"Doc! Kung yung malake na cream kahit dalawa." sambit ng lalakeng ekstranghero. Sinipat niya ang dibdib niya, pakiramdam niya lalabas na yung puso niya sa sobrang kilig. Pinakiramdaman niya ang kaniyang sarili kung okay lang ba siya.
"Miss! Dito ka muna ikukuha muna kita ng uniform na bago. Nursing student right?" sambit nito at pumunta sa kaniyang likuran at bahagyang hinawi ang kaniyang buhok. Nabigla siya at nagamitan niya ng self-defense ang lalake. Nakita niyang gulat na gulat ang lalake sa kaniya at napahawak sa nasaktang balakang.
"Bakit ka kasi nanghahawi ng buhok?" sambit ni Nikki sa lalakeng ito.
"Titingnan ko lang naman kung anong size ng damit mo." sambit nito, tinulungan niya itong tumayo.
"Medium ako!" sambit ni Nikki.
"Grabe medium kalang pero kaya mong patumbahin ang double extra large. Dito kalang ha. Ikukuha kita ng damit." sambit nito sa kay Nikki, mabilis pa sa alas kuwatro nakaalis na ito. Hindi man lang siya nakapag-thank you.
"Thank you, Mr. Bigotilyo at balbas saradong ekstranghero." sambit niya. Lumabas ang doctor at inabot ang cream sa kaniya.
"Ipahid mo twice a day, at huwag kalimutan na maghugas ng kamay." sambit ng doctor.
"Thank you po. Pakibigay nalang po sa kaibigan ko itong vest naiwan kasi niya. Thank you po." sambit niya, hindi niya na hinintay na magsalita pa ang doctor mabilis siyang pumuslit.
Lumabas na siya at naghanap ng restroom ng makakita siya agad niya itong isinara. Hindi niya na inisip kung mayroon man mga naghihintay sa labas mamaya. Nilabhan niya agad at swerte dahil mayroong hand dryer sa restroom na iyon. Dahil naka-lock ang room comfortable siyang naka-bra lamang at pinatuyo ang damit patapos na siyang patuyuin ang kaniyang damit ng may marinig siyang nagbukas ng pintuan.
"Potangina! Bakit ka nakahubad!" sigaw ng lalake na galing sa cubicle, agad na sinuot ni Nikki ang blouse na tuyo na at agad na binutones. Naghihisterya yung lalake at ang ginawa niya, sinampal niya yung lalakeng arogante na dahilan kung bakit nangyayaring lahat ito sa kaniya.
"Kupal ka pala ee! Pang-babaeng restroom ito. Manyakis." sigaw niya at agad na sinugod ito at binalibag ito. Natigagal yung mayabang na lalake sa pagkabigla.
"Potangina! Ang sakit hayop kang babae ka- babae ba ito?" sambit ng lalake na mayabang, hambog at arogante.
"Potangina ka din. Manyak!" sigaw niya at agad na humagos palabas. Nakita niyang maraming babae sa labas, at agad niyang nilisan ang lugar na sinambit na.
"May manyak sa restroom." sambit niya.
Mabilis siyang humarurot papunta sa room. Nakita niyang maraming nakatingin sa kaniya, alam niya naman maganda siya, pero feeling niya may kakaiba sa kaniyang mukha.
"Miss, may uling ka sa mukha!" sambit ng lalakeng kahawig din ng dalawang lalake na nakilala niya, lalo pa siyang pinagtinginan ng mga tao dahil pinunasan ng lalake ang kaniyang mukha at bahagyang inayos ang magulong buhok.
"Okay na. Anong name mo miss?" sambit ng lalakeng ito.
"Malelate na ko, kapag nagkita ulit tayo sasabihin ko saiyo." at mabilis siyang kumaripas upang maiwasan na ang tinging ipinupukol sa kaniya ng mga tao.
Pagkapasok niya ng room, lahat nakatingin sa kaniya na para bang hindi siya welcome sa kwarto na iyon.
"Good morning!" bati niya sa halos two hundred plus na student sa loob ng English room na iyon. Napansin niyang tila magkakilala na ang lahat sa loob ng klase.
"Siya siguro iyong sinasabi ni sir Serkay na galing sa ibang school." sambit ng lalake na hindi niya malaman kung bakla ba o ano.
"Ah yung squatter na school. Dahil marami ring poor students doon! Paano siya nakapasok dito eh mahal tuition dito, diba?" sambit ng isang babae na hindi pa nga siya kilala pero tila may galit na kaagad sa kaniya.
Umupo siya sa may dulong row dahil walang nakaupo roon, halos hindi niya alam kung kita niya yung ituturo pero doon lang siya pwede umupo.
"Omg, ambisyosang froggy! Umupo siya at doon pa talaga sa row ng mga billionaire." napansin niyang nakatuon ang atensiyon ng mga tao sa kaniya. At mas lalo pa silang nanggalaiti ng dumating ang pamilyar na mukha sa kaniya.
"Hoy bitch!!!" sigaw ng lalakeng arogante. Halos sugurin siya nito, nakita niyang maraming sugat.
"Napano ka?" natameme naman yung arogante ng punasan niya ng panyo ang mukha nitong may sugat.
"Sorry!" sambit niya.
"Miss!" sigaw ng isang lalake, biglang may dumating nanaman at lalong nanlisik ang mga mata ng mga tao sa kaniyang paligid.
"Bakit hindi mo ako hinintay, sabi ko ikukuha kita ng uniform." sambit nito at umupo sa kaniyang tabi sa right side niya at yung arogante naman umupo sa kanang side ng lalakeng tumulong sa kaniya.
"Ayos na ba yung paso mo?" sambit ng lalake na tumulong sa kaniya.
"Tanga-tanga kasi kaya ayan napapala mo." sambit pa ng lalakeng arogante.
Naputol ang kanilang pagtatalo ng matuon ang atensiyon nila sa bagong panauhin na bagong dating.
"Good morning guys! Long time no see!" sambit ng isang babaeng bagong dating, nang mag-angat si Nikki ng tingin nagulat siya ng makita ang kaniyang pinsan na galing Amerika.
"Nikki!" sambit nito at agad-agad na umupo sa kaniyang left side habang yung ekstranghero na lalake nasa right side niya.
"Hazel! Kailan ka pa bumalik?" sambit ni Nikki sa kaniyang pinsan, kapatid ng kaniyang mama ang ina nito.
"Hazelnut!" sambit ng ekstranghero na kasama niya. Napalingon siya sa kaniyang katabi at nakita niyang masama ang mukha nito.
"Kumusta kana, my love. Dale Ilker Yaman." sambit ni Hazel.
"Hazel Ann Rodrigo, ayos lang naman ako! E-ex my love." sambit ni Ilker.
"Drama niyo, dito ka sa pwesto ko at ako diyan para makapag-usap kayo ng mahina." sambit ng isang masungit na lalake at arugante. Ngunit pinigilan niya si Hazel.
"Haze! Huwag kang lumipat baka hindi lang lapnos ang abutin ko sa lalakeng iyan." sambit ni Nikki sa kaniyang pinsan.
"Tanga ka kasi kaya ka natapunan ng bagong kulong gatas." sambit ng lalakeng arogante.
"Alam mo tama na iyang ginagawa mo, ikaw na nga may kasalanan Selim ikaw pa may ganang magalit. Hindi ka din kasi nakatingin kaya mo nabunggo yung bote ng gatas na dala niya." sambit ni Ilker.
--