Habang break time ay napag-isip isipan ni Jiane na i-grab ang opportunity at oraa na 'to para makausap niya ang kaibigang si Eliane sa kung ano na nga ba ang totoong status nila ni Nick. Nakakagulat kasi na bigla na lang naging okay ang dalawa na para bang walang nangyaring hidwaan sa nakaraan. Hindi siya makapaniwala na normal na nag-usap ang mga ito.
Susubo na sana si Eliane ng sandwich nang biglang nagsalita si Jiane. "Tapatin mo nga ako, Eli. Ano yung kanina, ha? Bakit biglang okay na kayo? Gano'n gano'n na lang 'yon? Bumigay ka na kay Nick? Sinusuko mo na ang korona mo bilang elusive queen?"
Pinandilatan siya ng nga mata ni Eliane. "Sshhh! hinaan mo nga ang boses mo, Jiane! Kapag talaga may makarinig sa atin baka anong isipin nila!"
Namewang si Jiane. "Ano pa nga ba ang dapat nilang marinig, e nakita na mismo ng dalawa nilang mga mata na nag-usap kayo ng payapang dalawa. Oh, my gosh as in oh my gosh talaga, Eli!! I can't believe it!"
"Oo na, ikaw na ang hindi makapaniwala. Halata naman sa 'yo, e. Hindi ko rin alam kung paano."
"Anong hindi alam? Anong nangyari sa inyo kahapon, ha?? Ikaw ha! Ang dami mong utang na kwento sa akin!"
Napalunok ng laways si Eliane. Mukhang mapapasubo siya dito kay Jiane ah. Kilala niya ang kaibigan niya. Hindi siya nito tatantanan hanggang hindi siya nagsasalita.
"Kahapon kasi, ewan ko ba. I felt comfortable noong kaming dalawa na lang. We ended up opening up to each other. We talked to each other casually. Na para bang magkaibigan kami. We evem swam to the beach. Just the two of us. Maski ako, hindi rin makapaniwala, e."
Napahawak si Jiane sa kanyang milk tea sabay higop niyo ng dirediretso habang namimilog pa ang mga mata niya.
"Sandali, sandali. Anong sabi mo?? Kayong dalawa, naligo sa beach?? Saan ba kayo dinala ng mommy at daddy niya??" sunod sunod na tanong ni Jiane.
"Sa resort nila, Ji. Alam mo ba na hindi sila nag-accept ng visitors kahapon just for us?? Ni-reserve ng mommy niya ang buong lugar para sa amin. My gosh, I was also shocked." Pagkukuwento pa ni Eliane.
"So special ka na no'n? hay! Ewan ko ba. As much as I want to trust Nick nagdadalawang isip pa rin ako, e. Pero nasa sa 'yo pa rin naman yan kung makikipagkaibigan ka na sa kanya. Labas na ako doon."
Hindi na sumagot pa si Eliane. Napag-isip isip niya na wala naman sigurong masama kung pagbibigyan niya si Nick. Kung makikipagkaibigan man ito sa kanya. Huwag lang siyang mai-inlove dito dahil kapag nangyari yon, talo na talaga siya
"Pero paano na ang sinasabi mong savior mo? Akala ko ba siya ang hinihintay mo na maaring magbukas na ng nagsara mong puso? Hmmm?" Ani Jiane.
"Baka matanda na ako kapag dumating siya. Joke. Alam mo kasi, ang laki ng mundo. Umiikot. Nakakatagpo tayo ng kung sino-sino. Pero kahit na makikala ko man lang siya para magpasalamat. Kasi sobra sobra ang ginawa niya sa akin. Hindi niya lang ako niligtas mula sa pagkakagahasa e. Niligtas niya din ang buhay ko mula sa pagkasira. Kahit ngayon na matagal na akong nawalan ng tiwala sa mga lalaki, siya yung isang tao na nagbibigay sa akin ng kaunting pag-asa na hindi lahat masama."
"Kaya gusto mo nang mag-settle kay Nick? Kasi naniniwala ka na hindi lahat masama? Hindi naman masama si Nick, pero isa siyang playboy. Mas gugustohin ko pa kung kay Enrico ka mapunta, e. Matino na, guwapo pa, at mabait. Saan ka pa? Kapag siya ang naging boyfriend mo, buhay prinsesa ka siguro."
"I don't need a Prince to be a princess, Jiane. I am already a self made princess. Saka, wala naman akong masasabi kay Enrico. Tama naman lahat ng mga sinabi mo tungkol sa kanya."
"Ayiee?? So may chance??" Pang-o-okray ni Jiane.
"Naguguluhan ako. Hayaan mo kaya muna akong mag-isip kaysa sulsol ka nang sulsol diyan, ano? Hindi ko makain-kain 'tong sandwich na binili ko kasi ayaw paawat niyang bunganga mo, e." mataray na sagot ni Eliane.
Sa kasagsagan ng pagtsitsismisan nila ay dumating rin ang dalawa pa nilang kaibigan na sina Elise at Tasha. Parehas na may bitbit na pagkain ang mga ito.
Kunot noo si Eliane na pilit kinikilala ang tatlong lalaking nakasunod sa likuran ng mga ito. At hindi siya puwedeng magkamali. Sina Seb, Enrico, at Nick iyon. Hays, itong dalawa talagang 'to. Nagsama pa talaga ng mga lalaki. Kaya madalas silang naloloko, e. Kasi, mabilis silang nakukuha ng mga boys. Mabilis sinusuko ang 'oo' nila.
"Wow, speaking ha?" Pagpaparinig ni Jiane.
Napakagat na lang ng labi niya si Eli. "Oh, kanina pa namin kayo hinihintay. Nagdala pa talaga kayo ng kaibigan ha?"
Natawa si Tasha. "Kasalanan ba namin kung hinahanap hanap ka nila, Eli? Hays. Okay sana kung kami ang hanap e. Ang kaso, hindi. At ang malala. Ikaw na naman..Ikaw na lang lagi. Sana all mahaba ang hair! Ako kasi, mahaba lang ang pasensya."
"Sshhh tahimik na. Ang dami mo nang sinabi e. Let the boys join us for snack today," sagot naman ni Elise.
"Hi, Eli." Si Nick ang nagsalita, sabay kindat nito.
"Hi?" sagot ni Eliane habang alanganing ngumiti.
"Nga pa la, nagdala ako ng food. Pinapabigay ni mommy. Appreciation niya daw sa 'yo. Sa pagsama mo sa 'min."
Nagpantig ang tenga nilang lahat doon lalo na si Enrico. "Pagsama sa inyo? Saan?'
"Sa resort. Kami lang, saka ang mommy at daddy ko." Pagmamayabang pa ni Nick.
"Woy, kayo ha? Ibang level na. Slowly but surely yata ang drama niyo?" Pang aasar naman ni Elise.
"Sira ka talaga. Nahiya lang ako kina Mrs. Montecarlo kaya ako sumama. Alam ni Nick yan, di ba Nick?"
"Yeah. But at least you had fun. And, I also brought our pictures. Nandito sa envelope. Kinuhanan pa la tayo nina mommy ng stolen shots. At pinadevelop niya pa talaga iyon."
Halos mabulunan sa kinakain niya si Eliane nang napunta sa kanya ang maaanghang na tingin ng mga kaibigan. May pa picture pa la sina Mrs. Montecarlo? Oh, no. Mukhang di na naman ito makakatakas sa mga mata ng mga kaibigan niya.