Nagising si Anna sa walang tigil na pagri-ring na cellphone niya. Napakunot ang noo niya sa pinaghalong inis at pagtataka.
“Sino ba naman itong ang agap mambulabog?” inis na ungol niya. Gabing-gabi na siyang nakauwi ng nagdaang gabi kung kaya pakiramdam niya ay pagod pa siya.
“Hello?!”
“Hello Anna. I’m sorry, did I wake you up?!” masayang bati ng babae sa kabilang linya.
“Maam Sarah??” nag-aalangan na tanong niya pagkadinig sa boses ng tumawag.
“Sarah nalang kapag wala naman tayo sa office. Kumusta ang interview mo?” tanong nito.
“Okay naman. T-Thank you nga pala,” nahihiyang sagot niya.
“Wala iyon Anna. Mas malaki ang utang na loob ko sa’yo dahil niligtas mo ako. You’re my favourite person now,” marahang sagot nito. “Ahm Anna, can I ask you a favour?” tanong nito.
Nagugulohan man siya sa mga sinabi ng kausap ay hindi na siya nagtanong. Humihingi ito ng pabor sa kaniya ngayon. Paano ba siya makaka-hindi dito? “S-sure, what is it?” tanong niya.
“Tommorrow is my wedding,” masayang turan ni Sarah. “Kaso hindi makaka-attend ang isa sa mga bridesmaid ko. Naaksidente siya at nagka-ankle sprain siya. I like you very much Anna. Infact, kung nakilala kita ng mas maaga ay kukunin din kitang bridesmaid. So, naisip ko na ikaw nalang ang pumalit. Andito ang dress niya at halos magka-size naman kayo. Kung papayag ka ay ipapasundo kita ngayon para masukatan at maipa-adjust ngayon ang gown,” walang anuman at dire-diretsong paliwanag nito.
“What?! Nababaliw na ba ito?” nagpa-panick na sigaw ng utak niya.
She didn’t know what to say. Hindi niya alam kung nanaisin ba talaga niyang pumunta sa wedding ni Sarah at Dean. Sigurado siyang hindi basta-basta ang magiging bisita nito at hindi niya kayang makisalamuha sa mga katulad nitong mayayaman..
“Anna? Please?” bulong ni Sarah sa kabilang linya ng hindi siya agad nakasagot.
Hindi niya alam kung ano pumasok sa isip niya, she must be really crazy dahil sa huli ay napapayag siya nito. Ibinigay niya sa dalaga ang address niya at sa kasalukuyan ay sakay siya sa sasakyan nito. Susukatan siya ng designer ni Sarah para maipa-adjust ang gown na gagamitin niya.
“Anna!” nakangiting salubong ni Sarah sa kanya. Agad siya nitong niyakap. “Thank you, Anna, at pumayag ka. Nagkaayos na kami ni Dean.”
Naiilang man ay wala na siyang magagawa. Ipinakilala siya ni Sarah sa organizers ng wedding at agad na kinuha ng isang staff ang sukat niya upang masimulan na ang pag-repair ng gown. Nakilala niya rin ang Mommy ni Sarah. Isang tipid na ngiti lang ang iginanti nito ng batiin niya.
“Anna, I’ll ask our driver to fetch you tomorrow morning. 2pm ang wedding at kailangan nandito ka na sa umaga para maayusan,” paliwanag sa kanya ng dalaga.
“Gosh! Ano na naman itong pinasok ko?” lihim na pagalit niya sa sarili.
Kinabukasan ay maagap nga siyang sinundo ng driver ni Sarah para pumunta sa hotel kung saan ito aayusan para sa kasal. Agad ipinasuot sa kanya ang gown at inayusan siya ng make-up artist ng mga ito. Kulay dusty pink ang gown niya na nakahakab sa katawan. Halos makakulay na ito ng balat niya. Hindi naman maikakaila na maganda din siya lalo na kapag naayusan. Mataas ang heels na ipinahiram sa kanya ni Sarah. Nagsuot nalang siya ng hikaw at kwintas nabumagay sa gown na suot niya.
Siya lamang ang walang kakilala sa mga bridesmaid na naroroon kaya tahimik lamang siya sa isang tabi. Ayaw din naman niya makipagkwentuhan sa mga ito dahil nahihiya siya. Ilang saglit pa ay nasulyapan niya si Sarah. Napakaganda nito sa suot nitong wedding gown. “Parang si princess Sarah talaga!” humahangang komento niya.
Pagpatak ng ala una ay nagsimula na silang bumyahe patungo sa simbahan. She was astounded by the way the church was decorated. It's adorned with fresh flowers and sparkling crystals. Sa labas ng simbahan ay may mga umpok ng reporters na nag-aabang. Mabilis na kumikilos ang mga wedding coordinators. Naka set-up narin ang photographer at ang videographer. Hindi niya inisip maging sa panaginip na makaka-attend siya sa ganoong klase ng pagtitipon.
Pagkapasok nila sa loob ng simbahan ay agad silang tinawag ng isa sa mga wedding coordinators. Pinahanay sila ng mga ito at sinabi kung sino ang magkaka-partner. Nakita niya si Stephen ngunit tila hindi siya namukhaan ng binata. Nagtaka naman siya na hindi nito kasama ang girlfriend na si Natasia. Habang nakapila ay tipid lang siyang ngumiti sa partner niyang lalaki na nagpakilalang Mark. Naguusap sila ni Mark ng marinig niya ang mataas na boses ng isa sa mga coordinator.
“Asan na ang best man?” malakas at tila inis na sabi nito. “Wala pa ba? Mag-start na tayo.”
“I’m here!” sagot ng isang pamilyar na boses na papalapit sa kanila.
Agad napapikit si Anna pagkarinig sa nagsalita. Nawala sa isip niya na maaring naroon rin si Jake sa wedding ng pinsan nito. Tahimik siyang nagdadasal na sana ay hindi siya mapansin ng binata. Kita naman niya ang pamumula ng mukha ng staff na naghahanap sa binata. Napatulala pa ito sa gwapong binata.
Namataan niya si Jake na pumwesto narin sa pila nila. Nakatayo ito sa bandang unahan niya dahil ito pala ang best man. Tahimik niya itong pinagmasdan. Lalong napakagwapo nito sa suot. She was staring at his back ng bigla itong lumingon. Huling-huli siya nitong nakatingin. He, too, was taken aback. Naramdaman niyang magsasalita sana ito but the music started and they began to walk. Naunang lumakad si Jake at nakahinga siya ng maluwag.
Ilang na ilang siya sa buong wedding ceremony. Gustuhin man niyang mag-enjoy ay hindi niya magawa. The guests comprise of the rich and famous—politicians, businessmen and even celebrities. Hindi siya nababagay sa pagtitipon na iyon. Nararamdaman niya ang panaka-nakang pagtingin sa kaniya ni Jake kaya lalo siyang naiilang. Hindi niya alam kung ano ang iniisip nito.
Kinagabihan ng makarating sa reception ay bahagya siyang nakahinga. “Konti nalang Anna, matatapos na,” kausap niya sa sarili. Nangangawit na ang binti niya sa dami ng wedding pictures na kinuha ng photographer sa simbahan. Nagsusuot naman siya ng heels ngunit ang suot niya ng araw na iyon ay masyadong mataas. Ilang beses siyang muntik ng madapa sa simbahan. After the program, she chose to sit in one corner of the reception hall. Ayaw niyang makipag-usap o may makapansin sa kaniya sa mga bisita dahil nanliliit siya sa mga ito. She is enjoying her peace ng may magsalita mula sa likod niya.
“Wow! You're one of Sarah's bridesmaids now. Ano naman kaya sa susunod?” bungad sa kaniya ni Jake.
“May isa lang bridesmaid na absent. Kaya ako ang pumalit,” wala siya sa mood makipag-asaran dito. Kahit pa boss niya ito kung tutuusin. Pagod na siya.
“Hindi ko maintindihan kung bakit gustong-gusto ka ni Sarah?” patuloy nito.
“Hindi ko din naman maintindihan kung bakit ayaw na ayaw mo sakin,” napabiglang sagot niya. Huli na ng ma-realize niya ang sinabi.
Halatang hindi ni Jake nagustuhan ang pambabara niya. He was about to speak, but the newlyweds approached them.
“Wow! You two are close now,” bati ni Sarah sa kanila at makahulogang ngumiti kay Jake.
“Yeah, sort of. Actually, we went clubbing last night,” kwento ni Jake. Nanlaki ang mata niya sa gulat sa sinabi ng binata. Napansin niyang mataman din siyang pinagmasdan ni Sarah. Alam niyang nang-aasar na naman si Jake. Kung magkwento ito akala mo close sila na nagsaya sa club.
“W-we are with friends. Actually, andun din ang kapatid mo at si Natasia,” depensa niya. Baka isipin ni Sarah at Dean na sila lang dalawa ni Jake ang magkasama.
Napansin niyang makahulugang nagkatinginan sina Sarah at Dean.
Si Sarah ang naunang nagsalita. “Jakey, since close na naman pala kayo nitong si Anna, ikaw nalang ulit ang maghatid—“
“Not again! I’m not her driver,” medyo mataas ang boses na tanggi ni Jake. Napasimangot naman siya sa tahasan nitong pagtanggi.
“Jakey, gamit na kasi ang mga sasakyan—“
“I’m sorry Sarah. May kausap kasi ako ngayong gabi. May pupuntahan ako. Paalis narin ako in a minute,” paliwanag ni Jake. Humalik ito sa pisngi ng pinsan, kumamay kay Dean at wala ng nagawa si Sarah ng tinalikuran na sila ng binata.
“I’ll find someone to drive you home,” sabi nalang ni Sarah sa kaniya.
“Naku Sarah wag ka na mamroblema. Wedding day mo ngayon. Don’t worry about me. Kaya ko namang umuwi.”
“But this place is too far Anna.”
“Don’t worry,” ngiti niya kahit ang totoo ay hindi niya talaga alam kung paano siya uuwi. Ngunit ayaw naman niya mamroblema pa si Sarah dahil ilang oras nalang ay ba-biyahe narin ang mga ito para sa kanilang honeymoon.
Matapos ang ilang oras ay unti-unti ng nagsisialisan ang mga bisita. Namataan niya si Jake na may mga kausap na ilan sa mga bisita. Sapalagay niya ay mga businessman din ang mga iyon. Beside him is a woman wearing a very revealing dress. Hakab na hakab sa katawan nito ang dress at nagsusumigaw ang cleavage nito. Panay ang hawak nito sa braso ng binata.
“Ang hinayupak na ‘yun! Kaya pala! Paalis na raw in a minute, may kaharutan pala!” bulong niya.
Lumabas siya ng reception hall at noon niya lang napagtanto ang location ng reception hall. Napakalayo ng lalakarin para makarating sa gate. At isa pa, walang naglalakad sa mga guests! Halos lahat ng mga ito ay may dalang sasakyan. Magmumukha siyang white lady na naglalakad sa kadiliman ng daan kapag naglakad siya patungo sa gate!
“Anong gagawin ko?” nagpa-panic na tanong niya sa sarili.