𝗔𝗦𝗛𝗧𝗢𝗡'𝗦 𝗣𝗢𝗩
Mahimbing sana akong natutulog nang may biglang nasinghot na hindi kaaya ayang amoy ang ilong ko.
Dahan dahan akong nagmulat ng mata habang nagiisip kung saan nanggagaling ang nasusunog na amoy.
Hindi ko nalang sana papansinin ang amoy at babalik nalang sa pagtulog ng mapagagtanto kong..... nandidito pala sa bahay si Shaira. Dahil sa ideyang yun, kaagad akong bumangon at kumaripas ng takbo pababa sa kusina.
Baka niluluto na ni Shaira pati ang kusina ko!
Hingal na hingal na ako nang makarating sa kusina, tiningnan ko ang kabuuan ng kusina at nakita kong maayos naman ang lahat. Walang nasusunog o kahit isang kalat man lang.
Baka sa kapit bahay lang nanggagaling yung nasusunog na amoy.
"Good morning Ash" nabaling ang attensyon ko kay Shai ng marinig ang boses niya.
Binalingan ko siya ng tingin at ganun nalang ang pagkunot ng noo ko ng makita kong naka apron ito habang may dala dalang tray na may takip.
"Ano ba ang pinanggagawa mo?" kunot noong tanong ko dito. "At bakit may dala dala kang tray?"
Bigla naman nitong inilapag ang tray na dala niya sa mesa. At kapagkuwan ay kumuha ito ng towel at itinapon sa akin. "Mag takip ka muna, naiiskandalo ako sayo" namumula ang mukhang saad nito.
Kaagad ko namang isinampay sa balikat ang tuwalya. "Ano ba yan?" tanong ko na naman sa kanya.
Ngumiti ito. "Pinagluto kita ng breakfast" nakangiting saad nito na ikinaputla ko naman.
Parang duda ako sa breakfast nato.
"Umupo ka" paanyaya nito sa akin na sinunod ko naman.
At ganun nalang ang pagluwa ng mata ko ng buksan nito ang tray. So hindi nga sa kapit bahay nanggagaling ang nasusunog na amoy kanina kundi dito pala talaga sa bahay ko!
Kawawang mga pagkain, sumalangit nawa ang mga kaluluwa nila.
"Kumain ka na Ash" nakangiting saad nito.
Kaagad akong umiling. "Hindi ako kumakain ng halimaw na pagkain" mabilis pa sa alas kwatrong pagtanggi ko.
Kumunot ang noo nito. "Anong halimaw na pagkain?" nakataas ang kilay na tanong nito.
Nagpipigil ako ng tawa habang itinuturo ang pagkaing nasa mesa. "Tingnan mo nga yang mga pagkain na yan o matatawag pa ba yang pagkain? Parang mga zombie" saad ko na ikinahaba ng nguso nito.
"Sunog lang tingnan yan pero masarap naman. Tikman mo muna kasi" pangungulit nito.
"Wala akong tiwala sa--" Bigla akong napahinto sa pagsasalita ng aksidenteng makita ang kamay nito, meron itong maliliit na sugat at mga paso.
Ano ba ang pinanggagawa ng babae nato?
"O, sige, kung ayaw mong kainin itatapon ko nalang--"
Bigla itong natahimik ng kunin ko ang tray at sinimulan kong kainin ang mga halimaw na pagkain na niluto niya.
Unang subo ko palang sa pagkain ay gusto ko ng iluwa! Ang pangit ng lasa!
Bakit ko ba kinakain ang pagkain nato?!
"Masarap ba?" nakangiting tanong ni Shaira, nagliliwanag ang mukha nito.
Tumango tango lang ako kahit ang totoo nagpoprotesta na ang tiyan ko!
Matapos ang limang subo ay kaagad akong tumayo.
"Tapos ka na?" naguguluhang tanong nito.
"Diet ako" pagsisinungaling ko at kaagad na kumaripas ng takbo papuntang banyo.
Kailangan kong ilabas ang halimaw na kinain ko!
𝗦𝗛𝗔𝗜𝗥𝗔'𝗦 𝗣𝗢𝗩
Kumunot ang pagkunot ng noo ko ng biglang kumaripas ng takbo si Ashton patungong kwarto niya kahit hindi pa ito tapos kumain.
Ano kaya ang nangyari dun?
Niligpit ko nalang ang pinagkainan niya at tinakpan ulit ito. Baka kainin niya pa to mamaya.
Nasa kalagitnaan ako ng pagliligpit ng biglang tumunog ang doorbell.
Ang aga aga pa may nagdodoorbell na sa bahay ni Ash? Sino kaya to?
Tumigil ako sa ginagawa ko at naglakad papuntang pinto para buksan kung sino man ang nagdodoorbell.
Binuksan ko ang pinto at ganun nalang ang pagkunot ng noo ko ng isang babae ang bumungad sa paningin ko.
Well, honestly, maganda siya.
"Sino ka?" mataray na tanong ng babae habang tinitigan ako mula ulo hanggang paa.
Aba! Aba! Ang lakas din ng loob ng babae nato! Dukotin ko kaya mata nito!
"Bakit nandidito ka sa bahay ni Ashton?" pagtataray na naman nito.
Tumaas ang kilay ko dahil sa inasta nito. Ang kapal naman ng mukhang magtaray ng babae na'to, hindi pa nga nagpapakilala, nagtataray na.
Huminga muna ako ng malalim para pakalmahin ang sarili ko.
"Sino ka at anong kailangan mo?" Mahinahong tanong ko kahit na ang totoo kumukulo na ang dugo ko at handa ng sumugod.
Pinagcross nito ang braso. "Sa tingin ko ikaw ang dapat sumagot sa tanong na yan" nakataas ang kilay na saad nito. "Sino ka at bakit ka nandidito sa bahay ni Ashton? Sa pagkakaalam ko ako lang ang babaeng pinapayagan niyang pumasok sa bahay niya" may pagmamalaking saad ng bruha.
Hilaw ko siyang nginitian. "Alam mo Miss, sabihin mo nalang kung ano ang kailangan mo para matapos na tayo dito" nakapameywang na saad ko.
"Pinapupunta ako ni Ashton dito" taas noong anas nito na ikinainit ng ulo ko.
Kaano ano ba to ni Ash?
Girlfriend?!
Sa ideyang yun mas lalo pang kumulo ang dugo ko.
"Hindi ko alam kung bakit nandiyan ka sa loob ng bagay ni Ashton, pero kung ako sayo umalis ka na kasi ako lang ang pinapayagan ni--"
"Jessa, nandito ka na pala" biglang pagsulpot ni Ashton sa likoran ko habang namumutla ito.
Anong nangyari sa lalaki nato?
At Jessa pala ang pangalan ng higad nato!
"Shai? Bakit ang dilim ng mukha mo" biglang tanong ni Ashton.
Binalingan ko ng masamang tingin si Ash. "Kaano ano mo ba ang babae na yan?" nakataas ang kilay na tanong ko sa kanya.
Humawak ito sa hamba ng pintuan. "Siya si Jessa" pagpapakilala nito.
"Secretary ko" anito na ikinataas ng kilay ko.
Secretary lang pala pero kung makaasta hinigitan pa ang asawa!
Naku! Naku! Naiistress ang brain cells ko sa babae nato.
"Jessa, this is Shaira, nasa sinapupunan palang kami ng mga Mommy namin ay magkakilala na kami" pagpapakilala ni Ashton sa akin sa bruha niyang Secretary.
"Ganun po ba boss? Good morning po Ms. Shaira" mahinhin na saad ng Jessa.
Aba! Best actress pala to!
Hilaw lang na ngiti ang isinagot ko sa kanya.
"Boss, heto na po yung pinapabili niyong gamot" magalang na saad ng bruha habang inaabot kay Ashton ang supot na may lamang gamot.
Tinanggap naman ito ni Ashton. "Salamat Jessa, ikaw na muna ang bahala sa opisina. Mukhang hindi ako makakapasok ngayon" bilin ni Ashton sa SECRETARY niya.
"Hindi nalang po ako papasok boss,
aalagaan ko nalang po--"
"Kaya kong alagaan si Ash Ms. Secretary, hindi naman ako embaledo kaya makakaalis ka na at asikasohin mo nalang ang kompanya ni Ash" pagpapalayas ko kay Jessa.
Kumunot ang noo ni Ashton habang nakatingin sa akin, at kapagkuwan bumaling ito sa Secretary niya. "Nandito naman si Shaira kaya huwag ka ng magalala Jessa" anito at bigla na namang tumakbo patungong kwarto niya habang hawak hawak ang tiyan.
Ano ba talagang nangyayari dun?
Ng mawala na ito sa paningin ko,  binalingan ko ang Secretary niya.
"Secretary ka pala ni Ash? Galingan mo sa trabaho ha" nakangiting saad ko.
Inirapan naman ako nito at bigla itong nag walkout.
Pikon!
Ng makaalis na si Jessa kaagad kong sinara ang pinto. Habang sinasara ko ang pinto bigla akong natigilan.
Teka..... sumasakit ba ang tiyan ni Ashton?