Napatingin siya sa lalaking dahilan ng pagkawasak ng mundo niya.
"Nagkakilala kami ni Ruby sa school, where in classmate ko po siya sa isang subject at niligawan ko po ang anak niyo dahil na love at first sight ako sa kanya." May ngiti sa labing kuwento niya.
"So, Ikaw ang sinasabi sa akin ni Ruby na bastos na lalaking nagnakaw ng puso niya?" Sabat sa kanya ng babaeng Rose ang pangalan.
Tumango siya bilang pagsagot.
"Kung ganon ay paano muling nagkrus ang landas niyo ng anak ko?" tanong ng Donya sa kanya.
"Tumigil man siya sa pag-aaral ay hindi kami nawalan ng koneksiyon sa isa't-isa, hindi niya nilihim sa akin na pinatigil niyo siya, dahil mas gusto niyong pumirmi na lang siya sa bahay at doon mag-aral."
"Kung ganon ay hindi din lihim sayo na ikinasal sila ni James?" dugtong nito.
Tumango-tango siya.
"Ikaw James, may alam ka ba sa ugnayan ng asawa mo sa lalaking ito?" Turo sa kanya ng Donya.
"Hindi ko po tinatangi na open sa akin ang asawa ko." 
"Kung ganon ay alam mo nga?"
Tumango si James.
"Hindi ka man lang nagalit?"
"Noong una nagrebelde po ako, nambabae hanggang sa hindi ko na naalis."
Tumango-tango ang Donya at ibinaling ang tingin sa taong nagsisilbi dito.
"Ikaw During, alam mo rin ba ito?" Tinitigan nang ginang ang tinawag na babae.
"Hindi ko po alam, Madam." Anito at ipinapatuloy ang pagpapaypay.
"Ikaw Rose?" Tinggin ng Donya sa anak nito.
"I have no idea Mama, ang alam ko lang may asawa na si Ruby at okay naman sila." Magalang na sagot ng katabi niya.
"Kung ganon ay wala sa atin ang pumatay sa anak ko." May diing turan ng Donya.
Napatingin sila lahat dito.
"Maaring isa sa mga malapit sa atin, isa sa mga kagalit natin o di kaya'y isa sa mga taong gusto siyang mawala dito sa mundong ibabaw, dahil sa— hindi ko mawaring dahilan."
Tumingin ang Donya sa kanya.
"Baka may kilala kang taong may ayaw sa anak ko?"
Umiling si Mark at tumingin siya kay James. Tumaas ang isang kilay ng Donya at tumingin kay James.
"Mukhang ikaw ang gustong palabasin ni Mark na kaaway ng anak ko?" Patanong na sita ng Donya.
"Hindi ko itinatanggi na nag-aaway kami, pero hindi sapat na dahilan ang mga bagay na iyon para patayin ko siya at isa pa asawa ko siya." May diing anito.
"Baka isa sa mga babae mo?" Giit ng Donya.
Pero ang astang pagsagot ni James ay naputol dahil muling nagsalita ang Donya.
"At maging ako, baka isa sa mga kaaway ko."  Tumayong anang Donya.
"Napakahirap hanapin ang sagot sa iniwang gulo ni Ruby, kung sana nga lang ay may natirang kahit kunting bakas, pero wala. " Pagwawakas nito at iniwan silang nakasunod ang tinggin dito.
Isang araw na ang nakakalipas at ito siya, nagpapaalam na sa mga magulang niya.
"Mag-ingat ka Sanya, Anak." Huling habilin ng tatay niya.
Tumango siya sa tatay niya at yumakap dito.
"Huwag kayong mag-alala nay, tay tatawag at tatawag ako kapag may bakanteng oras ako, para kahit papano ay dama niyo pa ring kasama niyo ako." Nakangiting aniya sa mga ito.
Nagyakapan sila at maya-maya ay may binulong sa kanya ang Tatay niya. Wala sa loob na napatulala siya rito, pero hindi rin nagtagal ay napangiti siya at tumango.
Narinig niya pa na tinanong ito ng nanay niya kung ano ang binulong nito sa kanya, pero hindi na niya narinig kung ano ang sinagot ng tatay niya. Dahil hinila na siya ng kaibigan pasakay sa tricykle na magdadala sa kanila sa istasyon ng bus.
                 
"Mama, Sigurado ka ba na si James ang nagpapatay kay Ruby?" Tanong ni Rose sa ina na matamang nakatingin sa librong hawak.
"Im not sure, kasi sa tinggin mo ba kasya ang pagrerebelde para masuklian ang paglalalaki ni Ruby?"
"Anong ibig mong sabihin Mama?" Tanong niya sa ina na ngayon ay umi-inom na ng kapeng barako.
"Kung ako ang nasa kalagayan ni James, masasaling ang pagkakalalake ko, kung sakaling malaman kung nambababae ang asawa ko."Anito at humigop ng kapeng iniinom nito.
"Mama, Asawa niya pa din si Ru---"
Tumingin sa kanya ang ina at pinandilitan siya ng mga mata.
Nakakatakot ito na tila siya kakainin ng buhay anumang sandaling bumuka muli ang mga labi nito.
"Alam kong mahirap, pero kailangan kung kumapit sa liwanag na nakikita ko!" Sagot sa kanya ng Donya.
"Mama, hindi ko maintindihan!" Nangi-nginig ang mga tuhod na aniya sa ina.
"Sa lahat ng bagay, may salarin at kailangang may salarin sa mga bagay na hindi mabigyan ng salarin!"
Tintigan siya ng Donya at may gumihit na kunting ngiti sa labi nito. Kinilabotan siya.
               
Napabalikwas ng bangon ang kagigising lang na si James at tila siya binangongot sa panaginip niya. Nakita niya ang asawa niyang galit na galit sa kanya.
"Sh*t!" Napamura siya ng wala sa oras.
Kung sakaling magkaroon ng pag-iimbestiga ang Donya, kung sino ang salarin ay tila may mga bagay na bigla na lamang sasabog at kinakabahan siya.
Hindi niya mawari ang galit sa mukha ng asawa niya.  Tila ito nagbabanta at nagpapa-alala.  Hindi niya alam kung ano ang gusto nitong sabihin sa kanya, dahil bigla na lamang siyang nagising na pawis na pawis.
Pinunasan niya ang namuong pawis sa kanyang noo. Ang sabi sa kanya ni Ruby  sa panaginip niya ay — Maghanda siya dahil mag papaimbestiga ang Momsky nito.
Nasabunotan niya ang sarili at muling umalingawngaw ang sinabi sa kanya ng asawa niya bago ito bawian ng buhay.
                    
Wala sa loob na nabitawan ni Mark ang hawak na baso. Tila siya namalikmata na hindi niya mawari, nakita niya ata ang anino ni Ruby.
Kinabahan siya sa na iisip. Nang biglang may tumapik sa balikat niya. Tila siya mamamatay sa lakas ng kaba na nararamdaman niya.
Huminga siya ng malalim at handa ng lumingon sa may-ari ng kamay na nasa balikat niya. Nang biglang nagsalita ito.
"Bakit kuya?" Anito na nagpatalon sa kanya.
"Put* De L*tche!" Di napigilang bulaslas niya.
Lumingon siya sa kapatid. "Ano bang ginagawa mo rito?" Nabiglang aniya.
Napakunot ang noo nito. "Kuya, What's wrong with you?"
Nasabuntunan niya ang sariling buhok.
"Tila nakita ko si Ruby!" Wala sa loob na aniya.
"Kuya ang lakas talaga nang hangover mo, lasing ka pa ba?" Natatawang sagot sa kanya nito.
"Pwede ba Kharyl!" Galit na sigaw niya sa kapatid
Umiling-iling ito. "Magtapat ka nga kuya, Nag dru-drugs ka ba?"
Pinandilatan niya ito ng mga mata.
Hindi niya alam kung namimiss niya lang ba si Ruby, kaya niya ito gustong makita o dahil naninigil na ito?
Tumaas ang nga balahibo niya sa katawan at tumingin sa kapatid na tinutukan siya ng mini-electricfan.
"Ang lalim kasi ng iniisip mo, baka lang kako may pag-asa ang electricfan na ito na ilipad ng hangin ang mga nasa isipan mo." Natatawang anito at muling itinutok sa kanya ang hawak nito na siyang inagaw niya at pinukpok sa ulo ng kapatid niya.
"You brat!" May diing aniya at tinalikuran ang kapatid.
         
Sa kabilang banda ay hindi mapigil-pigil ang ngiti ng isang taong nakaharap sa laptop nito at panay ang ngiti sa pagmumukha ni Ruby.
Maaring nagsisimula pa lamang siya, pero may kunting takot man siyang nararamdaman ay alam niyang magkakaroon din ng Salarin.
Ang Salarin na magdudusa sa kasalanang siya ang may gawa!
Sa wakas ay nakarating na sila ng Manila. Tumingin siya kay Kayla na bakas sa pagmumukha nito ang saya.
Ang saya na sa wakas ay nasa Manila na sila.
"Saan tayo tutuloy?" Aniya sa kaibigan habang chenecheck ang gamit niya.
Hinila siya nito sa isang upuan na bakante at hindi pa nauupuan, magkatabi silang umupo roon.
"Antayin na lang natin ang sundo natin, Sanya." Anito at inumpisahang butingtingin ang cellphone nito.
Huminga siya ng malalim, hindi siya kumportable na may katabi siya sa iisang monoblack. Tila siya nasisikapan kung kaya napatayo na lamang siya.
Dati ay hindi naman siya ganon, hindi nga siya maarte kung tutuusin pero nag-iba na ata siya. Ganon ba talaga kung may diploma na? Nagkakaroon na ng yabang sa sarili.  Umiling-iling siya at huminga ng malalim.
"Hindi dapat!" Malakas na aniya na dahilan ng pagtingin sa kanya ng kaibigan. Kaya ngumiti siya rito at muling umupo sa tabi nito.
"Anong hindi dapat, Marsh?" Nagulohang tanong nito sa kanya.
"Ah, wala hindi dapat tayo matakot Mallow, na sana makakahanap agad tayo ng trabaho na dapat strong tayo hindi ba?" Nakangiting baling niya sa kaibigan habang nakangiti ng maluwang.
"Naku! Oo, Mars! Ipagpray natin yan God." Masayang sabi nito at muling binutingting ang cellphone nito.
Maingat naman muli siyang tumayo at nagkunwareng masakit na ang pwet sa kakaupo.
"Narito na ang sundo natin Sanya." Kalabit sa kanya ni Kyla.
Bumaling ang tingin niya sa kaibigan na sa ngayon ay sumalubong sa tita nito.
"Hello Tita." Agad na salubong ni Kayla sa babaeng may kaliitan pero may angking ganda.
Nagmano ang kaibigan niya rito kung kaya ginaya niya ang ginawa nito. "Hello po." Nahihiyang bati niya.
"Tita siya po pala ang kaibigang sinasabi ko, si Sanya." Ani Kayla na ngumiti sa kanya.
"At siya naman ang tita ko si Tita Minerva." Pagpapakilala sa kanila ng kaibigan.
"Hello po." Pagbibigay bati niya kay Tita Minerva.
Ngumiti sa kanya ang tita nito at hinila sila palapit dito at niyakap ng mahigpit.
"Ikinagagalak kung binisita niyo ako mga ineng, hala tayo na at alam kung kanina pa kayo nagugutom."