Chapter 3
              " Janna! Mabuti at nakabalik ka na.. ", anang isang anghel na nagngangalang Rieca. Sinalubong siya nito at tila sinadya siyang abangan sa kanyang pagbabalik.
             " Bakit ... may nangyari ba? ", alalang tanong niya. " Si Eerin? Nasaan siya? "
             " Ang totoo Janna... nililitis ngayon sa konseho ng mga pantas si Eerin "
             " A- ano? P- pero bakit? "
             " Nalaman kasi ng mga maiden na pumasok si Eerin sa Loverary at kinuha ang isa sa mga Matchbook. Lubhang ipinagbabawal yon Janna.. at isa pa ayaw rin aminin ni Eerin kung saan niya iyon itinago..Mapaparusahan siya. "
             " G - gaano kabigat ang magiging parusa?  "
             " Maaaring bawiin ang kanyang mga pakpak at ipatapon sa dimensyon ng kawalan. Anong gagawin natin?  Hindi ko talaga maintindihan kung bakit kailangan niya iyong gawin. Napakahusay na niyang cupid ", takot na anito.
             Napahigpit ang hawak niya sa kanyang palaso. Maingat na itinago niya sa malapad na tupi ng kanyang damit ang Matchbook. Mayron kasing malapad na laso na nakatali sa kanyang bewang kung kaya' t hindi napansin ni Rieca na nasa kanya ang ipinagbabawal na aklat.
             " Eerin.."
             Ano ang gagawin niya?  Hindi niya gustong mapahamak si Eerin dahil sa kanya. At isa pa, meron pa nga pala siyang nagawang malaking pagkakamali. Kailangan niya ring panagutan yon.
           " Nasaan sila ngayon? ", biglang tanong niya.
           " Sa bulwagan.. Ikatlong lagusan mula sa silid ng mga kagamitang pang - misyon.
             Agad siyang tumakbo patungo sa direksyong tinutukoy ni Rieca.
             " Janna!!  ", dinig niyang tawag nito ngunit hindi siya nagpapigil.
                                          
              " Maiden Yellina! ", tawag niya nang makapasok sa loob ng konseho.
             " Janna, hindi ka maaaring pumasok rito. Ang mabuti pa' y lumabas ka muna ", mahinahong anito.
            " Wala pong kasalanan si Eerin! ", aniya.
            " At sino kang pangahas na basta na lang pumasok rito upang abalahin ang isang mahalagang pagpupulong? ", matalim na sita ng isa sa apat na nakaupo sa apat na mataas na upuan doon.
            Hindi niya napansing may iba pa palang maidens doon maliban kay Maiden Yellina. Halos magkakamukha silang apat at pare - pareho ring may mahahabang pilak na buhok. Samantala, nasa gitnang bahagi ng bulwagang iyon si Eerin. Pinuntahan niya ito.
             " Janna... hindi ka dapat naririto ", nanlalaki ang mga matang anito.
             " Maiden Yellina.. hindi ba' t siya ang estrangherang natagpuan sa tapat ng lagusan sa mundo ng mga mortal?  ", tanong ng isa pang maiden.
             "  Janna ", tawag pansin sa kanya ni Maiden Yellina. " Sila ang aking mga kapatid. Kasama ko sila sa pangangalaga at pamamahala ng Santuaryo."
            " A - ako po si Janna. Paumanhin po sa aking biglang pagpasok.. "
             " Ako naman si Maiden Ayesha", nakangiting pakilala ng isa sa mga ito. Nakasuot ito ng mahabang bestidang kulay rosas. " Kinakalap ko ang mga hiling ng mga puso sa pamamagitan ng mga bulalakaw ."
            " Ako naman si Maiden Aliyah", anang isa pa.Nakasuot naman ito ng lilang bestida. " Ako ang namamahala sa pagsusulat ng mga kwento ng pag - ibig ng mga itinakda. "
             " At ako si Maiden Althea ", seryosong anang huling maiden. Naalala niyang ito yung tila nagalit sa kanya kanina. Nakasuot naman ito ng bughaw.
             " Sinisiguro kong mapaparusahan ang mga nagkasalang anghel. Ginawa ko ang mga patakaran upang sundin at hindi upang labagin ", pagpapatuloy nito.  
                                             
             " Kung gayon, parusahan nyo ho ako! "
             " Janna! Tumigil ka na.. ", naiiyak na pakiusap ni Eerin.
             " Bakit naman nais mong saluhin ang pagkakasala ng iba? " tanong ni Maiden Ayesha.
              " Dahil wala pong kasalanan si Eerin! "
              " May nakakita sa kanya na palakad - lakad malapit sa Loverary kaya hindi imposibleng siya ang kumuha ng Matchbook. ", mariing ani Maiden Althea.
              " Pero..", aniya at inilabas ang Matchbook. " Hindi pa ba sapat na ebidensya ito? "
              " Janna! .. ", maang na ani Eerin. " Wag mong gawin to.. "
              " Maaaring nakita ako ni Eerin na pumasok roon at gusto niya akong pigilan kaya naroon siya malapit sa Loverary ", palusot niya. Tuluyan nang napaiyak si Eerin.
             " Tama na Janna.. pakiusap.. ",
             " Pangahas ka dilag! Matapos kang kupkupin ng Santuaryong ito ay nagawa mo pang magtaksil! ", galit na sermon sa kanya ni Maiden Althea.
             " Bakit mo ito nagawa Janna? ", malungkot na ani Maiden Yellina.
             " Gusto ko po kasing magtagumpay sa misyon na ipinagkatiwala ko sa akin. Sa kagustuhan kong maging ganap na cupid ay nagawa kong mandaya. Patawad po ", nakayukong aniya. Totoo naman yun. Ginamit niya ang Matchbook at isa yung pandaraya.
            " Nais kong imungkahing pag - aralan muna natin ito ng mabuti ", ani Maiden Aliyah. " Hindi tayo maaaring basta - bastang magpataw ng kaparusahan kung hindi malinaw ang mga katunayan ."
             " Ano pa bang nais mong katibayan Maiden Aliyah? Inamin na niya ang kanyang pagkakasala at nasa kanya rin ang Matchbook! ", anaman ni Maiden Althea.
            " Huminahon ka Maiden Althea. Tulad ni Maiden Aliyah, nakikita kong mayroong pagtatakip na nangyayari rito. At sa ngayon.. hindi ko matukoy kung sino sa dalawa ang nagsasabi ng totoo ", salo ni Maiden Ayesha.
           Hindi na umimik pa si Maiden Althea. Napagkasunduan ng mga ito na itutuloy na lamang ang pagsusuri sa kanila.
                                            
               " Maiden Yellina? ", singit niya sa patuloy na pagdedebate ng mga ito.
               " Ano yon?  ", tanong nito.
               " N - nagkamali po ako.. "
               " Wala pang napapatunayan Janna ."
               "M- may iba pa po akong kasalanan. Nung ginamit ko po yung Matchbook kanina.. nakita ko yung dalawang taong itinakda. Pagkatapos nagawa ko pong panain ang babae pero... "
              Napahugot siya ng malalim na hininga. Nakatingin sa kanya ang mga maiden at maging si Eerin.
             " ... n - nung papalasuhin ko na yung lalaki .. I - iba po yung tinamaan ko ", aniya at nasapo ang mukha. " P- patawad po ."
             " A - ano ulit yung sinabi mo Janna? ", tila di makapaniwalang tanong ni Eerin sa kanya.
             " Naku, hindi maaari ito.. ", alalang ani Maiden Ayesha.
             " Kailangan magawan ng paraan na maitama ang lahat sa lalong madaling panahon ", anaman ni Maiden Aliyah.
             " Nandaya ka na nga lang palpak ka pa rin! Dapat ka ipatapon sa kalawakan! ", nanggagalaiting ani Maiden Althea.
             " Maiden Althea! ", saway ni Maiden Yellina. " Paanong nangyari ito Janna?.."
             " H - hindi ko rin po alam. H - heto po yung larawan nila ", aniya at iniabot kay Maiden Yellina ang nakabuklat na Matchbook.
             " Janna, sinasabi mo bang ibang lalaki ang tinamaan mo ng pana? ", tanong ni Eerin.
             " Oo ganon nga..", nakangiwing sagot niya.
             " Puro kaguluhan lamang ang idinulot mo dito! Sabihin mo nga, paano mo aayusin ito? ",. bunsol ni Maiden Althea.
            " Janna, Eerin, ang mabuti pa' y lumabas muna kayo. Kailangan naming pag - usapan ito upang makaisip ng paraan ", ani Maiden Yellina. Tumalima sila.
            " Sandali! ", pigil ni Maiden Althea. " Gusto kong ipaalala, hindi pa tapos ang paglilitis. Sisiguruhin kong mapaparusahan ang tunay na may sala. "
                                           
                " Alam mo Janna, hindi talaga ako makapaniwala sa sinabi mo.. "
               " Ako rin Eerin. Napaka - palpak ko talaga! ", inis na aniya.
               " Paumanhin Janna.  Kung hindi siguro ako nakialam ------ "
               " Wala kang kasalanan Eerin. May dahilan marahil ang lahat. "
              " Tsaka Janna.. di mo dapat inako ang kasalanan ko ."
              " Nagkaroon ka lang naman ng sala dahil sakin eh."
              " Pero sa totoo lang, sobrang takot na takot ako kanina. Halos malagas ang mga balahibo ng pakpak ko sa tuwing titingnan ako ng matalim nI Maiden Althea ", anito na ikinatawa niya.
             " Kailangan ko makaisip ng paraan Eerin. Dapat mapaglapit ko yung babae at lalaking yon pero pano ko gagawin yon? Buti sana kung pwede ko silang kausapin o ipakilala sa isa' t - isa bago pa man sila magtagpo nung isang lalaki!  Haay.. "
             " Janna! "
             " Ano yun Eerin? "
             " Sa tingin ko alam ko na kung paano mo ito malulutas! "
             " Paano? "
                                              
               " Anong sabi ninyo? Gusto nyong magkatawang tao para makahalubilo ang dalawang mortal na iyon? Nakakatawang ideya! Walang kwenta! ", sarkastikong ani Maiden Althea nang ilatag nila sa konseho ang kanilang mungkahi.
              " Sa katunayan po, si Janna lang ang magkakatawang tao.. hindi po ako kasali ",
               Siniko niya si Eerin.
              " Hah!  Nais nyo lamang takasan ang paglilitis! ", muling anito.
             " Maiden Althea, bakit hindi muna natin sila pakinggan? ", ani Maiden Ayesha. " Sa papaanong paraan nyo nakikitang gagana ito? "
             " Naisip po naming mas magiging madaling paglapitin ni Janna ang mga itinakda kung nakakausap at nakakasama niya ang mga ito. Para bang .. siya yung magsisilbing tulay upang magkatagpo ang dalawa bago pa man dumating ang lalaking tinamaan ng palaso. "
             " At paano kung hindi gumana? ", tanong ni Maiden Althea.
             " Handa po akong pagbayaran ang aking nagawa. Pagkakataon lang po ang hinihingi ko ", aniya.
              " At mas maigi po na subukan natin kesa wala tayong gawing paraan ", anaman ni Eerin.
              " Tama sila, Maiden Yellina ", ani Maiden Ayesha. " Ano ang iyong pasya? "
             " Sang - ayon ako ", ani Maiden Yellina. " Subukan natin ito.
              " Ako rin ", magkapanabay na anina Maiden Aliyah at Maiden Ayesha.
              Hindi umimik si Maiden Althea.
             " Yes!  Majority wins!! ", hirit ni Eerin. Napatingin silang lahat dito. " Ah eh.. yun yung sinasabi ng mga tao pag lamang ang isang panig at iyon ang masusunod.."
             Pinandilatan ito ng mata ni Maiden Althea. Nagtago si Eerin sa kanyang likuran.
              " Salamat po sa inyo ", aniya.
*