"Alam mo ba, Cecelia, may nakilala akong poging masama ang tingin," tumawa ako nang malakas dahil naalala ko ang mukha niya at masamang tingin.
Na-curious tuloy ako kung ano ang hitsura niya kapag nakangiti?
"Pero alam mo kahit nakakatakot siya ang bait niya. Binigyan niya ako nang sobra-sobrang bayad. Ibabalik ko pa rin sa kaniya dahil nakakahiya naman."
"Anong pangalan niya?" tutok ang mga mata ni Cecelia sa akin at saka siya uminom ng juice.
Nasa canteen kami ngayon dahil break time. Kumakain ng lunch at masayang nagkwe-kwentuhan.
"Taxon Ken Baider. Ang astig 'di ba?" pinalo ko pa ang lamesa kaya naman nagtinginan ang mga tao. Napangiwi naman ako sa kahihiyan.
Bakit ba kasi ang ingay ko?
"Parang narinig ko na 'yan." Nag-isip si Cecelia, nakatingin pa sa taas at nakalagay ang hintuturo sa may baba. "Saan ko na nga ba narinig 'yon?"
"Wag mo na alalahanin kapag nakita ko at kasama kita ipapakilala kita. Lagi siyang nandito sa Laurente pormal ang suot dahil attorney na," masayang kwento ko at saka ininom din ang juice ko. Pagkatapos ay sumubo ng fried chicken.
Ang sarap!
Natahimik kami ni Cecelia. Nang mapasulyap ako sa kaniya ay nagulat akong makita ang tumulong luha niya. Lumapit ako at inalo siya.
"Naalala mo nanaman ba ang kuya mo?" tanong ko sa kaniya.
"Oo, eh, hindi na mawawala sa akin 'yon."
Namatay ang kuya ni Cecelia naaksidente sa bus. Lingid sa kaalaman ko na may nagugustuhang babae ang kuya niya kaya sinusundan nito palagi sa bus kaya lang may masamang nangyari sa kanila noong babae.
Ailey Espinar, iyon ang pangalan noong babae. Naging kaibigan namin siya, mas matanda siya ng isang taon dahil third year na, ka-batch ng idol kong si Elle.
Nang matapos ang pagkain namin ni Cecelia ay naglakad na kami sa hallway. Saktong nakita namin doon si Ailey nakaupo sa bench at umiiyak nanaman. Palaging ganoon malungkot at umiiyak sila palagi ni Cecelia. Lumapit kami sa kaniya at 'ayon na nga parehas na silang umiyak.
Inalo ko lang sila. Kawawa naman.
"Gano'n talaga ang buhay. Hindi naman tayo talaga magtatagal sa mundong ito. Darating ang araw na iiwan talaga natin ang mga taong mahal natin sa buhay." Malungkot kong sabi sa kanila at parehas kong hinaplos ang likod nila.
(Mitz note: If you want to know the story of Ailey Espinar read the '5 Days' story)
"Basahin mo ang letter niya," nakangiti man si Ailey bakas pa rin sa mukha niya ang pagtulo ng mga luha.
Ang sakit siguro talagang maiwan ng taong mahal mo. Ewan ko, hindi ko pa naranasan dahil buong buhay ko mag-isa lang ako.
Binasa ko ang letter na ibinigay kay Ailey ni Denveir. Napaka-sweet, kinilig ako pero nalungkot din.
"Ang sweet niya!" kinikilig kong sabi, ngumiti si Ailey.
Bigla ay may naisip ako. "Eh, kung ipakilala mo kaya si Ailey roon sa kuya mo pang isa?"
Natigilan silang dalawa pero hindi nagsalita. "Malay, mo naman 'di ba? Hihi," Lalong humagulgol silang dalawa.
Ano ba 'yan mga iyakin. Nahahawa tuloy ako sa kalungkutan.
"Cecelia?" nag-angat kami ng tingin sa babaeng nagsalita.
Nanlaki ang mga mata ko, saglit na natulala ako at saka lumapad ang ngiti ko.
"Elle?!" lumapit ako sa kaniya at nagtatalon.
Si Elle ang idol ko!
"Ikaw nga!" yumakap ako sa kaniya nang sobrang higpit.
Petchay! Tagal ko nang gusto siyang makilala! Kaya naman sobrang saya ko.
"Idol na idol kita! Alam mo ba 'yon? Sobrang tili ko sainyong dal'wa ni Cecelia. Ang galing mong sumayaw tapos ang galing mo rumampa, lahat saiyo ay gusto ko. Sobrang saya ko kapag nakikita kita sumayaw." Dire-diretsong sabi ko.
"Vinea, ang daldal mo maiingayan saiyo si Elle," saway ni Cecelia sa akin at saka siya lumapit. "Pasensiya ka na Elle madaldal talaga 'yang si Vinea."
"Basta idol na idol kita!" namamanghang ko pa ring sabi sa kaniya. Hindi ako makapaniwala na nandito siya ngayon.
"Salamat," ngumiti siya sa akin. Natulala ulit ako sa ganda ng ngiti niya.
Si Elleina Zeal Suarez, ang nag-iisa kong idol dito sa Laurente. Magaling siyang sumayaw, kumanta at matalino. Ang kutis niya ay morena clara na talagang bumabagay sa kaniya.
Napakaganda niya!
"Anong nangyari bakit ka umiiyak?" hinawakan ni Elle ang kamay ni Cecelia.
Nakangiti lang ako dahil sa pagkamangha ko talaga kay Elle. Ang bait niya pa.
"Isang linggo na kasi ang nakakalipas no'ng ilibing ang kapatid ko. Si Denveir Camerino," tumulo ang luha ni Cecelia kaya niyakap siya ni Elle.
Aww, napakabait niya talaga kaya idol na idol ko siya, eh.
"Bakit 'di mo sinabi sa akin? 'Di tuloy kita nadamayan," malungkot na sabi ni Elle.
"Wala 'yon," tumawa nang mapait si Cecelia. "Namimiss ko lang siya," tumingin siya kay Ailey. "Nga pala, si Ailey Espinar, girlfriend ng kuya kong namatay."
Nagngitian sila ni Ailey kaya naman lalo akong napatitig sa kaniya.
"Hi, I'm Ell--" akmang magpapakilala na si Elle pero ako na ang sumagot.
"Elleina Zeal Suarez, Laurente movers 'yan, magaling sumayaw, kumanta at 1st runner up no'ng pageant," dire-diretsong sabi ko.
Lumapit ako kay Elle at saka ngumiti nang malapad.
"Picture tayo!" Hinila ko siya at nakangiting humawak sa braso niya at nag-picture "Ang ganda mo talaga! Idol!"
Ngiting-ngiti ako habang pinapasadahan ng tingin ang picture namin.
Sa wakas!
"Pasensya ka na sa kaniya, Elle. Dati niya pa akong kinukulit na makita ka idol na idol ka ng babaeng 'yan," sabi ni Cecelia.
Lumapit si Elle kay Ailey at umupo sa tabi niya. Nakangiti ko lang siyang tiningnan. Namamangha pa rin sa kaniya.
"Okay ka lang ba?" Kinausap ni Elle si Ailey at inalo.
"Okay lang," sabi ni Ailey. Itinaas niya ang letter na galing kay Denveir. "Letter niya sa akin. Nakakatawang isipin na limang araw ko lang siyang nakasama pero sobrang minahal ko siya."
"Palagi kong sinasabi na girlfriend niya na ako kahit naiwan sa isip ko ang maraming tanong pero sinagot ng letter na ito," ngumiti si Ailey pero nakita ko ang pait no'n.
"Gusto mo kumain?" singit ko sa kanila dahil mukhang mag-iiyakan nanaman para mabaling ang atensyon nila sa akin. "Sama ka na kakain kami tapos kung gusto mo bili ka na rin ng mga tinda kong undies at saka--" natigilan ako nang makita kong umakbay si Kenny kay Elle.
Petchay ka! 'Di ba si Jave ang boyfriend niya? Bakit inaakbayan nitong Mr. Horrible na ito?
Napatitig ako sa kamay ni Taxon na nakaakbay sa kaniya. Kating-kati na ang bibig ko na magtanong.
"Boyfriend mo ba si Kenny?" 'Di ko na napigilan ang sarili kong tanungin siya. "Akala ko si Jave ang boyfriend mo?" Nakita ko ang pagpipigil ni Elle ng tawa na hindi ko malaman kung bakit.
Sinulyapan niya si Kenny kaya napatingin din ako sa kaniya. Kunot na ang noo niya at diretsong nakatingin sa akin.
"I'm not Kenny!" naiinis na sabi niya.
Muli ay nakita ko ang paglobo ng pisngi ni Elle. Halatang natatawa na talaga siya pero pinipigilan niya.
"Pinsan ko siya," sagot ni Elle, ang pang-aasar at pagpipigil ng tawa ay makikita mo sa kaniya.
"Pinsan? Itong nakakatakot na ito?" turo ko kay Kenny.
"Nice description," masungit na sabi ni Kenny at masama akong tiningnan.
Ngumiti lang ako sa kaniya kahit nangatog ang tuhod ko sa takot ng tingin niya.
Masungit talaga.
"Cherish!" napalingon kami sa tumawag. Tumakbo si Flair at nakangiting tumingin kay Elle.
Wah! Petchay! Si Jave! Ang ultimate crush ko!
Hinarang ko agad siya. "Hi!" naglahad ako ng kamay sa kaniya. Tinitigan lang ni Jave ang kamay ko at saka tumingin kay Elle para bang humihingi ng permiso kung tatanggapin niya kaya tumango lang ito.
"I'm Vinea Clee Torrefiel," akmang magsasalita si Jave pero pinigilan ko siya. "Kilala na kita! Javen Flair Imperial. Nice to meet you in person!" masigla kong sabi at mas lalo ko pang nilapadan ang pagkakangiti. Inabot niya rin sa wakas ang kamay ko.
Gumapang ang kilig ko. Si crush na-meet ko na pati si idol.
Happiest day ever!
"Scholar ako ng mama mo!" nakita ko ang gulat na mukha ni Jave nang sabihin ko iyon. "Galing ako sa 'The Heart of Rose' hanggang ngayon sila ang nagpapaaral sa akin. Salamat! Malaki ang utang na loob ko sa foundation ng mommy mo!"
"Kumusta naman ang pag-aaral?" Gusto kong himatayin dahil concern siya sa pag-aaral ko.
Petchay! Kakilig! Woah!
"Okay naman. Second year na ako!" masigla kong sabi sa kaniya. Natulala ako nang makita ang ngiti niya.
Woah!
Ang daming balita noon na masungit daw si Jave sa ibang babae lalo na sa mga haliparot pero sa akin ngumingiti siya. Kakilig talaga baka hindi ako nito makatulog mamaya.
Nagkwentuhan pa kami ni Jave. Pigil ko ang hininga ko dahil sobrang saya ko. Si idol at si crush nakausap ko.
JavElle loveteam forever!
Nagpaalam na sila pero hanggang sa pagtalikod nila ay kinikilig at hindi na nawala pa ang ngiti sa labi ko.
Ang babait nila!
Bago pa sila tuluyang makalayo ay tinawag ko muna si Kenny. "Kenny! Bili ka ulit ng brief, huh?"
Nakita ko ang pagtawa ni Jave at Elle. Nakakatuwa talaga silang tingnan.
The best couple! Kainggit!
Hindi nawala ang saya ko sa maghapon. Finally, I met them. Sana palagi ko silang makita. Muli kong pinagmasdan ang picture namin ni Elle.
Ay, petchay ka. Hindi ako nakapagpa-picture kay Jave. Hayaan mo na next time nalang. Nakalimutan ko rin pala ibalik ang sobrang pera ni Mr. Horrible. Walang mapaglagyan ang saya ko dahil sa kanila.
Habang nagkaklase ay parang baliw akong nakangiti at nagle-lettering sa notebook. Nilagyan ko pa ng puso at smiley face.
JavElle forever.