"WOAH!" bulalas ni Ellice nang muntik na siyang mahagip ng humahagibis na motorsiklo. Maagap siyang nakaiwas ngunit nawalan siya ng balanse at natumba sa mga yellow tops na nakatanim sa gilid ng daan, nagkasabug-sabog sa paligid niya ang mga dalang aklat at folder na naglalaman ng drawings niya para sa latest edition ng Student's Journal—ang school paper nila kung saan siya illustrator. Nagngingitngit na napatayo siya at nilingon ang walanghiyang driver ng dirt bike.
"Sorry," nakangising wika ng lalaki na noon ay nakababa na ng motorsiklo, hawak nito sa isang kamay ang red and black helmet habang ang isang kamay ay nakahawak sa may kahabaan nitong buhok upang pigilan iyon sa pagtakip sa mga mata. "Ang akala ko kasi isa ka sa mga kuting na gagala-gala dito sa campus."
Jerk. Kung hindi pa niya alam, gusto talaga nitong isagasaan siya. Ruining her day was Jacove Alfonse de Luna's favorite past time since their first day in college.
Mas lalo itong napangisi nang makita ang pamumula ng mga pisngi niya pagkatapos ay isinampay nito sa balikat ang puting polo at maangas na naglakad patungo sa gusali ng College of Business. Marahas na dinampot niya ang mga gamit, pinagpagan ang palda at nagmamadaling tinungo ang parehong gusali. Bago pa man niya tuluyang marating ang entrada ng gusali ay isang ideya ang pumasok sa isip niya. She grinned widely as she passed by his motor bike; she pushed it using all her strength until it fell on the ground with a loud crash.
"Oops, sorry," walang gana niyang sabi. She heard a giggle behind her. She swirled around and saw her friend Lhian Sylvano, photographer ito ng Student's Journal kaya laging may nakasukbit na camera sa leeg nito. "Don't worry, my lips are sealed," she said and winked at her. "Basta huwag mo lang gagalawin ang motorbike ng Zyke ko." Tinapunan nito ng tingin ang white and black na motor katabi ng kay Jacove.
"Si Jacove lang ang target ko," nakangisi niyang sabi sabay kuskos ng ilalim ng sapatos sa manibela ng nakatumbang motor. Mmm, that feels better.
Ipinagpatuloy niya ang paglalakad patungo sa gusali at nadatnan sa pasilyo si Jacove na napapaligiran ng limang babae na pawang mga sophomores mula sa College of Science. The jerk was having a great time judging by the look on his annoying face. Kitang-kita niya ang pagkislap sa mga mata nito nang makita siyang paparating, mahigpit na niyakap niya sa tapat ng dibdib ang mga libro at nagpatuloy.
"Hey, kitten," tawag nito sa kaniya nang lagpasan niya ang mga ito. Kitten? In Tagalog kuting? Oh geez, she wanted to curse him. "Ellice Inocencio, may tagos ka!"
Napalingon siya sa likurang bahagi ng palda at napasinghap. Hindi dugo ang nakikita niya doon kundi putik, marahil nakuha niya kanina nang matumba siya—thanks to Jacove. Matalim na tiningnan niya ang binata, tatawa-tawa ito habang naka-akbay sa dalawang babae.
"Bastard!" singhal niya dito ngunit sa halip na masindak ay mas lumakas ang tawa nito. "May araw ka rin sa akin, de Luna."
"Oh, I'm sorry pero ayoko ng araw. I prefer night time, kitten, with the lights on," he said while sneering then stared down at her breasts. Napahagikgik ang mga babae sa tabi nito habang siya ay parang sinisilaban ang mukha dahil sa magkahalong galit at kahihiyan.
"Mag-crash ka sana sa motor mo, buwisit ka!" sigaw niya sabay takbo paalis bago pa man niya mapatay sa sakal ang walanghiyang si Jacove de Luna.
Isa lang iyon sa dahilan kaya labis na kinamumunghian niya si Jacove. Sa araw-araw na ginawa ng Diyos ay hindi pumapalya si Jacove sa pang-aasar sa kaniya at ang pinakamatindi ay noong i-nominate siya nito bilang muse ng Junior Executive Club—ang club na binubuo ng Management Students kung saan sila parehong miyembro. She got the highest vote because most of the club members were Jacove's supporters and friends. Hindi pa doon natapos ang scheme ng binata, ini-nominate din nito ang sarili bilang escort niya. She can still remember the triumphant smile on his face as he got the highest vote, waved at the cheering crowd and stood beside her. At para maging lubusan ang kalbaryong sinasapit niya, bigla na lamang itong yumukod at hinagkan siya sa mga labi. Saglit lang na nagkadaiti ang mga labi nila ngunit malaking impact ang nilikha no'n sa kaniya dahil iyon ang first kiss niya. Yes, twin brother ni Lucifer ang unang lalaking nakahalik sa mga labi niya.
"So, how are you, Ellice?" wika ni Jacove dahilan para bumalik sa kasalukuyan ang isip niya. It has been seven years but the memories were still fresh on her mind as if it all happened yesterday. Maging ang inis na nararamdaman niya para dito ay sariwang-sariwa pa rin.
"I'm sorry pero hindi ako si Ellice," aniya sabay hablot ng sapatos mula dito.
"Oh c'mon, kitten, alam kong ikaw 'yan." Muli nitong pinasadahan ng tingin ang kabuuan niya, napangisi at mahinang sumipol. "Nice figure, iba na talaga ang nagagawa ng surgery ngayon—"
"Jerk!" bulyaw niya sabay tulak sa dibdib nito. "You know what? Binabawi ko na ang sorry ko dahil tinamaan ka ng sapatos ko. Instead ito ang sasabihin ko: buti nga sa'yo, sana ay nabukulan ka."
Marahan itong tumawa, sa loob ng ilang sandali ay napatulala siya dito. Bulag siya kung sasabihin niya na hindi siya naguguwapuhan kay Jacove. In the first place ay hindi ito magiging campus' crush kung hindi ito guwapo. Sa paglipas ng panahon ay mas gumuwapo ito. The campus heartthrob has transformed into a total hunk. But he's still the jerk who made her college life miserable—and unforgettable.
"Jeez, kitten, ang tapang mo pa rin—"
"Stop calling me kitten, will you? Do I still look like a kitten to you?" tanong niya at itinuro ang sariling mukha. Humalukipkip si Jacove, pinaglakbay nito ang mga mata sa mukha niya pagkatapos ay ngumisi.
"Yes, marami na ang nagbago sa'yo. Lumapad ang balakang mo, nagka-beywang ka na rin and your breasts..." He took a peek of her cleavage exposing from her V-neck blouse. "Hmm...very nice." She felt her cheeks burn. Iniawang niya ang bibig para muli itong bulyawan ngunit bigla na lamang nitong inilapat ang hintuturo sa labi niya. "Sssh, hindi pa ako tapos magsalita. You're a grown up woman now but for me, you're still the cute little kitten that I love to tease." Kinindatan siya nito dahilan para tumalon ang puso niya. Oh no, bakit naapektuhan siya nang ganoon sa pinag-gagawa ni Jacove?
Tinabig niya ang daliri nito. "Wala ako sa mood para patulan ang psychotic na gaya mo," aniya sabay lapag ng pink stilettos sa lupa at isa-isang isinuot. "It's nice meeting you again, I hope ito na ang huli," she added with sarcasm then turned on her heels without waiting for Jacove's response.
She heard him chuckle. "Oh, and Ellice—"
"What?"
"May tagos ka."
"Sira ulo," magkatagis ang mga bagang na wika niya at binilisan pa ang paglayo sa lugar. God, that night was a disaster.