Zedic's POV
Mabilis kong nilinis ang sugat ko sa kamay matapos kong makapasok sa kwarto, wala akong alam sa paglilinis ng mga sugat kaya paghugas lang ang tangi kong ginawa para maalis ang dugo sa kamay ko isang medyo makapal na gasa ang ipinulupot ko sa kamay upang matigil ang pagdurugo nito at saka hinayaan ko na lang pagkirot nito dahil sa isip-isip ko malayo iyon sa bituka.
Matapos ayusin ang pagkakalagay ng gasa sa kamay ko ay lumabas akong muli sa kwarto ko at tinungo ang opisina ko rito sa bahay.
"Zedic iho ayos ka lang ba magsabi ka lang kung may kailangan ka ah," saad ni Aling Sol ng masalubong ko itong muli habang patungo ako sa opisina ko.
"Ayos lang 'wag niyo na akong alalahanin," sagot ko rito.
Makikita sa mukha nito ang pag-aalala kahit hindi man niya sabihin, mayor doma si Aling Sol sa bahay na ito simula pa mga bata kami ni Kuya at mas marami pa nga yata itong alam sa buhay ko kumpara kay mom at dad na puro kapalpakan ko lang ang napapansin sa akin.
Mas malapit din ang loob ko kay Aling Sol kaya napagkakatiwalaan ko ito ng buo na para ko naring pamilya, pamangkin ni Aling Sol ang kasama niya ritong kasamabay, si ate Salve.
Parehong may asawa na ang dalawa 37 ang edad ni ate Salve at nasa 50 plus na rin ata si Aling Sol at tuwing linggo lang ang day off nila sa pagtatrabaho sa mansion ko, tama mansion ko dahil nang mamatay si kuya ay lahat ng mga pera at ari-arian nito ay nalipat lahat sa pangalan ko kasama na ang bahay at dalawang kotse nito.
"Magpahinga na po kayo kung tapos na kayo sa mga gawain niyo," saad ko pa rito.
"Sige, basta tawagin mo lang kami kung may kailangan ka ah." Pagtango na lang ang naisagot ko rito.
Saka ako nagtuloy sa paglalakad patungo sa opisina ko, kinapa ko ang switch ng ilaw upang buksan ito at agad na lumiwanag na ang paligid.
Dumiretso ako sa may table at naupo sa swivel chair ko kaharap ng mesa, mabilis kong binuksan ang personal computer kong naroroon at inopen ang email ko para e-check ang hinihingi kong files kay Carlos kanina.
Mabilis ko rin namang nabuksan iyon at saka inisa-isang chineck ang files, ang files na iyon ay naglalaman ng mga business plan na isusumete ko kay dad para sa panibagong project.
Ang kumpanya namin ay kilala sa isa sa tanyag na kumpanya sa kamaynilaan, ang kumpanya namin ay gumagawa at nagbibinta ng iba't ibang uri ng kagamitan sa kotse o sabihin na nating sa lahat ng uri ng mga sasakyan, kasama na rin ang mga bagay na ginagamit pang ayos ng mga makina sa sasakyan.
Nang masiguradong ayos na nga ang pagkakagawa ni Carlos ay rineplayan ko na ang email nito at sinabing ipasa na niya kay dad upang ito na ang magdesisyon para roon.
Papatayin ko na sana ang computer nang biglang sumagi sa isip kong buksan kahit ngayon lang ang aking Facebook Account, hindi ako active sa anumang uri ng social media dahil madalas busy ako at wala akong oras para sa mga bagay-bagay lalo na sa FB at iba pa halos noong isang buwan ang natatandaan kong binuksan ko ang account ko.
Dahil computer ang gamit ko ay automatic na nag open ang message ko, na kay Estella lang galing binack read ko at karamihan sa message roon ay nung isang buwan pa na hindi ko manlang binasa.
Dalawang message requests akong nakita na sunod kong tiningnan ikinagulat ko pa kung bakit nagkaroon ako ng group chat na wala naman akong natatandaan na may sinalihan ako.
'BA1n1 - Entrepreneur' Basa ko sa pangalan ng group chat, BA stand for Business Administration at ang 1n1 ay ang section nila at natandaan kong iyon ang unang schedule ko tuwing umaga na tinuturuan ko.
Nagmula naman ang isa pang request message galing kay Nathaniel Salazar na sa pagkakatanda ko rin ay mula sa section na iyon.
Hindi ko binuksan ang message na iyon at mabilis kong ni-log out ang account ko sa computer saka pinatay na ito, wala na rin naman akong gagawin na kaya agad na akong lumabas ng opisina ko.
Balak kong sa phone na lang mag open ng account ko na mas madali kumpara sa computer.
Agad na hinanap ng paningin ko ang phone matapos makabalik sa kwarto at binalikan ko kung saan ko nilapag ang phone ko kanina at agad ko namang nakita na nakalapag iyon sa center table.
Hawak ang phone ko ay naupo na ako sa kama at isinandal ang likod sa head board na iyon, binuksan ko na ang internet sa phone ko at binalikan ang messege request ko kanina.
Una kong binuksan ang message galing kay Nathaniel.
'Prof pa accept na lang po ng request sa group chat thanks po' basa ko sa messege nito, sunod kong binuksan ang group na iyon at nag chat sa kanila upang tanungin kung para saan iyon.
Me: Good evening everyone, what is this all about? I didn't tell you to create a group for our subject?
Senend ko iyon at ilang sigundo lang ay mabilis na may nag seen ng chat ko.
Atom: Ewan ko nga rin prof, inadd lang din ako ni Nath.
Ang nag ngangalang Atom ang nag reply sa chat ko.
Nathaniel: Group po ito para malaman kong ilang percent na po ang chance ni Mischell sa inyo prof.
Chat naman ni Nathaniel, at dun na may nag seen na lima pa at sabay-sabay na nag react ng 'haha' emoji sa chat nito.
Nathaniel: Hahaha charot lang prof 'wag niyo pong seryosohin ang sinabi ko pwede namang related lang sa subject ang pag-uusapan natin dito.
Sunod uling reply nito.
Mischell: Hoy mga hinayupak kay gandang bungad n'yo sa'kin ako agad pinag-uusapan ninyo.
Nathaniel: Burikat nandito si prof 'wag kang magmura mahiya ka naman.
Me: Sinong hinayupak miss Flor?
Reply ko sa chat ni miss Flor.
Mischell: Bwhahaha sorry po, hindi ka kasali dun prof sila lang.
Me: Kahit yata sa bahay niyo hindi pa rin natitigil iyang kadaldalan mo ano?
Mischell: Hindi po gaano.
Reply naman nito.
Me: Magsitulog na kayo may pasok pa bukas.
Nathaniel: Naku prof 'wag mo pong sabihin iyan kay Mischell hindi po 'yan natutulog.
Mischell: May isang sabunot ka sa'kin bukas bukas haliparot ka.
Atom: Nakakatawa talaga kayong dalawa Mitch and Nath, unang araw ng klase kayong dalawa agad nag-iingay sa room pati ba naman dito sa GC haha
Nathaniel: Gusto mo paingayin ko rin ang buhay mo halika na rito.
Puro seen na lang ang nagawa ko habang napapailing at napapangisi na lang akong binabasa ang mga asaran nila, hindi ko alam kong bakit ganoon ang naramdaman ko na parang iba na tila ba pantay lang ang tingin nila sa akin na kabilang din sa kanila at hindi bilang kanilang professor, nakakatuwa kung paano ang pag-uusap nila na kahit kanina lang sila nagkita-kita sa klase ay parang kilala na agad nila ang isa't isa, ang saya ng mga kabataang ito ay hindi ko manlang naranasan, kahit isang beses sa buong buhay ko hindi ko naranasan na maging malaya at masaya kasama ang mga kaibigan dahil simula pa lang wala akong kahit isang itinuring na kaibigan.
Hindi ko na itinuloy ang pagbabasa sa mga usapan nila saka ko pinatay ang phone at nahiga na upang makapagpahinga.
Wala pang limang sigundo ay biglang nag ring ang phone, pangalan ni Estella ang nakalagay roon at tumatawag ng tingnan ko ang phone ko.
Pinindot ko ang volume ng phone hanggang sa maging zero, saka ko isiniksik ang phone sa ilalim ng unan ko at hinayaan ang tawag na iyon.
Wala na akong sigla na kausapin pa ito, wala namang kwenta ang mga pinagsasabi niya.
Tuluyan na rin akong nakatulog.
_______ 3:11 AM _______
Nagising ako dahil sa kumakalam ang sikmura ko dahil sa gutom, wala nga naman pala kasing laman ito at nakatulog na lang ako.
Kinapa ko ang phone sa ilalim ng unan ko, bukas rin ang ilaw kaya maliwang ang buong paligid ng kwarto ko pinilit kong itayo ang sarili ko dahil tila ba hindi ko na kakayanin ang gutom.
Agad na tinungo ko ang kusina upang tingnan kong anong pwedeng kainin, nag painit na lang ako ng tubig upang makapagkape halos isang kamay ko lang ang naigagalaw ko ng maayos dahil masakit pa rin ang kaliwa.
May ulam sa oven marahil iyon ang hindi ko nakain kagabi, kaya nagpasya akong initin rin iyon dahil hindi ko na kayang maghintay kong magluluto pa ako.
Matapos mainit ang pagkain ay kumain na ako na sinabayan ng kape, inopen ko ang phone habang kumakain ako binuksan ko ang internet upang i-check ang message ko at dalawang message lang ang naroon ang group chat at ang isa ay kay Estella, binura ko ang kay Estella na hindi manlang muna sineen iyon, mapapagod din ang babaeng 'yan kapag tumagal.
Sunod kong binuksan ang group chat at bumungad sa'kin ang chat ni ms. Flor na kakasend pa lang 1 minute ago, ang aga naman yatang gumising ng isang ito.
Mischell: Good morning mga pipol!!!
Basa ko sa chat nito na kapansin-pansing ako pa lang ang nakakaseen dahil ako pa lang ang magbubukas ng group chat, marahil tulog pa ang iba dahil alas tres pa lang ng umaga.
Hindi ako nagreply roon at pinatay na ulit ang phone ko saka pinagpatuloy ang pagkain.
Matapos noon ay hindi na ako dinalaw pa ng antok, nagpasya akong i-check at ayusin na lang ang schedule ng mga meeting ko sa office para magawan ko ng paraan hindi na ako babalik sa pagtulog dahil dalawang oras na lang ay maliwanag na at may pasok na rin ako sa school.
Mischell's POV
"Tito p'wede po bang humingi ng pabor sa inyo." Nakayukong sabi ko dahil nakakahiya naman na abalahin ko pa ito pero kailangan eh, nakatayo ako sa may tabi nito habang nakaupo naman siya kaharap ang laptop na nakalapag sa mesa.
"Sure Mitch ano 'yon," tugon niya na hindi manlang ako tinapunan ng tingin dahil abala ito sa kinakalikot niya sa laptop niya sa harap mismo ng hapag habang nakahain ang mga pagkain.
"Gabi na kasi ako makakauwi mamaya p'wede po bang magpasundo, may meeting kasi ang mga scholar kaya medyo gagabihin ako," sabi ko.
"Sige, mga anong oras?" walang pagdadalawang isip itong pumayag sa pabor ko.
"Mga around 7 po siguro," napapahiyang sabi ko dahil nakakahiya naman talaga dahil hindi pa ako nagpasundo rito kahit isang beses, pero ngayon kailangan ko dahil medyo malayo ang school at 'di pa ako nakakatry na umuwi ng gabi na at ito ang unang beses.
"Tamang-tama Mitch mga 7 din ang uwi namin mamaya hintayin mo na lang kami," sumabat naman si Tita na kanina pa nakikinig sa'min habang kumakain ito.
"Sige po tito, tita thank you po." Pasasalamat ko sa mga ito, sa kabaitan nila ay ako na ang nahihiya sa sarili ko idagdag pa ang kalagayan ni mama na inaako nila lahat ng gastusin.
Matapos sabihin iyon ay agad na akong nagmadaling tumalikod.
"Wait." Natigil ako sa paglalakad ng tawagin pa ako ni tita kaya nilingon ko ito.
"Hindi ka pa nag-almusal aalis ka na?" tanong nito sa'kin.
"Late na po ako tita, sa school na po ako kakain ibinilin ko na rin po kay Aling Gemma ang mga gamot ni mama, mauuna na ako salamat." Sagot ko kasabay ng pagmamadali ng lakad ko saktong nakalabas na ako ng bahay ay saka ko rin natapos ko ang mga sinasabi ko.
Mabilis akong tumungo sa sakayan upang makapasok, ilang minuto pa ang tinagal ng byahe ko dahil sa distansyang layo ng paaralan.
Nang makarating sa university ay halos liparin ko ang taas ng hagdan sa pagmamadali ng hakbang ko upang makarating agad sa silid ko.
Walang katok-katok manlang akong ginawa nang pumasok ako sa silid na iyon, gulat man ang reaksyon ng iba ng makita ako ay hindi ko na lang pinansin at saka nakahinga ng maluwag dahil wala pa sa silid namin si Prof.
"Good morning classmates and hello universe!" maaksyong sabi ko sa lahat ng mga kaklase ko upang batiin sila halos umalingawngaw ang tinig kong iyon sa apat na sulok ng aming silid.
Wala pa akong kain sa lagay na 'to pero full energy na.
Nagtaka pa ako kung bakit wala manlang nagsalita o nagreact sa sinabi ko, nanatili lang silang nakatingin sa'kin at walang ginawang ingay.
"YOU'RE LATE."
Halos mapalundag ako sa gulat ng marinig ang nagsalita galing sa likod ko, naistatwa ako sa kinatatayuan ko ngunit pilit kong nilingon ang nagsalita.
Nakakrus ang braso nito habang diretsong nakatayo mismo sa may gilid, walang kahit anong reaksyon ang makikita sa mukha nito.
Hindi ko akalaing nandito na pala si Prof ang akala ko kanina ay wala pa dahil hindi ko ito napansin nang pagpasok ko.
Napapahiyang ngumiti pa rin ako ng ubod ng tamis sa harap nito ngunit sumalubong ang kilay nito habang nakatingin sa'kin.