TAHIMIK na inaaayos ni Abby ang mga gamit niya sa bago niyang lamesa simula sa araw na iyon. Nasa labas ng opisina ng boss niya ang lamesa niya kung saan may maliit na cubicle na para lang sa kanya or should she say na para sa secretary ng CEO. Hindi naman niya masasabing sobrang liit nito dahil sapat naman ang espasyo para malaya siyang makakilos at hindi mahirapan. May isang hindi kalakihang kabinet din sa gilid ng table kung saan nakalagay ang mga documents na dapat pa niyang pag-aralan. She sighed.
Masyadong biglaan itong pagbago ng trabaho niya at aamining niyang lubos siyang naninibago roon, idagdag pa na hindi siya komportable sa presensya ng bagong boss niya. And speaking of her boss, mag-aalas itso na pero wala pa ito, mukhang hindi early bird ito pagdating sa trabaho, hindi katulad ni Sir Anton na seven pa lang ng umaga ay nasa opisina na ito.
Nakahinga ng maluwag si Abby sa isiping iyon, atleast may panahon pa siya para ikalma ang sarili at alisin ang  namumuong kaba sa dibdib niya ng mga sandaling iyon.
Hindi niya alam kung bakit ganoon na lamang ang ipekto sa kanya ng bagong boss niya, siguro ay dahil talagang nakaka-intimidate talaga ang presensya nito. Hindi pa nakatulong ang mga narinig niya mula sa mga kasabayan niya sa elevator tungkol dito kanina habang paakyat sa bagong cubicle niya.
Bawal magkamali or else, she's done. Goodbye trabaho. Napabuntong hininga na lamang siya.
"Something wrong, Ms. Perez?"
Muntik nang mabuwal mula sa pagkakaupo sa swivel chair niya nang marinig ang isang hindi pamilyar na baritonong boses mula sa likuran niya dahil sa gulat. Nang lingunin niya ito ay ganoon na lamang ang panlalaki ng mga mata niya nang makitang ang bagong boss niya iyon!
Kaagad siyang napatayo at binati ito. "Andyan na po pala kayo, sir! Good morning po." aniya para matakpan ang pagkagulat sa biglang pagsulpot nito. "Hindi ko man lang napansin." bulong pa niya sa sarili.
"You're spacing out, how could you notice me." anito na muling nagpagulat sa kanya. Narinig pa nito iyon?
"Am... Pasensya na po. May iniisip lang." Hingi na lamang niya ng dispensa rito dahil wala naman siyang maisip na iba pang sasabihin.
"Whatever it is, don't let it ruin your job, or else I will fire you in an instant." Turan nito sa istriktong boses bago siya tinalikuran at tumuloy na ng pasok sa opisina nito.
Abby blown a rough breathe. It's confirmed! Masungit nga ito. Goodluck talaga sa kanya!
Nanghihina siyang muling napaupo sa swivel chair niya, pero hindi pa siya nakakahinga ng maayos ay tumunog naman ang telepono na nasa lamesa niya na kaagad naman niyang sinagot sa pag-aakalang ang boss niya iyon.
At mukhang hindi nga siya nagkamali,  dahil hindi pa man siya nakakapagsalita ay nagsalita na ito, tanda na umpisa na ng kanyang trabaho bilang sekretarya nito.
"Bring me a cup of coffee. Black coffee." utos nito at mabilis na binaba ang tawag. Hindi man lang siya binigyan ng pagkakataong magtanong kung anong klase ng timpla ng kape ang gusto nito. Napakamot na lamang ng kilay si Abby.
Hindi siya nahirapan sa una niyang posisyon sa kompanyang iyon kahit na hindi kalakihan ang sahod, ngunit itong pagiging secretary niya,malaki nga ang sahod pero mukhang pahihirapan naman siya ng boss niya.
"God have mercy on me." Naiusal na lamang niya sa hangin bago siya tumayo at tinungo ang pantry para magtimpla na katabi lang din ng cubicle niya.
Pagdating ay kaagad na hinanda ni Abby ang mga kakailanganin niya at akma na sana niyang bubuhayin ang coffee maker na nandoon nang may mahagip ang mga mata niya dahilan para magkaroon siya ng idea.
Since hindi naman sinabi sa kanya kung anong klaseng timpla ng black coffee ang gusto nito, susubukan na lamang niyang bigyan ito ng instant coffee para di na rin niya problemahin ang timpla nito. Lihim siyang napangiti sa naisip na para bang ang laking bagay na niyon.
Kaagad siyang kumuha ng isang sachet ng instant black coffee na nakita niya kasama ang iba pang uri ng kape sa loob ng kabinet at ibinuhos iyon sa mug kapagkuwan ay nilagyan iyon ng mainit na tubig mula sa water dispenser na nandoon saka iyon binati. Hindi na siya nag-abala pang tikman iyon at basta na lang nilagay sa platito at inihatid sa boss niyang may regla.
Kung ano ang lasa ng kape? Iyon ang hindi niya alam. Bahala na ang kopiko 3in1 doon. Wag lang sana siyang masesante kapag hindi nito nagustuhan ang instant coffee.
Nang mailapag niya sa lamesa nito ang kape ay kaagad siyang nagpaalam dito at lumabas ng opisina. Ayaw niyang makita itong tinitikman ang kapeng iyon at baka hindi nito magustuhan at mabugahan pa siya sa mukha.
Pagka-upo ni Abby sa swivel chair niya ay hinintay niyang tumunog ang telepono sa lamesa niya pero sa hindi malamang dahilan, hindi ito tumunog kahit lumipas na ang ilang minuto na ikinahinga niya ng maluwag.
Nagkibit-balikat siya. "I guess he likes it." bulong niya sa sarili.
Kaya naman ay itinuon na lamang ni Abby ang buong atensyon niya sa pag-aaral ng mga dokumentong dapat niyang matutunan.
Panaka-naka rin siyang tumatawag kay Ma'am Laura kapag may mga papeles siyang hindi maintindihan na kaagad naman nitong pinapaliwag.
Mabuti na lang at fast learner si Abby kaya hindi siya nahirapang alamin ang pasikut-sikot ng bago niyang trabaho, maliban na lang sa boss niyang ang hirap basahin. Well, hindi naman ito dokumento na dapat basahin kaya di talaga niya ito dapat binabasa but still, pahirap talaga sa kanya ang lalaki!
Katulad na lang ng mga sandaling iyon. May pinapahanap ito sa kanyang dokumento na hindi niya makita-kita kaya ang boss niyang may regla, ayun, sobrang kunot na ng noo.
Pano ba naman niya iyon mahahanap kaagad, eh hindi naman niya alam kung ano ang itsura noon. Aware naman siguro ito na kakaumpisa pa lamang niya sa araw na iyon, katulad din siya nito na nangangapa pa lang. Abby sighed.
"Wala ba talaga?!"
Ayan, pang-ilang tanong na nito iyon sa kanya habang nakasilip sa cubicle niya at katulad ng nauna niyang sagot dito, iling pa rin ang sagot niya rito.
Lukot ang mukhang tinalikuran siya nito pero bago pa ito tuluyang makapasok sa loob ng opisina nito ay pinigilan niya ito at buong lakas ng loob na isinatinig niya ang suhestisyon na kanina pa niya gustong sabihin dito.
"Ba't di niyo po kaya tawagan si sir Anton. Baka po alam niya kung saan nakalagay at kung ano ang itsura since siya naman ang gumawa niyon."
Saglit lang na natigilan ang boss ni Abby sa sinabi niya kapagkuwan ay dumeritso na ng pasok sa opisina nito nang hindi lumilingon sa kanya. Wala sa sariling napanguso na lamang si Abby.
"May point naman ako, di ba?" Bulong niya sa hangin bago bumalik sa pwesto niya.