Xyrus POV
"Ang sorry ay para lang sa mga bagay na hindi natin sinasadya. Pero ikaw, sinadya mong lokohin at ipagpalit ako sa iba. Kaya wag kang mag sorry".
Nakita ko pa ang pagdilim ng kanyang mukha pagkatapos sabihin yon. Kung ganoon magkasintahan silang dalawa bago pa man naging syota nitong si Kenzo ang pinsan ko.Tsk! Sabi ko na nga ba eh. May lihim na itinatago ang lalaking ito. 
Nakilala ko ang babae kanina nang pagkatapos kong magsalita ay para siyang timang na pumalakpak mag-isa. Hindi ko siya nakilala agad kasi sabihin na nating napakaganda nga niya sa gabing ito. 
Bumagay sa kanya ang kanyang damit na hindi umabot sa tuhod. Lumantad ang mahahaba at makinis niyang hita. At ang tuwid at mahaba niyang lampas balikat na buhok ay sumasabay sa indayog ng kanyang katawan.
Nang makita kong umalis siya ay sinundan ko siya baka kasi makita siya ni Tanya at mag eskandalo yong isa. Subalit laking gulat ko nang nakita ko siyang lihim na umiyak at dali daling umalis ng makita niya sina Amelie at Kenzo na naghalikan kanina. 
Habang nakikinig ako sa pag-uusap nila  kanina ay akala ko magkaibigan lang sila. Kaya pala ganoon na lang ang reaksyon niya sa kanyang nakita. Mag- ex pala sila.Hindi ako umalis sa pinagtaguan ko at nakinig pa rin ako ng palihim. 
"Bel, hindi ko sinadya ang lahat. Sadyang nahulog lang ang loob ko sa kanya lalo ng mga panahong sobrang busy mo sa trabaho."si Kenzo
Napatayo si Zyra. Pumalakpak gaya ng ginawa niya sa akin kanina. 
"So, kasalanan ko pa pala ang nangyari kung ganoon? Sorry ha, kung napabayaan kita. Pero napakababaw naman ng pala ng pag-ibig mo". 
"Bel, hindi naman sa ganoon.Kaya lang". 
"Kaya lang ano,? natukso ka.Kung talagang minahal mo ako noon gaya ng mga sinabi mo, na ewan ko kung totoo. Hindi ka magpapadala sa tukso, Kenzo!.".
Dahan-dahang lumapit si Kenzo kay Zyra. Napaatras naman ang babae. 
"Diyan ka lang, wag kang lalapit sa akin. Baka may makakita at bigyan pa ng  kahulugan".si Zyra
"Bel, patawarin mo talaga ako.".pagsusumamo ni Kenzo. 
"Sige, kung yan ang gusto mo. Pero sana Kenzo hindi na mangyayari ulit ang ganito. Yong nalingat lang nang saglit ang gf mo, may iba ka na. Magpakatino ka naman". 
Nakakabilib ang babaeng ito. Hindi man lang sinaktan ang lalaking nanakit sa kanya.
"Nasaktan ako sa ginawa mo, Ken.Pero kahit paano masaya ako, kasi nakita kong masaya ka naman. Nagpapasalamat rin ako kasi nalaman ko kung ano ka talaga. I realized I don't deserve someone like you. As you also don't deserve someone like me". 
Boom! Napanganga ako sa mga sinabi niya.
Pero masaya daw siya, eh kanina nakita ko pang umiyak. Nakita ko kung paano siya nasaktan. At hindi ko alam kung paano pero parang naaawa ako sa kanya. 
Gusto ko siyang yakapin at dito siya sa mga bisig ko umiyak hanggang gusto niya. Aaminin ko simula ng araw na nagkita kami sa mall, hindi ko na siya nakalimutan. Lagi ko siyang naiisip kasi nagui-guilty ako sa ginawa ko.Baka nabastos ko siya dahil doon. 
Siguro, ito na ang tamang pagkakataon para ibalik ko ang tulong na ibinigay niya sa akin noon. Para ipakita diyan sa lalaking nanloko sa kanya na mas may higit pa sa kanya. Na hindi ang tulad niya ang bagay sa kanya. 
Hindi ko alam kung tama ba ang naisip kong gawin. Baka lalo lang gumulo ang lahat lalo na at nandito sila Amelie at Tanya. Pero bahala na. Gusto kong makita ang reaksiyon ng lintik na Kenzo na ito. 
Humugot ako ng malalim na buntung hininga. Pagkatapos ay lumabas ako sa pinagtaguan ko. 
"Babe!",sabi kong nakangiti habang dahan dahang naglakad sa kanilang kinaroroonan. 
Pareho silang nagulat sa ginawa ko. Nakakunot ang noo ni Zyra sa sobrang gulat. Pero gaya noong dati, hindi siya nagsalita. At si Kenzo, nagpalipat-lipat ang tingin niya sa aming dalawa ni Zyra. 
Tuluyan akong nakalapit sa kanya."Nandito ka na pala,.Kanina pa kita hinihintay. Kararating mo lang ba?".tanong kong hinawakan pa siya sa beywang. 
Hindi ko naramdaman na nagulat o nabigla siya sa paghawak ko sa kanya kaya naman hindi ko na inalis ang kamay ko doon. 
"Wait, naguguluhan ako! Girlfriend mo siya?".si Kenzo na hindi na nakatiis."Paano nangyari yon?." 
'Dont worry, babe. Ako ang bahala.'naisip ko
"Bakit may problema ba pare?". tanong ko na nagkunyaring galit."Kailangan ba naming ikuwento sayo ang love story namin". 
Natutop ni Kenzo ang bibig. Nahihirapan siyang i-absorb ang lahat. Buti nga sayo,! 
"Pero kauuwi mo lang. Paanong naging kayo?.".si Kenzo na hindi pa rin makapaniwala
Samantalang itong babe ko, hehehe! wala na namang kibo at hinayaan lang ako. Gaya noong una, tapos pagkatapos nito ay  saka ako aawayin. Ganito  naman talaga siya.
Kailangan kong gumawa ng magandang story para mapaniwala ang ugok na ito. 
"Matagal na kaming magkakilala. Nagka chat kami online at two months ago ay naging kami. Uso kasi yon ngayon at recently lang kami nagkita ulit."
Hahaha! puwede na akong maging writer. Ang galing kong- mag imbento ng kuwento.Wait, sabi ni Xylene ay writer pala itong si Zyra. Nahiya naman ako sa naisip ko. 
Para parin kaming kandila na itinirik sa lugar na ito.
"Bel, totoo bang mga sinabi niya?". 
Napangisi naman si Zyra."Ano naman sayo kung totoo o hindi.Wala ka nang pakialam doon.".
Hindi ko maintindihan ang naramdaman ko ng tiningnan niya ako ng nakangiti.Napakaganda niya kapag nakangiti siya.
"Hindi kasi ako makapaniwala, Bel.".si Kenzo
"Aist! ano bang inaasahan mo magmukmok ako habang-buhay? Gusto mo ikaw lang ang masaya noh?."si Zyra ulit. 
"Ohm, excuse me pare. Puwede ko bang hiramin muna ang girlfriend ko. May pag-uusapan lang kami.".at hinila ko na si Zyra palayo doon. Sumunod naman siya sa akin. 
Dinala ko siya sa may parte ng bahay kung saan naroon ang swimming pool. 
Matagal namayani ang katahimikan bago kami nag-usap. Nakakailang kasi hindi kami personal na magkakilala pero dalalwang beses na kaming nagtagpo sa ganitong sitwasyon. 
Kung anong tamis ng ngiti niya kanina ay siya namang isinimangot niya ngayon. Seryoso siyang pinagmasdan ako. Hindi siya masyadong madaldal pero sa oras na magsasalita siya siguradong tagos bawat letra. 
"Di ko maintindihan, ba't ba sa tuwing susulpot ka sa harap ko ay bigla ka na lang magpakilala na boyfriend ko. Baliw ka ba?."seryoso talaga siya. 
Napangiti ako."Pasensya na miss, gusto lang kitang tulungan kanina para makaiwas sa lalaking yon".tugon ko. 
"So magpapasalamat ako sayo ganoon? Ang lagay eh, hindi ako katulad mo na kailangan pang manggamit ng tao para lusutan ang problema. Kayang kaya ko ang sarili ko.".sabi niyang nakatingin sa akin ng diretso. 
"Sorry na talaga.",yon lang ang nasabi ko. Ewan ko ba pero pagdating sa kanya parang wala akong laban. Tama nga naman siya. 
"Isa ka pa eh, sorry ng sorry. Ang sorry ay para lang sa mga bagay na hindi sinadya. Pero sinadya mo rin yon". 
Narinig ko nga yon kanina bakit ba di ko naisip yon.?
"Tsaka dapat pag nag-sorry ka sa isang bagay ay hindi mo na dapat ulitin pa yon. Eh paulit-ulit ka rin.".sobrang astig niyang pagkakasabi. 
Masyado siyang ma-awtoridad. Hindi basta bastang bumibigay. Paano ko ba siya pakakalmahin? 
Para akong batang pinagalitan at napayuko na lang. 
"Bat napakatahimik mo naman yata?". sabi niyang sinisilip pa ang mukha ko.
Napatingala ako sa kanya."Ah,hehe!galit ka eh. Siyanga pala, Ako nga pala si Xyrus.".pagpapakilala ko sa kanya. 
Medyo nagulat pa ko ng tumawa siya ng malakas. Baliw din pala to eh. 
"Aist, alam ko. Hahahaa!pinakilala ka kasi ng tatay mo kanina. O diba awkward? Di pa tayo formal na magkakilala pero dalawang beses mo na akong naging girlfriend kunyari. Zyra nga pala". at iniabot niya sa akin ang kanyang kamay. 
Dali dali ko naman itong inabot baka magbago ang isip at bigla na lang bawiin. Sayang ang pagkakataon. Naramdaman ko na naman ang init ng kanyang palad gaya noong hinawakan ko siya sa mall. 
"Nice to meet you, Zyra.". sabi ko
"Aist, it is pronounced as Zirah and not Zayra, ok". 
"Ah, hehhe! cge cge". nasabi ko na lang. 
Pati pangalan ayaw niyang mali ang bigkas. Ibang klase din naman ang babaeng ito. Pero grabe, ang ganda pala niya pag nakadamit pambabae siya.
Sabay kaming naupo banda doon.
"Si Kenzo, hindi basta maniniwala yon sa dramang nakita niya."sabi niya. 
"So ano nang mangyayari ngayon? By the way, naalala mo ba yong babae na nakabangga mo sa mall.". 
Tiningnan niya ako".Oi, anong nakabangga? Baka kayo lang ang nag-usap noon.". 
Natawa ako sa sinabi niya. Tama nga naman siya. Kami lang ni Tanya ang nagkabangayan ng araw na yon. 
"Tsk, Oo na.", pagsuko ko. Nakikita ko na ang future ko sa babae na to pag naging girlfriend ko siya. Tiklop na tiklop ako dito. Natigilan ako sa naiisip ko. Paanong naisip ko yon?
"Nandito rin ba siya? Yung chicks mo?",siya ulit. 
"Anong chicks? di ko chicks yon noh". pag-tanggi ko. 
Ngumisi na naman siya."Hahanap hanap ng chicks, di naman kayang harapin. Hahaha!Babaero!."sabi niya pa
"Tsk, ilang beses mo na ba akong tinawag na babaero. Hindi ako babaero okay".depensa ko sa sarili. 
Namimihasa na siya pagtawag niya sa aking babaero. Eh, sa totoo lang, hindi pa ako nagkagirlfriend. Kasi natatakot ako na baka iwan lng din nila ako pagdating ng araw gaya ng ginawa ng nanay ko sa amin. 
May mga nagustuhan din naman ako noon, subalit mabilis akong na tuturn-off. O di naman kaya ang mga babae ay nasisindak  kay  Tanya. Kaya ayun, wala pa talaga akong naging totoong girlfriend. 
Pinakiramdaman ko ang aking sarili. Ang babaeng ito, ba't sa kaunting sandaling nagkausap kami ay parang matagal na kaming magkakilala. Nakuha na niya ang loob at simpatiya ko. Ginugulo na niya ang sistema ko. 
"Kumain ka na ba?",nahihiya kong tanong sa kanya. 
"Tapos na. Actually, nagutom ako kanina kasi, matagal na nagsimula ang party mo.Tapos napakahaba pa ng speech mo". At tiningnan ulit ako ng nanunuya. 
"Anong mahaba doon? Ang ikli nga lang noon eh."
At ngumiti siya ng palihim.Nakaka-amaze ang babaeng ito.Kaydaling magbago ng mood niya. Ngayon lang ako napahanga ng ganito sa isang babae. 
"Oi, una na ako doon ah,. baka hinahanap na nila ako. Tsaka ikaw, baka hinahanap ka na nong chicks mo." 
"Di ko nga chicks yon eh. Ilang beses ko bang dapat ulitin?".
"Hahaha! pikon".tukso niya sa akin. 
Hala! feeling close tong babaeng to eh. Ngayon lang kami pormal na nagkakilala pero maka-asar parang close kami. 
"Feeling close ka rin mang-asar noh". sabi ko
"Baka ikaw, may pa babe babe ka pa nga eh,. Haha! at take note. Nakadalawa ka na" at siniko pa ako ng bahagya. 
Natigilan naman ako sa sinabi niya. Sapol na sapol talaga ako palagi sa mga punto niya. Medyo nagitla pa ako nag vibrate ang cp ko. 
"Excuse me, I'll take this call".at lumayo ako ng bahagya sa kanya."Hello!".
"Dude, nasaan ka na? Kanina pa kita hinahanap.".si Drake. 
"Bakit may problema ba?". 
"Si Tanya, alam na niya. Nakita daw niya yong gf mo. At kasalukuyan ka niyang hinahanap ngayon kasama si Ame.". 
Napatingin ako sa nakaupo pa rin na si Zyra. Tahimik lang siya at waring nag-iisip. 
"Dude, kasama ko siya ngayon. Sinundan ko siya kanina. At nalaman ko na mag ex pala sila ni Kenzo".pabulong na sabi ko kay Drake. 
"What?!". 
Halos mabingi ako sa lakas ng sigaw ni Drake. "Huwag ka namang sumigaw diyan. Oo, at nagkaharap kami ni Kenzo kanina mismo. Ewan ko lang kung naniwala yon sa ginawa ko". 
"Dude, ano ba yang pinasok mo.? napakahirap lusutan niyan. Sino ba kasi yang gf mo kuno". 
Napatingin ulit ako kay Zyra na tamang tamang napatingin din sa akin. Nginitian  ko siya. Ang cute!
"Siya yata yong nakuwento niyo ni Xylene, si Zyra." 
"Holy crap!?,."sigaw na naman ni Drake
"Couz, andito ka lang pala?."
Parang tumigil ang aking mundo ng marinig ko yon.