3 years ago.
"Nay, alis na po ako!" Paalam ko kay inay na nag lalaba ng kanyang damit, tumingin ito sa akin saka ngumiti. Tumayo sya sa kanyang kinauupuan saka lumapit sa akin.
"Mag iingat ka anak." Sabi niya kaya naman aagd akong tumango habang nakangiti.
"Promise po 'nay, pagbalik ko dito kasama ko na si papa." Proud kong sabi kaya natawa sya, hinawakan niya ang pisngi ko saka hinila upang yakapin. Napapikit naman ako at niyakap din si inay.
"Sana nga anak." Bulong niya saka kumalas sa yakap at tumigin sa akin.
"Sige na, umalis ka na at baka mahuli ka sa bus, mag iingat ka." Sabi niya kaya naman kinuha ko na ang bayong ko saka tumango kay nanay.
"Babalik din po ako." Sabi ko saka naka ngiting tumalikod kay nanay, agad kong nilandas ang nag hihintay na tricycle sa gilid saka muling tumingin kay nanay.
"Yung gamot mo po ha! wag mo pong kakalimutan inumin." Sabi, naka ngiti syang tumango tango sa akin, winagayway ko ang dalawang kamay ko sa kanya saka ngumiti.
"Sa sakayan ng bus po." Sabi ko sa tricycle driver ng makaayus ako ng upo. Ito ang umpisa ng araw kung saan hahanapin ko na si papa. Nilabas ko ang larawan na ibinigay ni inay sa akin saka napangiti habang nakatingin sa larawan ni papa, kasama niya doon si nanay at yakap yakap.
"Makakasama na din po kita, papa." Nakangiti kong sabi saka tinago ang larawan, ilang minuto ng lumipas ng makababa ako sa tricycle at makadating sa sakayan ng bus, bago ako pumasok sa bus kung saan ako sasakay patungo sa bayan kung saan balita ko naruruon si papa ay dumaan muna ako sa isang minimart para bumili ng pagkain na kakailanganin ko dahil ilang araw din ang byahe patungo doon.
Nang makasakay na ako sa bus ay agad akong umupo sa tabi ng bintana at inaabangan na umandar ang bus. Napalingon ako sa tabi ko ng may umupo sa bakanteng upuan na nasa tabi ko.
Napakunot ang nuo ko ng makita kong busy itong nag lalaro ng dumb ways to die.
"Pwede pala mamatay sa ganong paraan?" Mas lalong kumunot ang nuo ko dahil sa sinabi ng lalaking nasa tabi ko. Napatingin na lamang ako sa aking harapan saka huminga ng malalim, wala pa ko sa ibang bayan pero may nakasalamuha na agad akong weirdong tao.
Binaling ko na lamang ang aking paningin sa bintana saka sinalpak ang earphone ko sa tenga at sinaksak ang dulo nito sa nokia kong cellphone.
Balang araw, magkaka cellphone din ako gaya ng cellphone ng katabi kong lalaki.
Sumandal ako sa inuupuan ko saka pinikit ang aking mata upang makatulog saglit ngunit may kampon ng demonyo ang nangalabit sa akin dahilan para mapatingin ako sa katabi ko na nakatingin na sa akin.
"Bayad mo daw." Sabi nito kaya napatingin ako sa mamang nakatayo sa tabi niya saka ngumiti at kinuha ang aking pitaka sa bulsa ng bag ko, ngunit napakunot ang aking nuo ng maramdaman kong wala doon ang pitaka ko. Agad kong hinalungkat ang buong bag ko pero halos lamunin na ako ng lupa sa hiya at kaba dahil sa wala akong makitang pitaka na nandoon.
"Nasaan ang wallet ko?" Kabadong bulong ko sa sarili ko. Napalunok ako at napatingin sa katabi ko na nag labas ng isang libo.
"Bayad naming dalawa." Sabi nito sa kundoktor kaya nanlaki ang mata ko at nakaramdam ng hiya dahil sa ginawa ng lalaking katabi ko.
"Saan ang baba?"tanong nito sa lalaki.
"Isa sa ermita." Sagot ng lalaki saka tinuro ako. "Tanongin mo nalang sya." Sabi niya saka bumalik sa pag lalaro ng dumb ways to die. Napa awang ang labi ko habang nakatingin sa kanya. Nabali lamang ito ng tawagin ako ng kundoktor.
"Sa munisipyo ng Roxas." Sabi ko saka muling bumalik ang tingin sa lalaking nasa tabi ko. Umalis ang kundoktor kaya mas lalo akong nakaramdam ng hiya.
Ano ba? Paano ko ba sasabihin ang salitang salamat sa kanya? Naka earphone sya at nag lalaro ng dumb ways to die. Napalunok ako saka kinalabit yung lalaki pero hindi siya tumingin sa akin. Muli ko syang kinalabit at sa pag kakataong iyon ay tumingin sya sa akin.
Tumaas ang kilay niya at nag aabang ng sasabihin ko.
Tinuro ko ang earphone na naka saksak sa tenga niya kaya naman inalis niya yun, napa ngiti ako.
"Salamat, God bless you." Sabi ko pero naka titig lamang sya sa akin.
"Sabi ko salamat."pag uulit ko.
"Oh tapos?"tanong ng lalaki kaya nagulat ako.
"Sabihin mo 'Youre welcome' hindi ka ba--"
"Ah sige, sige teka lang may kumakausap saken eh." Sabi niya saka tuluyang inalis ang isa pang earphone na naka kabit sa tenga niya. "Ano yun Ms.?"tanong niya sa akin dahilan para mapanganga ako at mahiya sa sinabi ko.
Ibig sabihin, may kausap sya habang naka earphone? Josmio, Lord Patawarin niyo po ako sa inasal at sinabi ko kanina sakanya. Isa lamang po akong tao at nag kakamali.
"Ms.? May sinasabi ka ba?" Tanong nito sa akin kaya napa pitlag ako.
"S-sabi ko, s-salamat." Sabi ko. "G-God bless you." Dagdag ko, hindi siya kumibo saka binalik ang earphone sa tenga niya at nag patuloy sa pag lalaro ng dumb ways to die habang may kinakausap.
Wala talagang welcome? 'walang ano man?'
Napatingin nalang ako sa bintana at pinikit ang mga mata, hindi ko na namalayan ang oras ng makatulog ako. Nagising na lamang ako nong gabi na at makaramdaman ako ng gutom. Kinuha ko ang pagkain na binili ko kanina at napatingin sa katabi kong lalaki pero wala na sya doon at bakante na ulit.
Napa kibit balikat na lamang ako saka hinanap ang pagkain ko ng may makapa ako sa gilid ng bag ko, kumunot ang nuo ko at nakitang yun ang wallet ko.
Napanganga ako ng maalala ko na wala ito doon kanina kaya naman agad ko itong binuksan at nakita ang isang maliit na perasong papel na nakasuksok sa pagitan ng bente at limang daan.
"Nahulog mo kanina, jaan ako kumuha ng pamasahe naten kanina. Anyways, You're welcome."
~D
Halos mahulog ang panga ko sa nabasa ko.
Anak ng sampong aso?!