"Magbihis ka aalis tayo," bara-barang umupo si Brekley sa sofa matapos kong pagbuksan ng pinto.
"Saan tayo pupunta?"
"Dami mong tanong!" asik niya sa akin. "Bilisan mo!"
Nilingon ko muna siya bago pumasok sa kwarto. Nagbihis ako ng hapit na hapit na dress at sleeveless na kulay black. Baka sakaling ma-attract siya sa kagandahan ko at maglambing na.
"Anong suot 'yan? Magbihis ka nga! Mababastos ka lang sa bar! Pantalon ang suotin mo at shirt!" Napabuntong hininga na lang ako habang pabalik ulit sa kwarto. Sa bar pala kami pupunta. Simpleng pantalon at white shirt ang sinuot ko.
Ano ba naman ito? Bar tapos sobrang simple?
Napahinto ako nang makita kung saan ako dinala ni Brekley.
The Rose.
Ito ang bar nila Jave. Na-excite ako at lumapad ang ngiti.
"Dito tayo?" yumakap ako sa braso ni Brekley.
"Oo," walang gana niyang sabi at pumasok na kami sa loob.
"Woah!" sigawan ng mga kaibigan niya nang makita kami.
"Ganda ng chicks mo, ah," nakangising sabi ng isang lalaki. Pinasadahan niya ako ng tingin kaya napangiwi ako.
Nakita ko naman nagbulungan ang mga babae nilang kasama at saka ako pinasadahan rin ng tingin. Malamang nilalait nila ako dahil sa simpleng suot ko.
"Hi, Miss, Ako nga pala si Tyron. Tyron Levrill Zabala," sabi ng isang lalaki. Ang pogi niya ay nangingibabaw pero hindi siya 'yong tipong lalaking gugustuhin ko.
"Vinea," inabot ko ang kamay ko pero tinapik agad ni Brekley.
"That's my girl, bro. You know me?" mayabang nitong sabi kay Tyron.
"Easy, bro. I know."
Nagsipag-atrasan ang iba na magpapakilala rin sana.
"Si Lex," turo ni Brekley sa lalaking nakasalamin. "Shone," ngumiti si Shone sa akin. "Brix," ngumiti rin sa akin si Brix, moreno siya pero bumabagay sa kaniya.
Malanding pumulupot sa kanila ang mga babae. Nang maupo kami ay hinapit ako ni Brekley sa baiwang.
"Hi, I'm Clara." Pakilala sa akin ng babaeng katabi ko, sa tingin ko ay girlfriend ni Lex.
"I'm Vinea," inabot ko ang kamay ko sa kaniya at nagngitian kami.
"Ilang taon na kayo ni Brekley?" nakangiti niyang tanong at saka ako binigyan ng drinks. Nilingon ko sina Brekley na ngayon ay nagtatawanan na at nagkwe-kwentuhan.
"Two years na rin."
"Two years na lokohan?" ngumisi siya, ang hina ng pagkasabi niya no'n kaya alam kong hindi nila rinig bukod sa maingay rin dahil sa lakas ng tugtog.
"Huh?"
"I'm sorry, pero kasi-" naputol ang sasabihin ni Clara nang sumingit si Lex.
"Hey, honey. 'Wag ka masyadong uminom," sabi nito.
Nakita ko ang malungkot na mata ni Clara nang tumingin sa akin.
Anong gusto niyang sabihin sa akin?
Hindi ako maka-relate sa mga usapan nila dahil bihira lang naman ako mag-bar. Hindi ako sanay sa inuman pero ininom ko na lang ang nasa baso ko.
"Akala ko hindi ka nagse-seryoso, Brekley?" tumatawang sabi ni Shone kaya napalingon ako sa kanila.
"Well, I'm serious with her," nailang ako nang walang pasabing humalik si Brekley sa labi ko.
Harap-harapan sa kanila hahalikan ako?
Nainis ako sa ginawa niya pero hindi ako nagpahalata.
"Woah, mukhang seryoso nga pero may mga side chicks?" Napatingin ako kay Brix. Sa tingin ko hindi biro 'yon.
Tumalim ang tingin ni Brekley. "Shut up!"
"Easy, bro. Biro lang," lumagok si Brix ng alak.
"Hindi magandang biro!" asik ni Brekley at halos masunog na si Brix sa masama niyang tingin.
Mainitin talaga ang ulo niya kahit pala sa mga kaibigan niya ay gano'n.
"CR lang ako." Paalam ko sa kanila dahil naiinis na talaga ako sa inaasal ni Brekley.
Bakit ba pakiramdam ko palagi kapag siya ang kasama ko hindi ako masaya?
Lahat kontrolado niya at nakakasira ng mood ang ugali.
Pumasok ako sa banyo. Nakita kong sumunod pala ang isa sa mga babae na kasama nila.
"I'm Alexa. Masakit ang mahalin si Brekley, I swear," sinabi niya iyon na diretsong nakatingin sa salamin.
"Huh?" Nalilito ko siyang tiningnan.
"Iiyak ka everyday kasi hindi lang ikaw ang babae niya. I'm just concern about you." Ngumisi siya sa akin. "Baka sa dulo makikita ka na lang sa basurahan," mataray niyang sabi.
Magsasalita pa sana ako pero tumalikod na siya.
Ano bang sinasabi nila?
Oo, palagi nga akong umiiyak pero hindi ko naman nakita kahit kailan na balak niya akong iwan. Kapag nag-aaway kami sinusuyo niya ako kaagad iyon nga lang talaga at mainitin ang ulo niya nasanay na ako roon.
Palabas na ako ng banyo nang may humila sa akin at kinulong ako sa mga bisig niya habang nakadikit ang likod ko sa pader. Nanlaki ang mata ko at sobrang kumalabog ang puso ko.
"Taxon?"
"How's everything?" sa tono ng boses niya ay lasing siya.
Nagmadali akong itulak siya dahil siguradong gulo nanaman kapag nakita siya ni Brekley.
"'Di ba, sabi ko layuan mo na ako!" asik ko sa kaniya.
Ngumisi siya at nakita ko ang mapungay niyang mata. Kung tingnan niya ako ngayon parang hindi siya ang Taxon na palagi kong nakikita na walang emosyon. Ang mga mata niya ay kumikinang, sa bawat kinang noon may sinasabing hindi ko maintindihan.
"Kung kaya ko lang ginawa ko na," ngumisi siya pero kita ko ang lungkot sa mga mata niya. Tumalikod siya at paggiwang-giwang na lumakad. Iniwan niya akong nakanganga.
Ano raw?
'Kung kaya ko lang ginawa ko na.'
Anong ibig niyang sabihin?
Pinanood ko na lang ang pag-alis niya hanggang sa mawala na siya sa paningin ko.
Sa totoo lang nami-miss ko na siya. Ilang linggo ko na siyang hindi nakakasama. Normal lang naman ma-miss ang kaibigan. Naging malulungkutin ako simula nang sinabi ko sa kaniyang layuan ako.
Pinanood ko pa ang paglayo niya hanggang sa may makita akong babaeng maganda, umaalon ang buhok niya, mapula ang labi, matangos ang ilong, sa sobrang ganda niya nanliit ako sa sarili ko. Tumingin siya sa gawi ko bago alalayan si Taxon.
Siya ba si Shine? Ang girlfriend niya?
Ikinagulat ko nang tingnan niya ako nang masama. Para bang nagsasabi na ano ang ginawa ko.
Bumalik ako sa upuan namin nila Brekley pero ang isip ko ay naglalayag na sa kung saan. Iniisip ko si Taxon, inilibot ko ang mata ko. Nakunot ang noo ko nang makita ko siyang may kasayaw sa dancefloor. Nakangiti siya rito at nakahawak sa baiwang nito. Iba nanamang babae 'yon.
Babaero ba siya?
Sa isiping iyon parang may kumurot sa puso ko sa hindi ko malamang dahilan. Mas lalong nangunot ang noo ko nang itulak ng isang babae ang kasayaw ni Taxon at siya ang pumalit na halos idikit na ang kaluluwa sa dibdib ni Taxon.
"Tylev!" Napaawang ang bibig ko nang makita ko ng babaeng umalalay kay Taxon kanina.
"Hmm?" Nakangising sabi ni Tyron at umakbay sa babaeng kasama.
Siya pala ang tinatawag na Tylev.
Nagtiim bagang ang magandang babae matapos ay pumorma ang ngiti.
"You want to play with me?" Nakangisi niyang sabi.
Ang ganda niya. Nakakatomboy ang ganda niya.
Dumilim ang mukha ni Tyron at tinanggal ang pagkaka-akbay sa babae.
"What if I say yes?"
"Sure!" Malapad siyang ngumiti at walang pasabing tumalikod.
Nagpalinga-linga si Diamond at parang may hinahanap nang makita kung sino ay ngumiti siya at yumakap sa baiwang ng lalaki.
"Diamond!" Malakas na sigaw ni Tyron at nagmamadaling lumapit sa kaniya.
Diamond pala ang pangalan niya? So, hindi siya si Shine.
Nagmartsa si Tyron at bigla na lang binuhat si Diamond paalis.
Hala? Petchay ka! Silang dalawa yata.
Iiling-iling siyang tiningnan ng mga kaibigan.
"Tingnan mo nga naman kahit ang playboy may puso rin," nakangising sabi ni Brix.
Balik sila sa kwentuhan. Tahimik lang ako habang pinagmamasdan ang paligid at hindi ko maintindihan kung bakit si Taxon ang hinahanap ko.
"Babe?" Napabalik lang ulit ang atensyon ko nang tawagin ako ni Brekley. "I love you," humalik siya sa pisngi ko.
Naiinis nanaman ako sa kaniya. Ayaw ko nang ganito, harap-harapan sa ibang tao. PDA!
Mas nainis pa ako nang hawiin niya ang buhok ko at dampi-dampian ako ng halik sa leeg.
"Brekley.." saway ko sa kaniya dahil nakikita ko na ang mga tingin ng mga kaibigan niya.
"Umuwi na tayo," tumayo na ako at hinila siya.
"Umuwi ka mag-isa mo!" Napatitig ako sa kaniya nang sabihin niya iyon.
Talagang hindi niya ako nirerespeto?
Nakita ko ang ngisi sa labi ni Alexa at lungkot sa mata ni Clara. Sa inis ko ay hinila ko ang bag ko.
"Okay."
Tumulo na ang luha ko nang tuluyan akong tumalikod pero walang Brekley na humabol sa akin. Nilingon ko siya pero para bang wala siyang pakialam. Nakikipag-kwentuhan pa rin siya at nakikipag-tawanan sa kanila.
Wala talaga akong halaga sa kaniya. Iyon ang masakit na katotohanan.
Pinigil kong lingunin si Taxon sa dancefloor. Nakita ko rin kasi sa malapit na table na nandoon pala sila Elle kasama ang mga kaibigan nila. Hindi ko na sila ginulo dahil sa sakit na nararamdaman. Hindi ko alam kung papano ko narating ang bahay. Nanlulumo akong umupo sa sofa.
Bakit ba nagtitiis ako sa ganito? Petchay na pagmamahal hindi ko mabitawan.
Humiga na lang ako sa kama ko at tumingin sa kisame. Hindi ako makatulog dahil patuloy lang sa pag-agos ang luha ko. Napabalikwas ako nang may kumatok.
Susuyuin nanaman niya ako? Pagod na ako.
Nagulat ako nang pagbukas ko ng pinto ay tumumba sa akin si Taxon.
"Taxon? Anong ginagawa mo rito?" Takang tanong ko. Hindi siya nagsalita sa halip ay ipinikit niya ang mga mata niya. Yumakap siya sa akin nang sobrang higpit. Wala na akong nagawa kung hindi ang ihiga siya sa sofa.
Tulog na siya? Bakit naman dito ito pumunta?
Mamaya dumating si Brekley magagalit nanaman 'yon.
Pinagmasdan ko ang mukha niya. Hindi ko alam kung bakit may ngiting sumilay sa labi ko.
His face.
Natigilan ako nang makita ang ngiti niya.
Ang mga ngiti niya ay kakaiba. Para bang nang-aakit. Kung noon pa kita nakilala baka ikaw ang minahal ko. Bukod sa napakabuti niyang tao ay hindi maitatangging mapagmahal siya kahit na ang sungit ng dating niya.
"Vinea Clee.." nakapikit niyang sabi. Nanlaki ang mata ko nang magmulat siya ng mata. "You're staring at me" ngumisi siya.
"Hindi, ah. Bakit ka ba nandito?"
"Because I want to," umupo na siya sa sofa. Ngumiti siya sa akin pero ang mga mata ay namumungay pa rin.
"Nasusuka ako," nagmadali akong alalayan siya papunta sa lababo. Hinaplos ko ang likod niya.
"Bakit ka ba kasi uminom ng marami? 'Ayan tuloy susuka-suka ka riyan. Tapos sa akin ka pa dumirets--" natigilan ako nang pagkapunas niya sa bibig niya ay yumakap nanaman siya sa akin.
"I'm always worried about you," bulong niya sa tainga ko.
Inilayo ko ang sarili ko sa kaniya. "Bakit?"
"Because your boyfriend is an asshole," nakikita kong lasing na lasing siya kaya inalalayan ko siya papasok ng kwarto ko. Sa sofa na lang ako matutulog hindi ko ito pwedeng pabayaan.
Inihiga ko siya sa kama. Nang tingnan ko siya ay nakapikit na ang mga mata. Kumuha ako ng basang tiwalya at ipinunas sa mukha niya.
"Iinom-inom ka tapos dito ka pupunta. Ibang klase ka rin porke alam mong mabait ako at hindi kita hahayaang mag-isang umuwi sa lagay mo." Sermon ko sa kaniya pero mukhang mahimbing na ang tulog niya at hindi na ako naririnig.
"Sa susunod 'wag ka na lang uminom." Asik ko habang dinadampian ng basang towel ang mukha niya.
Natigilan ako nang makita ko ang labi niya. Napalunok ako at nag-iwas ng tingin.
Paano na lang kung malaman ng girlfriend niya na natulog siya sa ibang bahay, sa bahay ng babae?
Paano na lang din kung pumunta rito si Brekley? Gulo nanaman 'yon.
Si Shine kaya ang girlfriend nito ni Taxon? Sino ba si Shine?
Hindi ko namalayang nakatunghay na pala ako sa mukha niya. Kakaiba ang mukha niya, ang pogi, ang angas ng pagkakahulma ay makikita mo kahit saang anggulo.
Nakangiti na pala ako habang pinapasadahan ng tingin ang mukha niya. Wala sa sariling nahawakan ko ang pisngi niya.
"Tao ka ba talaga? Ang ganda ng pagkakahulma ng mukha mo para kang supermodel of the universe. Kaya dapat hindi ka nagsusungit sayang ang looks," nakangiti kong sabi. Natigilan ako nang matauhan na hinahaplos ko pala ang pisngi niya.
Napalayo ako pero hindi ko mapigilan ang sariling tumitig sa natutulog niyang mukha.
His face is like a warming machine it has a calming effect in my heart.
Palabas na sana ako nang kwarto nang marinig kong may sinasabi niya kaya lumapit ako at tiningnan ulit siya.
"Vinea Clee..."
Tulog na tulog naman siya pero bakit binubulong niya ang pangalan ko?