Medyo napakunot ng ilong si Fiona nang sumalubong ang amoy ng disinfectant sa school clinic pagkasara ng glass door. The place was spotless with its shiny wooden floor. Sa kanang bahagi ay isang mesa at computer chair na may gulong; sa likod niyon ay steel filing cabinets na berde at puting built-in cabinet. Sa gitna na mismong nakaharap sa pintuan mga sampung metro ang layo ay may dingding at isa pang pinto sa kanang bahagi niyon kung nasaan ang doctor’s office. May nakabitin doong signage na “The Doctor is IN.”
Kasalukuyang may pasyenteng dinaluhan ang nurse sa kaliwang bahagi. Isang babaeng may galos sa tuhod na nakaupo sa medical chair na may patungan sa harap ng paanan. Nakatuntong doon ang paa ng babae habang nililinisan ang sugat nito at nilagyan ng betadine ng school nurse.
Lumingon sa kanila ni Jenna ang nurse. “Maupo muna kayo riyan sa bench. Tatapusin ko lang ‘to,” anito. She was fair-skinned, petite, short-haired, and with a smiling pretty face. She wore a sundress na may geometric design at puting lab coat. Pinaresan naman iyon ng puting sapatos.
Tumalima lang silang magkaibigan sa sinabi ng nurse. Narinig nilang nadapa ang pasyente kaya nagkaroon ng galos.
Nasa kanang bahagi ng pintuan ng clinic sa dingding nito nakasandal ang white plastic bench at doon na sila umupo.
Napasulyap ulit si Fiona sa babaeng stoic ang hitsura habang nilalagyan na ng nurse ng gauze ang sugat nito. She had shoulder-length brown hair, siguro nasa five feet and six inches ang tangkad, slim, fair-skinned, magandang mukha na may matangos na ilong, maarkong kilay na natural lang, dark eyes, manipis na kulay-rosas na labi, at heart-shaped face. She wore a black short skirt and a black-and-white printed blouse na may butas sa balikat at flaring long sleeves. May suot itong gintong kuwintas, earrings, at bangles. Sa walang sugat na paa, sa kanan, ay may suot itong anklet na may disenyong nakakadenang bells. Sa tantiya ni Fiona ay nasa college na ang babaeng ito dahil hindi niya ito nakita sa Senior High School side ng kanilang campus.
One fifth of the academy’s population was made up of the junior and senior high school. Perhaps there were like a couple of hundreds. At halos puro mayayaman ang nasa eskuwelahang ito.
Dito siya pinapag-aral ng mga magulang kahit na masasabing middle class lang sila. Iyon ay dahil maganda ang reputasyon at edukasyon dito at gusto na rin niyang magpalipat kasi ng eskuwelahan noon kaya heto siya.
Pagkalipas ng kalahating oras, tapos nang ineksamin si Fiona ng doctor sa clinic nila.
“Luckily, you don’t have a concussion or anything else, according to the X-ray result,” anang lalaking doktor na napasulyap sa monitor nitong nakapatong sa mesang gawa sa narra. On the opposite side of it was a narrow bed with a white cover and a white blanket. Puro puti ang nakikita niya.
“Um… puwede po bang humingi ng kopya sa email ko, doc? Just to be sure dahil may makulit po akong pinsan na doctor din kasi,” nahihiyang pakiusap niya.
“Oh, I see. Of course. Isulat mo rito ang email address mo,” anang Dr. Sandoval na nasa late forties. He pushed a blue pad towards her.
Sa pagkakaalam nila ay dalawang fields ang kung saan eksperto ito, sa radiology at neurology. Pero dahil nagkaroon ito ng wrist injury na naging sagabal sa pagiging surgeon kung kaya ay mas pinili na nitong magtrabaho sa isang school clinic. Iyon ay ang kuwento ng pinsan ng dalaga na kilala ang doktor na ito.
“Salamat po, dok,” aniya rito pagkatapos maisulat ang kanyang email address.
“Dok, matanong ko lang po,” singit ni Jenna bago pa makatayo sa silya si Fiona. Nakatayo ang kaibigan sa may gilid ng kinauupuan niya.
Napabaling ng tingin ang doktor sa kanyang kaibigan. “Wala ka pa pong asawa, ‘no?”
Napangiti ang doktor kay Jenna.
“Hoy, ano ‘yang pinagsasabi mo?” pasutsot na wika ni Fiona sa kaibigan.
‘Huwag niyang sabihing may gusto siya kay Dr. Sandoval!’ Halos maeskandalo siya sa kanyang naisip.
“Why are you asking me that?” mahinahong tanong ng doktor kay Jenna.
“Eh, kasi po, dok… ‘di ba, kakilala mo ‘yong pinsan ni Fiona.” Ngumisi pa si Jenna rito.
Napatawa ang doktor at napailing. “Sige na, umalis na kayo.”
“Ikaw naman, dok, sobrang seryoso n’yo kasi sa trabaho, eh. Mag-date naman kayo paminsan-minsan. Available pa ‘yong pinsan ni Fiona. Alam n’yo ‘yon!” Ayaw talagang paawat ng kaibigan niya.
“Hindi ka ba papatayin ng pinsan ko kapag nalaman niya ‘to, Jenna?” aniya sa kaibigan. “Ni hindi nga ako makapagbiro nang masyado ro’n, eh! Ang tapang mo, ah.”
Napatawang muli ang doktor sa narinig na usapan nila. “Dr. Ocampo is… scary,” ang komento nito.
Kapwa sila napatitig sa doktor pagkasalita nito. Namilog ang mga mata nila.
“Sinubukan n’yong manligaw kay Ate Cynthia, dok?” bulalas na tanong ni Fiona rito.
“Just send my regards to her, and tell her that I took care of you. Okay, Fiona? Now, off you go, girls. May aasikasuhin pa ako,” anang doktor na marahan silang pinagtatabuyan.
Nagkangitian silang dalawang magkaibigan at halos mapalundag-lundag sa kilig.
“Ang guwapo kaya ni Dr. Sandoval. Ba’t hindi naging sila ng Ate Cynthia mo kung magkakilala na sila, ‘di ba?” pabulong na ani Jenna habang papalabas sila ng doctor’s office.
“Ewan ko. Alam mo naman ‘yong pinsan ko, mapili rin ‘yon. Pero malay natin kung ano ang mangyayari sa hinaharap, ‘di ba?” nakangiting saad niya.
‘Hay! Buti pa si Ate Cynthia, may secret admirer! Mamaya sa ‘kin ‘yon.’