"ALAM mo na kong ano ang gagawin mo." Mahinang sabi ni Gregorio sa kausap. Napatingin sa kanya ang binata, nginitian niya ito.
Gumanti ng ngiti si Miguel sa artist at muling ipinagpatuloy ang pagpipinta.
Isang oras din ang nakalipas ng matapos ang dalawa. Lumapit sa mga ito ang artist. Una nitong tinignan ang ginawa ni Miguel.
"Magaling!" Puri ni Gregorio na sinabayan pa ng palakpak.
"Yes!" Tuwang sambit ni Miguel, saktong napasulyap sa kanya si Sofia. Mabilis na kindat ang ginawa niya para sa dalaga. Kinikilig na ngumiti naman si Sofia.
Nilapitan naman ni Gregorio ang ginawa ng dalaga.
"Magaling!" Puri din ni Gregorio sa dalaga sabay tapik sa kanang balikat nito.
"Thank you Sir," kinikilig na pasasalamat ni Sofia. Tuwang - tuwa siya dahil  maganda ang kinalabasan ng painting.
"Pirmahan na ninyo ang mga larawan na inyong kinulayan," utos ni Gregorio sa dalawa.
"Pero Sir, kayo po ang may-ri ng painting," mabilis na sagot ni Sofia.
"Oo nga naman po Sir, kinulayan lang namin ang mga hindi pa po tapos. Pero kayo pa din po ang may-ri ng mga ito." Sabat nman ni Miguel na itinuro ang mga painting.
Isang matamis na ngiti ang pinakawalan ni Gregorio.
"Kaya ko pinapipirmahan sa inyo yan, dahil 'pag bumalik na kayo sa Manila, ibibigay ko din ang mga 'yan sa inyo." Anang artist sabay akbay sa dalawa.
"Talaga po? naku! ngayon pa lang po magpapasalamat na ako!" Bulalas ni Miguel at mabilis nitong nilapitan ang painting na tinapos niya. Isinulat niya ang kanyang pangalan sa bandang ibaba ng larawan.
Sumunod naman si Sofia. Isinulat din niya ang buong pangalan sa bandang ibaba ng larawan at nilagdaan.
"Done!" Tuwang sambit ng dalaga at iniabot nito ang paintbrush sa artist.
Ilang minuto ang nakalipas nakaramdam ng pag kahilo si Miguel, bahagya siyang napakapit sa gilid ng canvas frame na nasa harapan niya. "P-parang nahihilo ako," sambit ni Miguel, pakiramdam niya umiikot ang paligid niya.
Tarantang nilapitan naman ni Sofia ang binata.
"Anong nangyayari sayo Miguel?" kinakabahan na tanong ni Sofia sa binata. Habang nagmamasid lang sa mga ito si Gregorio.
Akmang hahawakan ni Sofia si Miguel nang siya naman ang makaramdam ng pagkahilo, nasapo niya noo.
"Whats happening?" parang nagtatanong sa sarili ang dalaga. Naramdaman niya na parang may malakas na puwersa na nagmumula sa painting na tinapos niyang kulayan.
"Ahhhh!" Malakas na sigaw ni Miguel nang maramdaman na tila hinihigop siya ng painting na nasa harapan niya. "Ano po ang nangyayari Sir?" naguguluhan na tanong ng binata sa artist na nakatayo sa harapan nila at may ngiti sa mga labi na tila mukhang natutuwa sa nakikita.
Isang malakas na halakhak lang ang pinakawalan ni Gregorio na sinabayan pa ng pag palakpak.
"M-miguel, t- tulong!" Umiiyak na hinging saklolo ni Sofia sa binata na tila nahihirapan na din na pigilan ang sarili na pumasok sa loob ng canvas. "Sir, tulungan mo po kami!" Sumisigaw na pakiusap dito ng dalaga.
Lumakad palapit sa mga ito ang artist.
"Mapapabilang na kayo sa aking mga koleksyon," tuwang sabi ng artist habang pinagmamasdan ang dalawa na tila hirap ng labanan ang puwersa na mula sa larawan.
"Aaaahhhhhh!" Panabay na tili ng dalawa nang mahigop ang kalahating katawan nila ng larawan. Umiiyak na mahigpit na kumapit ang dalawa sa gilid ng canvas frame.
"Sir, p-parang awa mo na, tulungan mo kami!" Sigaw na pakiusap ni Miguel. Lumapit naman dito ang artist, pero hindi para tumulong. Hinawakan ng artist ang mga kamay ng binata na mahigpit na nakakapit sa gilid ng canvas frame, pilit na tinatanggal ito ng artist.
"Huwag po!" Sindak na pakiusap ni Miguel. Napasigaw ito nang mabaklas ang isang kamay kasunod ng pagkabaklas ng isa pa niyang kamay.
Sumigaw si Miguel ng malakas ng tuluyang higupin ng larawan ang buong katawan niya. Saglit lang at makikita na ang anyo ng binata sa larawan, napalitan ng mukha nito ang lalaking nasa painting.
Hilakbot naman sa nakita niya si Sofia, na pinilit na mailabas ang kalahating katawan na nasa loob na ng canvas.
"Miguel!" Sigaw ni Sofia nang makitang tuluyan ng mahigop ang katawan ng binata. Naramdaman ni sofia na lalong lumakas ang puwersa na humihigop sa katawan niya. Nakita niyang papalapit naman sa kinaroroonan niya ang nakangiting artist. Lalong kinabahan ang dalaga dahil sa isip nito siya naman ang isusunod ng artist.
"Poor sofia," nakangiti sabi ni Gregorio, hinimas -himas pa ang buhok ng umiiyak na dalaga. "Huwag mo na pilitin na iligtas ang sarili mo, dahil magiging katulad ka din ni Miguel. Magiging bahagi ka din ng aking mga obra maestra na ilalahok ko sa mga art gallery. Makikita na lang kayo ng mga tao bilang isang magandang larawan!"
Masayang humalakhak ang artist.
"No!" Umiiyak na sigaw ni Sofia. Lalo niyang hinigpitang ang pagkakahawak sa gilid ng canvas frame.
Napapapalatak pa ang artist habang pilit na binabaklas ang mga kamay ng dalaga.
"Parang awa mo na Sir, huwag mo po gawin ito!" Umiiyak na pakiusap ng dalaga ngunit bingi ang artist sa pakiusap nito. 
"Ahhhhhhhhhhhhhhhhhhh!" Hilakbot na tili ng dalaga ng tuluyang lamunin ng larawan. Unti-unting napapalitan ng mukha ni Sofia ang babae na kanina lang ay nasa painting.
"HA! ha! ha! ha! ha!" Masayang halakhak ni Gregorio. Dinampot niya ang painting kung saan naroroon ang mukha ng dalaga. Hindi na napansin ni Gregorio ang munting luha na nasa gilid ng mga mata ng nasa larawan.
Nilapitan naman nito ang isang larawan kung saan naroroon naman ang mukha ng binatang si Miguel. Mataman na tinitigan ito ng artist.
"Napakagandang obra maestra!" Ngiting sambit ng artist.
Lumabas si Gregorio sa silid na iyon kung saan naging pepeng saksi sa nangyari sa dalawang teenager. Tinungo nito ang sariling kuwarto habang bitbit ang dalawang painting.
Nilapitan ni Gregorio ang malaking kabinet na kulay itim, kung saan dito niya itinatago ang mga larawan ng kanyang mga biktima. Binuksan niya ang kabinet, kinapa ang switch at nang lumiwanag ang loob ng kabinet makikita ang mga patung-patong na painting na nasa ilalim ng isang maliit na rebulto ni Satanas.
Lumapit sa rebulto ang artist, nag-alay ng maiksing dasal habang inaalay ang dalawang bagong painting.
Maririnig sa loob ng kuwarto ng artist ang mahihinang ungol na parang galing sa ilalim ng lupa. Pagkatapos mag dasal ipinatong nito ang mga painting sa iba pang painting na naroroon. At ibinalik naman ang mga paintbrush sa maliit na kahon kung saan may basbas na kapangyarihan ng kasamaan.