Club Fort Med is a resort located at Arbor, same baranggay with El Grande Lat. Kaya wala pang sampung minuto ay narating na ng kotse ang parking lot ng resort. Sabagay, hindi naman mabigat ang trapiko, at nagmamadali na rin si Tiden dahil malapit nang alas-otso.
"Tulog pa mga 'yon. Tara na muna sa resto," aya niya sabay ibis ng sasakyan.
Umibis na rin ako at tiningala ang malaking wooden placard kung saan naka-engrave ang pangalan ng resort. Well, it is my first time to be here with them. At excited akong makilala sila nang husto. Sinenyasan ako ni Tiden na sumunod. Tumango ako at bahagyang ngumiti sa kaniya.
Dumiretso siya sa isang modernized restaurant na bahagyang elevated kaysa sa ibang parte ng resort. Pinili ni Tiden ang upuan sa tabi ng malaking glass wall, kung saan kitang-kita ko ang kabuuan ng resort. Nakita ko pa ang tatlong pools ng Club Fort Med.
"Anong gusto mong kainin?" tanong niya nang maupo ako sa tapat niya.
Maliit na round table ang nakapagitan sa amin. May munting cactus na namumulakadkad sa gitna niyon, at nakatanim sa maliit na paso. Sa tingin ko ay bonsai plant 'yon na b-in-reed ng may-ari. Kinuha ko ang menu na nakapatong sa mesa saka binuklat at naghanap ng makakain.
Pinakita ko sa kaniya ang roasted chicken at pineapple juice. "This will do."
"Alright."
Tinawag niya ang waiter na nakatayo sa hindi kalayuan. Agad lumapit ang lalaking waiter at kinuha ang order namin. Ilang minuto rin kaming naghintay bago nahain sa mesa ang dalawang roasted chicken at pineapple juice.
"Nag-rice ka nalang sana," sabi ko sabay kagat sa hita ng manok. Sanay na akong kumakain lang ng manok dahil nag-diet ako no'ng nakaraan. But it was a secret diet dahil ayaw ni Mama na nangangayayat ako.
Sumimsim siya ng juice at ngumiti. "Nabusog ako sa pancake. Masarap magluto ang cook ng EGL."
"Hmm..." Lumunok ako. "Akala ko ba nagmamadali ka? E, bakit tulog pa kasamahan mo?"
"Hiniram ko ang kotse nang hindi alam ni Levi. Kailangan kong ibalik sa parking lot habang tulog pa siya, kung 'di magwawala 'yon."
Napatitig ako sa kaniya. "So, ayos lang kaya kay Levi na..."
"Na?"
"Nandito ako?" Lumunok ako at nag-iwas ng tingin. "As you said, si Ariel ang nag-aya. So hindi natin alam kung ayos lang sa kaniyang makisampid ako saglit sa bonding time niyo."
Natawa si Tiden. "Hindi 'yan. Halos hindi namin nakakasamang magbabad dahil parating tutok sa cellphone."
"Why is that?" Gusto ko rin sanang itanong kung parati nitong kasama si Nicole, pero why would I ask the obvious? Nabasa ko kumakailan sa social media account ni Nicole na sinagot na niya si Levi so malamang parating magkasama ang lovebirds.
"Nahuli ko minsan. May ka-text. Siguro babae, hindi ko alam."
"Really?" Nangunot ang noo ko. "I thought he's in love with Nicole?"
Ngumisi si Tiden. "Complicated status nila ngayon. Hindi halos mabigyan ng oras ni Levi kaya binabaling ang galit sa amin. Makikita mo mamaya."
Nagkibit-balikat ako at inabot ang juice bago dahan-dahang sumimsim. Lihim akong napangiti.
Tumingin ako sa labas ng malaking glass wall. Nakita kong may panaka-naka nang guest na naliligo sa pools. Pinuno ko ng hangin ang baga at napaisip. Kung complicated na nga ang status nila, does it mean na may pag-asa na ako kay Levi?
HALOS manginig ang tuhod ko habang papalapit na kami sa cottage kung saan nagsti-stay ang Vine, pwera kay Nicole. Nasa kabilang cottage siya ayon kay Tiden. Napalunok ako habang tinititigan ang nakasarang pinto ng bungalow-shaped cottage.
Pinihit ni Tiden ang seradura ang sinenyasan akong sumunod sa loob. Huminga ako nang malalim bago humakbang papasok. Tumambad sa akin ang isang malinis na sala. Maliit lang, at sa tingin ko ay isang manipis na divider lang ang naghihiwalay sa bed space ng cottage.
Pinaupo niya ako sa lounge at pinahintay saglit. Gigisingin niya lang daw ang tatlo. Tumango ako at nilibot ang tingin sa loob. Ilang minuto lang ay narinig ko ang kilos nila sa bahaging natatakpan ng manipis na divider.
"Tide! What are doing, man? Get lost," paos na boses ni Ariel.
"Aba, Ariel. May bisita ka. Kung ganiyan pa lang tutulog-tulog ka, sana hindi mo na lang inimbita."
"What are you talking, man?"
"Si Rishell, pre. Nasa lounge. Gumising ka na riyan. Nakakahiya na sa babae, uy."
Sukat noon ay may narinig akong nahulog sa kung saan. Tapos, halakhakan. May narinig din akong reklamo at ingay ng kubrekama. May bumangon yata.
"What are you talking -"
Nag-angat ako ng tingin sa lalaking lumabas mula sa entrada ng bed space. Kumukurap-kurap siya at kinusot-kusot ang mata. Ilang segundo siyang napatitig sa akin sabay mura nang malakas.
"Man! Hindi mo sinabi!"
Mabilis siyang pumasok ulit sa bed space. Nakagat ko ang labi ko at nag-iwas ng tingin sa entrada.
Naka-topless pa kasi si Ariel at nakita ko ang malaking tattoo sa bandang tiyan niya. Isa 'yong agila na pula ang mata.
Ilang minuto ang lumipas bago sila nagsilabasan at naupo sa tapat at magkabilang tabi ko.
Nakapikit pa si June, habang nakangisi na nang malapad si Ariel. Habang si Levi, nakatungo sa cellphone. Na naman. Pero ilang segundo pa ay nagpaalam para puntahan si Nicole sa kabilang cottage.
Napanguso ako at napabaling kay Ariel. "Thanks for the invite." Ngumiti pa ako nang marahan sa kaniya.
Tumango siya. "You're welcome, pretty. But are you hungry?"
"I'm full. Kakakain lang namin ni Tiden sa resto riyan sa tabi."
Bumaling si Ariel kay Tiden. "Why dude? You should've woke us up."
"Tulog mantika kayo. Isa pa, nasolo ko na rin siya kaya ayos na sa akin solohin mo siya. Pero binabalaan na kita, dude. 'Pag may ginawa kang masama sa kaniya, itong dalawang kamao ko ang hahalik sa mukha mo." Pinakita pa ni Tiden ang mga kamao niya.
Natawa si Ariel. "Silly. I just want to be her friend. That's all." Tumayo siya at inaya akong lumabas.
Tumingin ako kay June. Nakapikit siya at mukhang naramdaman niyang nakatitig ako kaya tinaas niya ang kamay para sabihing ayos lang sa kaniya. Tumayo ako at hinayaan si Ariel na akayin ako palabas ng cottage.
"Since this is our first meeting, I want to introduce myself formally to you." Umikhim siya. "I'm Ariel Labastida. Twenty. Vine's drummer and sub-vocalist. Never been kissed, never been tasted by anyone. Would you dare to break the record?"
Nasamid ako bigla ng sariling laway. Napahawak ako sa leeg habang pulang-pula ang mukha at nauubo. Narinig ko ang malakas niyang halakhak. "I'm just kidding!" ngisi niyang bawi sa sinabi.
Huminga ako nang malalim. "Uhmm..." Tuloy, hindi ko alam ang sasabihin.
Nagulat na lang ako nang inakbayan niya ako bigla at naglakad palapit sa showers na nagkalat sa paligid. Huminto siya sa harap ng isang pool na sa tingin ko ay may habang fifteen feet at lalim na eight feet.
"I know your name is Rishell Joy Larica. Tiden once told me that you're a good swimmer. So I'm placing a bet on your plate. If you win, I'll treat you a fully-loaded lunch and dinner. If I win, you'll stay here in Club Fort Med until tomorrow. Deal?"
Nangunot ang noo ko sa sinabi niya. At bago pa ako makapagsalita ay diretso siyang lumusong sa pool. Napakurap ako.
"S-Sandali! Hindi pa ako umuo, a! Ariel!"
Haist! Itong lalaking 'to!
Pikit-mata akong lumusong sa pool para lumangoy. Hindi ako pwedeng manatili sa CFM hanggang bukas. Lagot ako kay Mama 'pag nagkataon!
Ni hindi nga ako nagpaalam sa kaniya.