ZACC'S POINT OF VIEW
"I'm okay, kaya ko nang pumasok." 
I'm here at Fai's house, I want to check if he's ready to attend school. He said his okay, but I really want to be sure. He buttoned his polo while talking to me. Pinipilit niyang pumasok kahit na may benda pa ang ilang parte ng katawan niya.
I release a heavy sigh before nodding at him, tinulungan ko siyang tumayo pagkatapos niyang isuot yung vest niya. Ako na ang nag suot ng I.d niya sa leeg at inalalayan ko siya palabas ng bahay nila.
Pagkadating namin sa parking lot, binuksan ko na yung pinto sa shotgun seat at inalalayan ko siyang pumasok. "Bro, okay na ako, hindi mo na ako kailangang alalayan," sabi niya pero hindi ako tumigil sa ginagawa ko.
Pagkapasok niya sa kotse, umikot na ako papuntang driver's seat at sinuot ko na yung seatbelt ko. Pinaandar ko na yung makina at maya't-maya, nag simula na akong mag maneho. Tahimik lang kami, nakatingin siya sa bintana habang nag fo-focus naman ako sa pag mamaneho.
May nakalagay parin sa labi niya at sabi ni tita Rosita, may nakalagay na daw na kung ano mang bagay sa likod niya dahil masakit parin daw 'yon. Ilang minuto pa ang nakalipas, nakarating na rin kami sa school. Nag park na ako sa favorite spot ko at inalalayan ko si Fai.
Habang naglalakad kami, maraming nakatingin sa'min lalo na kay Fai. Kitang-kita ko yung awa sa mga mata nila. Tinignan ko si Fai at walang emosyong nakatingin lang siya sa paligid.
Pagkarating namin sa building, dahan-dahan kaming humakbang sa hagdanan. Hanggang sa hagdanan lahat ng mga mata ay nakatingin parin samin. "Girls ano kayang reaction nila pag nalaman nilang nandito parin yung babaeng bumugbog kay fafa Fai." 
Awtomatiko akong napalingon sa kumpulan na mga babae sa gilid. Tama ba yung narinig ko?! Hindi pinatalsik ni lolo sila Torrie?! Salubong ang kilay 'kong hinila yung kamay nung babae para ma-ipaharap sa'kin.
"What do you mean?! Hindi pinatalsik ni lolo yung dalawang bastardang babaeng 'yon!" Galit na sigaw ko at kitang-kita ko yung takot sa mata nung babae. "H-hindi, nakita 'kong pumasok sila kahapon." Kinakabahang sagot nung babae.
Padabog 'kong binitawan yung kamay nung babae at binalikan ko si Fai na galit rin na nakatingin sa mga babae. Pinagpatuloy namin yung paglalakad, hindi pa kami nakakalayo nung narinig namin yung tilian ng mga babae.
"Omg girl! Ang lambot nung kamay niya! Hinawakan pa niya yung kamay ko!" Kinikilig na sigaw nung babaeng pinag tanungan ko kanina. Patuloy pa rin sila sa pag tili hanggang sa maiirita na ako. 
"Hoy! Gusto ko lang sabihin sa'yo at sa mga kaibigan mo! Ang gaspang ng kamay mo! Parang hindi kamay ng babae!" Sigaw ko at narinig ko naman yung mga mahihinang tawa nung mga kasama niya.
Tinignan ko yung babae at lumuluhang tumakbo ito palayo, napatingin naman ako kay Fai, tumatawa rin siya habang nakatingin sa'kin. "Harsh," bulong niya at kunot noo ko naman siyang tinignan.
"Psh, I'm just stating a fact!" Sabi ko at inalalayan ko na siyang maglakad. Nakarating na kami sa room at parang may dumaan na anghel nung pumasok kami, lahat sila ay tahimik na nakatingin sa'min. 
Hindi ko sila pinansin at pumunta na kami sa upuan namin. Linapag ko muna yung bag niya at dahan-dahan ko siyang tinulungan sa pag upo. "Aray!" Nataranta ako nung bigla ko siyang na-isandal sa upuan kaya napa-aray siya.
"oh shoot, I'm s-sorry," sabi ko habang tinitignan ang likod niya. Nung kumalma na siya,  nakahinga ako ng maluwag at umupo na rin ako sa upuan ko. Ilang minuto ang lumipas, dumating na yung educator at kinamusta niya agad si Fai.
Nung masiguro niyang okay na si Fai, nag simula na siyang mag turo. Nag focus ako sa lesson kasi hindi kami nakapasok kahapon. Buong araw ako sa bahay nila Fai para alagaan siya. Habang nag tuturo si miss, napatingin ako kay Fai nung hindi siya mapakali.
Kunot noo ko siyang tinignan, "Bro okay ka lang?" Nagtatakang tanong ko at nakangiwing tinignan niya lang ako. "M-makati yung likod ko pag inaabot ko naman para kamutin, sumasakit naman yung likod ko." Sagot niya.
Nakaramdam naman ako ng awa dahil hirap na hirap siya sa sitwasyon niya ngayon, at dahil nanaman 'yon sa'kin. Sinenyasan ko siyang tumalikod para makamot ko yung likod niya. Dahan-dahan naman siyang gumalaw. 
Dahan-dahan 'kong kinamot yung likod niya at napatigil ako nung naramdaman 'kong lahat sila ay nakatingin sa'min. "B-bro okay na," bulong ni Fai at bumalik siya sa dati niyang pwesto. "E-ehem, may problema?" Tanong nung educator at napailing lang ako.
Napabuntong hininga nalang siya at bumalik sa pag tuturo. Naubos na yung oras kaya at nung lumabas na yung educator, nag simula na silang mag ingay. May kumamusta kay Fai at meron namang nag kumpulan, 'yun yung grupo nila Perrie.
Tumingin ako sa mga kumpulan at ganon nalang ang pagtataka ko dahil hindi nila kasama si Perrie, mag isa lang siya sa upuan niya at may pinipindot sa cellphone. Nakakapag taka lang kasi t'wing lumalabas yung educator sa room, laging silang lumalapit kay Perrie.
Lagi silang nag kukumpulan at nilalapag nila yung cellphone nila sa isang upuan at sabay-sabay nilang patutugtugin yung bagong kanta nung iniidolo nila sa korea. Ilang beses na namin 'yon pinag-aawayan kaya nabalitaan 'kong sa c.r nila ginagawa 'yon.
Ano pala tawag 'don sa ginagawa nila? Stream?
Napakamot nalang ako sa ulo ko dahil sa mga iniisip ko, hindi ko alam kung bakit ko iniisip si Perrie, ano bang pake ko sa'kaniya kung wala siyang kaibigan? At isa pa, may kaibigan naman siya sa kabilang section!
"Ano yung iniisip mo?" Bumalik ako sa ulirat nung biglang nag tanong si Fai. "W-wala, iniisip ko lang kung bakit hindi pinatalsik ni lolo yung dalawang 'yon." Pag sisinungaling ko. Tumango nalang siya at bumalik yung paningin ko kay Perrie.
Mukhang may nangyari sa'kanila nung kaibigan niyang si Dolly. Napaiwas ako ng tingin nung bigla siyang tumingin sa'kin. "Yun ba talaga yung iniisip mo?" Gulat akong napatingin kay Fai nung mag tanong siya ulit.
"O-oo," nauutal 'kong sagot, hindi ko maintindihan yung nararamdaman ko, o sadyang hindi lang ako sanay na hindi sila mag kasama nung kaibigan niya. Inaamin ko nakaramdam ako ng awa dahil minsan nang nangyari sa'kin yung ganiyan.
Ang hirap sa pakiramdam 'yung sanay 'kang kasama mo yung mga kaibigan mo pero one day, biglang hindi ka na nila pinansin. Ang sakit lang isipin na nakikita ko si Perrie na masayang kasama sila Dolly noon pero ngayon, mag isa nalang siya.
"Naawa ka sa'kaniya?" Tanong ulit ni Fai, napaailing lang ako. "Admit it," sabi niya kaya wala na akong nagawa kundi aminin. "Nagtataka lang," sagot ko.
"Ako rin naman naawa, pero it doesn't change the fact na naiinis ako dahil sa ginawa nung bago niyang kaibigan." Usal niya. Nabaling ulit yung atensyon ko kay Perrie nung nakita ko siyang nakangiti habang nakatingin sa cellphone niya.
"See, kaya niyang maging masaya kahit wala yung mga kaibigan niya, basta nakikita niya lang yung, psh... iniidolo niya." Bulong ni Fai pero hindi ko siya nilingon. Nakatingin parin ako kay Perrie na mahinang tumatawa habang nakatingin sa cellphone niya,
Mabuti pa siya, kaya niyang ngumiti kahit wala na siyang kaibigan, ako kasi— pag nawala si Fai, hindi ko na alam kung makakangiti pa ako. Hindi ko maiwasang malungkot habang nakatingin ako kay Fai, paano kaya pag isang araw mawala siya tabi ko? Kakayanin ko kaya?
Napatingin ako sa gawi nila Dolly nung binato nila ng naka bilog na papel si Perrie, napatayo na ako nung inulit nila ulit 'yon. Kumuha ako ng note book sa bag ko at ibinato ko 'yon kay Dolly. "Ouch!" Sigaw niya at hinanap niya yung bumato sa'kaniya nung notebook at bigla siyang napatungo nung nakita niya akong nakatayo.
"Clean your mess," pigil ang galit na usal ko, napabuntong hininga nalang siya at tumayo para pulutin yung papel na nakakalat sa sahig. Tumingin ako kay Perrie, nakatingin lang siya sa'kin at bigla siyang may sinabi.
"Thank you," basa ko sa labi niya, hindi  ko alam kung bakit ako nakakaramdam ng tuwa dahil sa sinabi niya. Ngayon lang kasi ako, tumulong sa mga ganitong sitwasyon, palagi kasing nandiyan si Fai para tulungan ako pag may nambubully sa'kin.
Umayos na kami ng upo nung pumasok na yung susunod na educator. Nakikinig lang kami hanggang maubos yung oras. Lumabas na yung educator at umingay na ulit yung room. "B-ro, pwede mo ba akong samahan sa c.r." Tanong ni Fai at tumango lang ako.
A-alalayan ko na sana siya pero kusa siyang tumayo. Lumabas kami ng room at nag lakad kami patungong c.r. Inaayos yung c.r ng building kaya 'don kami sa c.r, kung saan ko pina-iyak si Akesha. Mabagal lang yung paglalakad ko dahil sinasabayan ko si Fai. Sa wakas at nakarating na kami sa c.r. 
Sa di kalayuan may natanaw akong dalawang lalaki, mukhang I.c.t student sila kasi nakita ko yung patch sa vest nila. "Dude, dapat mamaya pa tayo pumunta baka wala pa sila." Rinig 'kong sabi nung isang lalake. 
"Alam ko ganitong oras sila nag c-c.r," sagot naman nung isa. Hindi na namin sila pinansin, pumasok na kami sa c.r at tinulungan ko si Fai na makapasok sa pinakamalapit na cubicle. Habang hinihintay siya nag hugas muna ako ng kamay. 
Kumuha ako ng tissue sa gilid at pinunasan ko yung kamay ko. Tinapon ko yung tissue sa trashbin malapit sa pinto. "Dude ang tagal naman nila lakihan mo pa kaya yung butas para masilip talaga natin." 
Napatigil ako sa pag pupunas ng kamay ko nung narinig ko yung bulong sa labas, hindi ako nagkakamali, sila yung dalawang I.c.t student na nakasalubong namin kanina.
"Ayon na pala sila, basta itago mo muna 'yang libog mo." Nagulat ako dahil sa narinig ko. Lumabas na si Fai at nag hugas ng kamay. Pagkatapos niya mag hugas ng kamay, lumabas na kami ng c.r.
AKESHA'S POINT OF VIEW
"Sila Jaro ba 'yun?" Tanong ko kay Torrie, nag yaya nanaman kasi siyang mag c.r. Tumingin si Torrie sa gawi nila Jaro at hindi ako nag kakamali, sila nga. Nakarating na kami sa harap nila at sinalubong naman ako ng ngiti ni Jaro. 
Ngumiti rin ako. "Anong ginagawa niyo dit—" Hindi ko na natapos yung sasabihin ko dahil nagulat ako dahil lumabas si Zacc at kasunod niyang lumabas si Fai. Tinignan ko si Fai at may benda parin yung mukha niya, mukhang hirap rin siya sa pag lalakad dahil sa likod niya.
"What the hell!" Sigaw ni Zacc, tumingin ako kay Torrie at nakatingin lang siya kay Fai, mukhang hindi niya rin alam ang gagawin. "Totoo nga ang balita, hindi kayo pinatalsik ni lolo!" Sigaw ulit ni Zacc. 
"Hey! Tignan mo yung ginawa mo!" Sigaw ni Zacc kay Torrie habang nakaturo kay Fai. Naramdaman 'kong humawak si Torrie sa kamay ko, mukhang kinakabahan siya. "Ikaw!" Sigaw ni Zacc sa'kin.
"Ang kapal naman ng mukha niyong pumasok pa dito pagkatapos nung ginawa niyo!" Sigaw sa'kin ni Zacc, nakaramdam ako ng hiya dahil pinapanood kami ni Jaro at Von. Napapahiyang napatungo nalang ako.
"Sagot!" Sigaw ulit ni Zacc, naramdaman 'kong palapit siya sa'kin. Napaangat ang tingin ko at hindi nga ako nag kakamali, akmang hihilain ni Zacc yung I.d ko pero humarang si Jaro. Galit na napatingin sa'kaniya si Zacc.
"Pre, pwede naman ata pag usapan 'to ng maayos." Sabat ni Jaro at hinila niya ako papunta sa likod niya. Tumingin naman ako kay Torrie na nasa likod na rin ni Von. 
"Pag-usapan? Wait kilala kita, diba ikaw yung bumuntis kay Ayra kaya siya nag drop out!" Sigaw ni Zacc, taka naman akong napatingin kay Jaro. Naguguluhan ako, mukhang marami pa akong hindi alam tungkol kay Jaro.
Tumingin muna sa'kin si Jaro bago bumaling yung atensyon niya kay Zacc. "O anong tinitingin-tingin mo diyan?! Diba totoo yung sinasabi ko! At isa pa, narinig ko rin kayo kanina nung kasama mo! Nasa'n yung butas na sinasabi niyo! Yung butas na pag sisilipan niyo pag nag c.r na 'yang dalawang babaeng 'yan." Sigaw ulit ni Zacc.
Hindi ko maintindihan yung sinasabi ni Zacc. "Sigurado kayo sa sisilipan niyo?! 'Yan pa!" Turo ni Zacc kay Torrie, taka naman akong napatingin kay Torrie. "Nakita niyo 'yung ginawa niya sa kasama ko! Baka gusto niyong mangyari 'yan pag nahuli niya kay—" Hindi na natapos ni Zacc yung sinasabi niya kasi bigla siyang sinuntok ni Jaro.
*Blag*
"Aray!" Sigaw ni Jaro nung sinuntok naman siya ni Zacc, natumba siya sa lupa habang dumudugo yung nguso niya. Pinilit niyang makatayo pero muli nanamang sumugod si Zacc. "Von! Awatin mo!" Sigaw ko at lumapit naman si Von sa kanila.
Akala ko patitigilin niya yung dalawa pero nagkakamali ako, nakisuntok rin siya at nakisali sa gulo. "Tumigil na kayo ano ba?!" Sigaw ko pero hindi parin sila tumigil. Naalarma na rin si Fai dahil nakita niyang nabubugbog yung kaibigan niya.
"Prrrrrrrrrtttttt" Kusa silang tumigil nung nakarinig sila ng pito. Duguan yung nguso ni Jaro at may gasgas naman yung mukha ni Zacc. Wala namang nangyari kay Von dahil nakisali lang siya sa gulo.
"Kayong tatlo, guidance office ngayon na!" Sigaw nung coach na siyang pumito. Mukhang siya yung coach ng basketball varsity.