Dumiretso agad ako sa aking silid upang magpahinga na lang kung kanina ay umaarte lang ako na masakit ang ulo ko ngayon ay parang nagkatotoo na. Humiga ako sa aking kama kahit hindi pa ako nagpapalit ng aking uniform. Muli kong naalala ang tagpong naganap kanina sa University parang biglang sumakit ang puso ko. Hindi ko namalayan na tumutulo na ang aking Mga luha, napaiyak ako ng sobra parang ngayon lang sumabog lahat ng sama ng loob ng aking nararamdaman. Bakit nga ba hindi ako napapansin ni Thomas bata pa lang ako gusto ko na siya. Gusto ko nang maging eighteen para masabi ko na sa kanya na gusto ko siya at sinabi ko sa sarili ko siya ang gusto kong maging boyfriend.
Hindi ko alam kung ilang oras ako umiiyak ng dahil kay Thomas hanggang sa nakatulogan ko na ang aking pagiyak. Madilim na ng ako ay magising, mabigat ang aking ulo pakiramdam ko magkakasakit yata ako. Pagkabangon ko dumiretso agad ako ng banyo at tsaka nag shower pagkatapos kung mag shower ay parang lalong bumigat ang pakiramdam ko, humarap ako sa salamin at kitang kita ang mugto ng aking Mga mata.
Kumatok si Mommy sa kuwarto ko upang yayain na mag dinner na pero hindi pa din ako tumitinag sa harapan ng salamin, hanggang sa buksan niya na lang ang pinto ng aking kuwarto.
“Claire, kanina pa ako kumakatok hindi mo man lang ako pagbuksan”.
“Sorry, mommy I’m not feeling well”.
“Bakit? May masakit ba sa’yo? “
Agad na lumapit sa akin si mommy upang I check ako.
“Oh, nilalagnat ka”.
Agad na kumuha ng gamot si mommy sa medicine cabinet ko kumuha siya ng paracetamol upang inumin ko.
“Gusto mo bang dalhin ko na lang ang dinner mo dito”?
“Huwag na mommy baba na lang po ako, Kaya ko naman po ang sarili ko”.
"Bilisan mo na at bumaba ka na, lalamig ang pagkain”.
Nag suot ako ng pajama imbes na short dahil sa ginaw na ginaw talaga ako, nagsisimula na silang kumain ng bumaba ako at tsaka umupo sa aking puwesto. Nilagang buto – buto ang ulam masarap higupin ang sabaw pero dahil sa wala akong gana hindi ko na enjoy ang pagkain ko.
Si Alex imbis na maaawa sa akin ay inaasar pa ako nito at sinasabing umaarte lamang ako, agad naman akong nagsumbong sa mommy dahil sa pangaasar niya sa akin.
“Hay naku mommy… nagpapaniwala ka kay Claire umaarte lang yan”.
“Anong umaarte, masama talaga ang pakiramdam ko”.
“Weehhh…maniwala ako sa’yo. “
“Alex, tumahimik ka na at masama na nga ang pakiramdam ng kapatid mo eh, iniinis mo pa. “
Saway ng Daddy ko sa kanya.
Inirapan ko si kuya Alex at sabay dila ko sa kanya para kaming bata pa din kung magaway.
“Maniwala ka dyan… love sick lang yan, bukas mawawala din yan”.
Bigla akong namula sa sinabi ni Alex hindi Kaya totoo ang sinasabi niya baka nga siguro love sick lang ito ng dahil kay Thomas. O baka naman… my god alam ni kuya Alex na may crush ako kay Thomas, sinabi niya ba ito kay Thomas.. Hindi, hindi niya dapat malaman kaming dalawa lang ni Betty ang nakakaalam non..
Natahimik na lamang ako sa sinabi niya at pinagpatuloy ang pagkain, pagkatapos ng dinner agad akong umakyat sa aking silid upang mag pahinga. At si kuya Alex ay kinuha agad ang cellphone at may kausap sa kabilang linya si Thomas Kaya ang kausap niya.. Pero hindi sa palagay ko halos pabulong kasi ang salita nito at panay ang ngiti pa, napapahinto siya kapag napapatingin ako sa kanya.
Hindi ko na lamang siya pinansin at isinara ko ang pinto ng aking silid upang magpahinga.
Hindi ako pumasok ngayon kasi nga nilalagnat pa din ako pero maaga pa din akong nagising hinihintay ko si Thomas baka sakaling sabay sila ni kuya pumasok ngayon, pero mag aalas syete na hindi pa din dumadating si Thomas. Nadinig ko ang kotse na umandar agad akong sumilip sa bintana ng aking kuwarto si Daddy lang pala paalis na siya papunta ng office niya. Hindi na din siguro pupunta si Thomas may girlfriend na pala siya si Scarlet at dahil mababawasan na ang pagpunta nya dito madalang ko na din siya makikita. Naghilamos ako at nag toothbrush bago bumaba hindi ako nagsuklay hinayaan kong gulo gulo ang aking buhok tutal naman wala naman Ibang tao ngayon sa bahay si mommy lang.
“mommy… “ tawag ko sa mommy ko habang bumababa ako ng hagdan.
Parang nabuhusan ako ng malamig na tubig ng makita ko si Thomas na nakaupo sa sofa namin na naka basketball uniform. Anak ng tinapa naman oh! Nakapantulog pa ako at gulo gulo ang buhok tapos makikita niya akong ganito ang itsura ko. Tumungin siya sa akin at ngumiti. Tinanguan ko na lamang siya at hinanap ko ang mommy ko sa kusina. Wala si mommy sa kusina pero may nakahandang pagkain para sa akin.
Bumalik ako ng sala ng marinig ko ang kuya Alex ko, ngumiti ako sa kanya pero hindi niya ako pinansin alam niya kasing may pabor na naman akong hihingiin sa kanya.
“Kuya Alex, may laro kayo ngayon? “ tanong ko sa kanya.
“Oo, first game ngayon ng NCAA”.
“Talaga? “ gulat kong tanong sa kanya ibig sabihin opening ngayon hindi ako makakapanood.
“Pwede ba akong sumama? “
“Hindiiiiii….”madiing sabi ni Alex naiinis na naman ako sa kanya Kaya Alex na naman ang tawag ko sa kanya.
“Bakit hindi? “
“Basta, hindi nga pwede ang kulit mo ah. “
Nakalimutan ko na nandoon pala si Thomas, nakikinig at nakatingin lang sa amin kung sa bagay sanay na siyang makitang nagtatalo kami ng kuya Alex Kaya parang balewala na eto sa kanya.
“Mommmmmy… sigaw ko na naman isusumbong ko siya kay mommy.
“Hoy, tumigil ka wala si mommy umalis Kaya pwede ba umakyat ka na sa taas Di ba may sakit ka”?
“Oo nga Claire, magpahinga ka na lang sa TV mo na lang kami panoorin Mamayang four o’clock pa naman Yong start ng game”. Pagsangayon ni Thomas sa kuya ko.
“Tara na Thomas… hayaan mo yan si Claire mangungulit lang yan”.
Sabay kuha sa sport bag niya at lumabas na ng bahay at sumunod naman agad si Thomas.
“Pagaling ka”.
Sabi ni Thomas sa akin bago siya lumabas ng bahay parang gusto kong magtatalon sa tuwa. Wow naman, concern siya sa akin. Kung alam ko lang na nandito siya eh Di sana nagayos ako ng bongga para naman mapansin niya ang kagandahan ko.
Nakangiti ako habang tinitingnan ko silang papalabas ng Gate namin. Kailangan kong gumaling na para palagi ko na siyang makikita pero kapag nasa school na hindi niya na ako mapapansin kasi nga may Scarlet na siya.
Wala akong nagawa kundi ang abangan ang game nila sa TV mas okay sana kung live akong nanonood ngayon, kung bakit kasi ngayon pa ako nilagnat.
Hindi ko namalayan na nakatulog pala ako sa kakanood ng game nina kuya at Thomas. Hindi ko tuloy napanood kung maganda ba ang laro ni Kuya at sympre ni Thomas. Tutal naman marami pang games ang susunod tsaka na lang ako babawi at manonood ako ng live sa stadium at mag checherr ako ng tudong – tudo.
Pero bigla na lang nalulungkot ang puso ko kapag naiisip kong may girlfriend na si Thomas at Di hamak na mas maganda siya kesa sa akin at dalaga na siya kung kumilos hindi katulad ko, bakit ba kasi ang tagal kung maging eighteen para maging boyfriend ko na siya.
Lumipas ang buong linggo madalang ko ng nakikita si Thomas na pumunta ng bahay simula ng naging girlfriend niya si Scarlet kahit sa school hindi ko siya madalas na nakikita siguro, marahil palagi silang magkasama ni Scarlet. Hindi ko din tinatanong kay kuya Alex kung ano ang nangyari na sa kanya.
Sa ngayon, nag eenjoy akong kasama ang Mga kaibigan ko si Betty at si Cyrus Well, naging barkada na namin si Cyrus mabait naman kasi at tsaka medyo may pagka bading kasi siya Kaya hindi kami naiilang ni Betty sa kanya. Sa katunayan gustong – gusto namin siyang kasama.
Sabado ngayon at walang pasok, nagpaalam ako sa mommy ko na pupunta kami ng mall nina Betty may gusto lang kasi akong bilhin na dress at sandals. Agad naman akong pinayagan ni mommy basta bago mag alas syete ay nakauwi na ako.
Mag tataxi lang ako papuntang mall okay lang naman, hindi naman kc kami talaga mayaman na tulad ng Mga nag aaral sa University of Santo Thomas nasa educ pay lang ako mas konti ang binabayaran kong tuition fee yon nga lang kailangan kong e maintain ang Mga grades ko, si Kuya Alex naman varsity ng school Kaya konti lang din ang tuition fee niya. May maliit na business lang kami na pinalago ni mommy at Daddy. Kaya medyo maalwan ang buhay namin.
Sa isang sikat na mall sa Makati kami namili nina Betty at Cyrus. At nang matapos namin libutin ang buong mall sa kakahanap ng gustong dress ni Betty ay nagpasya kaming kumain muna, mag aala singko pa lang naman ng hapon at mahaba pa ang oras namin para mag enjoy ng buong maghapon dito sa loob ng mall. Pizza ang napili namin kainin mabuti na lamang at hindi masyadong puno ang fast food na napili namin.
Matapos kaming makapili ng aming ordering pagkain ay nagtungo na kami sa bakanteng table ng fast food na ito. Sa may bandang pintuan kami naupo at habang naghihintay ng aming pagkain ay masaya kaming nagusap tatlo, pakiramdam ko nga kami lang ang maingay sa loob medyo pinagtitinginan na kami ng Mga tao dito sa loob ng fast food.
Napalingon ako sa bandang likuran ko ang pamilyar na mukha si Scarlet, hindi ako nagpahalata sa dalawa dahil tiyak na magiingay sila pa simple akong tumingin ulit upang tingnan kung sino ang kasama niya, malamang si Thomas nag dadate sila. Lumipas na ang limang minuto ay nagiisa pa din si Scarlet.
Nag excuse ako kina Betty at Cyrus that I need to go in a washroom. Mag re retouch lang ako baka kasi si Thomas ang kasama niya at baka sakaling makita kami maganda ang tingin niya sa akin kahit na kasama niya si Scarlet.
Nang nasa washroom ako agad akong nagpahid ng foundation at naglagay ng konting lipstick nilugay ko din yung buhok ko katulad ng kay Scarlet, Maputi lang siya pero mas maganda pa din ako sa kanya at kapag naging dalaga na akong tunay mas maganda pa din ako sa kanya.
Paglabas ko ng washroom ay sinadya ko talagang dumaan sa kinauupuan nila at sakto paglabas ko may kasama na siyang guy nakatalikod ito at hindi ko masyadong makilala. Lumapit talaga ako ng husto para siguraduhin na si Thomas ang kasama niya. Sinadya kong banggain ang upuan niya para mapansin niya ako.
Halos magkulay suka ako dahil sa kaba ng makita kung sino ang kasama ni Scarlet, hindi ako makapaniwala, totoo ba ito? Bakit siya? Anong ginagawa ni kuya Alex dito bakit magkasama sila ni Scarlet?
“Kuya Alex? “ tawag ko sa kanya.
Siya din ay nabigla ng makita niya ako hindi namin akalain na magkikita kami dito.
“Anong ginagawa mo dito”? Halos sabay na tanong namin sa isat isa.
“Kasama ko ang Mga kaibigan ko. “ Itinuro ko ang table namin kung saan kami naroroon.
“Ikaw? Bakit nandito ka? “
Tanong ko sa kanya at sabay tingin ko kay Scarlet, ngumiti siya sa akin at nag hi.
Hindi ko siya pinansin at bumaling ulit ako kay Kuya Alex.
“Huwag mo ng itanong.. Bumalik ka na doon sa Mga kaibigan mo. “ pagtataboy niya sa akin.
Pero hindi ako tuminag hanggat hindi niya ipinakilala sa akin si Scarlet, tiningnan ko siya ng masama at nginguso sa kanya kung sino ang babaeng kasama niya pero ang totoo kilalang kilala ko na siya.
“Oo nga pala… Scarlet si Claire pala kapatid ko. “
Ngumiti ako sa kanya at nag hi.
“Hi, kamusta? Enjoy kayo ng kuya ko he he he… Bye… “
Sinamaan ako ng tingin ni Kuya Alex at binalewala ko lang siya at sabay irap ko sa kanya.
Nang maupo na ako sa puwesto namin ay siya naman pagdating ng aming inorder.
Hindi pa din mawala sa isip ko kung bakit kasama ni Kuya Alex si Scarlet Akala ko ba si Thomas ang boyfriend niya. So, ibig sabihin nag two timer siya kay Thomas. Oh, my god hindi!!!
Hanggang sa matapos na kaming kumain at nandoon pa din sina kuya Alex at Scarlet at masayang naguusap. Napakaharot naman pala nitong babae na ito ang Kuya Alex ko pa at si Thomas ang pinagsabay niya.
6:30 pa lang ay nakauwi na ako ng bahay at ang kuya Alex hanggang ngayon ay wala pa, ano bang meron sa Scarlet na iyon at nababaliw si Thomas at si kuya Alex sa kanya. Nanood na lamang ako ng favorite series ko sa netflix kesa naman magaksaya ako ng oras ng kakaisip ko sa kanila.
Mag alas otso na ng marinig ko ang pagdating ng kotse ni kuya Alex. Pinagbuksan ko siya ng Gate upang maipasok ang kotse niya.
At sa hindi ko Inaasahan ay kasama si Scarlet na bumaba ng kanyang kotse. Labis tuloy akong naguluhan sa kanila. Sino ba si Scarlet sa buhay ni Kuya at ni Thomas? Ano ba ang relasyon niya sa kuya ko? Mga tanong sa isip ko.
Natulala na lamang ako ng ngumiti si Scarlet sa akin, hindi ko siya nabati man lamang baka akalain niya at nag susuplada ako sa kanya. Sinundan ko na lamang sila ng tingin habang papasok sa loob ng bahay at ako naman ay mabilis na isinara ang Gate at nagmadaling sumunod sa kanila. Interesado ako kung ano ang koneksyon ni Scarlet sa kuya ko at kay Thomas,.