Nakarating kami sa shop na ibinigay sa amin. Malaki ito at punong puno ng kukay pink. Hindi na natanggal sa labi ni Calvin ang ngisi kanina pa.
Ingat. Baka maging aso.
May babaeng mga nasa thirties ang nasa counter. Maputi at mahaba ang buhok. May kausap itong mas bata, mga kaedaran ko. Maputi rin ito at makinis, naol.
"Oh! Kuya Calvin!" Tawag nung batang babae.
Kapatid niya? Napatingin na rin sa gawi namin 'yung isang babae. Nginitian niya si Calvin bago bumaling sa akin gamit ang matang nagtatanong.
"Nay, pamangkin ni tito Zanjo , si Alexin."
Ngumiti ako sa kaniya, ngumiti siya pabalik at inayos ang suot. Napalingon ako roon sa batang babae nang naramdaman ko ang titig niya.
"May kamukha kang babae sa school namin." Sabi niya at inikutan ako.
Wala akong kamukha! Unique ata ito.
"Wala akong kapatid," sabi ko.
Meron, lalaki. At tsaka wala sila rito at bata pa 'yun. Hindi ko 'yun kamukha. Hindi rin naman 'yung step sister kong mukhang basahan. Ayokong maging basahan.
"Pinsan—"
"Amberlyn, pumasok ka na nga!" Saway nung babae na paniguradong mama niya ito.
Bumuntong-hininga si Amberlyn at hinalikan sa pisngi ang mama. Palabas siya ay sinusuri pa rin ako hanggang sa ngumiti na lang siya nang nakalayo na.
Binalik ko ang tingin doon sa babae na nakatingin sa akin.
"Sino nanay mo?" Tanong niya.
Hindi naman kami pumunta rito para sagutin ang mga katanungan.
"Uhm... mago-order po kami."
Halatang medyo nainis siya sa inasta ko dahil sa lakas ng buga niya ng hangin. Umirap ako nang patago. Sorry for the attitude.
"Nay Elma..."
Lumapit na si Calvin sa counter nang umupo ako sa isang silya. Ako pa ang papipiliin, hindi ko naman alam ang gusto ni Elle. Baka kunin ko lahat chocolate ang flavor.
"Girlfriend mo?" Narinig kong tanong ni nay Elma.
Nakakunot ang nuo ko habang pinapakain nang pinapakain si pou. Lahat ata ng pambatang laro nasa cellphone ko dahil sa kapatid ko pero nagugustuhan ko rin naman.
"Hindi pa," sagot ni Gio.
"Ikaw, ah! Pero ang sungit."
"Ganoon lang talaga 'yan. Papalambutin ko 'yan."
Nag angat ako ng tingin at ang sumalubong sa akin ang pilyong ngiti ni Calvin at malisyosong tingin ni Nay Elma. Huminga ako nang malalim bago ako tumayo at lumapit na sa kanila. Wala ata kaming matatapos kung nagdadaldalan sila.
"Anong flavor?"
Tinignan ako ni Calvin.
"Chocolate."
"Chocolate at strawberry po." Dagdag ni Calvin na ikinalaki ng mata ko.
Sino ka para dagdagan ang flavor?
Naramdaman niya titig ko kaya bumaling siya nang nakataas ang kilay at bahagyang nakaawang ang labi. Napababa ang tingin ko sa labi niya nang basain niya ito.
Pinilig ko ang ulo ko at finocus ang mata sa mata niya na kumikislap ng dahil sa ilaw.
"Bakit mo nilagyan ng strawberry? Chocolate lang sinabi ko!" Giit ko.
Nawala nanaman ang mata ko nang basain niya ulit ang labi at bahagyang kinagat. Sumandal siya sa counter at itinuko ang isang siko 'tsaka ako mataman tinitigan.
"Hindi naman ikaw ang mag bi-birthday. Hindi mahilig sa chocolate si Elle," sabi niya at bumaling sa harap at pumangalumbaba.
Ngumuso ako, "Edi ikaw na. Kilalang kilala, ah."
Ngumisi ako bago bumalik sa pinagupuan kanina. Narinig ko pa ang pagtawa niya bago siya kinausap ulit ni nay Elma. May naaamoy ako sa kanila, eh. Ano 'to? Silang dalawa ni Tristan may gusto sa pinsan kong wala pang eighteen? Tatanda na nitong dalawa.
Haba ng hair, nag rejoice ka ba girl?
Umupo siya sa harap ko at pumangalumbaba. Hindi ko siya pinansin at itinutok na lang ang mata sa tae ni Pou. Hindi ba ito marunong tumae sa kobeta? Nagkakalat pa, dugyot.
"Chocolate favorite mo?"
"Hindi."
"Eh, ano?"
Umirap ako, sumandal ako at ibinaba ang phone. Nakanguso na siya, pinipigilan ang ngiti. Bakit kailangan pang tanungin?
"Wala. Mama mo?" Tanong ko.
Umiling siya. "Hindi, nanay-nanayan ko lang."
"Ah."
Hatdog.
Sumandal siya at humalukipkip.
"Wala kang favorite?"
Umiling ako.
Bahala siya diyan, hindi naman siguro halata na favorite ko ang chocolate, ano? Kailangan pa talagang paulit ulit.
"Edi ako na lang."
Halos mawala ang kaluluwa ko sa sinabi niya. Chocolate vs ikaw? Pipiliin ko chocolate, makakain 'yun at masarap.
"Hindi ka masarap," I lied.
Hello?! Kahit tignan mo lang siya alam mo na!
Pagkatapos naming umorder ng ilang cakes at cupcakes, ang pupuntahan naman namin ay ang pinagawang invitations ni tito. Bakit may pa invitation pa, pwede namang chat-chat na lang.
"Nauuhaw ako." Anunsyo ko sa kalagitnan ng biyahe at kalagitnaan ng makitid ng daan. Nasa may dulo pa raw ang shop nung gumawa.
Lumingon siya sa akin bago sa rear mirror, para tignan ang likod.
"Try mo check sa likod," sabi niya.
Tumango ako at tinanggal ang sapatos. Dahan dahan akong medyo tumayo at kumapit sa lahat ng pwedeng kapitan, 'wag lang siya.
Baka mafall.
Maayos akong nakarating sa likod at naghanap ng inumin. Nakita ko ang isang mountain dew. Bumalik ako agad sa harap at nagsuot ng sapatos. Uhaw na uhaw na talaga ako.
Uminom ako at napasarap nang napangalatian ko na. Sarap sa lalamunan ng lamig.
"Ang sarap!" Hiyaw ko.
Napansin kong tumitikhim si Calvin kaya inilahad ko na ito saa kaniya pero hindi niya kinukuha.
"Do me a favor... Painumin mo ako," sabi niya na agad kong inilingan. Ibinaba ko sa gitna namin na may lagayan ng mga inumin 'yung mountain dew.
Ayoko. Ayoko ngang ako nagpapainom sa kahit kanino tapos sa kaniya papayag ako.
"Please?"
"Ayoko."
Ilang beses pa niya akong pinilit nang nanahimik na siya at pinagpatuloy na lang ang pag da-drive. Nakatingin lang ako sa labas na puro pader. Bakit kasi looban pa ang pinili ni tito.
Ilang sandali nakarinig ako ng ubo sa kung saan. Nagkunwari akong lumingon sa likod kahit alam ko namang si Calvin 'yon. Ayoko pa rin.
"Alexin, please?"
Napalunok ako sa himig at lamig ng boses niya ng tinawag ako. Nilingon ko siyang umuubo ubo pa rin. Nakakawa siyang tignan.
Sige na nga!
Umirap ako at kinuha ang bote at binuksan. Itinapat ko sa kaniya iyon nang biglang niyang hilain palapit pa ang kamay ko. Pinagmamasdam ko siyang umiinom at napupunta sa adam's apple niyang tumataas at baba.
Nagkatinginan kami. Nagulat na lang ako ng natapon ito ng kaunti sa t shirt niya. Agad kong inalis at isinarado 'tsaka binaba. Ang tanga.
"Ano ba 'yan! Ang lagkit na ng kamay ko!" Reklamo ko at naghanap ng tissue.
"Na-distract ata tayo." Tumawa siya nang dahilan nang paginit ng pisngi ko. "Hanap ka diyan sa Compartment, 'tsaka damit na rin."
Binuksan ko ang maliit na compartment. Maraming papel doon at kung ano ano. Nakakita ako ng wipes na agad kong nilabas at naghanap ng shirt niya. Nakita ko ang kulay itim na may tatak na Love at may arrow sa baba. Nakakakilabot.
Pagkahatak ko ng damit may nahulog ng kung ano. Pinulot ko ito, para siyang powder sa mga pancit canton. Ano ito? food Trip? Wala namang pancit canton dito.
Pinitikpitik ko ito at inalog alog. Nagulat na. lang ako nang hablutin ito ni Calvin. Lumunok siya at binasa ang labi bago itinigil ang sasakyan sa may maluwag na espasyo.
Nang tuluyang nahinto ay nilagay niya ito sa bulsa ng pantalon. Pinanliitan ko siya ng mata, nakakita na ako niyan eh!
Natutop ko ang labi at uminit ang pisngi. Punyeta! Ano ba 'yan Lex! Umayos ako ng upo nang hindi mahalata ni Calvin ang pagkailang ko.
"N-Nasaan na 'yung shirt?"
"Oh!" Binato ko sa kaniya 'yung shirt na kulang isa, parang couple shirt kasi siya.
Kinuha niya ito. Ambang bubuksan ko ang pinto nang nagsalita siya.
"San ka pupunta?"
Nagtaas ako ng kilay.
"Really? Papanoorin kitang maghubad?"
Sumilay nanaman ang ngisi niya.
"Wala naman akong sinabing panonoorin mo ako," sabi niya.
Umirap ako at tuluyang binuksan ang pinto. Tumawa pa siya na nangaasar. Kainis.
Sumandal ako sa pinto at pinagmasdan na lang ang mga tricycle na dumadaan. Kailangan ko pang maginsayo kaysa mag-gala. Sayang oras, mamaya bigla nanaman nila akong mahanap.
Nakakita ako ng dalawang bata. Naalala ko ang kapatid kong malapit sa akin. Miss ko na siya. Susubukan kong dumalaw at masiguradong walang makakasunod.
"Hindi pwedeng ipasok ang sasakyan sa loob, masyadong masikip."
Hindi ko napansin ang pagbukas at pagtabi sa akin ni Calvin. Nilingon ko na siya at napatingin sa damit niya. 'Yung arrow ay nakatutok sa akin. Lumipat ako sa kabila.
Tumawa siya.
"Itapon mo na 'yun, expired na ata," sabi ko na ikinataka niya.
Umirap ako nang tuluyang sumilay ang ngiti sa labi niya.
"For future purposes."
"Expired na 'yan. pag ginamit mo!"
"Paano mo nasabi?" Nagtaas siya ng kilay at sumandal na rin katulad ko.
"Malamang ginamit ko bibig ko," sabi ko.
"Hindi ako gagamit nun. Pag nakipagtalik ako, sigurado na ako. No need for that, just a ring wearing by her." makapagdamdamin niyang sinabi.
Natameme ako at umirap na lang.
"Dami mong knows..."
ᥬ😌᭄