"Ingat ka kara!" kumaway naman ako kay yumi ng makababa kami. Maaga kaming umalis kanina kaya hindi kami naabutan ng traffic sa daan, andami pa namang pasahero.
Siya ang sumagot sa pinag stay-an naming hotel kagabi, magkasama na kami sa isang kwarto. Hindi naman ako nag inarte dahil siya ang nagpresentang magbayad.
The first semester typically starts in August and ends in December. The second semester resumes in January and usually ends in May.
Sinave ko naman sa notes ko iyon para hindi ko makalimutan. July palang naman kaya may panahon para makapag ipon pandagdag sa gagastusin namin ni kiro. Nahihiya naman akong humingi kila nanay o di kaya ay kay tiya cora, alam ko namang masasakit lang na salita ang matatanggap ko.
Dumaan muna ako sa bakery para bumili ng cupcakes para pasalubong ko kay kiro. Hindi naman mahilig sa mga matatamis sila nanay kaya tinapay nalang ang binili ko para sa kanila.
"Sa bahay po kuya" pumasok na din ako sa sasakyan. Gustuhin ko mang maglakad pero ayaw kong mapagod.
"Saan ka galing kara?" kapagkuwan ay tanong ni kuya, nag angat naman ako ng tingin sa kanya.
"Galing ako DLSU nag enroll ako dun, kahapon ako umalis"
"Dun kana mag-aaral?! Hindi ba at doon din mag-aaral ang pamangkin ng papa mo?"
tumango naman ako sa kanya. Wala naman sigurong masama kung gugustuhin ko ding pumasok sa school na yun. Hindi lang ang pinsan kong may karapatan makapasok doon porke ay may kaya sila.
"Hindi naman ako makakapayag na gagawa ng eskandalo ang pinsan ko dahil lang sakin, pag-aaral naman po ang atutupagin ko dun" huminga naman ako ng malalim bago tumingin sa labas. Basa ang daanan, siguro ay katatapos lang ng pag-ulan dito.
"Mama!" Patakbo namang lumapit sakin si kiro kaya binuhat ko siya.
Hinalikan naman niya ako sa pisngi kaya pinaggigilan ko siya. Adik na adik talaga itong batang to sa paghalik sa pisngi ko.
"May cupcakes si mama, gusto mo ba?" tanong ko, nagliwanag naman ang mukha niya bago tumango. Pumasok naman kami sa loob bago ko nilapag ang dala.
"Kamusta doon?" lumapit naman ako kay nanay para magmano, sunod naman ay kay tatay.
"Naka enroll na ho ako, napakaraming tao dun." Tumingin naman ako kay kiro na nilalantakan na ang pagkain, napailing nalang ako.
Nagpahinga naman ako pagkatapos namin mananghalian, nakaramdam naman ako ng pagod kaya nakatulog agad ako.
"Mama?" naramdaman ko namang may tumatapik sa pisngi ko kaya nagmulat ako. Nakita ko naman si kiro sa tabi ko.
"Bakit?" tanong ko, nagkusot naman ako ng mata bago humikab, inaantok pa ako.
"Nasa baba po kaibigan mo mama" bumuntong hininga naman ako bago tumayo. Nagsuklay naman ako dahil nagulo ang ayos ko. Binuhat ko si kiro bago kami bumaba, naabutan ko namang nasa sala sila Ella.
"Anong ginagawa niyo dito?" tanong ko. Tumingin naman sila sakin bago pinakita ang dala. "Jollibee? Para saan yan?"
"Para sa atin! Nag-ambagan kami para dito!" Sabi ni ella.
Tumabi naman ako sa kanila, pinaupo ko naman sa hita ko si kiro. Inumpisahan nadin nilang ilagay sa mga Plato ang laman ng supot, para siguro ay madaling kumain.
"May matutuluyan ka ba roon?" umiling naman ako sa tanong ni Ella.
"Titingin palang ako ng apartment"
"Sino mag-aalaga kay kiro kung aalis kana?"
"Isasama ko siya" kumunot naman ang noo nila kaya napabuntong hininga naman ako.
"Mag-aaral ka dun paano mo mababantayan yan?"
"Kukuha ako ng pansamantalang magbabantay sa kanya habang nasa eskuwelahan ako." Inabot ko naman ang drinks para uminom, Sana palagi silang ganito baka sakaling matuwa ako.
"Paano kapag gabi kana kung umuwi ha? Tambay kapa naman, tsaka maynila yun hoy! Maraming gwapo dun!" Nagsitawanan naman sila kaya napailing ako.
"Mahahandle ko naman" sabi ko. Mas lalo naman silang nagsitawanan sa sinabi ko.
"Ay dimo sure!"
Hindi naman sila nagtagal dahil maaga silang umalis, may kanya-kaya pa daw silang gagawin. Nalaman raw kasi nilang tapos na ako makapag enroll sa DLSU. Marami kasi rito sa amin ang pangarap na makapag aral dun.
"Hindi ba kayo bibisita ulit kila kiko?" umiling naman ako sa tanong ni Nanay. Hindi naman kasi pwedeng iwan ko ulit dito si kiro.
"Siguro kapag malapit na ho kaming umalis"
Matapos kaming mag-hapunan ay ako na ang nagligpit, pagkatapos ay binihisan ko na rin si kiro.
"Hindi kapa inaantok?" nag-angat naman ng tingin si kiro sakin bago hinigpitan ang pagkakayakap sa beywang ko.
Umiling naman siya kaya hinaplos ko ang buhok niya.
Lumipas ang mga araw na ganun padin ang pangyayari, hanggang sa kailangan na naming umalis ni kiro dahil malapit na ang pasukan. Hindi pa naman kami nakakahanap ng matutuluyan kaya dapat ay sakto lang ang alis namin.
"Mag-iingat kayo dun ha? Sigurado ka bang isasama mo si kiro?" Umupo naman ako sa tabi ni nanay, mamayang madaling araw pa naman kami aalis ni kiro kaya pinatulog ko na siya ng maaga. Katatapos ko lang ayusin ang mga gamit namin, nakapamili na din ako nang ibang gamit niya.
"Kaya ko naman Nay, pag-aaralin ko na rin siya doon."
Natulog nadin ako ng matapos kami sa pag-uusap ni Nanay, napakadami niya kasing ibinilin sakin.
"Kiro, gising na" mahina ko namang tinapik ang pisngi niya, ayaw ko pa sana siyang gisingin dahil nakapahimbing nang tulog niya kaso baka mahirapan kaming bumyahe mamaya kapag tinanghali kami nang alis dito.
"Good morning Mama! Aalis na po ba tayo?" binuhat ko naman siya dahil bakas parin ang antok sa mukha niya. Maaga naman siyang natulog kagabi ha?
Ikinawit naman niya ang braso niya sa batok ko bago isiniksik ang mukha sa leeg ko, inaantok pa nga talaga.
"Sabi mo ikaw ang maagang gigising sa atin huh?" humagikgik naman siya kaya nakiliti ako, inulan naman niya ako ng halik sa mukha.
"Sorry Mama!"
Inuna ko naman siyang paliguan kaya si Nanay ang nagbihis sa kanya habang ako naman ang sumunod na naligo. Kumain naman kami para hindi kami gutumin sa byahe, pinagbaon narin kami ni Nanay para hindi na kami bumili.
"Are you ready baby?" ngumuso naman si kiro bago iniharap ang mukha sa salamin. Napaka gwapo talagang bata.
"Always ready" masayang sabi niya. Nagtawanan naman kami nila nanay, binuhat ko narin si kiro bago lumabas ng bahay. Si Tatay naman ang nagbuhat palabas ng mga dalang gamit namin ni kiro.
"Ingat kayo ha" lumapit naman si nanay bago ako hinalikan sa noo ganun din kay kiro "Pakabait ka kiro huwag pasaway kay mama"
Ilang minuto din bago kami nakarating sa paradahan ng bus sa bayan, napakaraming pasahero kaya pahirapan sa pagsakay. Mabuti nalang ang tinulungan ako sa pagbuhat ng gamit namin.
Nang mapuno ang sasakyan ay nagsimula naring umandar. Nagpakawala naman ako ng malalim na buntong hininga. Ngayon palang ay iniisip ko na ang magiging buhay namin ni kiro lalo na at malayo na kami kila Nanay.