Isay's POV
"Isay!" Naningkit ang mga mata ko ng marinig ko na naman ang pagtawag niya sa pangalan ko. Lumapit ako sa banyo at kumatok sa may pinto
"Oh bakit na naman?!" Inis na tanong ko. Kanina pa kasi niya ako inuutusan akala mo naman binabayaran ako.
"Don't you have any other clothes that I can use?!" Pagalit na tanong nito na dumungaw sa labas ng pintuan
"Wala na!" pasigaw ring sagot ko. As if naman magpapatalo ako sa kanya. "Iyan na ang pinakamalaking damit ko kung gusto mo isuot mo yung daster ng Lola ko tutal mukhang bagay naman sayo!" Bwisit na sabi ko
"Are you kidding me? how can I wear this dress of yours? don't you have any sensible clothes that I can wear?!" Iritadong sabi naman niya
"Kung ayaw mong isuot yang damit ko edi huwag kang mag damit" Sagot ko naman na di mapigil ang inis "kung gusto mo lumabas kang naka hubo diyan ang arte mo bahala kana nga diyan!" Dagdag ko pa at umalis na sa tapat ng pinto.
Pangalawang araw palang ni Kendrick dito sa bahay pero pinakita na nito ang ugali niya. Ang kapal ng mukha niya as in sobra. Nakakagigil nga siya e, kung wala lang itong sugat hinambalos ko na ng walis tambong hawak ko.
Tumingin ako sa pintuan ng banyo ng marinig kong bumukas ito, nakita ko si Kendrick na lumabas doon suot ang white t-shirt na binigay sa'kin noong halalan na may mukha ni PBBM. Pigil ang pagtawa ng makita kong suot nito ang bulaklakin kong panjama ko. Yung hanggang sakong ko na panjama naging tokong sa kanya at fit na fit na pa.
"Is it funny? Yes, I know I look ridiculous this is what i'm telling you!" Pagalit niyang sabi at naglakad habang nakahawak sa tiyan niya. Medyo nakunsensiya naman ako pero pagkapasok niya sa kwarto ko ay tumawa talaga ako
Kumatok ako sa may kwarto at ng marinig ko yung salitang come in ay pumasok na ako. Kung dati dire diretyo lang ako sa pagpasok sa kwarto ko ngayon ay hindi na pwede. Parang ako ang bisita sa sarili kong bahay. Naging kwarto na niya kasi ito at ako naman sa sala nalang natutulog. Kulang nalang palayasin niya ako sa sariling pamamahay ko.
"Sabi ko magpalit ka lang ng damit bakit ka naligo? Patingin nga ng sugat mo" agad na sabi ko pagkapasok ko sa kwarto at lumapit sa kanya.
"If you were in my situation won't you take a bath? I haven't showered in two fucking days" sagot naman niya na ikinataas ko ng kilay
"Kung ako nasa kalagayan mo ngayon magiging mabait ako at susunod sa taong nagmamalasakit sa'kin. Wala naman taong namamatay sa baho!" Sabi ko at kinuha yung medicine kit ko.
"Tss" Sabi nito na inirapan pa ako. Ma attitude talaga ang lalaking ito.
"Higa!" Utos ko " patingin ng mga sugat mo!" Malakas na sabi ko. Tinignan pa niya ako ng masama akala naman niya matatakot ako sa kanya. Ang cute kaya ng mga mata niya. "Arte arte mahihiga din pala" mahinang sabi ko. Alam ko naman na narinig niya kaya ng magtama ang mga mata namin tinaasan ko lang siya ng kilay.
"Ayaw mo ba talagang magpadala sa hospital? Kailangan kasing matahi ang mga sugat mo. Tignan mo nga namamaga baka ma inpeksyon pa at lalong lumala" nag aalalang sabi ko. Kahapon ko pa talaga siya pinipilit magpatingin sa doktor pero ayaw niyang makinig sakin.
"Kaya nga ako nagpabili ng gamot sayo. Stupid" bulong nito pero narinig ko naman. Nakakapanibago sa unang pagkakataon narinig ko siyang nagtagalog.
"Sino kaya sating dalawa ang stupid! Nagmamagandang loob na nga akong dalhin ka sa hospital para magamot ayaw mo pa. Stupid!" Inis na sabi ko at diniinan ang paglalanggas ko sa sugat niya. Nakita ko naman ang pamimilipit nito sa sakit. Buti nga sa kanya.
Sunod kong nilinis ang sugat niya sa likod. Maliit lang ang sugat nito sa likod kumpara sa may tiyan niya pero mukhang malalim din ito at kailangan tahiin. Kagabi ko pa iniisip kung bakit ayaw niyang magpadala sa hospital at may dalawang sagot na pumasok sa isip ko. Una kasi dahil wala siyang pera at pangalawa baka iniisip niya na iiwan ko siya sa hospital. Hay na'ko hindi naman ako ganoon kasama para iwan at pabayaan nalang siya. Sino stupid sa'min ngayon.
Pagkatapos kong malinis at takpan ng gasa ang mga sugat niya ay nagpaalam na akong aalis. Alas singko na kasi kailangan ko ng pumunta sa ihawan at magbukas ng tindahan.
"Initin mo nalang yung ulam kapag kakain ka na, hindi na ako nagsaing ng kanin yung kaning lamig nalang kainin mo" Sabi ko pa.
"Where are you going and what time are you coming back?" Tanong naman niya.
Nginitian ko siya ng sobrang lapad. Tipong mapupunit na ang mga labi ko sa sobrang pagngiti.
"Kailangan ko po kasing magtrabaho para may mapakain ako sa'yo senyorito" sarcastic na sabi ko. "Huwag mo na akong hintayin umuwi matulog ka nalang ng maaga" Sabi ko at tinalikuran na siya.   Ayoko ng abalahin ang sarili kong tignan siya tutal wala naman akong mapapala. Baka madala ko pa sa trabaho pagka bwisit ko at malasin ako.
*****
"Hala! Nandiyan na naman sila" bulong ni Tine sa'kin ng makita ang tatlong lalaki na palapit sa'min.
"Huwag mong pansinin" mahinang sabi ko at pinagpatuloy ang pag i-ihaw ng mga barbeque.
"Hoy bakla bigyan mo nga kami ng tatlong barbeque" Sabi ni Ramon. Kilala siyang siga sa lugar at kabilang sa isang grupo ng mga gangster.
"Tig kinse po kada isa" sagot ni Tine habang ako naman ay patuloy lang sa pagluluto ng mga barbeque.
"Ito na po ang sa inyo 120 lang po" abot ko sa bumibili kanina na medyo lumayo dahil sa pagdating nila Ramon. Binigyan akong 150 ng babae at sinuklian siya ng 30 pesos.
"Teka po may may-ari na po niyan" saway ko kay Carlo na kasama ni Ramon. "Hintayin niyo nalang po yung para sa inyo" magalang na sabi ko
"Gago ka talaga bakit mo kinukuha ang hindi naman sa'yo?!" Sabi naman ni Ramon kay Carlo at binatukan pa ito "pasensiya na miss beautiful" Sabi pa niya
Pilit akong ngumiti at bahagyang tumango. Tinuloy ko nalang ang pagluluto at pagbebenta.
"Tangina bakit ang tagal naman! Kanina pa kami nagugutom!" Reklamo naman ni Kris.
Nagsilayuan ang mga taong nakapila para bumili. Sino ba naman hindi matatakot at iiwas kung sila makakasabay mo sa pagbili.
"Sandali nalang po may nauna po kasi sa inyo" Sabi naman ni Tine na halata ang takot
"Sige miss ibigay mo nalang muna sa kanila yung akin" Sabi naman ng isang lalaki.
"Thank you po" sabay pa naming sabi ni Tine sa lalaki.
"Ayan naman pala e! Salamat pare ah! Hahaha!" Tumatawang sabi ni Ramon na tinapik pa ang lalaki.
"H-heto po" nautal na sabi pa ni Tine ng ibigay ang tatlong stick ng barbecue
"Ang sarap talaga ng barbeque niyo dito ilan ba binili ni pareng pogi kukunin na namin lahat" sabi ni Ramon
"Sampo po" sagot ni Tine
"Ang konti lang pala magluto ka pa ng sampu" utos nito kay Tine
Agad naman sumunod si Tine at kumuha ng sampung piraso pa na barbeque. Ako naman ay nagpatuloy lang din sa pagluluto. Nang maibigay ko na ang lahat ng umorder sa'kin ay wala ng bumili, umalis kasi ang mga nakapila kanina.
Ineenjoy nina Ramon yung barbeque at paulit ulit na sinasawsaw pa nila ang mga kinagatan nila sa pichel na lagayan ng sawsawan. Nakakainis mukhang hindi kami makaka kota ni Tine ngayon, sayang yung fifty pesos na ibibigay samin ni Boss.
Dumighay ng malakas si Kristof at nagtawanan silang tatlo. Kinuha naman ni Carlo ang panghuling stick sa 20 piraso na barbeque na inorder nila.
"Teka po! Sandali!" Pigil ko sa tatlong lalaki na basta nalang umalis na hindi nagbabayad.
"Bakit miss beautiful?" Tanong ni Ramon. Lumapit naman sakin si Tine at hinihila ang kamay ko
"Hindi pa po kasi kayo nagbabayad 300 lang po lahat" lakas loob na sabi ko.
Ilang beses na silang pumunta dito at laging ganito nalang ang nangyayari. Umaalis sila na hindi nagbabayad. Noong huling punta nila mahigit sa 400 ang kinain nila at hindi rin nagbayad. Hinayaan nalang sila ni Boss kaysa magkagulo. Kaso hindi ko pwedeng hayaan nalang sila ngayon, wala kasi si Boss at sa'min ni Tine kakaltasin ang kinain nila na hindi naman binayaran. In short kami ang magbabayad sa kinain nila. Ano sila sinuswerte? No way!.
Binatukan ni Ramon sina Carlo at Kristof. "Magbayad nga kayo!" Utos niya sa mga kasama
"Wala akong pera boss!" Sabi ni Kristof na inilabas pa ang mga bulsa
"Wala rin ako isulat mo nalang" sabi naman ni Carlo. Akmang aalis na sila ng muling pigilan ko sila. Pumunta ako sa harapan nila at nagpamaywang.
"Hindi kayo pwedeng umalis hanggat hindi kayo nagbabayad" matapang na sabi ko
Nagkatinginan ang tatlo at biglang tumawa ng malakas. Naniningkit na ang mga mata ko sa galit ngunit kailangan kong kumalma at kausapin sila ng maayos para masingil.
"Miss beautiful kilala ko ang boss mong chekwa dito. Sabihin mo nalang dumaan kami at kumain matutuwa pa iyon" sabi ni Ramon pagkatapos ay nagtawanan ulit sila
"Wala po kasi ang boss ko samin po kasi kakaltasin yung mga kinain niyo" Sabi ko
"Anong pakialam namin?! Umalis ka na nga diyan bago mag init ang ulo ko at tamaan ka!" Tinulak ako ni Kristof at napaupo ako sa sementadong daanan. Narinig ko pa ang pagsigaw ni Tine at ng iba tapos nilapitan nila ako at tinulungan tumayo.
"Hayaan mo na sila sis baka saktan ka pa" nag aalalang sabi ni Tine
"Miss pabayaan mo na ako na ang magbabayad sa kinain nila" Sabi naman ng isang matandang babae
"Hoy! Babaeng mukhang pera! Narinig mo? Siya na daw magbabayad ng kinain namin kaya umalis kana bago magdilim ang paningin ko!" Sigaw ni Kristof
Tumayo ako at pinagpag ang suot kong pantalon at humarap kay Kristof at tinulak din siya. Hindi man lang siya napahakbang kahit isa at tinawanan ako. Ganito ba talaga ako ka weak o kulang lang talaga sa lakas ang pagtulak ko sa kanya. Dinuro naman niya ako at tinulak tulak ako gamit ang hintuturo niya.
"Gusto mo ba talagang masaktan ha? Ang tapang mo ah!" Sabi pa nito at isang malakas na pagtulak sa balikat ko ang ginawa niya. Pakiramdam ko humiwalay ang balikat ko sa katawan ko sa sobrang sakit.
"Tama na yan huwag mo ng patulan nag text na si boss pinapapunta tayo" Sabi ni Ramon at pinigilan na sa paglapit pa sa'kin si Kristof.
"Nakakapikon kasi boss e" sagot niya kay Ramon
Inakbayan ni Ramon ang dalawang kasama at sumakay na sa dumaan na jeep. Pipigilan ko pa sana sila ngunit pinigilan rin ako ng mga tao.
"Sis huwag ganoon huwag mo nalang patulan sila wala tayong laban sa mga iyon" Sabi ni Tine
"Alam ko naman yun kaso masyadong malaki yung tig 150 na ikakaltas satin" Sagot ko
"Huwag kayong mag alala ako na magbabayad nung 300 tapos ipagluto niyo narin ako ng sampung barbeque" Sabi ng matandang babae
"Naku po salamat nalang po huwag niyo na pong bayaran hindi naman po kayo ang kumain at ang laking halaga po nun" Sabi ko sa matanda
"Sige miss mag s-share ako ng 50 para hindi kayo gaanong kabigatan. Bibili rin ako ng barbecue" Sabi naman ng isang lalaki
"May trenta pa ako dito isama mo na ito, sa susunod huwag ka ng lumaban sa mga iyon siguradong sasaktan ka nila" sabi naman nung isang babae
Nagsilapitan din ang iba at nagbigay ng tig bebente, ayoko sanang tangggapin dahil alam kong mahirap ang buhay pero tinanggap na ni Tine ang mga iyon. Wala na akong nagawa kundi ang magpasalamat.
*****