"Two more shots, Agnes. Then kayong dalawa na." Tinignan niya kung nasaan si James. Titig na titig ito sa nobya nito. Hindi niya alam kung narinig nito ang sinabi niya. "Bad boy!" tawag niya doon ngunit hindi ito tuminag.
Nilingon niya ang ibang kaibigan ni James para sinyesan na susunod na ito.
"Perfect!" sabi niya pagkatapos niyang kunan ng ilang shots pa si Agnes. Muli niyang nilingon si James na tila wala sa sarili. Gustong gusto niya batuhin ito ng sapatos niya. Iba talaga nagagawa ng pag-ibig dito. Hindi naman na bagong magkasingtahan si Agnes at James pero makikita pa rin kung gaano matulala ang lalaki sa nobya nito.
"Pakasalanan mo na kasi!" Kantiyaw ng ibang kaibigan ni James dito. Doon lang tila natauhan ang lalaki.
Nilingon siya ni James, sinenyasan niya itong pumuwesto na sa tabi ni Agnes na agad naman nito sinunod. Ilang shots lang ang ginawa niya ay natapos na rin sila. Nilipat niya agad ang mga litratong kuha niya sa mga ito na mabilis rin pagkaguluhan ng grupo ni James.
"Thank you talaga, Maki." sabi ni Agnes nang makapagbihis na ito. Yumakap pa sa kanya ang babae at bumeso.
"'Sus, wala iyon." Nakangiting sagot niya. "Dating gawi pumili ka na ng nagustuhan mo at isesend ko sa email niyo yung polished pictures."
Tumalima naman ito. Sinisilid na niya ang mga lens sa camera bag niya nang sumulpot sa tabi niya si James.
"As expected, Lady, the shots are the best."
Agad na pinigilan niya ito nang akmang yayakapin siya ni James. Nilingon niya si Austin na pinapanood sila ng lalaki. "Gago, tigil tigilan mo 'yan. May nagseselos doon." bulong niya sa lalaki. Ininguso pa niya ang kinatatayuan ni Austin.
"Bakit kasi ayaw niyo pa mag-aminan. Halata naman na gusto niyo isa't isa."
Iling lang ang tanging sagot niya kay James. Nasabi na niya dito noon pa na may pagtingin siya kay Austin na todo suporta naman ito sa kanya.
"Hindi pa rin umaamin 'yang isang 'yan?" tanong ni James nang hindi siya umiik.
"Alam mo naman na "little sister" niya lang ako." sabi niya ng may pag-arte sa salitang little sister. Binigyan pa niya iyon ng diin.
Napabuntong hininga si James, "Gusto mo ba bigyan natin ng matinding realization 'yang si Austin?" bulong pa nito. Nagtatakang tinignan niya ang kaibigan. "Pagselosin mo ng todo, mag-entertain ka ng manliligaw, tignan natin kung hindi 'yan magselos."
Ikinatawa lang niya ang suwestiyon nito. Sa dami nang dumaan sa kanyang lalaki habang nakapaligid si Austin, imposibleng magselos pa ito.
"Pag-isipan mo mabuti, Maki. Sayang ang panahon." tinapik pa siya ni James sa balikat bago saluhan ang nobya nito sa pagpili ng mga kuha niya.
Parang taon taon na lang simula nang makilala niya ito, nagparamdam at nagsasabi siya ng nararamdaman niya. Anong napapala niya? Pinagtatawanan lang siya ni Austin. Baka nga hanggang kaibigan lang ang tingin nito sa kanya. Napabuntong hininga siya. Wala na talaga siyang pag-asa para sa lalaki.
"Maki?"
Napalingon siya sa nagmamay-ari ng boses na iyon. Halos manlamig ang buong katawan niya nang makita ang isa sa mga ikinasusumpa niyang nilalang sa mundo.
"Friend, wala ka nang paramdam. Nakakatampo ha?" Lumapit pa ito sa kanya na ikinaatras niya.
Anong ginagawa nito dito? Nilibot niya ang tingin. Hindi naman private area ang pinag-shootingan nila, sa katunayan, nasa isang pampubliko silang pasyalan. Lumukot ang ilong niya nang maamoy niya ang pawis nito.
'Dugyot' sigaw niya sa isip.
"Hinahanap ka ni mama. Punta ka naman sa bahay."
'Lelang mo! Gusto mo lang umi-score!' Gusto niyang sabihin dito. Naging malapit na kaibigan niya ito. Nakilala rin ito ng mommy niya. Isa ito sa common friend nila ni Adan. Pero mas malapit ito sa kanya kesa kay Adan. Nang namatay ang mommy niya, pinuntahan siya nito para aluin. Akala niya isa itong totoong kaibigan, pero ginamit nito ang kahinaan niya para lang makuha ang katawan niya.
Pilit na ngumiti siya dito. Pero hindi niya alam kung nagmukha lang siyang tanga sa ngiting iyon.
"B-Busy ako e. Sorry." Hindi siya makatingin ng maayos dito. Gusto na niyang umalis at tumakbo palayo rito.
"Sayang naman. Magluluto rin kasi ako mamaya ng paborito mo."
Nanigas ang katawan niya nang may brasong umakbay sa kanya pero agad rin siyang kumalma nang maamoy ang pabango ng may ari ng brasong iyon. Siniksik pa siya ni Austin sa gilid nito.
"Tapos ka na, Maki? Baka ma-late pa tayo sa lakad natin." Sabi ni Austin. Tiningala niya ang lalaki. Nakatuon lang ang tingin nito kay Jasper na tila naghihintay rin ng sagot niya.
"P-Patapos na, Tanda." saglit lang niyang nilingon si Jasper pero agad rin siya nagbawi ng tingin. Hindi niya talaga kaya tumingin dito. "Sorry. Busy talaga ako. Excuse me." Tinungo niya ang grupo nila James. Tila napansin rin ni James ang kaibahan sa kilos niya. Panandalian nitong nilingon ang pinanggalingan niya at nagtatanong ang mga matang tinignan siya.
Isang iling lang ang isinagot niya. Ayaw niya pag-usapan at hindi niya kaya sabihin kahit kanino ang ginawang kahayupakan ni Jasper sa kanya. Nang lingunin niya ang kinatatayuan ni Austin, nakita niyang nakakuyom ito ng kamao habang pinapanood ang papalayong bulto ni Jasper.
"Sino 'yon?" Tanong ni Austin habang nasa daan sila. Ito na nagprisintang magmaneho. Nagpasalamat siya dahil hindi rin niya kayang magmaneho. Nanginginig pa rin ang katawan niya.
Unti-unting bumabalik na naman sa ala-ala niya ang ginawa sa kanya ni Jasper...
Saktong tapos ng shift niya nang makatanggap siya ng text mula kay Jasper. Nag-aaya itong manood sa bahay nito at hinahanap na naman raw siya ng mama nito.
Hindi na siya nagdalawang isip. Kailangan rin niya ng distraction dahil sa kalokohang ginawa sa kanya ng ex-boyfriend niyang si Jayson. Simula nang umalis ng bansa si Austin at namatay ang mommy niya, madalas siya maghanap ng atensyon sa ibang tao. Doon pumasok sa eksena si Jayson na kaklase niya noong first year high school.
Ibang alaga ang pinakita nito sa kanya. Todo cheer pa ang circle of friends nila nang malaman na nanliligaw sa kanyan si Jayson. Hindi naman niya ito masyado pinahirapan, katwiran niya, bakit kailangan pang patagalin ang panliligaw kung parehas sila nang nararamdaman?
Hindi nagtagal, nakilala niya ang tunay na ugali ni Jayson. Pera lang pala ang habol nito sa kanya. Dahil nag-aaral pa ito ay sunod sa luho ito sa kanya. Iba ang nararamdaman niya tuwing nag-isleep over ito sa kanila. Madalas may kausap ito sa online games. At kapag matutulog na sila, pinakatatago tago pa nito sa kasulok-sulukan ng damitan niya ang cell phone nito na siya namang nagbigay.
Isang umaga, nagising siya sa ingay ng cell phone nito. Hinanap niya pa kung saan nito nilagay ang aparato para mapatay niya ang alarm nito. Nang makita niya, may nag-uudyok sa kanyang kalikutin iyon. Laking gulat niya nang tumambad sa kanya ang usapan nito at nang isang babae na sobra ang sweetness. Nanlamig siya habang binabasa ang usapan ng mga ito.
'Walang hiya.' Walang luhang tumulo sa mata niya. Tanging pandidiri ang nararamdaman niya. Hindi niya aakalain na magagawa nitong makipagtalik sa iba gayong siya ang girl friend nito. Bakit? Dahil hindi niya maibigay ang gusto nito?
Pinakatitigan lang niya ang usapan ng mga ito.
'Pagod ako sa trabaho tapos babasahin mo lang mga message ko? Hindi ka ba pupunta dito?' Maya maya'y message ng babae.
Kumukulo dugo niya. Tumayo siya at kinunan ng picture ang natutulog na lalaki pagkatapos ay sinend iyon sa babae. 'Tulog pa si Jayson. Sino ka ba? Girlfriend niya ito.'
Hindi na niya hinintay sumagot ang babae. Humiga siya sa tabi nang mahimbing na natutulog na si Jayson. Doon niya napagtagpi tagpi ang mga sinasabi nitong may ina-applyan itong trabaho sa Cavite dis oras ng gabi na babae pala ang pinupuntahan nito. Ito rin pala ang babaeng madalas nitong kausap na sinasabing kalaro lang nito.
Napabuntong hininga siya. Napagdesisyunan na niyang makikipaghiwalay siya dito paggising nito. Hindi niya hahayaang may isang lalaki na naman ang magpapamukha sa kanya kung gaano siya katanga.