ANG Death Track na sinasabi sa note ay hindi punerarya gaya ng inaasahan niya kundi isang malawak na motocross racing track na nasa likod ng bahay ni Jacove, nasa gitna iyon ng matataas na pader at ang mga pader na iyon ang pipintahan niya. So, isa na itong motocross racer at may sariling racing track. Batid niya na mayaman ang angkan na pinagmulan ni Jacove pero hindi pa rin niya napigilang mamangha habang kinukuwenta sa isip kung gaano ito kayaman at nakayanan nitong magkaroon ng pribadong karerahan.
"Kaya mo bang tapusin ito ng isang buwan? The next Motocross of Nations will be held here next month," wika ni Jacove. Nakatayo sila noon sa itaas ng isang burol kung saan natatanaw nila ang kabuuan ng track. The place was vast, and the walls were taller than she's expecting, hindi niya kayang pintahan ang lahat ng iyon nang mag-isa lang.
"Motocross of Nations?" tanong niya, bahagya niya itong sinulyapan. Naalala niya na minsan nang nabanggit ni Kian sa kaniya ang event na iyon. Hindi niya akalain na pareho pa ng propesyon ang dalawang hudyo sa buhay niya.
"It's like Olympics of Motocross," Jacove said with a shrug. "So, kailan mo pa ginagawa ito?"
"Huh?"
"Mural painting, I mean. From what I can recall, you're a business graduate."
"Business graduate ka rin pero bakit sa motocross racing ka napunta?" balik-tanong niya dito.
He made a soft laugh. "Unang-una, ayoko ng business, I just took that course to please my Dad," wika nito. "I love competition. Gusto ko rin ang laging nananalo, I love it when people cheered for me and every time I'm racing, pakiramdam ko ay pag-aari ko ang mundo. I felt like the king of my own kingdom."
"Huh, you sound like Kian."
"Who's Kian?"
"My ex. Motocross racer din siya," mapakla niyang sabi.
The corner of Jacove's mouth twisted upward, he's smirking. "I would love to beat him one day," wika nito sabay sulyap sa kaniya. Nang magtama ang mga mata nila ay parang biglang may bumara sa lalamunan niya. Hindi niya akalain na ang ganoon ka-simpleng eye contact ay posibleng maghatid ng kakaibang pakiramdam sa kaniya. It's a feeling she cannot name.
"Me, too," aniyang umiwas ng tingin saka pasimpleng bumuga ng hangin. "Okay, let's get back to business. One month is enough, pero hindi ko kayang tapusin iyon na ako lang. Kukuha ako ng mga tutulong sa akin. Oras ang babayaran mo sa amin, ten hours a day with one hour break and one day off every week—nakikinig ka ba? Ano'ng ginagawa mo?"
"Naghuhubad, naiinitan na ako dito sa suot ko," anito habang nasa kalagitnaan ng paghubad ng leather racing suit nito, hanggang kalahati lang ang hinubad nito pagkatapos ay itinali nito sa beywang ang mga manggas ng suit. May doble itong puting T-shirt pero basa iyon ng pawis kaya bumabakat doon ang matipuno nitong dibdib at nakaluwa din ang mga biceps nito na siksik sa muscles. Noon pa man ay maganda na ang built ni Jacove ngunit mas na-enhanced pa iyon sa paglipas ng mga taon, he's a full grown man now with an overloading sexiness. "Pinagpapawisan ka, baka gusto mo ring maghubad—ow!"
Malakas niya itong hinampas sa sikmura saka tinalikuran at naglakad pabalik sa bahay nito. Isang buwan—isang buwan niyang makakasalamuha ang lalaking ito. Lord, bigyan pa po Ninyo ako ng mahabang pasensiya. Trabaho po ang hanap ko at hindi murder victim, dasal niya.
Kung hindi lang siya nanghihinayang ay hindi niya tatanggapin ang trabahong iyon. Mag-iisang buwan na rin kasi siyang walang bagong project, paubos na ang pera niya sa bangko at isang tambak ang bills na babayaran niya kaya kahit na demonyo itong bagong kliyente niya ay sige lang.
"Kailangan ko ng advance payment para pambili ng materyales," wika niya nang makabalik sila sa sala, naroon pa rin si Jigz Cuesta, agad itong tumayo nang makita si Jacove na paparating.
"Okay. Jigz, ibigay mo ang lahat ng kailangan niya," utos nito sa assistant na agad tumango at dumukot ng check booklet pagkatapos ay ibinalik ni Jacove ang tingin sa kaniya. "Mamaya ka na umalis, hintayin mo ako, I'll just take a quick shower."
Awtomatiko na umangat ang isa niyang kilay. "Why?"
"Ihahatid kita pauwi."
"Why?"
"Dahil gusto ko," walang ano man nitong sagot. "Ask me why again and I'll kiss you, my sweet little kitten." A sweet smile appeared on his lips, making her gaped at him in awe and shock. Pakiramdam niya ay na-dislocate ang panga niya dahil sa sinabi nito kaya hindi siya agad nakapagsalita. Palipat-lipat naman ang tingin ni Jigz sa kanila, maging ito ay halatang nagitla. "There, that's better," Jacove said again then head for the staircase.
"My god, he's crazy," usal niya nang tuluyan nang mawala sa paligid si Jacove.
"I agree," segunda ni Jigz sabay tapon sa kaniya ng makahulugang tingin.
***
"LOOK, hindi mo na ako kailangang ihatid. As you can see, may dala akong sasakyan," aniya kay Jacove saka iminuwestra ang pick-up truck niya.
"Oh, is that a car? More like a junk to me," pang-aasar nito. She scowled at him and hopped inside the car. Ini-start niya agad ang sasakyan but to her shock, bigla na lang ipinasok ni Jacove ang braso sa bintana ng driver's seat at inalis sa keyhole ang susi.
"Ano ba'ng trip mo?" asik niya dito. "Hindi ba talaga maku-kumpleto ang araw mo nang hindi ako ini-inis?"
"I just want to drive you home, what's so irritating with that?" pa-inosente nitong tanong habang pinapaikot-ikot sa hintuturo ang keychain.
"Give me that!" Akma niyang hahablutin ang susi dito pero maagap itong nakalayo.
"Kunin mo," nakangisi nitong sabi sabay lagay ng susi sa bulsa ng pantalon nito. Padabog na bumaba siya ng pick-up, malalaki ang mga hakbang na lumapit kay Jacove at hinampas ito sa dibdib pero nahawakan nito ang kamay niya sabay hila sa kaniya palapit. Her breasts crushed with his chest, his other hand automatically wrapped around her waist and their faces were inches apart. Dumadampi sa mukha niya ang mainit nitong hininga, napawi naman ang mapang-asar na ngiti sa mga labi nito at ang mga mata nito ay biglang naging seryoso. "Gusto mo bang malaman kung bakit lagi kitang iniinis, Ellice?" he asked, almost whispering.
Yes, gusto niyang malaman. Magmula pa noong nasa college sila ay iyon na ang bumabagabag sa isipin niya. Bakit siya ang paboritong asarin ng campus' crush na si Jacove de Luna?
"No," mariin niyang sabi sa halip sabay dukot sa bulsa ng pantalon nito. Bigla itong napatayo nang tuwid nang masagi ng kamay niya ang hindi niya dapat masagi. She smiled at him triumphantly, stepped backwards and ran towards her car with the key on her hand. Naiiling-nangingiti ito at hinayaan siyang makaalis.
Wew, that was close. Deep inside her ay may nararamdaman siyang katiting na panghihinayang, dapat ay yes ang isinagot niya dito. Yes, Jacove, I wanted to know why you love teasing me. Marami na ang nagbago sa kanila but still, paborito pa rin siya nitong inisin which is a very childish act.
Dumiretso muna siya sa cafeteria ng Mommy niya matapos mabasa sa text nito na naroon daw ang Daddy niya. Pagdating sa café ay agad niyang namataan ang ama sa counter, katabi si Alia at kaharap ang ina nila na hindi maipinta ang mukha.
"Daddy!" masigla niyang bati sa ama nang makalapit. She embraced him from behind and kissed him on the cheek.
"Who is this beautiful lady?" masuyo nitong tanong nang lingonin siya, napahagikgik siya habang ang Mommy niya ay napaingos. Gusto niyang matawa sa hitsura nito. "Ah, my other baby. Halos hindi na kita makilala, anak."
"Dad, isang buwan lang tayong hindi nagkita-kita," Alia reminded him then proceeded on sipping her mocha. Their Dad made a chuckle then embraced them both.
"Wala pa ba akong magiging apo sa inyo? Nami-missed ko na ang may kinakargang baby, malalaki na kayo para kargahin ko pa," wika ng Daddy nila. Pumuwesto siya sa likod ng counter katabi ng Mommy niya at gumawa ng sarili niyang maiinom.
"I'm still young for that, Dad. Si Ellice naman ay medyo alanganin dahil kaka-break lang nila ng boyfriend niya at matatagalan bago 'yan makahanap ng bago. Gumawa na lang kayo ulit ni Mom, kahit menopause baby puwede na—"
"Allisandra, you get out of my shop," gigil na sabi ng Mommy nila sabay turo sa pinto ng shop.
"I'm just kidding. Bagay kay Mommy ang nagblu-blush, right, Dad?"
"Right," their Dad said with a smile while beaming at their Mom. Dahil doon ay mas namula ang mga pisngi ng Mommy nila. She's tempted to roll her eyes. God, they're like a couple of teenagers.
"Ma'am Ellice, paistorbo po muna," wika ni Marie, isa sa mga crew ng Mom's Café. "Iyong customer po kasi sa table nine, gusto niyang kayo ang mag-serve sa kaniya."
Sabay-sabay nilang binalingan ang table nine. Ganoon na lamang ang pagkabigla niya nang mapagtanto kung sino ang naroon—si Jacove iyon, tila nagniningning ang mga mata nito habang nakamasid sa kaniya. What the hell was he doing there?
"Sabihin mo sa kaniya, hindi ako service crew dito."
"Ellice, he's a customer. You know the saying, customer is always right," may himig-panenermon na wika ng ina. Muntik na niyang maipadyak ang paa dahil sa pagka-aburido.
"Mom, hindi naman ako nagtatrabaho dito," maktol niya. Tiningnan niya ang ama para humingi ng tulong pero kay Jacove ito nakatingin, tila kinikilatis nito ang binata.
"He seemed like a nice guy," komento ng Daddy niya. "Pagbigyan mo na, anak."
"Huwag mong pinaghihintay ang customer, Ellice, go now." Inilagay ng Mommy niya ang menu sa kamay niya saka siya ipinagtulakan palabas ng counter.
"I don't work here," she hissed again and shot Jacove a threatening look. Ngumiti naman ang loko sabay taas ng baso ng tubig sa direksiyon niya. "At saka kilala ko 'yang taong 'yan, he's my new client."
"Talaga? If that's the case then, we should meet him properly—"
"Dad, no—Dad!"
But her father was already walking at Jacove's direction, nang makalapit ang Daddy niya ay tumayo si Jacove at nakipagkamay dito. In spite of the panic she's feeling, she can't help but admire Jacove's show of respect towards her Dad. Kung si Kian iyon ay baka tiningnan lang nito ang ama niya or much worst ay supladuhan pa nito.
"In fairness, guwapo, sis," bulong sa kaniya ni Alia.
"Yes, very handsome, indeed," their Mom whispered in agreement. Nang balingan niya ito ay sa Daddy nila ito nakatingin. Kung nasa ibang sitwasyon lang sila ay baka inasar na niya ito pero wala siya sa kondisyon para makipagbiruan. Jacove was there, inside her Mom's shop and was talking seriously to her Dad. Bakit ang tagal mag-usap ng mga ito? Ano ang pinag-uusapan nila?
Pagkatapos ng ilang saglit ay magkasabay na naglakad palapit sa kanila ang dalawang lalaki, kapansin-pansin na napapalingon at napapangiti kay Jacove ang mga babaeng customers sa loob, maging ang mga crews nila ay namimilipit sa kilig sa isang tabi.
"Ang sabi mo ay kliyente mo itong si Jacove," wika ng Daddy niya pagkalapit na pagkalapit nito sa kanila. Tinapunan niya ng matalim na tingin si Jacove, halata naman sa mukha nito ang pinipigil na ngiti.
"He is," giit niya sa ama pero hindi na ito nakatingin sa kaniya kundi sa Mommy niya.
"Elena, this is Jacove de Luna, Jacove, this is Ellice's beautiful Mom," pagpapakilala ng ama sa dalawa. She saw her Mom blushed even more.
"Pleasure to meet you, Ma'am," Jacove said gently, leaned forward and kissed her Mom's hand. "I'm Ellice's new boyfriend."
What? Bulalas niya sa isipan. Muntik na niyang maitapon ang menu na hawak. Anak ng tokwa! Ano na namang klaseng kalokahan ang ginawang iyon ni Jacove?