"I love to see your smile."
Napangiti ako sa sinabi niya kaya naman umakbay ako sa kaniya.
"I love to see your smile too, best friend!" Kinurot ko ang pisngi niya at hinila ko na siya.
"Ang ganda pala rito sainyo. Paradise!" Inilibot ang paningin.
Pinagmasdan ko ang isang malaking puting bahay, bahay ba talaga ang tamang tawag, parang mansyon sa laki.
"Sainyo 'yan?" Tanong ko sa kaniya tumango lang siya. "Ang laki ng mansyon niyo!"
"Sa lola ko talaga 'yan na ibinigay kay Tito Laurenz pero namatay na siya kaya ngayon ay nakapangalan na kay Shine."
"Sino si Laurenz?" Hindi ko talaga mapigil ang bunganga ko.
"Papa ni Shine," tipid niyang sagot.
Naglakad na siya kaya sumunod ako papasok sa loob.
"Kaya pala may ibang pamilya si Elle?" Habol ko sa kaniya.
Kapag talaga tungkol sa idol ko chismosa ako.
"May kapatid ba si Elle?" Pangungulit ko nanaman at hinawakan ko pa ang braso niya.
"You're so talkative, Blabby," naiinis na siya.
"Eh? Sagutin mo lang bilis!" Hindi niya ako sinagot naglakad lang siya. "Mr. Horrible, sige na! Kenny!" Sa wakas ay huminto siya.
"Okay, fine! Patay na ang pamilya niya. May kapatid siyang babae, panganay si Bright Sun pero namatay na rin. Inampon siya ng mga Suarez, may kapatid siya roon, tatlong lalaki."
"Bakit namatay ang pamilya niya?" Nasapo niya ang noo sa kakulitan ko. "Bakit nga?"
"Why are you so curious about her life?" Tiningnan niya na ako ng masama.
"Kasi idol ko siya! Kahit madaldal ako hindi ko naman ipagkakalat ang mga nalaman ko tungkol sa kaniya kasi love na love ko si Elle!" Malapad akong ngumiti.
"Buti pa si Shine love mo," ngumisi siya. "Eh, ako?"
"Anong ikaw? Syempre love rin kita kaya nga kita best friend!" Lumapit ako at ginulo ang buhok niya.
"Maglalandian na lang kayo riyan?"
Napalingon kami ngayon sa nakangising si Jave.
"Ayieeee!" Si Carme naman ngayon ang nagsalita kaya naman hinila na ako ni Taxon papasok sa loob.
"Yohoo! Namiss ko rito. Ang pagod kasi sa school," nag-unat pa si Rev at saka ngumisi sa akin. "Kumusta, Vinea? Gusto mo na ba si Taxon?" Tumaas-taas pa ang dalawang kilay niya.
Magsasalita na sana ako pero hinila na ako ni Taxon papunta sa kusina.
"Wag kang lumapit doon kay Rev puro kabastusan lumalabas sa bibig no'n," inis na sabi niya at saka ako inalalayang umupo.
"Kumain na tayo!" Sigaw ni Carme. Ang sakit sa tainga parang kaparehas ko siyang daldalera. Naglapitan naman silang lahat.
"Let's rest muna for this night. Bukas na lang tayo lumabas," mataray na sabi ni Diamond at sumulyap sa akin kaya ngumiti ako pero umirap siya.
"Diamond!" Saway ni Taxon nakita niya siguro ang pag-irap niya.
"Whatever," nag-roll eyes pa siya.
"Pagpasensyahan mo na 'yan ganiyan talaga 'yan," sabi ni Kil at tinapik pa ang balikat ko.
"Subuan mo ako," natawa naman ako kay Jave dahil para siyang batang nagpapasubo kay Elle.
"Don't you have hands? Huh?" sabi ni Elle sa kaniya.
"Ang sweet! Sobrang sweet!" Sarkastikong sabi ni Jave at saka naglagay ng pagkain sa kutsara. "Oh!" Sinubuan niya si Elle.
Gumapang ang kilig ko sa ginawa ni Jave. Grabe talaga magpakilig ang JavElle.
Nilagyan ni Taxon ng pagkain ang plato ko.
"Kain ka ng marami," nginitian ko lang siya.
Ang sweet ng best friend ko.
"Ayieee!" Pang-aasar nilang lahat.
"Shut up!" Sa isang saway ni Taxon ay tumahimik sila.
"Hoy, 'wag kang ganiyan."
"Gusto mo pa lang inaasar tayo," sumilay ang ngisi ni Taxon. "Next time I'll let them tease us."
"Hoy, hindi! Petchay ka! Nakakahiya lang na sinasaway mo sila."
Tahimik na silang kumain.
"Are you going to sleep with us, Vinea?" Nakangiting sabi ni Carme.
"Huh?"
"Eh, kasi kapag magkakasama kami tabi-tabi kami matulog," mahinahong sabi ni Arah. Gano'n pala talaga siya magsalita, mahina at malambing kaya nacutan ako sa kaniya.
"Pati boys?" Nag-aalala kong tanong.
"No. Mga girls, magkakatabi matulog tapos mga boys sa kabilang kwarto naman," nakangiting sabi ni Elle. Nakakahawa talaga ang saya ang ngiti niya.
"Sige! Saiyo ako tatabi, huh?" Masigla kong sabi.
"Sure!" Ngumiti siya nang sobrang lapad.
Nang matapos ang pagkain namin ay kaniya-kaniya nang ayos ng pajama.
"Makakatulog na rin sa wakas," nag-unat pa si Clench at nang mapatingin sa akin ay ngumiti.
"Hi," tipid kong sabi.
"Hello, best friend ako ni-"
"Alam ko na. Hihi, idol ko kasi si Elle kaya kilala ko kayo," nakangiti kong sabi.
"Idol? You're out of your mind. Paano mo naman magiging idol 'yon?" Singit ni Lance.
"Kasi magaling siya sumayaw at kumanta. JavElle forever!" Masigla kong sabi kaya naman natawa silang dalawa.
Lumapit si Carme sa akin at hinila na ako pataas.
"Magto-toothbrush na tayo." Inabot niya sa akin ang pink na toothbrush.
Nang makapasok kami sa banyo ay nandoon na sila Elle, Ali, Arah, at Diamond. Ang laki ng banyo nila kaya kahit ilan pang tao ay kasya. Ang layo ni Diamond, maging sa pagto-toothbrush ay mataray. Nagtatawanan sila kaya naman sumingit agad ako sa tabi ni Elle.
"Ang saya ko. Ganito pala kayo, sana palagi ko kayong kasama." Dire-diretso kong sabi at saka naglagay ng toothpaste.
"You can join us kahit kailan mo gusto," nakangiting sabi ni Elle habamg nagto-toothbrush.
Napalingon kami kay Carme nang tumawa siya na ngayon ay inaasar si Diamond. Hawak niya ang hose at itinututok ito sa kaniya.
"Stop that or else, I kill you!" Inis nitong sabi at saka tumingin kay Elle. "Can I slap your best friend?" Tanong niya kay Elle.
Tumawa si Elle. "Go!"
Napuno ng tawanan ang banyo. Pakiramdam ko nagkaroon ako ng pamilya.
Humiga na kami sa isang kama, as in ang laki ng kama. Tipong kasyang-kasya kami sobra pa. Nakangiti kong sinulyapan si Elle. Hindi ako makapaniwalang katabi ko si idol.
"Get off your hand of me!" Asik nanaman ni Diamond kaya napatingin kami.
Tawa kami nang tawa nang makitang inaasar nanaman siya ni Carme. Niyayakap at malakas na malakas ang tawa.
"Nakakatawa talagang asarin ang isang ito! Parang si Taxon," tumatawang sabi ni Carme.
"Ikaw ba Vinea, sinusungitan ka ng lalaking Baider na iyon?" Tanong ni Carme nang makita akong nakatingin.
"Oo pero minsan lang, madalas masama ang tingin niya pero lately, parang lagi na siyang masaya," kwento ko.
Sa pagkakahiga naming ito para akong nakaramdam ng kapatid. Napatingin ako kay Arah na tahimik lang na nakatingin sa kisame, hindi ko alam pero may humaplos sa puso ko. Ngayon ko lang siya nakilala pero ang gaan ng loob ko sa kaniya.
"Hindi naman masungit si Taxon, ah," sabi ni Elle. "Kasi sobrang sungit niya," tumawa nanaman kami.
"Kaya walang girlfriend, eh. Kung tumingin akala mo naman palaging galit," Kwento ni Ali.
"I'll tell that to Taxon. Rumor, huh?" Mataray na sabi ni Diamond.
"Sige subukan mo! Yayakapin ka namin!" Ngumisi si Carme at tumingin sa amin.
Para bang nagkaintindihan sila ni Elle kaya naman mabilis itong tumalon at pinagtulungan nilang yakapin si Diamond. Sumunod naman si Ali at Arah, pinagkumpulan nila si Diamond.
"Vinea, bilis!" Sabi ni Elle kaya lumapit na rin ako. Niyakap namin si Diamond, una ay hindi ko maintindihan pero nang makita ko kung papano mandiri si Diamond ay natawa ako.
"Kadiri! Eww! Yuck!" Sunod-sunond niyang sabi at nagpupumiglas sa yakap namin.
Nagpagulong-gulong kami sa kama, hindi namin namalayan na nasa dulo na pala kami. Isang malakas na lagabog ang tumunog nang malaglag kami sa kama.
"Ouch! You are all annoying!" Asik ni Diamond habang hawak ang balakang.
Tinawanan lang namin siya. Nakakatawa pala talaga siyang asarin dahil sa kaartehan niya at palaging pagmamaldita.
Napalingon kami sa bumukas na pinto. Nakita namin ang mga boys na alalang-alala.
"What happened?" Tanong ni Jave at saka lumapit kay Elle, itinayo ito.
"Ano ba kasing ginagawa niyo?!" Inis namang sabi ni Taxon. Hinawakan niya ako sa braso at itinayo. "Are you okay?"
Tumawa lang kaming mga girls. Marahas na tumayo si Diamond at tiningnan kami nang masama.
"I'll sleep to the other room!"
Padabog siyag nagmartsa palabas kaya naman lumakas pa ang tawa namin.
"I'm glad you're happy," nakangiting sabi ni Taxon.
"Oo naman ang saya nilang kasama," masigla kong sabi.
"I think you are all bothered Diamond," nakangising sabi ni Kil.
"Yeah. Kaya nag-walk out," tuwang-tuwang sabi ni Carme.
"Tara nga puntahan natin," yaya ni Elle.
Parang ewan naman kaming tinahak ang sobrang laking hallway. Grabe naman ang mansyon na ito sobrang laki. Pakiramdam ko maliligaw ako rito. Huminto kami sa malaking pintuang puti. Kumatok si Elle roon.
"Hey, cousin. Back to the room, we'll sleep," nakangiting sabi ni Elle. Kahit ngayon ay parang nang-aasar pa rin siya.
Ngayon ko siya nakilala nang husto pati ang mga kaibigan niya.
"Go away!" Asik ni Diamond sa loob.
"Ang tampuhin mo naman parang yakap lang," pang-aasar ni Carme. Sinaway naman siya ni Lance dahil baka lalong hindi lumabas si Diamond.
May pagsuyo? Nakakatuwa talaga sila. Para silang magkakapatid, magkakaiba ng ugali pero iisa ang layunin sa buhay.
Ang mang-asar! Petchay!
"Diamond yohoo." Dumali naman si Rev na mapang-asar kaya napabungisngis kami.
"Excuse me," kunot noong sabi ni Taxon at hinawi sila.
"Diamond! Let's talk!" Kumatok si Taxon.
Napanganga ako nang bumukas ang pinto.
Woah? Siya pala ang batas?
"What!" Pairap na sabi ni Diamond at nagkrus pa ng braso.
"Go back to the girls room!" Sinamaan siya ng tingin ni Taxon.
"No! Pinagtritripan nila ako ro'n!" Padabog-dabog pa siya.
"Should I repeat?" Mahinahon na pero maawtoridad na sabi ni Taxon.
"Fine!" Nag-roll eyes pa ito at diretsong naglakad pabalik sa kwarto.
Napatingin ako kay Taxon. Ang lupit niya! Siguro dahil siya ang kuya kaya napapasunod niya ang pinsan.
Tumatawa naman ngayon sila. Pinagtatawanan nila si Diamond kasi nakakatawa naman talaga ang pagiging mataray niya. Daig mo pa ang lagi na lang kaaway lahat.
"I hold your hand," sabi ni Taxon at kinuha ang kamay ko.
Tiningnan ko naman siya diretso na ang tingin niya. Tinahak namin muli ang daan papunta sa kwarto namin.
"Sleep," ngumiti si Taxon nang tipid sa akin at saka ako pinasok sa kwarto.
"Aww ang sweet," nakangising sabi ni Carme habang nakatingin sa kamay naming magkahawak.
"Shut up." Tiningnan siya nang masama ni Taxon kaya tumahimik na.
"Sleep well, best friend." Nakangiti kong sabi kay Taxon at ginulo ang buhok niya.
"Yeah," tipid niyang sabi.
Tiningnan ko ang phone ko nang maalala si Brekley pero wala man lang siyang text kaya napasimangot ako.
Gano'n ba siya ka-busy? Kahit isang text wala man lang?
"Hey, don't be sad, You're here to enjoy," inayos niya ang buhok na humaharang sa mukha ko. "Paturo ka nga kay Shine magtali ng buhok o kaya mag-aaral ako para itali ko ang buhok mo laging nakaharang sa mukha mo," napangiti ako sa sinabi niya.
"Ang sweet mo talaga best friend kaya love kita, eh." Yumakap ako sa kaniya. Ramdam kong natigilan siya pero yumakap na rin.
"Ayieee!" Napabitaw kami nang marinig ang impit na kilig na iyon ni Elle.
"Shine, good night." Lumapit si Taxon kay Elle at humalik sa noo nito.
Gano'n na lang ang pagkamangha ko sa kaniya. Sobrang mapagmahal ng lalaking ito. Hindi lang pala ako ang inaalagaan niya maging ang mga pinsan niya at kapatid. Nakikita ko iyon.
"Good night. I'll see you in dream land," ngumiti si Taxon bago ako talikuran.
You don't know how happy I am because of you my best friend.
Mr. Horrible.
Ngumiti si Elle sa akin. "Ganyan talaga si Taxon Ken. Aalagaan ka niya sa abot ng makakaya niya."