Sa isang malamig at malawak na opisina ay nagtipon-tipon ang mga kababaihan upang magpulong tungkol sa mga maiinit na balitang nagaganap sa kanilang kumpaniya.
"Nabalitaan n'yo na ba?"
Isang mahinang pagtili ang umatungal sa buong silid. Pum'westo siya sa gitna ng kababaihan at saka malanding bumulong, "secret lang natin `to, a? Si sir Arfie daw, kaya hindi pumapasok, inuuna pa ang pangba-babae. Hindi lang `yan, bulong-bulungan din na magaling siyang pum'westo sa kama!" Bahagyang napalakas ang pag-anunsyo ng dalaga sa kan'yang tsismis kaya't naka-agaw ito nang kaunting pansin.
Ipagpapatuloy pa sana nila ang masayang tsismisan nang biglang sumulpot sa kanilang harapan ang isang matipunong lalaki. Mala-anghel ang mukha nito, moreno, at talaga namang nakaka-akit ang pabango nitong amoy tsokolate. Lahat sila ay namutla dahil hindi nila inaasahan na papasok pala ang kanilang boss at nakahinga lamang nang maluwag nang marinig ang pagsara ng isang pinto, tanda ng muling pagkukulong ni Arfie sa private office niya.
"Kung talagang magaling siya, subukan mo na Allyson! Maganda ka naman at sexy!"
Napatayo ang nananahimik na dalaga. Matatanaw siya sa pinakasulok ng opisina. "Bakit n'yo ako isasali d'yan? Kadiri, baka may STD pa 'yang si Sir mahawa lang ako."
Mabilis na nasundan ang sinabi ng dalaga. "Hindi kasi ako p'wede kasi may dalaw ako!"
"Kung ikaw may dalaw, sa 'kin butas ang panty, hindi pa terno." Kumawala ang malalakas na halakhak sa buong opisina.
Sa gitna ng kanilng kasiyahan ay sumingit ang isang matandang babaeng may maasim na mukha. "Pinapaalala ko lang, opisina `to. Trabaho ang ginagawa dito, hindi tsismis. Isa pa, huwag n'yo ngang pag-usapan ng malalaswang bagay si Arfeo."
Agad na umayos nang upo ang mga babae. Hindi rin naman ito nagtagal dahil ilang minuto matapos tumalikod ng matanda ay nagsalita muli ang isa sa kanila, "kita mo si Ms. Remy! Ang sungit-sungit! Palibhasa matanda na, hindi na makapanlandi."
"Pero hindi ba nakakapagtaka? Bakit siya pumasok ngayon nang maaga?” napakamot-ulo si Allyson. Pinagtitinginan siya ng lahat dahil sa kan’yang nabanggit.
“Na-nakita mo si Boss na bumisitia sa opisina?”
Blangkong sinagot ng dalaga ang tanong ng kan’yang kasama sa opisina. “Oo, mula pa no’ng unang araw. Pero alam mo, ang weird kasi niya, e. Gabi na siya papasok, tapos magkukulong lang sa opisina. Trabaho ba talaga ang magkulong sa office?"
Panandalian siyang napahinto, wari'y nag-iisip ng sunod na sasabihin, "oh my gosh! Huwag mong sabihing lahat ng babaeng dinadala niya dito tinitikman niya!"
Natahimik ang lahat matapos maisigaw ni Allyson ang sana'y ibubulong lamang. Huli na nang kaniyang mapuna na naroroon pala ang kaniyang boss at ngising aso siyang titingnan.
"Ms. Mariano, in my office. Now," malamig na sambit ng binata at kita sa naiinis nitong mukha ang pagtitimping pilit nitong itinatago.
Kinilabutan ang dalaga nang marinig niya ang malamig at pagak na boses ng kan'yang boss. Bigla siyang kinabahan at para bang nais na niyang magpalamon sa lupa. Kinailangan pa siyang bulungan ng binata upang muli'y magising sa reyalidad.
"Tara na. You've got the guts to announce it in public."
Walang imik siyang sumunod. Kakapasok pa lamang nila sa opisina ay agaran na itong humingi ng paumanhin. "S-sir sorry po! Pangako hindi ko na po uulitin!"
"Oh really? Nagpapakipot ka pa alam ko namang may pagnanasa ka rin sa katawan ko."
Humakbang palapit ang dalaga. Balak sana niyang humingi muli ng tawad ngunit hindi ito natuloy. Namawis ang kan'yang nang dahan-dahang tanggalin ni Arfie ang kan'yang suot na coat.
"S-sir pangako po gagawin ko lahat! Huwag n'yo lang po akong tanggalin sa trabaho. Hindi rin naman po ako ang nagsimula ng tsismis! Sir maawa po ka - - -"
"You know I can easily sue you. I can file a slander against you, but it's such a hassle."
Napahinto si Allyson at napawi ang kan'yang nararamdamang kaba. Mukhang hindi naman siya mapapatalsik o makakasuhan sa takbo ng usapan nila ngayon.
"You might as well pay for the damages using other means." Mabilis na pinihit ng binata ang bewang ni Allyson at malanding binulungan ang tainga nito, "mabuti na lang at sound proof ang opisina ko."
Naamoy ng dalaga ang halimuyak ng mala-tsokolateng pabango ni Arfie. Ramdam na ramdam niya ang hininga ng binata maging ang mainit nitong katawan na ngayo'y nakadikit sa kan'ya.
"Don't worry, I'll be gentle. Besides, I always bring extra rubber."
Isang malutong na sampal ang kumawala sa kamay ng dalaga. Hindi na niya matagalan pa ang kalaswaang nangyayari. "Oo na, ako na `yung virgin sa opisina pero hindi ko basta-basta isusuko ang Bataan! Hindi ngayon at hindi dito!"
Napataklob si Arfie ng kan'yang bibig. Pilit niyang pinipigilan ang pagtawa ngunit hindi pa rin siya nagtagumapay. "Siguro naman ngayon madadala ka na. Stop stalking me. Talagang alam mo pa na gabi ako pumapasok. You’re giving me the creeps."
Napasingap at natulala si Allyson habang nabalot naman ng panandaliang katahimikan ang silid. Nabasag lamang ito nang tumunog ang telopono ni Arfie.
"Hello Ash?" paunang bati ng binata sa kan'yang kausap at hinimas-himas pa ang nasampal na pisngi.
"Sorry Ash. Na-traffic lang ako. Nagkaroon kasi ng traffic conjestion, may banggaan kasi," muling bigkas ng binata at medyo napakunot ang noo.
Lumayo ito nang kaunti kay Allyson. Napahimas ang binata sa kan'yang sentido habang pilit na pinapaniwala ang kausap sa kasinungalingang sinasabi. "Ha? Oo promise. Sobrang tagal ko na dito. Mahigit tatlong oras na nga ako. Promise kanina pa akong seven o'clock naka-stuck dito."
Mabilis namang kinuha ni Allyson ang pagkakataon habang abala ang kan'yang Boss sa telepono. Ilang ulit na sinubukang buksan ni Allyson ang pinto, sa sobrang inis hinila niya ito nang malakas.
Napahandusay siya sa sahig at marahang hinimas ang kanang paa. Ramdam din niya na bahagyang napunit ang kan'yang suot na maikling skirt. "Tsk! Ang sakit. Bakit ba ngayon pa bumigay ang takong nito?" inda nito habang inaalis ang nasirang takong ng sapatos.
Agad na pinutol ng binata ang tawag nang makita niya ang dalaga sa sahig.
"Sinabi na kasing mag-iingat!"
Tinabig ni Allyson ang kamay ni Arfie. Tutulungan sana siya ng binata upang makatayo nang maayos ngunit dala na rin ng kaba at senaryo kanina, kung ano-ano na ang kaniyang naiisip at maging naiibulalas.
"Huwag mo akong lalapitan! Walang modo!!"
Napasinghal ang binata at tumindig ito nang maayos kasabay ang pagsalubong ng dalawang kilay.
"Ako? Walang modo?" Maasim pa sa pinaghalong suka at kalamansi ang mukha ng binata nang titigan ito ni Allyson.
"Mahiya ka nga. Ikaw `tong nagkakalat ng walang kwentang tsismis, tapos ang lakas pa ng loob mong sabihan akong walang modo? Sa palagay ko mas walang modo ang mga kagaya mong naghihintay ng gabi makita lang akong pumasok. Isa pa, ang ganda ng pisisyon mo, oh," anito at natatawang tinignan ang dalaga, "Arf! arf! Tahol pa. Parang aso, apat ang paa."
"Bastos ka talaga! Taas naman ng tingin mo sa sa- -"
Pinandilatan ng binata ang kawawang dalaga kaya't hindi nito natapos ang kan'yang balak sabihin. "Alam mo, kung ano mang kalaswaan 'yang iniisip mo, hindi ko `yan gagawin. Hindi kasi ako pumapatol sa isang babaeng flat-chested na nga ang suot pang panty ay may print na Donald Duck."