frustration sa pananalita ng nobyo kaya naman hinawakan niya nang mahigpit ang kamay nito.
"To tell you frankly, hindi naman talaga gusto ng direktor ang akda mo eh. Kaso trending lang at kailangang gumawa kami ng papatok na pelikula, yung previous movie kasi ni Enrico medyo hindi tumabo sa takilya. Alam mo na, kailangan daw bumawi," pakli ng manager. Dahil doon ay nagkatinginan ang magkasintahan.
"So sinasabi n'yo po ba na hindi worthy ang story ko? At gagamitin n'yo lang kasi alam n'yong maraming may gusto ng ginawa ko?"
Kahit alam naman ni Harwell ang obvious na kasagutan, ayaw pa rin naman niyang mag-assume ng masama. Baka kasi hindi lang sila nagkaintindihan ni Mr. Sam.
Natawa naman ito. "No, not like that Mr. Esguerra, huwag mo namang isipin na gano'n."
"Don't worry, whatever happens, matutuloy pa rin ang remake. Okay?" Mr. Sam assured them.
"Kung hindi kayo magpapakatotoo, baka hindi ko na po tanggapin ang offer," tugon pa ni Harwell.
“Mr. Esguerra, just be patient. Hindi rin madali sa part ko na kumbinsihin ang talent ko na matigas ang ulo,” frustrated na pag-amin ni Mr. Sam.
“Naiintindihan ko po.” Itinago ni Harwell ang matinding pagkadismaya.
****
Laylay ang mga balikat nina Harwell at Chaye nang lumabasa sa opisina ni Mr. Sam. Sobrang nadismaya si Harwell dahil wala man lang silang outcome na naiuwi patungkol sa remake project na pagbibidahan ni Enrico.
"Si Enrico ang tumanggi, ayaw niya talagang makatrabaho ka! Nakakainis ang yabang-yabang!" pagmamaktol ni Chaye habang inaayos ang mga libro sa bookshelf ng store ni Harwell. Napahinto naman si Harwell sa kanyang pinagkakaabalahan at nilapitan ang nanggagalaiting nobya.
"Hindi ko na aasahang matutuloy pa ang remake, aanhin ko naman 'yon? Marami pa rin namang naniniwala sa'kin, hindi ako naapektuhan sa sinabi ni Mr. Sam, isipin na lang natin na isa siyang matinik na kritikong nagbasa ng manuscript ko. Hindi ba? At ang mahalaga, matutuloy ang kasal natin Chaye." He gently glide his hands through his girlfriend's hair like he always did before.
"Kapag nakalukot 'yang mukha mo, papangit ka lalo sa araw ng kasal natin," panunukso ni Harwell na ikinagiwi naman ni Chaye. Kinurot siya nito sa tagiliran. "Ang kapal! Akala mo naman gwapo!" nakairap nitong sabi.
"Aba, umiirap na akala mo naman maganda!" ganting pang-aasar muli ni Harwell.
"Ah ganoon? Gusto mo bang guluhin ko ang shelves mo?" Mas lalong di maipinta ang mukha ni Chaye ngunit tumawa rin kalaunan.
"Mag-aaway talaga tayo dyan kapag ginulo mo!" tugon naman ni Harwell at mabilis na ninakawan ng halik sa pisngi ang kanyang girlfriend.
"Huy ano ka ba! Mamaya may makakitang customers!" saway ni Chaye ngunit sa loob-loob niya ay nakaramdam siya ng kilig dahil sa ginawang iyon ni Harwell. "Saan? Wala ngang customer eh!"
"Ikaw talaga kahit kailan, makulit!" Natatawang ani Chaye.
Nagpalitan sila ng malulutong na halakhak na nagpaingay sa bookstore. Ilang saglit pa ay narinig nilang bumukas ang entrance door.
"May customer na, magseryoso na ulit tayo," mungkahi ni Chaye at pangiti-ngiting lumapit sa cashier area. Ngunit napaalis ang ngiti sa kanyang mukha nang makita ang taong pumasok sa store, si JC. At katulad noon, wala pa ring nagbago sa nararamdaman niyang takot para sa lalaki kaya napaiwas siya ng tingin.
"Bakit ka pala naparito?" alanganing tanong niya kay JC. "Bibili ng libro Chaye," sagot nito at lalakip ang malagkit na tingin sa kanya. Everytime JC stares at her like that, she felt more creepier. "Ah, saglit lang ah. Harwell! Nandito si JC!" pagtawag ni Chaye kay Harwell at mabilis naman itong tumalima at kinamayan ang kaibigan.