BUMABA si Safhire sa tapat ng kalyeng papasok sa villa. "Salamat sa paghahatid. Ingat kayo," sabi niya kina Athrun at Ghaile.
"I'm having a lot of fun today, Saf. Thank you for keeping me company. I'll see you around, definitely," pahayag ni Athrun.
Tumango lang siya at tumingin kay Ghaile na nakayukyok sa manibela at nakatingin sa kanya. Nginitian niya ang doctor.
"Bye,doc."
Tumango ito. "Until next time, Safhire," he said and flashed a dashing smile.
Umusad ang sasakyan. Hinatid niya ng tanaw iyon habang papalayo. Nakatutuwang isipin na naririnig pala ni Athrun ang mga kwento niya sa kabila ng kondisyon nito. Pati ang mga records sa kanyang cellphone at ang pag-awit niya. Mabuti naman at hindi nasayang ang pag-aalagang ginawa niya sa lalaki kahit sa napakaikling panahon lamang.
Sinapit niya ang villa. Nagpahinga lamang siya sandali sa kanyang silid at bumaba din agad para maghanda ng hapunan. Vegetable soup,sweet and sour fish and fried shrimp.
Naisip niyang hintayin na rin si Vhendice para sabay na silang kumain. Pagkatapos niyang magluto ay nanonood siya ng tv sa sala. Pasado alas-otso na nang dumating si Vhendice. At hindi ito nag-iisa nang pagbuksan niya ng pinto. May kasama itong lalaki na mahigit-kumulang ay nasa kwarenta ang edad. Matangkad at malaki ang katawan. Maitim, makapal ang labi at may nunal sa kaliwang pisngi.
"Good evening," bati niyang nakangiti.
"Hey, I'm back." Hinapit siya ni Vhendice at hinagkan sa pisngi. Nagulat siya. Hindi niya napaghandaan ang ginawang iyon ng lalaki. "This is Eddie, he's also an PBI agent. Partner ko siya dati." Ipinakilala nito ang kasama.
"Hellow, Eddie!"
"Meet my wife, Ed. Mrs. Safhire Queruben." Binalingan ni Vhendice ang kasama.
Tumango ito. Naglahad ng kamay. "Please to meet you, Mrs. Queruben."
"Same here." Inabot niya ang palad sa bisita. Hindi siya umangal nang akbayan ng binata at nagpatiuna sila patungong sala. Bumuntot sa kanila si Eddie bitbit ang kaisa-isang traveling bag na hindi naman kalakihan.
"Ihahanda ko na ba ang dinner?" tanong niya.
"Tamang-tama, gutom na kami."
"Sige," iniwan niya ang dalawang lalaki at nagtungo ng kitchen. Mabilis niyang naihanda ang hapag-kainan. Agad niyang tinawag sina Vhendice at Eddie. Ganadong kumain ang dalawang lalaki. Nawili siya sa panonood sa mga ito na hindi tinitigilan lahat ng niluto niya hanggang sa nasimot.
HABANG naghuhugas ng mga pinggan sa lababo, narinig ni Safhire na pinapauna ni Vhendice sa sala ang panauhin nila. Nagpaiwan sa kusina ang binata at tumulong sa kanya sa pagliligpit. Pinunasan nito ang dining table at dinala sa kanya ang babasaging food bowl na nilagyan niya sa vegetable soup.
"Dito ba siya titira?" tanong niya.
"For the meantime. Hangga't hindi pa siya nakakahanap ng bahay na tutuluyan."
"Galing ba siyang Maynila?"
Tumango ang lalaki.
"Anong kailangan niya rito?"
"May iimbistigahang ibang kaso. Maaring related doon sa sinabi ko sa iyo minsan na illegal transactions. But I'm not so sure of it yet. I haven't talk to him about it."
"Saan kayo nagkita?"
"Doon sa bus stop ng Victoria's Garden. Isinama ko na siya. Sabi niya sa Edena ang kanyang distinasyon. Pero wala siyang bahay na matutuluyan doon."
"Partner mo siya dati, di ba? Kailangan pa ba nating magpanggap na mag-asawa sa harap niya? PBI rin siya. Siguradong maiintindihan niya tayo kahit malaman pa niya ang totoo."
"Hawak siya ng mga Andromida. Dati siyang personal bodyguard ni Haydees bago siya napasok sa PBI."
"Totoo ba 'yan?" Nagpanting ang tainga niya. "Then why did you bring him here? He could be a spy?"
"Sa pagkakaalam niya nandito tayo para mag-honeymoon. Highly-confidential ang kaso natin. Tayo lang at ang director ang nakakaalam. Also, I brought him here for some useful information about Haydees Andromida."
Tumango siya. Nilagay sa tray ang kahuli-hulihang china plate na hinugasan para patuyuin. Inabot niya ang hand towel at nagpunas ng mga kamay.
"Saan siya matutulog?"
"Unfortunately, the guest room is not available. Siguro roon na lang muna siya sa room ko."
"At ikaw?"
"For all we know I'm your husband. I should be sleeping next to you," pahayag nitong may pilyong ngiti sa labi.
Pinandilatan niya ng mga mata ang lalaki. "You mean magtatabi tayo sa kama ko?"
"Anong masama roon? We're couple, we should be sleeping in the same room and bed in the first place."
"Alam mong hindi pwede iyon."
"Sinong nagsabi? Aminin mo na, takot ka lang magkasala tayo. Don't worry, Safhire, I won't force you. That's not my style. Even though I know you can't possibly resist me." Kumindat si Vhendice at bumungisngis.
Nabubugnot na tinalikuran niya ang binata. "Ang yabang! Palibhasa guwapo," bubulong-bulong siya habang sinuyod ng tingin ang buong kitchen. Baka may nakalimutan siyang iligpit.
"I heard that." Vhendice called out.
"Hindi ikaw ang tinutukoy ko." Deny niya.
"Oy...defensive..." He teased, laughing bracingly.
Lalo siyang nainis at sinipat ng masamang tingin ang lalaki.
ITINALI ni Safhire ng high pony tail ang mahabang buhok at pumasok ng banyo ang dalaga. Nag-half-bath. Kahit ayaw niya sa ideyang doon sa silid niya matutulog si Vhendice, hindi naman niya magawang i-lock ang pintuan. Naroon pa ang binata sa kwarto nito at inaasikaso ang bisita. Pagkakataon na sana niya. Ang kailangan lang naman ay i-lock ang pinto at magkukunwari siyang tulog para hindi ito makapasok. Pero nakokonsensya siya.
Nakasimangot na lumabas siya ng banyo. Tinungo ang tokador at naglagay ng powder sa likod. Sinipat niya ng tingin ang mga gamit ni Vhendice sa isang tabi. Mabilis itong nakapaglipat kanina habang nasa sala pa ang bisita nila. Ang mga damit nito ay nasa loob na ng cabinet.
Umalis siya sa harap ng tokador at lumapit sa kama. Naroon ang pares ng pajama na isusuot niya. Nakatupi pa. Nagbihis siya agad. Hindi naglipat-sandali ay pumasok si Vhendice. Bitbit ang isang can ng beer at isang stick ng sigarilyo.
Lumapit sa kanya ang lalaki. "Akala ko nilagyan mo ng boundary ang gitna ng kama, tulad ng madalas gawin ng mga bidang babae sa movies."
"Pasalamat ka at wala akong makitang packing tape rito dahil lalagyan ko talaga kung mayroon," aniya sa mataray na tono at inirapan ito.
Natawa lang ang agent at tumuloy sa terrace ng kwarto. Sinundan niya ito.
"Naninigarilyo ka pala?" Puna niya.
"Normally, I don't. Only when I'm stressed."
"Stressed ka ngayon?"
"Of course. I'll be sleeping next to my wife for the first time. Tapos wala akong pwedeng gawin." Pasaring nito.
"Tumigil ka na,Vhendice. Kanina ka pa. Naiinis na ako." Angil niya.
"Feeling ko nga." He chuckled.
"Kumusta nga pala ang lakad mo?" Iniba niya ang usapan.
Sinindihan ni Vhendice ang sigarilyo. "Magulo ngayon ang Edena dahil sa resistance ng iilang miyembro ng Mackintosh family."
"Resistance?Ano iyon?"
"May-ari ng isang oil company ang mga Mackintosh,hindi lang dito sa Philippines kundi throughout Asia. Sa ngayon,kontrolado sila ng Andromida Conglomerate. Ngunit iilan sa kanila, lalo na ang faction of elders ay hindi kontento sa mga conditions na ibinigay ng Andromida Conglomerate. Patuloy silang nagpapakita ng pagtutol at ginugulo ang mga transactions ng kompanya."
"Parang rebellion?"
"Uhm," tumango ang binata at lumagok ng beer mula sa can. Humitit ito ng sigarilyo at ibinuga ang usok pataas. "Hindi ligtas pumunta doon ngayon. Next week perhaps, the situation might cool down a little."
Nawalan siya ng imik. Ngayon lang niya napansin na para bang bawat kilos nila sa lugar na iyon ay binibilang. Hindi nila magawa ang gusto nila at madaliin ang resulta dahil may ibang bagay na pumipigil.
"Naibigay mo ba kay Rajive ang disk?" tanong ni Vhendice.
Tumango siya. "Oo."
"Very good. Saan ka nagpunta pagkatapos?" Parang hindi halatang sinisimulan na naman siya nitong ilagay sa interogasyon.
"Sa market. Tumitingin-tingin."
"Mag-isa ka lang?"
"Oo,nu'ng pumunta ako. Pero pagdating ko doon nagkita kami ng dati kong pasyente. Si Athrun. Tagarito pala siya. Sinamahan niya akong maglibot-libot."
Inubos ng binata ang beer at hinulog sa loob ng empty can ang sigarilyong hindi pa nangangalahati.
"Matulog na tayo," sabi nito.