"Good afternoon, Ma'am." masayang bati ng babaeng 'to sa Principal namin. At tingnan mo nga naman itong Principal namin, kung makangiti ay wagas na wagas. Kulang na lang ay lumitaw ang bagang sa sobrang laki ng pagkakangiti.
"So, what brings you here?" masayang tanong ng Principal namin sa kanya.
"Tss, plastik!" bulong ko.
"Hindi siya makakarating, ma'am. Kaya ako muna ang papalit sa kanya habang may inaayos pa siya." saglit itong tumingin sa akin at binuka ko naman ang bibig ko at sinabing "ano" sa walang tinig. Ngumiti naman ito at muling ibinaling sa Principal ang tingin.
"So, what's happening here? Ano naman ang dahilan niyo at gusto niyo siya ulit ibalik sa school na 'to? Any special reason?" wala akong ideya kung sino ang tinutukoy nito, wala akong pake. Ang tanging gusto ko lang ay mawala sa paningin ko itong Aiya na 'to. Hanggang dito ba naman ay iinisin niya ako? Hanggang ngayon ba naman? Hindi pa ba siya masaya na nakuha niya na ang nag-iisang taong minahal ko?
"Nah. Gusto ko lang IBALIK ang dating ayos ng mga estudyante rito." diniinan pa nito ang salitang ibalik. Tumingin ito sa akin kaya't napayuko ako.
So, ano? Anong tinitingin-tingin nito sa akin? Na ako ang dahilan ng kaguluhan na nangyayari sa eskwelahan na 'to? Huh! So, ako pa ang lumalabas na villain dito at si Aiya ang bida? Pwede naman, tutal ay bida bida naman talaga siya noon pa man magpasahanggang ngayon.
May narinig kaming katok mula sa pintuan. "Come in." anang principal naming plastik.
Niluwal naman si Nana ng pinto. Nang tingnan ko ito ay nakita kong kumunot ang noo nito na nakatingin sa gawi ni Aiya. Nagbow ito sa harapan bago tumabi sa akin. "Ano na nangyari?" bulong nito sa akin. "Anong ginagawa ng babaeng 'yan dito?" dagdag pa nito. Ako naman ay hindi ko rin alam ang dahilan kaya't nag kibit balikat na lamang ako.
"So, nasan na ang pinapapunta ko rito, Ms. Fujihara?" pagkabaling nito sa akin muling bumalik ang itim na awra nito.
"Hindi ko siya dadalhin rito para humingi ng tawad sa batang ito." tinuro ko ang lalaking nakasuntukan ni Kento.
Ngumisi ito at tumingin ng masama sa akin. "Hindi ka ba marunong makaintindi? O ayaw mo lang talagang intindihin? Ano bang gusto mong manyari?" tanong nito sa akin habang nakapamulsa. Pumihit ang katawan nito paharap sa Principal. "Pa'no ba yan, tanda. Mukhang hindi mo kayang pasunurin itong isang 'to?" tiningnan ako nito mula ulo hanggang paa at umiling-iling.
"Umalis muna ang lahat except sayo, Ms. Fujihara." ani Principal namin.
"No. Sige, Ms. Pakielamera, dalhin mo rito ang Ken na 'yon para makahingi ng pasensya." seryoso itong nakatingin sa akin, mata sa mata. Akmang lalakad na ako para sana'y hanapin si Kento ay natigilan ako.
"Seryoso ka ba sa sinasabi mo?" muli ko itong tinanong para klaruhin ang lahat. Baka kasi namali lang ako ng rinig.
saglit itong tumitig sa akin nang bigla itong tumawa ng malakas habang nakahawak sa kanyang tiyan. "Hahaha! Ano palagay mo sa akin, sira?" Nilapitan niya ako tinapat ang bibig sa tainga ko. "Sa eskwelahang ito, ako ang hari. Kung ayaw mong masira ang buhay mo, don't mess up with me." nilayo na nito ang mukha sa tapat ng tainga ko. "Mukhang matigas pa ang ulo ng isang 'to, tanda. Ikaw na bahala para palambutin." kumindat muna ito bago lumabas sa office.
Napansin kong napailing si Aiya. Anong iniiling-iling mong impakta ka!
"Okay, Ms. Fujihara. Sa huling pagkakataon ay tatanungin kita. Maaatim mo ba na ikaw ang maghirap imbis na ang ibang tao?" seryoso nitong tanong.
Tumingin ako ng diretso rito. "Yes, ma'am. Gagawin ko ang lahat ng makakaya ko huwag lang masira ang reputasyon ng estudyante ko. Hindi ko maaatim na pagmasdan ang isang batang nagpapakababa dahil lang sa mas mataas ang antas ng taong nakabangga nito. Sige, paruhan niyo siya, hahayaan ko kayo, kung siya nga talaga ang may kasalanan. Kaso hindi, siya na itong naargabyado, bakit siya pa ang magpapakababa? Bilang isang teacher nila, ako na ang aako ng parusa niya para matapos na po ito." mahabang litanya ko.
Binigyan naman ako ng thumbs up ni Nana na kanina pa pala nandito. "Very well said.." mahinang sambit nito. Tumikhim naman si Aiya na kanina pa tahimik. Pinagkrus ng Principal ang mga braso nito at hita. Tumango-tango.
Ako naman ay nakangiti lang, proud na proud ako sa sarili kong sinabi.
Itutuloy...