"Ingat kayo sa pag-uwi sir, sana ay makadalaw pa ho kayo sa susunod." napatingin naman ako ng magsalita ang mama ni kiko, mukhang aalis na ang mga bisita nila.
"Yeah sure." tipid na sagot nung lalaki. Attitude talaga! Kala mo naman napaka gwapo! E kanina nga ay pinahiya pa ako! Mukhang sa pag-uwi ko mamaya ay yun parin ang iisipin ko!
"Ay take care pogi! Balik ka ha!" singit ko bago kumapit sa braso niya, hindi man lang niya ako tinapunan ng tingin kaya napasimangot ako.
"Aha! Teka!" inihiwalay naman ako ni tita sa lalaki, kaya napalabi ako. "Kung gusto mo sir iuwi mo na ito! Total maganda naman at..." pinasadaan niya ako ng tingin kaya napairap nalang ako! "Maganda lang! Yun lang!"
Narinig ko namang tumawa ang iba kaya napakamot ako sa ulo.
"Maganda po siya talaga! Bagay niya pong maging yaya ni sir!" sabi ng kasama niyang lalaki! Siya siguro ang driver.
Napatingin naman ako sa lalaki na mukhang nagpipigil ng tawa, kaya lumapit naman ako para pisilin ang dalawang pisngi niya at pinang gigilan!
"Ang cute cute mo talaga! Sana ganyan din ka cute ang magiging anak natin!" Umubo naman si tita bago ako hinila paalis dun, hinawakan naman ng lalaki ang pisngi niyang namumula dahil sa ginawa ko.
"Hoy miss! Kanina kapa ah! Ipasok ko sa bunganga mo yang boots mo e!" singit na naman ng driver.
Lumapit naman ako sa kanya at pinag cross ang braso, bago siya tinitigan ng mariin.
"Kanina mo pa din ako iniinsulto! Driver ka lang naman ah!" turo ko sa kanya. Napangiwi naman siya kaya nagpigil ako ng tawa.
"Baliw" umawang naman ang labi ko sa narinig. Napatingin naman ako sa lalaking katabi ni tita!
"Baliw sayo!" sabi ko.
Nagsitawanan naman ang mga kaibigan ko kaya napangisi ako.
Hindi narin naman sila nagtagal kaya nagbalak nadin kaming umuwi, maglalakad na naman kami!
"Malala kana Kara, pati ang bisita nila kiko ay pinagtripan mo!" tinawanan ko naman ang sinabi ni ella.
"Mukha kasing may lamay kanina dahil sobrang tahimik ng mga tao." sagot ko.
Magdidilim na nang makarating ako sa bahay, naabutan ko namang andun sila tiya cora kaya nagmano naman ako, napatingin naman ako sa pinsan ko. Nginitian ko naman siya pero tinaasan niya lang ako ng kilay.
Buti nalang at nakabisita sila dito, mukhang malayo pa ang binyahe nila dahil mukha silang pagod. Kararating lang siguro Nila.
"Oh saan ka naman galing? Kung saan-saan ka pumupunta imbis na tulungan mo ang nanay at tatay mo dito!" tumingin naman ako kay tiya cora bago ko sinabit ang bag ko.
"Galing ho kasi ako kila kiko, malayo pa kasi ang nilakad namin kaya natagalan ako sa pag-uwi." pagpapaliwanag ko. Alam ko naman kasing iba ang iniisip nila.
Nagpaalam naman akong maliligo muna dahil nanlalagkit ako. Pagkatapos ay tinawag narin ako para kumain, umupo naman ako sa tabi ni nanay. Binuhat ko naman si kiro para ipaupo sa tabi ko.
"Kamusta ang palayan kuya?" si tiya cora ang bumasag sa katahimikan sa hapag, tumigil naman si tatay sa pagkain at uminom ng tubig.
"Maayos naman, malapit na ang anihan kaya bumalik kayo dito." sabi ni tatay. Nagpatuloy lang ako sa pagkain habang nakikinig sa usapan. Paminsan minsan ay sinusubuan ko si kiro.
"May plano ba kayo tito kapag naibenta na ang palay niyo? Like mag-aral ulit si kara?" nag angat naman ako ng tingin sa pinsan ko. Isa siya sa kinaiinggitan ko dahil malaya niyang nakukuha ang mga gusto niya. Hindi niya naranasan ang tumira sa bukid, bumibisita lang naman sila dito dahil kay papa.
"Oo, kailangan niyang magpatuloy sa pag-aaral, siya nalang ang pag-asa namin." tumingin naman ako kay tatay at nginitian siya.
"Balita ko sa de la salle siya mag-aral tito? Mahal kaya ng tuition baka dinyo kayanin." pag-iinarte ng pinsan ko.
"Sipag at tiyaga lang naman kailangan iha, may pangarap ang anak ko." hinawakan ko naman ang kamay ni nanay sa ilalim ng lamesa.
"May pangarap din naman ang anak ko, kaya sa mga matataas na school ko siya ipinasok. Hindi naman kami nawawalan ng pera, tsaka baka hindi naman pag-aaral ang atupagin ng anak mo roon lalo na at magrerent siya ng apartment." diri-direstong sabi ni tiya cora kaya napakuyom ang kamao ko.
"Cora! Huwag ka namang mag salita ng ganyan sa anak ko!" padabog na binagsak ni tatay ang hawak na kutsara bago tumingin ng mariin Kay tiya.
"Sinasabi ko lang kuya. Maraming tukso sa school na iyon"
Pinagpatuloy nalang namin ang pagkain at hindi na umimik dahil baka kung saan pa mapunta ang usapan.
Dati pa ay ayaw nalalamangan ng pinsan ko kaya ganun nalang ang galit niya sakin, kaya nang nalaman nyang pareho kami ng papasukan ay binabantaan niya ako.
Ang gusto niya ay lagi siya ang nasa mataas at ako ang nasa ibaba. Hinahayaan ko na lang dahil wala naman akong mapapala sa kanya.
Pagkatapos ay nagpasya narin kaming matutulog na, binihisan ko narin si kiro at nilagyan ng towel sa likod. Nagsimula narin siyang humiga sa kama kaya kinumutan ko siya.
Hindi pa naman ako inaantok kaya naisipan kong magligpit ng mga gamit ko, malapit na rin kasi ang araw ng enrollment kaya kailangan kong mauna dahil pahirapan na sa susunod.
"Mama, isasama mo ba ako kapag aalis ka po?" napatingin naman ako kay kiro.
Napabuntong hininga naman ako, simula kasi nung nawala si ate ay ako na ang itinuring niyang mama, ako na ang nag-alaga kahit sobrang hirap ng pinagdaanan ko. Dalawang taon palang kasi siya ng pumanaw si ate dahil may sakit ito sa puso. Wala naman akong Balita kung nasaan ang tunay na ama ni kiro, wala naman kasing binanggit si ate noon.
Alam kong mas lalo akong mahihirapan kapag isinama ko na siya sa maynila, sarili Kong pera ang ipangrerent sa apartment. Kukuha nalang ako ng pansamantalang magbabantay kay kiro habang nasa school ako. Magkakasya naman siguro ang ipon ko, ayaw ko namang iwan siya dito dahil busy rin sila tatay sa bukid.
"Gusto mo ba?" tanong ko. Tumango naman siya.
"Opo mama, ayaw ko po maiwan dito. Mag aaral din po si baby kiro." napangiti naman ako bago lumapit sa kanya at hinalikan siya sa noo.
"Okay, good night baby kiro."
Natulog nadin ako ng matapos ako sa pagliligpit ng gamit. Iniyakap ko naman ang braso ko kay kiro.
Kinabukasan ay nagising naman ako sa paghalik-halik ni kiro sa mukha ko.
"Good morning mama!" masayang bati niya bago uli ako hinalikan sa magkabilang pisngi ko.
"Ang aga mo naman nagising! Inaantok pa ang mama!" nakalabi kong sabi, humagikgik naman siya bago pumatong sa tiyan ko at yumakap.
"Kailangan na po kitang sanayin mama para maaga ka po." tumawa naman ako bago hinaplos ang buhok niya. Kahit bagong gising ay napaka gwapo niya talaga. Hindi pumalpak si ate sa pagpili ng lalaki.
"Nag toothbrush kana baby?" tanong ko, minsan kasi ay nakakalimutan niya kapag hindi ko pinapaalala. Ayaw ko namang masira ang napakaganda niyang mga ngipin!
"Done na mama! Ikaw nalang po ang hindi!" natawa naman kaming pareho bago bumangon, pinauna ko naman na siyang lumabas dahil magsisipilyo lang ako.
Bumaba narin ako pagkatapos bago pumunta ng kusina para sana timplahan ng gatas si kiro pero nagulat nalang ako sa nadatnan ko.
"Ano ba! Takbo ka ng takbo! Tignan mo Ang ginawa mo!" sigaw ng pinsan ko kay kiro. Dali-dali naman akong lumapit para buhatin si kiro.
"Wag mong sisigawan ang bata!" mariin na sabi ko. Bumaba naman ang tingin ko sa nagkalat na basag na tasa sa hapag at mukhang mainit-init na kape.
Tinignan nya naman ako ng mariin bago umalis, iginilid ko naman si kiro para linisin ang kalat. Pagkatapos ay ibinigay ko sa kanya ang tinimpla kong gatas. Kailangan ko pa palang bumili ng bagong bottle para may gamitin siya.
"She's bad" bulong ni kiro kaya pinigilan ko ang matawa. Buti nalang at hindi siya gaanong iyakin.