Mag a-alas dose na ng madaling araw nang mapagpasyahan ko nang lumabas na sa tent. Siguro naman ay sapat na 'yon para makasiguradong tulog na si kuya Matt. Tiningnan ko si Nana na sobrang himbing ng tulog, nakapalupot pa ang braso at binti nito sa katawan ko.
'Pano ko makaka-alis nito?'
Hinawakan ko ang braso nitong nakapatong sa tiyan ko, dahan dahan ko iyong ini-angat na may pag-iingat. Hindi naman ako nahirapan dahil mabilis kong natanggal ang braso nito sa tyan ko, isa na lang ang problema, ang binti nitong nakadantay sa hita ko. Maingat kong tinatanggal iyon pero maya maya lang ay gumalaw ito, at sa paggalaw nito ay muli na naman itong yumakap sa akin.
Sa ikalawang pagkakataon ay tinanggal ko ulit ang braso nitong nakayakap sa tyan ko, mabilis ko naman itong natanggal. Balik ulit ako sa binti nitong nakapalupot sa hita ko. Muli na naman itong nagising at katulad ng nauna ay yumakap na naman 'to sa akin.
Napapikit ako, pakiramdam ko ay masisiraan ako ng bait kay Nana. Hindi na ako nag-aksaya pa ng panahon at hinayaan na lang na nakayakap ito sa akin. Tumitig ako sa kawalan, muli kong naalala ang sweet moments ni Hoshi.
*Flashback*
Break time na at hinintay ko munang maka-alis ang mga kaklase ko bago ako sumunod kay Sensei sa secret hide out namin. 30 minutes break lang kaya naman binilisan ko na ang paglakad ko, nauna sa akin si Sensei pumunta sa secret hide out namin sa school para hindi kami mahalata ng mga estudyante rito kung sabay kaming pupunta roon.
Pagkatapat ko roon ay kumatok na ako. "Sensei.." iyon lang ang sinabi ko pero agad niya na itong binuksan.
Masaya ang mukha nitong sinalubong ako ng isang mahigpit na yakap. Nagyakap lang kami, kung sa loob ng room ay masungit ito sa akin, dito naman sa lugar namin ay sobrang sweet nito. Hinalikan niya ako sa pisngi at tinitigan.
"Ang ganda mo talaga." inilagay ni Sensei ang ilang hiblang buhok sa likod ng tainga ko. Nagtitigan kami sandali at dahan dahan nitong nilapit ang mukha, kasunod nito ay ang mariing pagdampi ng labi nito sa labi ko.
Sa simpleng ganoon lang ay nabubuo na ang araw namin parehas, kahit parehas kaming kabado sa tuwing tutungo kami sa secret hide out namin ay napapalitan naman iyon ng lubos na kasiyahan sa tuwing ikukulong ako nito sa mga bisig niya.
End of Flashback..
Muli kong sinubukang alisin ang pagkakayakap ni Nana sa katawan ko. At hindi naman ako nagkamali na huwag mawalan ng pag-asa dahil sa ikatlong pagkakataon ay napalaya ko na rin sa wakas ang katawan ko mula sa pagkakayakap nito.
Maingat akong lumabas ng tent. Pagkalabas ko ay wala akong nakitang Hoshi sa labas ng tent namin. Wala rin si kuya marahil ay tulog na ito. Malalim na rin kasi ang gabi, sa katunayan nga ay pa-umaga na.
Dahil hindi rin naman ako dinadalaw ng antok ay nagpasya na lang akong tumambay muna sa pool nilang hindi naman kalayuan sa pinagtayuan namin ng tent.
Binabad ko lang ang paa ko ron habag naka-upo lang ako sa gilid non. Ang lamig ng simoy ng hangin, pakiramdam ko tuloy ay lalo akong naging lonely dahil ron.
Mahina kong hinahampas ang tubig sa pool gamit ang paa ko. Nagulat ako sa isang taong biglang umupo sa tabi ko.
Inangat ko ang mukha ko para sipatin kung sino ang taong tumabi sa akin.
"Kanina pa kita hinihintay." ani Hoshi.
"Hindi ko kasi maalis yung pagkakayakap sa akin ni Nana, natatakot naman akong biglaing alisin at baka magising." pagpapaliwanag ko.
"Talagang ganon matulog ang pinsan ko, pero sa susunod na makatabi mo siya sa pagtulog ay wag ka na magdadahan dahan pa sa pagkilos." natatawa niyang saad.
Tiningnan ko siya habang nakakunot ang noo. "Bakit naman?"
"Tulog mantika 'yon, napakahirap non gisingin. Akala mo gigising na pero tulog na tulog diwa non palagi." pagpapaliwanag naman nito.
Natawa na rin ako sa nalaman ko. Hindi pa kasi namin nararanasang matulog nang magkatabi ni Nana. Kung siya pala ay tulog mantika ako naman ay mababaw ang tulog.
"Hmm.. Bakit nga pala?" pag-iiba ko ng paksa.
Bumuntong hininga muna siya bago nagsalita. "I'm sorry, Miz." mahikling tugon nito.
Napatingin ako sa paa kong nakababad pa rin sa pool. "Hmm.. para saan?" patay malisya kong tanong.
"Sa nangyari sa atin 8 years ago."
Tumawa ako ng pagak. "Ah, 'yon ba? Wala na 'yon."
"Gusto kong magpaliwanag pero humahanap lang ako ng tiyempo. Natuwa nga ako nung maisipan ni Nana na dito natin sa bahay ganapin ang camping, eh. Kaya naman hindi na ako nagdalawang isip pa na sabihin kong mag-usap tayo."
Nakikinig lang ako sa mga sinasabi nito.
Hinawakan nito ang kamay ko na nasa hita ko. Tiningnan niya ako sa mata, nakikita ko sa mga mata nito ang pagkasincere. "Can I defend myself now? I know, it's too late to explain my side but please, give me a chance to defend myself, to clarify what really happened eight years ago." mahaba nitong litanya.
Natawa naman ako sa mukha nitong sobrang sincere. "Para ka namang nakapatay sa ginawa mo." natatawa kong sinabi.
Bahagya itong ngumiti at binawi na ang kamay nito sa pagkakahawak sa kamay ko.
"Yeah, sure." tipid na sagot ko.
Bumuntong hininga ito. "8 years ago, bago ako biglang nawala.. may nakakita sa ating lumabas tayo sa secret hide out natin." bigla akong napatingin sa sinabi nito.
"Sinabi niya iyon sa principal, pero palagi akong nakakagawa ng excuse sa kanila. At first, akala ko ay lumubay na siya sa pagstalk sa atin. Pero nagulat na lang ako one day, may bigla siyang pinanood sa principal. Isang video 'yon na magkasunod tayong pumasok sa hide out natin. Sapat na 'yong ebidensya para paniwalaan na siya ng principal."
"Sino naman 'yon?" tanong ko rito. Hindi ko na matiis ang sarili kong alamin kung sino ang taong 'yon.
Tumingin ito sa mga paa naming nakababad sa pool. "Hindi ko alam kung kilala mo siya pero hanggang ngayon ay hindi pa rin ito gumagraduate."
Saglit akong napa-isip. Isa lang ang kilala kong hindi nakakatungtong sa stage hanggang ngayon. Ang dating naka-away ng estudyante ko, si Kaito.
"Wait.. Kaito?"
Nagulat si Hoshi sa sinabi ko. "You know him?" tanong nito sa akin.
Tumango ako. "Minsan siyang naka-away ng estudyante ko."
Tumango ito. "I see. Parehas ko kayong naging student eight years ago. 4th year siya, ikaw naman ay 2nd year that time."
"Whoa! Inabot siya ng ganoon katagal sa school na hindi makagraduate?" amazed kong saad.
Tumawa ito habang tumatango. "Hindi ko siya hinahayaang makagraduate." natatawa nitong sabi.
Tumingin naman ako muli sa kanya. "What do you mean?"
"Well, isa lang naman ako sa taong kinatatakutan niya ngayon. Bago niya tayo mabuking ay alam ko na ang mga kalokohang ginagawa niya. Hindi pa mayor noon ang tatay nito kaya hindi niya magagamiit ang posisyon ng tatay niya para takpan ang mga kalokohan niya."
Nangunot ang noo ko.
'Wait..'
'Hindi ba't may nakuwento sa akin ang mga estudyante ko noon na may kinatatakutan nga raw ang Kaito na 'yon na isang teacher?'
Tumingin ako sa kanya at nakatingin lang ito sa malayo. "Nahuhuli ko siyang nagyoyosi sa likod ng school dati and mababa lagi ang grades niya sa akin. 'Yon ang pinanghawakan ko para hindi siya makagraduate bago niya pa tayo mabuking. Napalitan man ako noon ay hindi pa rin nito maipasa ang subject na hawak ko noon, palagi ko ring nakocontact ang teacher nila na pumalit sa akin, si Ryu.. kaibigan ko 'yon at nang malaman kong naging mayor ang father niya ay pina-imbestiga ko ito at nalaman kong may kabet ito na isang bata. Tinakot ko ang father niya na sa oras na gamitin nito ang posisyon niya sa school ay ipa-public ko ang baho nito." pagkukwento niya.
Ako naman ay napanganga lang sa narinig. "Bakit mo naman ginawa 'yon?" tanong ko.
Tumingin siya sa akin. "Para makaganti." natatawa nitong sagot.
"Ang lame naman ng excuse mo, Hoshi." sabay kaming natawa.
Hindi naman nagtagal ay sumeryoso na ang mukha nito. Tumitig ito sa mga mata ko. "Kaya ako nawala eight years ago ay dahil gusto ng mga teacher at principal na i-expel ka sa school, at walang maaaring school ang tatanggap sa'yo."
Nagulat ako sa sinabi nito. "Hindi ako pumayag sa kagustuhan nila kaya naman ako na ang nagparaya, nagpalipat ako sa ibang bansa na branch rin ng school natin dati, doon ko tinuloy ang buhay ko.. pero kahit malayo ako ay updated ako sa mga nagyayari sa'yo."
"Paano naman? Hindi naman ako active sa facebook, bihirang bihira lang ako gumamit ng social media.." pagtataka ko.
"Kay Nana.."
Lalo akong nagulat sa pag-amin nito. "Ha? Hindi ba't hindi naman niya alam kung nasaan ka that time?"
Tumawa ito. "Dahilan lang niya 'yon.. pero ang totoo ay siya ang nag-aupdate sa akin ng mga nangyayari sa'yo, kung may nanliligaw ba sa'yo, kung may boyfriend ka na, kapalit non ay ang mga legend at special skin ng hereos sa online games na nilalaro niya."
Napailing ako.
'Kahit kailan ka talaga, Nana. Nakuuu! Masasabunutan kita!'
"Actually kilala ko nga kung sino-sino yung mga binusted mo. Si Hanz, Peter, Jake, Andrew-"
"Hops! Tama na.." pagputol ko sa sasabihin nito.
"Alam ko rin na muntik ka nang hindi umabot sa cr nung nagtake ka ng LET Exam dahil sa kinain mong tinap-"
Tinitigan niya ako sa mata dahil sa ginawa ko. I quickly kissed him on the lips.
Ayoko nang alalahanin pa ang mga kahihiyang nangyari sa akin noon kaya naman pinutol ko ito sa pagsasalita pero hinalikan ko ito dahil sobra akong natuwa nang malaman kong wala man siya sa tabi ko, hindi ko man siya nakikita, ay alam kong alam niya pala ang nangyayari sa buhay ko at patuloy niyang inaalam ang bawat maliliit na detalyeng nangyayari sa akin.
Nakatitig lang ito sa mga mata ko mapatapos kong ihiwalay ang labi ko sa labi niya. Walang ano ano'y bigla nitong hinigit ang baywang ko papalapit sa kanya at muling siniil ang labi ko.
Dahan dahan nitong ginalaw ang labi niya kaya naman ginantihan ko iyon ng paggalaw. Malilikot ang mga dila nitong labas pasok sa bibig ko at maingat ko naman itong sinsiil, kapwa'y nakapikit ang aming mata, naglakbay ang mga palad nito mula sa likod ko hanggang sa batok.
Masarap sa pakiramdam ang halik nito, hindi nakaka-ubos ng hininga dahil ramdam ko ang pag-iingat nito sa bawat paggalaw ng dila at labi nito. Dala ng bugsong pagmamahal ay unti unti kong inangat ang dalawang braso ko patungo sa batok nito.
Ramdam ko ang malamig na tubig sa paa ko, pero napapainit nito ang mainit at matamis na halik ni Hoshi.
Itutuloy...