(Third Person)
Ramdam na niya na sumasakit na naman ang kaniyang ulo at sumisikip na rin ang kaniyang dibdib. Pagiwang-giwang siyang pumunta sa isang kwarto ng silid-aralan. Halos mamilipit na siya sa sobrang sakit ng kanyang ulo. Nagdidiliryo na ang kanyang buong katawan. Naghahalo ang init at lamig na kaniyang nadarama hanggang sa tuluyan na namang nilamon ang kaniyang katinuan sa pag-iisip.
Palakad-lakad siya sa labas ng laboratory. Balisa. Hindi niya alam kung ano ang gagawin. Unti-unti namang naglalabasan ang mga estudyante ng science laboratory na  katatapos lang mag experiment. Nang makita ang walang mga ideya na mga estudyante sa kanyang presensiya ay may kung anong tumutulak sa kaniya na sundan ang dalawang babae.
"Samantha, samahan mo naman ako,oh?" Yakag ni Aliah. Kasalukuyan na noong dapit-hapon kaya unti na lang ang pumupunta sa cr.
"Ayoko nga,nuh?" Pagtanggi naman ni Samantha.
"Sige na,please? Saglit lang talaga tayo sa CR." Pagpupumilit nito  na hinawakan ang kamay ng niyaya at hinila na papuntang cr.
"Eh, ano pa nga ba? Hinihila mo na kaya ako." Sabi nito sabay irap.
Halos takbuhin na nilang tinahak ang daan papuntang palikuran dahil sa ihing-ihi na talaga si Aliah. Pagkapasok na pagkapasok ni Aliah ay naghintay muna ng ilang minuto si Samantha pero nung makita niya sina Jed at Neji ay sumama na siya dahil sa inip ng paghihintay.
After five minutes ay tsaka pa lumabas ng cr si Aliah. She thought na iihi lang siya pero biglang sumakit ang tiyan niya kaya inilabas niya na rin ang nagmamaktol na masamang hangin sa loob ng kaniyang tiyan.
Saktong pagkasara ng pinto ni Aliah sa cr na pinasukan niya ay biglang namatay ang ilaw na ikinasigaw ni Aliah. Takot siya sa madilim na lugar lalo na pag sa loob ng university lalo pa't may mga patayang nangyayari.
"Samantha?! Samantha?! Asan ka?!" Kinakabahan ng tawag ni Aliah sa kaninang kasama. Ilang ulit niya pang sinigaw ang pangalan ng kasama kanina pero walang sagot na nagmumula rito.
"Tulong! May tao ba diyan?!" Sigaw ni Aliah. Pero katulad ng una ay wala pa rin siyang sagot na napala.
Sinubukan niyang maglakad sa madilim na comfort room na iyon nang biglang may humila sa kaniya na nagmula sa kung saan na ikinasigaw ni Aliah sabay ng kaniyang pagpupumiglas.
Masyadong malakas ang may hawak kay Aliah dahil sa kabila ng halos lahat na niyang lakas na pagpupumiglas upang labanan ang taong kumakaladkad sa kaniya ay wala pa ring nangyari.
Pinagpapadyakan ito ni Aliah at pinaghahampas gamit ang kaniyang kamay pero sadyang bakal ata ang katawan ng may hawak kay Aliah. Ilang ulit niya pang sinubukan hanggang sa kusa na lang ang katawan niya ang sumuko sa kawalan na ng lakas upang manlaban.
Pasalagmak na inilapag sa ibabaw ng mesa ang walang laban na katawan ni Aliah. Ilang saglit pa ay iniwan muna siya ng may dala sa kaniya. Iyon na sana ang pagkakataon ni Aliah para humanap ng daan palabas ng hindi niya malaman kung ano ba iyon dahil hugis kweba ito pero mas malaki ang tantiya niya na isa itong underground. Nagtangkang kumilos si Aliah subalit tila ba'y naparalisa ito dahil hindi ito nakikisang-ayon sa gusto ng kaniyang utak. Ilang beses  pang sinubukang igalaw ni Aliah ang kaniyang katawan pero wala pa ring nangyayari hanggang sa dumating na ang salarin. May bitbit itong isang galon.
"Anong nagawa kong kasalanan sayo?! Bakit mo sakin ginagawa 'to?" Umiiyak ng sunod-sunod na tanong ni Aliah. Sa halip na sagutin siya nito ay patuloy lang ang salarin sa kaniyang ginagawa. Kilala niya ang lalaking nasa kaniyang harapan subalit tila ba'y siya ang hindi kilala nito. Nakiusap si Aliah na wag ng ituloy ang binabalak nito subalit animo'y bingi ito hanggang sa matapunan ng tingin ni Aliah ang bitbit nitong galon na may nakasulat na acido na mas lalong ikinabalisa at takot ng dalaga.
"Parang awa mo na, please? Wala naman akong ginawa sayo..." Pagmamakaawa ni Aliah. Ilang sandali pa ay tahasang pinunit ng salarin ang unipormeng suot ni Taki at ang itinira lamang ay ang pang ilalim na saplot nito at pagkaraka'y walang pakundangang ibinuhos ang laman ng galon.  Nagsisigaw si Aliah sa sobrang sakit na dinaranas nito. Lapnos na halos ang buong katawan ni Aliah. Hindi pa nakuntento ang salarin ng tahasan na nitong ibuhos ang natitirang laman sa mukha ni Aliah. Tuwang-tuwa ang salarin habang pinapanood ang kamatayan ni Aliah. Mistulang ulol na aso ito sa kakatawa. Nang unti-unting humina ang sigaw ni Aliah saka rin naman ang paghina ng tawa ng salarin sabay ng pagbagsak ng mga luha nito sa mga mata. Ilang segundo na lang ang itinagal ni Aliah at tuluyan na itong binawian ng buhay. Nagsumiksik ang salarin sa gilid ng kwartong kinaroroonan nito. Umiiyak ng malakas na tila ba'y si Sisa dahil sa nawawala nitong anak. Nagsisigaw sa 'di alam na dahilan  sabay nagtatakbo ito mula sa lugar na pinangyarihan ng kalunos- lunos na krimen.
**BOOGSHH!**
"Aray naman, Seyuz! Dahan-dahan naman pwede?" Pabulyaw na reklamo ni Pretch sa kaklaseng nakabangga sa kaniya. Kasalukuyan kasing nasa hallway sila noon at kausap ni Precth si JL mula sa kabilang Block.
"Pasensiya na,pare. Nagmamadali kasi ako,eh." Agad na depensa nito na namumutla sabay tapik sa balikat ni Pretch at nagmamadali na naman itong tumakbo. Masakit man ang pagkakabangga ni Seyuz kay Pretch ay binaliwala na lang rin niya dahil sa may susunod pa siyang klase.
Hingal na hingal nang dumating si Seyuz sa lugar kung saan natagpuan ang bangkay nina Zyque at Yvone. Saka naman ang pagdating din ng iba niya pang mga kaklase.
Bago mapag-aralan kung ano ang pwedeng nangyari sa dalawa ay dinala na ng pulisya ang bangkay ng dalawang estudyante. Wala ng nagawa pa ang mga estudyante lalo na ang Block-B nang pabalikin na sila sa kani-kanilang silid-aralan dahil may klase pa sila.
Kahit ganoon ang nangyari sa loob ng University ay may pasok pa rin. Ganito naman talaga sa SFU,eh. Kahit na ang mama, papa o kapatid mo pa ang namatay di ka pwedeng lumiban ng klase. Sa totoo lang, parang nasa kulungan ka ng mga buhay na wala mang rehas subalit di ka naman makakalabas ng campus hanggat hindi natatapos ang isang semester. Classmates, room mates at school mates mo lang dito ang tatayong kamag-anak mo. Kung bulihin ka, pwes malas mo. Sigurado akong aalis at aalis ka sa impyernong school na 'to pero kung pasaway at palaban kang anak? Maligayang pagdating sa bago mong tirahan.