3rd Person's POV
Galit na umalis ng bahay ang Tito Luis ni Eunnie upang hanapin ang lugar kung nasaan ngayon si Hideo. Alam nyang nakapasaok na ito sa totoong mundo gaya ng nangyari noong unang panahon. Kailangan nya itong mapabalik agad upang magtagumpay ang mga plano nya na matagal nya ng pinaghirapan. Lasing pa ito dahil mula kahapon ay uminom na ito. Hindi nya alam kung saan mag sisimula pero ayaw nyang umuwi ng bahay hanggang hindi nya mahahanap ang nawawalang Hideo at kung sino man ang nagpalabas nito ay pananagutin nya.
Eunnie's POV
Patuloy parin akong hinihila ng nagngangalang Hideo sa hindi ko malaman kung saan basta ang alam ko ay kusang sumunod ang aking mga paa sa kanya habang nagtitinginan ang mga estudyante saamin.
Nag lakad ng nag lakad lang kami hanggang sa nakarating kami sa isang bench an wala masyadong tao saka nya ako binitiwan.
nakatingin lang ako sa kanya habang sya ay nakatingin saking kamay. Tiningnan ko rin ang kamay ko at naisip baka may hinahanap sya. kinuha ko mula sa loob ng bulsa ko ang aking bracelet at ipinakita ito sa kanya.
"Ito ba yung hinahanap mo?" sabay angat ng bracelet. Agad nya naman itong hinawakan at tinitigan. "yan ba yung rason bakit hinahawakan mo yung mga kamay ng babae kahapon?" Tumango naman sya.
Napamewang naman ako at natawa, kasi ang haharot ng mga babae kahapon at binibigyan pa nila ng meaning yung pag hawak ni Hideo sa kanila e ito lang naman pala hinahanap nya.
Tumango sya at tumingin sakin tapos ngumiti. Natigilan naman ako dun, first time ko sya makitang ngumiti tapos nakatitig ako sa lips nya nung ginawa nya yun. Ba't ang pouty ng lips nya, tapos ang ganda ba ng kurba?
"teka! teka! Totoo ba yung narinig ko kanina? H-Hideo? is that your name?" sabay turo ko sa kanya na parang nagdadalawang isip kung maniwala ako o hindi.
Tumango naman sya. "Hideo ang pangalan ko. Hindi ko to binanggit kahit kanino pero narinig kong tinawag mo pangalan ko tapos nakita ko pang suut mo to." sagot nya tapos ngumiti ulit. Ayan nanaman tayo sa ngiting yan e. Nakakalag-lag panty--este...puso.
pero hindi naman siguro sikat ang pangalan na Hideo bakit pareho sila ng Pangalan ng Hideo ko? tapos yung atrributes ng Hideo ko e nasa kanya. 
posible kayang.....
nagka totoo ang kahilingan ko? Nanlaki naman ang mata ko dahil sa naalala ko kahapon. Unang hiling ko ay dapat mas malamangan nya si Dylan tapos ako lang dapat hanapin nya tapos hero ko sya kaya darating sya pag kailangan ko, gaya kahapon na to the rescue agad sya. Napatayo ako dahil sa naging konektado na lahat sa isipan ko. Lumingon ako sa kanya at ngumiti. Pinagmasdan ko ang itsura nya na ngayoy naka tingin sa bracelet ko. Grabe ang swerte ko naman, ang daming nagkakandarapa sa lalaking to tapos sakin sumama. Nananaginip ba ako? Sinampal ko naman ang sarili ko ng sobrang lakas pero napasigaw ako kasi masakit nga.
"Okay ka lang?" pag aalala nya at napatayo rin. Ako naman na pabebe, hinawi yung buhok ko tas nagpa cute.
"O-okay lang, hihi." Apaka pa bebe talaga. "saka nga pala..." sabi ko at pinaupo sya tapos hinaplos ko yung pisngi nya.
Si Hideo ba talaga to? kung totoo mang natupad yung hiling ko e, ang gwapo nya pala talaga pag lalaki sya, mas clear skin pa sakin. Napaka perperkto naman kasi ng pagkaka describe ko sa kanya e. Pero kung hindi man sya yung Hideo na nasa comic, wala na akong pakialam basta ang importante, isa syang presentasyon ng Hideo na nasa imagination ko tapos sakin pa sya ngayon dumidikit. Kung panaginip man to, ayoko ng magising pa.

"Saka nga pala, gusto ko magpasalamat sa pag ligtas mo sakin kahapon. Sa pangalan mo pa lang alam kong hero ka talaga" tapos inipit ko yung buhok ko sa tenga. Sinuklian nya lang ako ng ngiti pero yung ngiti na yun ay may malaking kahulugan na.
Napag desisyunan namin na bumalik na sa classroom dahil magsisimula narin ang klase.
Silent-type sya kaya ngumingiti nalang din ako kasi ang awkward ng atmosphere saming dalawa habang nag lalakad.

"Teka, anong section ka pala?" tanong ko bilang pambasag ng katahimikan. Lumingon sya sakin at magsasalita na sana nang biglang--
"Nandito na si Hideooooo!!" 
Biglang may sumigaw at lahat ng babae ay nagkaguluhan tapos dinumog si Hideo. Ang daming babae ang nagtakbuhan papunta kay Hideo kaya nanlaki ang kaing mga mata. Hindi agad ako nakagalaw, dahilan upang matulak at mabangga ako ng ibang estudyante kaya natumba ako at nagasgasan ang aking tuhod. Napalingon naman ako sa direksyon kung saan unti-unting inilalayo ng mga babae si Hideo at hindi ko alam kung saan sya dadalhin basta ay pinagkakaguluhan sya.
Tama ba yung desisyon ko na isulat dun sa kahilingan ko na malamangan nya si Dylan? Hayst! Napapaiyak na ako sa hapdi nang may biglang humawak sa dalawang braso ko. Nagulat ako sapagkat naalala ko yung muntikan na akong ma rape kahapon kaya kumawala ako kaagad.
"Eunnie, ako to." sabi ng boses lalaki kaya tumingala ako upang makita at naaninag ko ang mukha ni Dylan. Nakatingin lang ako sa kanya nang agad nya akong binuhat tapos pag tayo nya ay tumingin muna sya sa direksyon kung saan pinagkakaguluhan si Hideo.
"Tss." tanging sabi nya at napailing.
Dinala nya ako sa clinic upang magamot ang gasgas ko sa tuhod. Pinaupo ako sa bed tapos kumuha sya ng H2O2 tsaka cream na ilalagay sa sugat ko. Lumuhod naman sya at nag simula ng gawin ang proseso.
"Ba't ka kasi nandun? bakit hindi ka kaagad umilag? aantayin mo pa yatang ma mudmud ka sa lupa e."
"E kasi..."
"Tapos kung hindi pa ako nakarating pinagtawanan ka na ng ibang studyante dun." sabi nya at tumingin sakin.
"Hindi ko naman inaasahan na dadagsain ng mga babae si Hideo ng ganun ganun e, malay ko ba." sagot ko habang nakatingin sa bintana
"Kilala mo ba yung Hideo na yun? Kaka transfer pa lang nya close na kayo agad, hindi ka naman ganyan. Umiiwas ka nga sakin kasi alam mong madami ang lumalapit sakin pero bakit dun sa Hideo na yun, ba't ka dumikit dikit agad?" Seryosong sabi nya sakin. Kinabahan naman ako sa tuno nya.
"Aisshh!! Syimpre magkaiba kayo no. Tapos si Hideo hindi ko sya dapat pabayaan lang." tapos naging pabebe ulit ako habang nakapikit pa.
"Kakalipat lang nung tao gusto mo na agad?" natigilan naman ako sa sinabi nya.
"Huh? may sinabi ba ako?" pag dedepensa ko.
"wag ka ngang umakto na parang ngayon lang tayo nagkakilala. Alam ko yang mga ganyang galaw mo." sagot nya at umirap.
 "Basta, kilala ko si Hideo higit pa sa inaakala nyo." proud kong sagot sa kanya. Ilang sandali ay tumunog na ang bell kaya ibig sabihin ay magsisimula na ang klase. tumayo na ako para pumunta na sa klase nang hawakan nya ako bigla.
"Buhatin na kita." 
"Anong buhatin? Anlayo sa bituka nito kung maka buhatin ka dyan, kala mo naman anong nangyari sakin." sagot ko at lumayo. "Salamat nga pala, see you!" at tumakbo na ako papuntang room, nagbabakasakali na classmates kami ni Hideo.
nakarating na ako at agad ginala ang mga mata ko sa loob ng room. Napasimangot naman ako nung hindi sya mahagilap ng mga mata ko. Nakasimangot akong umupo sa seat ko at nag aantay nalang sa subject teacher.
"Euniiiee!" sigaw ni Marisa at agad lumapit saakin na may malapad na ngiti. "Alam mo ba...." Matamlay akong nag iintay sa susunod na sasabihin nya. "Nahawakan ko ang unifrom ni Hideo, kyaahh!" So isa pala sya sa dumagsa kanina ky Hideo. Napairap nalang ako at sumimangot ulit. "Syiempre, hindi ako papahuli no, ang daming babae kanina tapos pwede ba yun na mahuli ang isang Marisa? syiempre, hindi no.... Acckk-" Natigilan si Marisa dahil parang may nagtulak sa kanya.
"Eunnie?" Isang pamilyar na boses ang nagbanggit ng pangalan ko. Bumilis nanaman ang tibok ng aking puso  nang makita kung sino ang nilalang na nasa harapan ko.
"Hideo?" Gulat na tanong ni Marisa habang nagkatinginan kami ni Hideo.
Sa walang pag alinlangan ay agad akong niyakap ni Hideo sa hindi ko malaman na dahilan.
"KYAAAHHHH!" Nagsigawan lahat ng nasa room at pati ang nasa labas ay nakinuod narin samin.
"Tama ba tung nakikita ko?"
"Eunnie." pagbigkas nya ulit ng aking pangalan.
"H-Hideo...p-para s-san yun?" nauutal kong tanong sa kanya habang nagkakatinginan kami.
"Sorry." tipid nyang sagot.
"Para san?"
"Sorry dahil naiwan kita kanina. Ayos ka lang ba?" Seryoso nyang tanong diritso sa mga mata ko. Eto na naman tayo e, ba't ba kasi maypa yahap effect pa? Nahulog na naman yung mga mata ko papunta sa lips nya. Shez, ba't ba ang pouty nito. wag mo kong matitigan ng ganyan dahil baka hindi ko mapigilan ang sarili ko maidikit ko pa tong labi ko sa yo, tukso lumayo kaaa! "Eunnie?" pag sambit nya ulit
"Uhhh..o-okay lang." sabi ko at yumuko tapos ngumiti. Hindi ko na talaga mapigilan yung kilig na pilit kong itago. Sa tanang buhay ko, si Hideo lang naka gawa sakin ng ganto.
"EHEEM!" nagulat kaming lahat nang nakarinig kami ng libro na bumagsak. pag lingon namin sa harapan ay nandito na si Sir Prior na nakapamewang kaya dali-dali kaming umayos lahat. "Excuse me, ikaw ba yung transferee? kindly go to your seat, duun sa likod." sabi nya sabay turo ng upuan na bakante.
Lumiwanag naman ang aming mga mukha dalawa sapagkat alam na namin ngayon na magkaklase lang kami. Agad naman syang sumunod sa utos ni Sir pero hindi maiwasan na magka tinginan kami dalawa. Si Marisa naman na nasa gilid ko lang nakaupo ay kinalabit ako.
"Uy, Eunnie. Close na kayo?At ano yun? Anong ibig sabihin nun ha? Ano yung payakap effect?" Sunod sunod na tanong nya.
"Mmmm..wala! baka kasi ako lang yung babaeng nakikita ng dalawang mga mata nya." Pang aasar ko at napa pout naman sya.
nag didiscuss ngayon si Sir pero boring kasi history na naman kaya naisipan kong tingnan si Hideo ngayon sa likuran. Pinagmasdan ko lang sya habang nakatanaw sya sa bintana. Ba't ba ang perpekto ng lalaking to, Hayst!

Nakatitig lang ako sa kanya habang naka ngiti nang biglang may bumato sakin ng papel kaya agad kong inilibot ang paningin sa sino man ang bumato nun.
sa kakahanap ko ay nakita ko si Dylan na tumitingin tingin pa sa itaas na parang may iniiwasang mata. Ahuh! ikaw pala ha. Hindi ko inalis ang paningin ko sa kanya hanggang hindi sya lumilingon saakin. Ilang sandali ay tumingin narin sya. 
"Makuha ka sa tingin!" bulong ko habang tinititigan sya. Umirap naman sya at napa iling. Kita mo to, napaka attitude na lalaki hmm. Umirap nalang din ako at binalik ang tingin ko ky Hideo na ngayon ay nakatingin narin pala saakin. Ngumiti ako at kumaway, at ganun din sya.
***
4:15pm na at kaka dismiss lang din ng last period, eto kami ni Hideo, magkasabay nanaman maglakad kaya ang saya-saya ko ngayon.
"Hindi parin ako makapaniwala na yung dati, nangangarap lang ako ng isang Hideo tapos ngayon, may Hideo na sa harapan ko." sabi ko habang nakangiti sa kanya, ngumit din naman sya. Ayan nanaman tayo sa ngiting yan e, nakakalakas ng tibok ng puso. Nakangiti parin sya nang bigla syang dumikit sakin ng kunti tapos inakbayan ako na ikinalaki ng mga mata ko. Napahawak ako sa dibdib ko kasi parang hindi na talaga tumitigil ang lakas ng tibok ng puso ko tapos baka mabaliw pa ako.
"Hatid na kita sa inyo." sabi nya kaya napatingin agad ako sa kanya. OMG, ito na ba yung sinasabi nilang romantic walk? Ack! pero anlayo ng bahay namin so imposible yun.
Hahakbang pa sana kami nang biglang may humintong sasakyan sa tapat namin tapos bumusina na ikinagulat namin dalawa. Muntik na akong atakihin sa puso kasi from kilig to kaba real quick yung paglaks ng tibok ng puso ko. Tumingin kaagad ako sa nagmamaneho at nakita ang mukha ni Dylan. Napakagat sa labi nalang talaga ako kasi panira moment e.
"San kana naman pupunta? sumakay ka na, ihahatid kita." sabi nya kaya nag cross arms ako.
"Ihahatid daw ako ni Hideo kaya no thanks!" sagot ko naman.
"Ako yung inatasang mag hatid-sundo sa yo kaya sumakay ka na, saka isa pa, hindi mo pa yan gaano kakilala sumasama kana agad. Sakay na."
"Pano kung ayaw ko?" pananakot ko kaya lumabas ng kotse si Dylan at lumapit saamin.
"Hali ka na!" sabi nya tapos hinawakan ang kamay ko. Hihilain nya na sana ako nang biglang hinila din ako ni Hideo sa kabila kaya napalingon si Dylan sa kanya. 
Heto ako ngayon, hinahawakan ng dalawang pinaka gwapong nilalalang sa Hill-Top High. Hindi ba ako nananaginip? Ganitong-ganito yung napapanuod ko sa mga drama tapos nababasa ko sa mga kwento e, kung saan pinag-aagawan ang main character ng main at saka second male lead. Hayst! Matutuwa ba ako dito? ganto pala yung feeling no? KYAAAH!
"Bitaw." utos ni Dylan habang naka tingin ng seryoso ky Hideo. Ang mga estudyante naman ay pinagtitinginan na kami.
"Ikaw yung bumitaw, ako yung una nag aya sa kanya sa pag hatid. At hindi lang ako basta transferee lang dahil kaibigan nya na ako." sagot naman ni Hideo kaya kumunot ang noo ni Dylan.
"Ano? Angas mo ah, sabing bitaw e."
"Pasensya na pero hindi ko yan magagaw-" napatigil si Hideo dahil sinabay kong tanggalin ang dalawang kamay ko mula sa pagkakahawak nila.
"teka, teka nga! baka nakalimotan nyo nasa school pa tayo tapos ang haba naman ng hair ko para pag agawan nyo! Para walang gulo, pwede ba kayong dalawa nalang maghatid sa prinsesa?" pag ooffer ko sa kanila at nag palipat lipat ng tingin.
"What do you mean?" tanong ni Dylan.
"sasakay kami dalawa dyan." sabay turo ko sa kotse gamit ang lips ko
"Baliw ka na ba? Hindi ko pa nga yan kilala tapos ipapasakay ko sa kotse ko."
"ah, ayaw mo? edi maglalakad kami!" sagot ko at hinawakan ang kamay ni Hideo "Tara na Hideo!" hahakbang na sana kami nang hawakan nanaman ako ulit ni Dylan.
"Sigi na! sumakay na kayong dalawa." pilit nyang sabi kaya naman ay agad-agad akong sumakay sa backseat at hinila si Hideo.
"hala, sana all!!" 
Narinig kong nagbubulungan ang mga estudyante tapos yung iba kumukuha ng litrato. Napairap naman ako sa inis. Bahala nga sila sa buhay nila, pagod na akong lagi nag aadjust sa kanila.
Pinaandar na ni Dylan ang  sasakyan at bumyahe na kami.
"Ahm, Hideo!" pag tawag ko sa atensyon nya.
"Mmm?"
"Hindi nga pala maayos yung last nyo na pagkikita ni Mama kaya ngayon, magkikita kayo ulit." sabay ngiti ko ng malawak.
"Gusto ko yan." sagot nya at nagngiti-an kami nang biglang pumreno si Dylan dahilan para muntikan akong mauntog sa seat nya buti nalang at sinangga kaagad ni Hideo ang kamay nya para hindi ako tuluyang mauntog. NAgtugma ang mga mata namin at parang nag slow-mo lahat. "Okay ka lang?"
"Uhh...hehe, salamat." at umayos ako kaagad. Panira talaga tong Dylan na to e, halata namang sinadya nya yun. Ngumiti naman ng napaka tamis si Hideo.
Ilang sandali ay nakarating na kami sa bahay at umunang bumaba si Dylan tapos pinagbuksan ako.
"salamat!" pasasalamat ko sa kanya tapos bababa na sana si Hideo nang isinara ni Dylan ang pinto.
"Buksan mo mag isa mo!" sabay irap nya. Agad ko namang binuksan yun. napaka walang hiya talaga nitong Dylan nato.
"Okay ka lang ba, Hideo?" pag aalala ko.
"oo." sabay tango.
ngumiti naman ako at saka kumatok sa bahay pero parang umalis si Mama kasi nakailang katok ako walang sumasagot e.
"May lakad ata si Mama e."
"Pumasok ka na, Eunnie. Wag kang magpapapasok ng ibang lalaki pag kayo lang dalawa, are we clear?" Utos ni Dylan sakin.
"Oo nga, Eunnie. Paalis na rin ako." singit ni Hideo. "Kita nalang tayo bukas!" sabi nya at kumaway kaya kumaway din ako, tapos nun ay umalis na sya.
"Bye! Ingat!"
"Psh!" pagrereklamo ni Dylan sabay irap.
"Ba't ba ang sama mo kay Hideo? Hindi porket kaibigan kita e pwede mo narin syang awayin. Pinili kong kaibiganin sya kaya please, wag mong ganunin si Hideo, maliwanag ba?" sabi ko sabay taas ng kilay. "Sigi na, papasok na ako." pagpapatuloy ko at pumasok na. Buti nalang talaga dalawa yung susi namin sa bahay, kung hindi, hindi talaga ako makakapasok hanggat hindi makakarating si Mama.
Nakakapagod tong araw nato ah! Biglang pumasok sa isip ko yung drawing book. Asan na kaya yun? ba't biglang nawala? Napasimangot nalang ako kasi patay talaga ako neto kay Tito pag nalaman nyang nawala ko yun, wala naman syang ibang pag dududahan kundi ako lang e. Inilabas ko ang isa ko pang drawing book mula sa bag ko tapos naglakad ako papunta sa drawer para ilagay dun. Pag bukas ko ay nagulat ako sa aking nakita.
pumikit pikit pa ako para  malaman kung namamalik mata lang ba ako, pero hindi e. Nakita mismo ng dalawang mata ko na andito ang drawing book na galing ky Tito. Agad ko yung kinuha at binuksan tapos nakita yung ginuhit ko kay Hideo at binasa yung hiling ko sa baba.
"Sana mag ka totoo? Posible bang..." napa nga-nga nalang ako sa natuklasan ko dahil sa nakita ko tapos naalala yung nakaraang araw na pagkatapos kong gumuhit para makatakas si Hideo sa kulungan ay nakatulog ako tapos pag gising ko nasa loob na ng drawer ang libro, tapos kahapon din, pagkatapos kong gumuhit ulit ng tungkol kay Hideo ay nawala rin ang libro tapos nakita ko ulit sa drawer tapos biglang may sumulpot na isang Hideo sa paaralan. posible bang pag natupad yung drawing ko e bumabalik ang libro sa loob ng drawer? 
"Nababaliw na ba ako? Nakakaloka to! Si Hideo talaga yung nakita at nakausap ko!"