( Andrew's point of view )
"Andrew, anong trabaho mo?" Usisa ni Bella habang kumakain kaming lahat nalingon ako kay Prinsesa kung narinig nito pero hindi.
"Chef ako sa isang restaurant."
"Namamasukan ka?"
"Sariling negosyo ko ito." Kainis. Bakit ba hindi lumilingon itong babae na ito nilalakasan ko na nga pagsagot. Sina Mamsy nga napapangiti habang nagsasalita si Bella tapos siya parang abala lang sa pagkain. Ano 'yon timawa lang.
"Talaga?" I nodded boring niyang kausap.
"Oo nga pala naghahanap ng trabaho itong si Bella baka naman may space ka pa sa restaurant mo as a waitress masipag ito at mapagkakatiwalaan." Bulaslas ng Tita.
"Sa ngayon wala pa kami hinahanap."
"Sayang naman."
"Pero magtatanong po ako sa kaibigan ko marahil hiring sila."
"Ipagagawa ko na siya ng resume."
"Hindi na kailangan tita dahil mayroon na po akong dinala na resume." Sabat ni Bella rito.
"Oh ayon naman pala! Drew, baka naman puwede samahan mo siya bukas ng umaga sa kaibigan mo."
"Sure tita." Nilagyan ko ang plato ni Prinsesa ng ulam, "Kumain nang kumain." Nagkatinginan kami ni tita matapos kong gawin yon.
"After niya mag-apply puwede kayo lumabas dalawa ipasyal mo naman, since wala pa siyang alam sa manila."
"I have a job. Alex could have just joined her on the tour." Seryoso kong tugon.
"Si Alex ba iyong kakambal mo??" Sabat ni Bella.
"Oo,"
"Magkamukhang-magkamukha siguro kayo ano?"
"Sabi nila."
"Parang ang saya makakita ng magkamukha sana kapag nagka-anak ako kambal din." Dedepensa sana ako kaya lang biglang na ibuga ni Prinsesa ang tubig.
"Oh, Princess." Nag-aalalang sabi ni mamsy. "Dahan-dahan kasi."
"Hehe pasensya na ang sarap po kasi ng luto ninyo kaya nabulunan ako. Puwede pa po ba humingi ng kanin at ulam?" ANG TAKAW.
"Oo naman, Andrew, magsandok ka pa ng kanin ginugutom mo si Prinsesa." Iiling-iling akong nakipagtitigan kay Prinsesa.
Abala akong nagsasandok ng kanin ng may kumalabit sa likod ko.
"May kailangan ka ba?"
"Ang ganda ni Prinsesa, ano?"
"Ah si Princess oo naman maganda talaga."
"Nanliligaw ka 'ron ano?"
"Hindi."
"Hindi? Bakit?"
"Nanliligaw sa kanya ang kakambal ko."
"Ibig sabihin siya may gusto kay Prinsesa?"
"Ganoon na nga."
"Ibig sabihin okay lang sa iyo magkaroon ng girlfriend?"
"Depende." Ngisi ko rito sabay abot sa kanya ang kanin.
"Dependeng ano?"
"Kung hindi niya sagutin kakambal ko siya gusto ko maging girlfriend." Tinapik-tapik ko ang balikat bago kami lumabas ng kusina.
"Eh di gusto mo nga siya!"
"Oo na."
"Ayiiieeee, alam niya?"
"Oo."
"Hala, ang cute sana ako rin gustuhin ng magkakambal."
"Malabo."
"Ano?"
"Wala." Nakabalik na kami sa lamesa. Pinagsandok ko si Prinsesa bago bumalik sa kinakain.
AFTER KUMAIN nasa sala lang kami at nanunuod ng Volleyball tournament. Tutok na tutok si Princess ng kalabitin ko.
"Oh?" Ngunit hindi ako tiningnan.
"Tara sa labas?"
"Labas, bakit?" Please, look at me.
"Date," matamlay kong bulong.
"Date?" Then sa wakas tiningnan mo rin ako, "Tatapusin lang namin itong volleyball." Napasigaw si papsy dahilan para mapasigaw din ito nakapuntos kasi ang gusto niyang grupo.
"Wow! Very good. Very good." Bulaslas ni mamsy dahil nagkapuntos naman ang gustong grupo. Nakasimangot si Prinsesa ng tingnan ako.
"After nito saka tayo lumabas." Pilit ang ngiti ng tingnan muli ang pinapanuod.
"Maya-maya lang gabi na ayokong abutin tayo sa kalsada ng madilim."
"Ano ka ba takot ka yata mabastos." Nagbibiro nitong sabi.
"Ikaw ang ayokong mabastos." Natigilan ito nakipagtitigan sa akin kasabay ng pamumula ng mukha.
"Nandiyan ka naman ipagtatanggol mo naman ako 'di ba?"
"Sabi ko nga." Napakamot ako sa pagkapahiya.
"Wooooohhh....lamang na papsy, lamang na sila!" Tindi ng babaeng ito itinaas pa ang paa sa sofa feel at home.
"Babawi kami." Parinig ni mamsy dito.
"Mamsy, magagaling po talaga ang pambato namin." Naniningkit mata nito ng tingnan ang lola ko.
"Pero magaling din pambato ko."
"Malalaman po natin hindi ba papsy?" Akbay kay lolo.
"Oo naman."
"Ah, ganoon." Tumingin sa akin si mamsy na tila humihingi ng saklolo wala kasing kakampi.
"La, hindi po ako interesado sa ganyang laro." Katwiran ko.
"Wala ka talagang kuwenta nasaan ba si Alex, mabuti pa siya." Alam kong nagbibiro lang siya marahil pinaparinig lang kay Prinsesa dahil naiinis na.
"Mamsy, wala po si Alex may pinuntahan kasama ng pinsan ko."
"Saan?"
"Sa bataan po pero uuwi rin bago dumilim."
"Malayo iyon ah."
"Opo, baka nga po paalis na yon sa bataan at pauwi na."
"Pero patapos na itong laro paano pa ako makakahanap ng kakampi?"
"Eh di tanggapin na lang natin ang magiging resulta. Hehe."
"Salbahe kang bata ka." Sabay yakap ni Prinsesa kay lola.
"Joke lang po." Ginalaw-galaw ang ulo na parang pusang hindi matae. "Ang sarap po siguro magkaroon ng lola."
"Bakit wala ka na ba lola?"
"Mayroon po kaya lang nasa probinsya."
"Dalawin mo."
"Ayaw nila mommy at daddy." Malungkot itong humiwalay kay lola.
"Bakit?"
"Hindi ko po alam ang dahilan basta hindi sila umuuwi ng probinsya." Tumingin sa akin si lola matapos magsalita ni Prinsesa.
"Baka busy lang magulang mo."
"Tapos na ba 'yan??" Tanaw ko sa tv. Ayoko pag-usapan ang mga bagay na nagbibigay lungkot sa kanya.
"Wooooohhhh! Panalo, panalo tayo Princess." Nagtatalon si lolo habang nakaharang sa tv. Kita ko ang reaksyon ni mamsy inis na inis sa asawa habang si Prinsesa hindi na maipinta ang mukha.
Hinatak ko ang kamay niya palabas ng bahay.
"Ano ba masarap kainin?" Usisa ko habang naglalakad sa tabing kalsada.
"Kain na naman?" Reklamo nito.
"Nakakagutom."
"May alaga ka yata sa tiyan mo."
"Mayroon, ahas."
"Palagay ko hindi lang ahas."
"Kung makapagsalita ka, ikaw nga diyan lakas-lakas kumain nagreklamo ba ako?" Nakangisi kong sabi.
"Pasensya ka ganoon ako, eh."
Hinawakan ko ang kamay, "Alam ko na may malapit ditong food park gusto mo?" Nagningning ang mga mata nito, "Oh, oh, mukhang alam ko na ibig sabihin niyan seryoso, sino sa atin dalawa may alaga sa tiyan?"
"Syempre, ikaw." Sinikmuraan ako.
"Araaay, ang sakit," nguso ko, "Lalo tuloy ako ginutom."
"Para makabawi libre mo ko ha?" Lambing nito.
"May kasalanan ka kaya ikaw manlibre saka ang laki ng kinikita mo sa vlog mo, eh."
"Mas malaki kita mo sa isang araw kaya don't me baka nakakalimutan mo date natin ngayon."
"Sabi ko naman kasi sa iyo na huwag ka umasang magiging maganda ang date natin. Buweno, ililibre na nga kita baka magreklamo pa buwaya riyan sa tiyan mo."
"Hoy! Alam mo sobra ka sa akin ganyan ba nanliligaw ha?"
"Nagpapakatotoo lang ayoko magpakita sa iyo ng good sides."
"Sus, sabihin mo masama pa rin ugali mo, suplado, at antipatiko."
"Matagal na 'yon nagbago na nga 'di ba?"
"Malay natin kung may natira pa kahit kaonti baka nga tama sinabi nila bigla mo ko iwan dito wala pa naman akong pamasahe." Nakatakip ang bibig nito ng kanyang kamao.
"Ang kulit mo." Hinimas-himas ko ang ulo na kaagad niya inalis.
"Huwag mo guluhin buhok ko."
"Buhok lang."
"Kahit na gusto ko maganda pa rin ako sa paningin ng tao."
"Maganda ka naman kahit magulo buhok mo." Nilapitan ko ng maigi pagkatapos inayos ang buhok na gulo, "KAHIT SAAN ANGGULO MAGANDA KA PA RIN."
"Mambobola."
"Kailan ka kaya maniniwala sa mga sinasabi ko?" Ngisi ko sa harap nito.
"Kapag nagsasabi ka na nang totoo."
"Paano ka nga maniniwala kung ayaw mo magtiwala."
"Sa akin na lang iyon kung paano."
"Ang damot tara na kawawa ka naman ginugutom." Inakbayan ko sabay batok sa akin.
Ang sarap niyang kasama sana ganito na lang kami walang iniisip na problema at sana makita niya ang tunay kong nararamdaman.
** DAY 2 **
"Twinny, ano nangyari kahapon?"
"Nagpunta kami sa bahay."
"Tapos?"
"Kumain sa labas pero umuwi rin kaagad kasi baka abutan kami ng gabi."
"Iyon lang?"
"Ah oo nga pala kinagabihan ako nagluto ng hapunan nakakain ka ba? Anong oras kayo nakauwi ni Thalia?"
"Pasado alas syete ng gabi mabuti nga may natira pang pagkain  nakakagutom sa biyahe."
"Oh, may balita ka ba sa akin ha?"
"Successful naman ang shoot." nagpapalaman ng tinapay.
"Nanligaw ka na?" Sumimangot and after 'nun nakita namin si Thalia lumalabas galing kuwarto nito.
"Hindi pa palagi akong binabara kapag seryoso ako magsalita."
"Palagi mo kasi inaaway." Ngisi ko.
"Pero hindi naman sa lahat ng oras dapat magbiruan o kaya mag-away hindi ba?" Tahimik na umupo si Thalia sa puwesto nitong upuan para kumain.
"Ewan ko sa inyo." Iiling-iling huli kong sabi.
Pansin kong nag-ngingitian ang dalawa after mag-abutan ng pagkain parang nanunuod lang ako ng eksena sa isang teleserye. My god, tinalo pa pala nila mga love team.
"Good morning,"
"Good morning, Elaine and Glydel." Bati ko.
"Gising na po si Tita Princess?" Usisa kaagad sa akin ng bata.
"Hindi pa siguro." Ngiti ko.
"Sayang, I want milk pa naman." Nakangusong sabi.
"Ako na magtitimpla sa iyo, anak." Ikinatigil namin nila Alex, at Thalia ng sumulpot si Kevin.
"If you want samahan mo ko sa kusina para maturo mo sa akin kung paano procedure ng gatas mo." Himas nito sa ulo ng bata.
"Huwag na Kevin kaya ko na 'to." Pigil ni Elaine.
"Okay lang mommy." Thumbs up ng bata sa kanya at tuluyang pumasok ang dalawa sa kusina.
"Ehem, what is it?" Walang pigil na usisa ni Thalia.
"Mabait si Kevin, lalong-lalo kay Glydel." Ito lang ang nakuha namin sagot bago sundan ang dalawa sa kusina.
"Sa palagay ninyo may relasyon na sila?" Nagtatakang tanong ng kambal ko.
"Parang...ikaw Drew?" sa akin ang bagsak ng mga mata nila.
"Wala naman siguro masama kung may relasyon dahil malalaki na sila alam na nila ang tama at mali." Pinipili ko ang bawang na nasa sinangag.
"Wala naman siguro masama." Usisa pa ni Thalia.
"Kevin is a good person. We have nothing to worry about when we both come to love one another." Bulaslas ng kapatid ko.
"Kung ganoon okay lang sa inyo? How about sasabihin ng iba? Ganyan din kaya kalawak ang isip nila?" Nagkatinginan kami ni Kambal sa pag-aalala ni Thalia.
"Sa inyo pa nga lang ni Princess iniisip ko kung paano malaman nila. Paano kung magalit sila dahil sa paglilihim ninyong dalawa. Sigurado may magagalit at masisirang pagkakaibigan."
"Oo nga kambal hindi ka pa ba aamin sa iba? Actually, mahirap kasi sitwasyon ninyong dalawa lalo ngayon dapat magka-date kayo pero nag-iisip pa tayo ng idadahilan para magkasama kayo."
"Nakaplano na ang lahat." Ngumiti sa harap ko ang dalawa, "Sasamahan ko si Bella mag-apply sa shop ni Kevin at syempre dapat kasama ka para kasama si Prinsesa."
"Paano kayo maghihiwalay?"
"Basta ako nang bahala."
"Sino nga pala si Bella?"
"Nag-message ako sa iyo kagabi hindi ba o baka hindi ka dumaan kina mamsy?"
"Hindi na nga."
"Sabi na kasi kung oo hindi ka na magtatanong about Bella. So, si Bella kapit-bahay ni tita naghahanap ng trabaho kaya tinulungan kong maghanap."
"Maganda ba?" Taas-baba kilay nito.
"Okay lang." Lapag ko sa tasang mainit-init pa ang laman.
"Single?"
"Kailangan ko pa ba alamin?"
"Syempre naman ang hina mo talaga sa chicks dapat kapag may bagong kakilala tanong kaagad kung may nobyo."
"I'm not interested."
"Pero ako interesado malay mo siya na pala ang babaeng magmamahal sa akin."
"Hasus, kahit gaano pa karami ang babae sa mundo wala pa rin mapupunta sa iyo." Kaagad na bulaslas ni Thalia.
"At bakit naman ha?!" naku po heto na naman po tayo.
"Dahil walang magkakamali."
"Eh paano kung mayroon anong gagawin ko sa iyo?"
"Eh paano kung wala anong gagawin ko sa iyo?" Balik nito sa katanungan ni kambal.
"Sus, selos ka lang yata."
"Me? Oh my, ako talaga ha? Ang kapal talaga ng mukha nito for your info may Daryll na ako." Pagmamalaki nito.
"Paano ka nakakasigurado magiging iyo si Daryll? Nanliligaw siya sa pinsan mo, what if si Daryll talaga gusto niya?"
"Ay, bobo lang? Tatanga-tanga lang? Si Anton na nga pinili sa kanilang dalawa 'di ba?" Nanlalaki mata sa inis.
"Ay, bobo lang? Tatanga-tanga lang? Sobra ka sa akin ha!" Nakuha nitong tumayo pero hindi patatalo si Thalia at pinantayan ang kapatid ko.
"Bakit naiinis ka? Totoo sinabi ko, si Anton ang pinili kaya wala ng pag-asa si Papa Daryll ko." Hampas sa muscle ng kaharap.
"Papa Daryll, Papa Daryll, ang arte mo."
"Kaysa naman sa iyo." Sabay nag-crossed arm bago magtalikuran. Nakuha ko na naman umiling sa inaasal ng dalawa at habang nangyayari ito ay nakita ko si Princess pababa ng hagdan. Iyon nga lang nasa likuran nito si Nathan.
"Ano sa palagay mo?" Hmm, ano kaya sinasabi ni Nate rito.
"Malalaman ko pa baka kasi biglang pumasyal si mommy tapos maabutan kayo."
"Eh di alamin mo sa mismong araw na 'yon kung may lakad siya kapag mayroon lusot na tayo."
Papaupo si Prinsesa sabay ngiti sa akin, "Good morning, Andrew."
"Good morning." Relax ka lang self huwag pahahalata masyado baka mabistado.
"Good morning, Princess." Saka ko lang na pagtuunan ng pansin si kambal dahil titig na titig sa amin ni Prinsesa si Nathan.
"Goo--- Tingin ko hindi maganda ang umaga mo." Natatawang sabi nito.
"Ano pa nga ba sinisira kasi ng magaling mong pinsan." Parinig nito.
"Ano ba sa palagay mo sinasabi mo? Ikaw din naman ah, sinisira mo buong araw ko." Konti na lang sasabog na talaga sa galit itong si Thalia pinigilan lang ni Princess dahil baka magkatapon-tapon ang pagkain dahil sa dalawa.
"Hihintayin ko ang sagot mo." Muling sabi ni Nathan.
"Okay, pero hindi ako mangangako masyadong maliit ang bakuran para magpaparty sa birthday mo."
"Hi Tita Princess!" Patakbong lapit ni Glydel dito na kasunod sina Kevin at Elaine.
"Tayo-tayo lang naman ang magpaparty saka sa gabi sa rooftop tayo pupuwesto." Tila naaalibadbaran si Nate kay Glydel na nakayakap kay Prinsesa.
"Aalamin ko muna ang schedule ni mommy."
"Aasahan ko 'yan special ang araw na iyon."
"Oo nga pala next week birthday mo na." Masahe ni Kevin sa balikat ni Nathan.
"Best friend, huwag mo kalimutan magdala ng chicks." Nagkatinginan kami ni Prinsesa bago tingnan ng masama si Alex.
"Ano ka ba naman Alex nandito iyong taong nililigawan mo tapos magsasalita ka ng ganyan!" Supalpal ni Thalia. Namumuro na talaga si kambal sa babaeng ito mabuti sana kung kami lang nandito na nakakaalam sa katotohanan.
"Sanay na ako kay Alex." May ngiti man sa labi ni Prinsesa alam kong nais na nitong umiling dahil sa kadaldalan ng kapatid ko.
"Pero ako hindi pa rin masanay-sanay pinsan. Minsan napapaisip ako kung playboy ba talaga ang isang ito o nagple-playboy-playbuyan lang para mapansin ko."
"At bakit ko gagawin iyon ha?"
"Ang alin maging playboy?" Patol nito.
"Hindi ang magpapansin sa iyo." Nakita ko nagtaas ang gilid na labi ni Thalia ng barahin siya ni kambal.
"Ang aga-aga nagkaka-ingay kayo." Si Carl kasama si Agatha pero mukhang nagmamadaling umalis ang dalawa.
"Kumain na muna kayo." Aya ni Prinsesa.
"Hindi na Pir late na rin ako kailangan maka-abot traffic pa naman." Tugon ni Agatha.
"Tiyak mahuhuli pa rin kayo at least busog pagkarating sa trabaho."
"Hahatiran ko na lang siya ng almusal tutal malapit lang papasukan kong work." Sabat ni Carl.
"May work ka na? Iyan ba ay permanent na?" Naninigurong usisa ni Nathan.
"Huwag ka mag-alala dahil temporary pa rin ito gaya ng dati."
"Maghanap ka na kasi ng permanent o kaya tulungan mo si tito, ang daddy mo sa company."
"Madali akong magsawa sa mga ginagawa hindi ba alam niyo naman ito kaya huwag na kayo mamilit."
"Guys, huwag niyo nang pilitin ang asawa ko malay natin balang-araw siya kusang kikilos para lumapit sa daddy niya." Hindi ko alam kung pinagtanggol ba ni Agatha ang asawa o nang-aasar lang.
"Kumain muna kasi kayo." Mapilit pa rin si Prinsesa.
"Hindi na, ah Elaine mamaya daanan kita sa shop may mga order kasama ko sa work na flowers basta i-text kita kung anu-ano ha?" Yumakap ito sa dalawang kaibigan.
"Kopya po." Sabay bulaslas nila Elaine at Prinsesa.
"Bye guys, later na lang sa hapunan." At tuluyan umalis ang mag-asawa. Ang saya-saya na siguro ni Carl ngayon biruin mo nakakasama na niya buong araw at gabi ang babaeng minamahal niya. Sana all, masaya.
"Drew, mga alas nuebe mo samahan iyong mag-a-apply para kaonti pa lang tao sa shop." Siko ni Kevin na ngayon ay katabi ko na para kumain.
"Sure, susunduin ko pa naman siya sa bahay."
"Kaano-ano mo?"
"Kapit-bahay ni tita sa probinsya naghahanap ng work ang gusto nga sana sa restaurant ko kaso kompleto na sila. Ikaw ang naalala ko since may nag-resign na tauhan mo."
"Tingin ko hulog siya ng langit ang daming applicant pero kapag pinababalik namin walang sumusulpot."
"Huwag ka kasi terror boss."
"Coming from you huh?"
"I'm not terror saka biro ko lang naman sa iyo na terror ka magkaibigan tayong matalik kaya same tayo ng ugali pagdating sa business."
"I know right."
"Tulog pa rin sina Anton at Daryll?" Usisa ni Prinsesa sa pintuan ng kuwarto ng dalawa.
"Hindi naman yata umuwi." Bulaslas ni Elaine.
"Hindi nga, alas dose na ako pumasok sa kuwarto pero wala pa rin iyong dalawa kinakatok ko pareho pero walang sumasagot." Paniniguro ni Kevin.
"Tiyak nag-jamming na naman mga 'yon." Nathan said.
"Dinamay pa si Anton sa kalokohan." Bulaslas ni kambal
"Anong dinamay so sinasabi mo bad influence si Papa Daryll ko ganoon?"
"Parang ganoon na nga."
"Wow, galing hoy baka hindi mo alam babaero lahat kayong eye catchers."
"Dinadamay mo kaming inosente." Mabilis na depensa ni Kevin.
"Ay, sorry. Haha, except sa iyo at...kay Drew." Tingin sa akin na may peace sign pa.
"Ako rin hindi babaero since break na kami ni Phoebe bago ipagpatuloy ang panliligaw kay Prinsesa." Laging may nakahandang depensa itong si Nathan para sa sarili para ba lahat ng tao dapat niyang kaaway o kakompitensya.
"Oh sige na, oo na hindi na kung hindi magsikain na kayo para masolo namin ni Princess ang bahay." Nag-thumbs up pa ang dalawa.
"Wala kayong date?" Usisa ni Nate kina Prinsesa at Alex.
"Mayroon." Maikling tugon ni Kambal.
"Saan?"
"Kahit saan." Kaagad siyang siniko ni Thalia dahil hindi maganda ang pagkakasagot kay Nathan na tila nahuhuli ang bawat sinasabi nito.
"Kahit saan kako basta kasama siya."
Bumawi ka Alex kung hindi kukutusan kita.
"Make sure gagalingan mo ha?"
"Ako pa ba? Hindi yata ako patatalo sa iyo."
"Talaga?" Ismid nitong tumingin kay Prinsesa. "Basta malakas ang kompiyasan kong pipiliin ni Prinsesa.
"Best, huwag ka nga makampante hindi pa tapos ang isang linggo namin date."
"Alam ko pero tingin ko naman lamang na ako sa iyo." Mayabang din talaga itong si Nathan,eh. Ewan ko ba kung bakit naging friends kami nito.
"Kaya dapat after nito may napipili ka na Pir." Sabat ni Elaine.
"Oo nga ng matigil na ang ibang tao riyan kakapahangin." Pasaring ni Alex sa kaibigan.
"Puwede ba pagpahingahin naman ang katawang lupa ni pinsan? Aba, isang buwan din lupaypay dahil sa inyo bigyan niyo pa ng konting araw o linggo para makapag-isip."
"Tama." Maikling sang-ayon ni Prinsesa na tila ang lalim ng iniisip. Nakuha kong kunin ang atensyon niya sa pakiusap na iabot sa akin ang kanin. Pasimple akong ngumiti ng sa ganoon ay gumanda ang awra nito. Hindi naman ako nahirapan sapagkat ngumiti ito kasabay ng pamumula sa mukha.
"Ehem, okay willing to wait ako." nagkatamaan kami ng tingin ni Nate matapos nito magsalita. Sa palagay-lagay ko nag-iisip ito ng kung ano sa amin ni Prinsesa.
"Me too." Taas kamay ni kambal.
SINUNDO ko muna si Bella sa bahay samantalang nauna nang umalis sina Alex, Thalia, At Prinsesa patungong shop ni Kevin.
"Kinakabahan ako sa palagay mo ba makakapasa ako?"
"Kung sa palagay mo marunong ka sa gawain makakapasa ka."
"Masipag ako."
"Iyan ang hinahanap ni Kevin."
"Best friend mo siya?"
"Oo siya pinaka close ko sa aming pito."
"Sa eye catchers?"
"Paano mo nalaman eye catchers name ng samahan namin?"
"Hating-gabi na kami natulog ni mamsy at nagkuwento nang nagkuwento tungkol sa inyong kambal."
"Si mamsy talaga." Inihinto ko ang kotse bago sabay kami bumaba at pumasok sa shop. Sumenyas ang isang waitress sa kasama nito ng makita kami nakapasok na.
Maya-maya kumakaway si Alex na ngayon abala sila sa kung anong pinag-uusapan may mga nakahain na pagkain sa lamesa nila at frappe.
"Drew, dito ko na lang interviewhin." Bulaslas ni Kevin ng makalapit sa amin habang inaayos ang upuan.
"Puwede ko na ba kayo iwan?"
"Sumama ka na,"
"Pero..."
"Sumama ka na since ikaw nagpasok dito baka mahiya sa akin at hindi magsalita." Nakakalokong ngumiti ang kaibigan ko.
"Sira." Sabay-sabay kami na upo. Sa puwesto namin matatanaw ko sina Prinsesa pero mas kita ang mukha niya dahil halos magkatapat lang kami.
Abalang nagsasalita si Kevin ng mapatingin ako sa puwesto nila. Noong una hindi niya pansin ang bawat sulyap ko ngunit sa pagkakataon na iyon ay nagtama ang mga mata namin. It smiles but is not a simple smile ginagaya niya si Yayadub. So cute bumagay naman kahit nagwa-wacky pa ito. Nakuha kong takpan ang bibig habang nakatikom ang palad lumingon si Kevin sa puwesto nila Prinsesa saka umiiling na may ngiti.
May pailan-ilan nagtatanong si Bella kaya pinapakinggan ko maigi kaya lang masyado yata nagpapansin ang Prinsesa ko inihawi niya ang buhok sa gilid nito sabay kindat na akala mo ay nang aakit. Sabay heart sign na itinatapat sa dibdib. So cute. Nakakapang-init ng...forget it. Masyado lang ako nadadala sa ginagawa niya ang cute kasi para siyang bata na gusto magpapansin sa crush niya.
"It could start work tomorrow morning."
"Talaga ho? Thank you, thank you so much pagbubutihan ko ang trabaho. Hinding-hindi kayo magsisisi na tinanggap mo ako."
"Let's see." Tumayo ito na sinabayan namin, "Order lang kayo papasok muna ako sa opisina." Paalam nito.
"Doon tayo," turo ko sa puwesto nila Alex.
"Hindi na siguro ako makakasama sa bonding niyo."
"Kasi?"
"May pupuntahan pa ako."
"Kahit saglit lang ng makilala mo iba ko pang-kaibigan."
"Marami pa naman pagkakataon importante kasi pupuntahan ko."
"Ihatid na kita."
"Huwag na kayang-kaya ko na ito."
"Sure?"
"Yup, salamat nga pala sa pagsama at pagpasok dito hinding-hindi ka mapapahiya sa kaibigan mo."
"Tulad nga ng sabi niya let's see." Tuluyan na itong nagpaalam. Papalapit sana ako ng puwesto nila ng tawagin ako ni Kevin sa opisina nito.
"Anong mayroon sa inyo ni Prinsesa?" Binungad talaga.
"Friends?" Magsisinungaling ako sa kanya at itong konsensya ko patuloy na nagpaparamdam na maling magsinungaling sa Best friend.
"Kilala na kita Drew you liked her for so long that you couldn't fool me. Aminin mo sa akin hindi ka ba nag-attempt na ligawan siya?"
Heto na yata ang panahon para bawiin at magsisi sa lahat ng kasalanan ko.
"Sorry, ginawa ko lang naman maglihim sa iyo dahil ayokong masira ang pagkakaibigan natin lahat." Bumuntong-hininga ito sa pag-amin ko. "If you plan to get mad at me I will accept. I have never been honest with my best friend."
"Seriously? Hindi ako galit sa iyo. Bakit ako magagalit sa best friend ko ha?"
"Dahil naglihim ako."
"Not a big deal, sabihin mo man o hindi ramdam ko ang totoo so plano mo talaga itago ito sa iba. What if ikaw ang piliin ni Prinsesa eh di masurpresa pa sila at baka doon pa lang magsimula ang iringan ninyo lalong-lalo ni Nathan."
"Kung ako ang pipiliin magagawan na siguro ng paraan pero kung isa sa kanila ang piliin okay lang at least hindi masakit."
"At least hindi masakit? So weird, dapat nga masaktan ka dahil hindi man lang nalaman ng iba ang totoo."
"At least wala silang pagtatawanan."
"You're different. If you were the latter you would have cared for her as the entire army kept her safe. There is something special about her personality that no other woman has."
"I know right iingatan ko siya."
"Mahalin mo."
"Higit sa buhay ko."
"Ipaglaban mo."
"Kahit kamatayan ko pa kapalit."
"Ew, Romeo and Juliet lang?"
"Why not."
"Ngayon ko lang nalaman ganyan ka pala magmahal marami nagkagusto sa iyo pero bakit siya pa rin, bakit siya pa rin ang gusto mo?"
"I also don't know the right answer dahil kapag nagmahal ka hindi mo malalaman ang dahilan."
"Kaya nga kahit lumipas ang maraming taon siya pa rin ang nasa puso mo."
"Parehas lang tayo Kevin."
"Bakit sa akin na punta ang topic?"
"Sa inyo ni Elaine, ano na ba status niyong dalawa?"
"Happy."
"Status hindi feeling."
"Basta feeling mutual."
"Nandito lang ako Kevin." Malalakas na tapik ang ginawa ko sa balikat.
"Aray!"
"Kung mahal mo siya dapat buong puso mo rin tanggapin ang taong minamahal din niya."
"Mahal ko rin si Glydel mabait na bata siya tulad ng kanyang mommy kaya bakit pa ba ako magpapaligoy-ligoy pa sisimulan kong manligaw kay Elaine."
"Hindi pa ba?"
"Hindi pa."
"Hina mo."
"At talagang mahina ka after nito hindi ikaw ang piliin niya. Akala mo ba hindi ko napapansin ang kinikilos niyong dalawa kanina. Gustong-gusto ko na nga kurutin mga singit niyo eh na pigilan ko pa."
"Maging happy ka na lang."
"Kung alam mo lang napaka saya ko dahil bumalik ka na ulit sa dating palangiti. Sana hindi rin siya ang maging dahilan nang pagpatak ng iyong luha."
"Kinakabahan naman ako sa iyo." Salo ko ang dibdib.
"Maging handa ka lang sa mga posibleng mangyari pakakatandaan mo kahit magkakaibigan tayo hindi tayo dapat magpatalo sa isa't-isa lalo kung pag-ibig na pag-uusapan."
PINALAYAS niya ako sa opisina dahil may overseas calling.
"Pasado ba si Bella?" Usisa ni Prinsesa. I nodded. "Pero bakit umalis kaagad?"
"May pupuntahan pa raw siya."
"Twinny, ang ganda niya." Bulaslas ni Alex.
"Kanina ka pa hindi ka nagsasawa? Ako kasi kanina pa naririndi sa bunganga mo na bukangbibig si Bella." Himatok ni Thalia.
"Buwisit sinabi na."
"Ano na naman ba?!"
"Pinagseselosan mo si Bella!"
"Kapal mo talaga, ano?!"
"Bakit ganyan ka umasta?"
"Kasi nga ho paulit-ulit ka minsan kasi isang beses din sabihin para hindi nakakayamot."
"Ngayon nayayamot ka naman alam mo kung totoo sinasabi mong hindi ka nagseselos hindi ka magkakaganyan, hindi ba Prinsesa?"
"Ewan ko sa inyong dalawa talo niyo pa aso't-pusa mag-away." Mukhang suko na rin siya sa dalawang ito.
"Nakakabuwisit kasi mukha nito." Duro ni Thalia sa kapatid ko.
"Alalahanin mo, kung naiinis ka sa pagmumukha ko ibig sabihin sa kanya rin." Turo sa akin.
"Iba naman kasi ugali ninyong dalawa. Kung si Drew tahimik, ikaw naman ubod ng daldal siguro pinaglihi ka ng mommy mo sa chismosang kapit-bahay."
"Eh si Andrew?"
"Sa poging kapit-bahay na nagbibigay ng masarap na ulam!!" Umalingawngaw ang boses nito. Ito rin ang dahilan kung bakit halos mawalan ng mata ang kakambal ko kakatawa with matching hawak sa tiyan.
Kagat labing pinipigilan ni Prinsesa matawa. Hinawakan ko pasimple kamay ito na nakapatong sa lamesa. Hindi naman siguro mapapansin ng dalawa kasi abalang mag-away.
DITO kami nagpalipas ng oras until dumating ang panghalian. Nagpaalam si Thalia na magbabanyo habang si Alex ay kukuha ng ibang order dahil doon kaming dalawa na iwan dito kung kaya't may pagkakataon na magsulyapan sabay ngiti. Maya-maya may lumapit sa table namin si Nathan, itinukod niya ang dalawang kamay sa table bago kami tingnan ng masama.
"Nasaan sina Alex at Thalia?" Nagsasalubong ang kilay.
"Nasa banyo si Thalia." Tugon ni Prinsesa.
"May kinuha lang order si Alex." Dugtong ko, "Ikaw, bakit nandito ka?"
"Kasama ko mga empleyado sa kompanya." Tanaw nito sa hindi kalayuan. "Tapos na ba interview ni Bella na binanggit mo kanina?" Sa akin naka-focus.
"Oo, kanina pa tinatamad pa kasi kami lumabas dahil mainit kaya nagpaabot ng tanghalian dito." Paliwanag ko.
"Ganoon ba, puwede ko ba makausap saglit si Prinsesa?" Seryosong tingin sa katabi ko.
"Ikaw ang bahala." Pero sa loob-loob ko nagsusumigaw na hindi ako makakapayag baka kasi kung ano pa sabihin niya tungkol sa akin o kaya sabihin iwasan ako dahil nanliligaw ang kapatid ko kay Prinsesa.
Tumayo si Prinsesa at sinundan sa di kalayuan si Nathan. Malaki naman talaga lamang niya siya kasi ang first love samantalang ako ay first crush. Ngayon pa lang na wala pa ang tamang piliian nangangamba ako na sa huli hindi ako ang kanyang piliin. Baka si Anton at Nathan ang maglaban sa bandang huli.