Kabanata 3.
  "Sama ka sa'min, cutting tayo," bulong sa akin ni Mikaella.
  Kasalukuyan kaming kumakain ng lunch sa cafeteria. Ang iba ay tahimik na kumakain, habang ang mga kasama ko ay nangingibabaw ang kaingayan.
  Matapos ng nangyari noong isang araw, hindi ko pa talaga sila tuluyang pinapansin. Panay ang pag-hingi nila sa akin ng sorry ngunit sa totoo lang, hindi naman talaga ako mahilig magtanim ng galit. Buti na lang talaga at hindi totoong may nangyari sa amin ni Shivan...
  Umiling ako at saka nagpatuloy sa pagkain. Ilang beses na ba nila akong inaya na mag cut ng klase?
  "Napaka neto!" Inis na sabi ni Jamila pagkatapos ay uminom ng iced tea sa plastic cup na hawak niya.
  "Wala naman tayong exam," gatong pa ni Roxy.
  "Ayoko talaga eh, pasensya na." Sagot ko.
  Pare pareho silang bumuntong hininga. Alam ko namang gusto lang nilang humingi ng tawad sa nangyari. Pero hindi naman ako papayag na sa ganitong paraan.
  "Saan ba tayo pupunta?" tanong ni Roxy kay Jamila.
  "Sa apartment parin." Sagot ni Jamila.
  "Okay." Sabay na sagot ni Mikaella at Roxy.
  "Dalawang klase na lang naman, Mad. Sige na sumama ka na!" Pangungulit pa ulit ni Roxy.
  "Ayoko nga kasi." Agad na tanggi ko ulit.
  "Sa pagkakaalam ko talaga, birds with the same feather flocks together!" Inis na sabi ni Mikaella.
  Bahagya akong natawa sa sinabi ni Roxy. Mga bad influences talaga!
  "Mukhang hindi talaga natin siya mapipilit," malungkot na sabi ni Jamila.
  Hay salamat at mukhang sumuko na sila. Ayoko na talagang gumawa ulit ng kasalanan sa mga magulang ko. Kahit na hindi naman nila malalaman, natatakot pa rin ako.
  "Can we sit here?" Nag-angat ako ng tingin at nakita si Cash na papaupo na sa tabi ni Jamila.
  "Yeah, para naman kayong iba." Sagot ni Mikaela.
  Hinayaan ko na si Cash doon at nagpatuloy na ako sa pag-kain ngunit maya-maya'y may umakbay sa akin. Hahayaan ko nga lang sana dahil akala ko ay si Harold ngunit nagulat ako nang paglingon ko ay iba pala.
  "Shivan?" Takang tanong ko.
  "Yeah, sino pa bang ini-expect mo?" Taas kilay na tanong niya.
  "Mukhang nagkakaroon na ng sparks!"  hindi ko alam pero parang naiinis ang pagkakasabi niyon ni Jamila.
  "Grabe, friends lang kami..." Iiling iling na sagot ko.
  "Ouch, itinatanggi mo ba ako?" Kunwari ay nasaktan na tanong pa ni Shivan. May pa-hawak hawak pa siya sa dibdib niyang nalalaman.
  "Ewan ko sa'yo Shivan," sabi ko sabay irap.
  Pinabayaan ko na silang mag-usap usap doon. Ang kaninang maingay na lamesa namin ay biglang napuno ng bulungan. Narinig ko pa ang sinabi ni Harold na dadaan daw sila sa likod ng school kung saan mababa ang pader. Mga loko-loko talaga.
  Naabala ako sa pag inom ko ng orange juice ng marahamg sikuhin ako ni Shivan.
  "Ikaw, hindi ka sasama?" tanong niya.
  Nag angat ako nang tingin sa kanya tsaka ibinaba ang baso ng juice sa lamesa.
  "Hindi ako nagka-cutting, eh." Sagot ko.
  "Naku, wag mo nang asahan 'yan si Mad. Ganyan 'yan, super bait na anak." Ani Mikaela.
  Nagkibit balikat na lamang ako.
  Pagkatapos kumain ng lunch ay pumasok na ako sa klase, sila Mikaela ay umalis na para mag cutting. Ilang beses pa nga nila akong pinilit pero hindi talaga nila ako napilit.
  Abala ako sa pagsusulat sa notebook ng mga nakasulat sa blackboard nang bigla akong kalabitin ng president namin sa classroom na si Harold.
  "Nag cutting na naman sila Jamila?" taas kilay na tanong niya.
  "Ewan, bakit ako ang tinatanong mo?" pabalang na sagot ko at saka muling ipinagpatuloy ang pagsusulat.
  Hindi manlang yata 'to natatakot na mahuli kami ng teacher namin. Kunsabagay, president kasi.
  "Eh, ikaw ang kaibigan ng mga 'yon di ba?" Tanong pa niya.
  Hindi ko na siya muling pinansin pa. Hinayaan ko na siya kahit na panay ang kalabit niya sa akin. Hindi ko alam kung anong trip ng lalaking 'to at palaging ang mga barkada ko na lang ang pinapansin.
  "Tara, gala tayo!"
  Gulat na napalingon ako kay Harvey ng sabihin niya iyon. Kasi, bakit niya naman ako yayayaing gumala?
  "Ayoko, uuwi na ako Harvey." Sagot ko at saka akmang isusukbit na ang bag ko sa aking balikat ngunit hindi ko nagawa dahil bigla niya iyong inagaw.
  "Harvey! 'Yung bag ko!" Sigaw ko sa kaniya.
Ngunit hindi niya ako pinansin. Mabilis na tumakbo siya palabas ng classroom kaya wala akong choice kundi ang tumakbo na lang din para habulin siya. Ang bilis pa naman niyang tumakbo dahil ang hahaba ng biyas niya. MVP sa basketball team namin sa school ang isang ito, eh.
  "Harvey naman eh! Akin na kasi 'yang bag ko!" naiinis na sigaw ko sa kaniya.
  "Go on a date with me and I'll give it back to you!" tuwang tuwa na sabi niya.
  Pero ako, hindi natuwa. Dahil sa wakas. Sa tagal ng panahon na nangungulit siya sa akin, umamin din siya. Sabi ko na nga ba, eh. Hindi ako manhid. Huminto ako sa pagtakbo at inis na tinitigan siya.
  Huminto rin sjya sa at nagtatakang tiningnan ako. "Oh, bakit? Ayaw mo nang kunin 'tong bag mo?"
  'Tsaka ko lang narealize na nasa labas na kami ng school.
  "Stay there." Mariing utos ko.
  Ngiting ngiti siya habang papalapit ako sa kaniya. Ang sarap sabunutan ng buhok niyang maayos na nakawax pa talaga.
  Nang makalapit ako sa kanya ay kaagad kong kinuha ang bag ko na hawak hawak niya.
  "So," kinagat niya ang pang ibabang labi niya 'tsaka ngumiti sa akin. "Payag ka na bang makipagdate sa akin?"
  Ngumiti ako sa kaniya ng matamis at saka ako nag-angat ng kamao. Mabilis na pinatama ko iyon sa kaliwang pisngi niya. Sa lakas ng pagkakasapak ko sa kaniya, tumabingi ang mukha niya. Gago, eh.
  "W-what... was that for?!" gulat na tanong niya sa akin habang hawak pa rin ang kaliwang pisngi niya.
  "Para sa pagpapahabol sa akin at pag-blackmail na hindi mo ibibigay ang bag ko kung hindi ako makikipagdate sayo." Kalmadong sabi ko.
  Tuluyan ko siyang tinalikuran at saka isinukbit iyong bag ko sa balikat ko. Naiinis talaga ako kapag ganitong iniisahan ako. Iyong akala naman nila, maiisahan nila ako.
  "Good for you, Montes! Asshole!"
  Hindi ko naituloy ang akmang paglalakas nang marinig ang boses ni Shivan.
  "Mas asshole ka sa'kin gago!"
  Pumihit akong muli paharap sa kanila. Naabutan ko nga sila roon na tila may magkarugtong na kuryente na nanggagaling sa mga mata nila. Napailing na lang ako dahil mukhang mag-aaway pa yata silang dalawa.
  Mabilis na hinawakan ko sa balikat si Shivan. Mukhang lasing na kasi siya dahil sa namumungay niyang mga mata.
  "Tara na, Shivan!" utos ko sa kaniya.
   Pero hinawi niya lang ang kamay ko sa balikat niya at pinalitan iyon ng braso niya. Siya mismo ang umakbay sa akin. Kamuntikan pa nga akong mabuwal dahil ang bigat niya at mukhang malapit na siyang bumagsak.
  "Gusto mo ba siya?" mayabang na tanong ni Shivan kay Harvey.
  Bahagyang umawang ang labi ni Harvey at saka lumingon sa akin. Nakita ko ang sakit sa mga mata niya pero pinilit niyang ngumiti.
  "Kayo ba?" kuryosong tanong niya.
  Hindi ako nagsalita, ayoko nang pahabain pa. Isa pa, mukhang may dating hidwaan na sa pagitan nilang dalawa.
  Tumawa lang si Shivan at pinihit ako patalikod kay Harvey. Tila natutuwa pa talaga sa naging reaksyon ng kaaway niya.
  "Akala mo kung sinong makapagsabi na gago ako, eh mas gago nga sya sa akin." Bulong ni Shivan.
  Hinayaan ko na lang. Mukhang may away nga talaga silang dalawa. Malas ko lang at ako ang pumagitna sa kanilang dalawa ngayong araw.
  "Bakit ka pala pumunta rito? Tapos na kayong mag-inuman?" Pag-iiba ko ng usapan.
  "Sinundo kita," sagot niya.
  Lumingon siya sa akin. Ewan ko pero bigla akong kinabahan dahil sa simpleng tingin niya. Siguro dahil wala pa namang tumitig sa akin ng ganito.
  "Bakit ba ang ganda mo?" marahang tanong niya at saka ko naramdaman ang pagdampi ng tungki ng ilong niya sa pisngi ko.
  Sa kaba ko, mabilis na inilayo ko ang mukha ko sa kaniya. Inalis ko rin ang braso niyang nakaakbay sa akin. Bakit ganito? Ang lakas ng kaba ko.
  "Bakit mo ako sinundo?" Halos mautal pa ako sa tanong na iyon.
  Tumawa siya saglit bago bumaba ang tingin sa daan. Mabuti nga at nakakalakad pa siya ng diretso kahit na lasing na siya.
  "Gusto ko, nakakainis ka kasi, eh. Hindi ka sumama eh, ikaw lang 'yung close ko sa mga babae," sagot niya.
  Hindi na ako nagsalita pa. Gusto ko sanang tanungin kung may away ba talaga sa pagitan nila ni Harvey dahil nakita ko ang tensyon sa tinginan nilang dalawa pero naisip ko na huwag na lang mangielam.
***