"F*cking ouchhhhh!!" malakas na sigaw ni Sperm.
Napatakip agad ako sa dalawa kong mata. Hindi ko makayanang tumingin kay Sperm habang tinutuli siya ng Doctor. Kasama namin si Tita Grace dahil panahon na para tuliin si Sperm. Naririnig ko pa rin 'yong sigaw niya dahil sa sakit. Hindi siya tinurukan ng anesthesia dahil may allergy siya. Sumilip ako sa kamay kong nakatakip sa dalawa kong mata. Napatingin ako sa kaibigan ni Sperm 'tsaka ako tumingin sa mukha niya na pinagpapawisan.
Tumingin siya sa akin na may masamang tingin.
"Don't look at me! Don't look at my friend!" hiyaw niya sa akin. "Get out!"
Napanguso tuloy ako pero bago ako lumabas, sa huling pagkakataon ay dinungaw ko ulit 'yong kaibigan niya. Mas napalabi tuloy ako dahil naaawa ako sa kaibigan ni Sperm na namumula. Napaisip tuloy ako kung gaano kasakit matuli? Pero mas masakit pa rin ang manganak. Sabi ni Mama.
Umupo ako sa waiting area habang hinihintay matapos ang pagtutuli kay Sperm. Sini-swing ko 'yong dalawang paa ko habang nakayuko at nakalagay sa magkabilang gilid 'yong kamay kong nakatukod sa upuan.
Hanggang sa matapos na ang pagtutuli kay Sperm. Lumabas na sina ni Tita Grace sa loob ng k'warto habang siya naman ay nakasuot ng palda at hawak-hawak 'yon.
"Tita bakit po nakapalda si Rem?" takang tanong ko.
"Para hindi dumikit 'yong bagong version niyang kaibigan sa tela, kailangan niyang magpalda," paliwanag ni Tita Grace.
Tumingin naman ako kay Rem na namumula at hindi maipinta ang mukha dahil sa hitsura niya ngayon.
"Masakit po ba kapag na sanggi?" tanong ko ulit kay Tita Grace habang nakatingin pa rin kay Rem na hindi naman nakatingin sa akin.
"Yes."
Tumango-tango naman ako bago kami lumabas ng clinic ni Doc. Sumakay na kami sa kotse si Tita Grace at siya rin ang nagda-drive. Samantalang, nasa backseat kami ni Rem habang tahimik siya sa isang tabi. Hindi ko maiwasang hindi mapatingin sa kaibigan niya. Kawawa naman kasi siya, bakit kailangan pa kasing magpatuli?
"Tita Grace, bakit po ba kailangan magpatuli?" inosente kong tanong.
Tahimik lang si Rem habang nakatingin sa labas. Hindi siya kumikibo kaya naman si Tita na lang 'yong tinanong ko, baka kasi bigla na lang niya akong sigawan ulit pero bago pa magsalita si Tita Grace ay nagsalita na naman si Sperm na mukhang naiirita na.
"Hindi ka ba p'wedeng manahimik na lang?" sarcastic niyang tanong pero sa labas siya nakatingin.
Napanguso na lang ako at nanahimik dahil 'yon ang gusto niya. Ang bilis ng panahon dahil nasa puberty age na kami ni Sperm. Napapa-isip ako kung kailan kaya ako kukunin nila Mama? Pero okay lang naman sa akin na kina Tita Grace muna ako pero s'yempre, iba pa rin kapag nasa totoong bahay ka.
Hanggang sa makarating kami sa bahay at nagpunta kami sa kaniya-kaniyang k'warto para makapagpalit ng damit 'tsaka ulit kami bumaba para makakain ng tanghalian. Nakapalda pa rin si Sperm nang makita ko siya sa hapagkainan at nakapaskil pa rin ang masungit niyang mukha.
Nag-umpisa na kaming kumain, wala si Ate Neigh at Tito dahil si Ate ay kasama 'yong boyfriend niya, may date raw sila at si Tito naman ay may trabaho pa sa opisina at si Tita naman ay free day niya ngayon kaya kaming tatlo lang nila Sperm ang nandirito, wala rin kasi kaming pasok ni Sperm dahil may meeting 'yong mga teacher.
Hanggang sa matapos kaming kumain at nagliligpit na kami ng aming pinagkainan nang hawakan ako ni Sperm sa braso.
"You have stain."
"What?"
"Look," tinuro niya 'yong bandang likuran ko kaya nilingon ko 'yong tinuturo niya.
Nanlaki 'yong mga mata ko sa gulat.
"B-bakit may dugo ako diyan?!" gulat kong tanong. "M-may sugat ba ako?!" natatakot kong tanong kay Sperm.
Napailing naman sa akin si Sperm.
"Puberty stage is waving," ngumisi siya sa akin. "Mukhang hindi lang ako ang magdudusa."
"What do you mean?" nagtataka ko pa ring tanong.
"Poor Whinny Cell. Hindi mo ba alam ang salitang menstruation?" sarcastic na tanong ni Sperm sa akin.
"Mense? R-regla? Monthly period?"
Napa-face palm na lang si Rem sa akin 'tsaka siya napailing.
"Yes. You have."
"Hala?!" nanlaki pa 'yong mga mata ko 'tsaka tumitig sa mga mata niya at bahagyang umatras para bigyang distansya ang pagitan namin kaya nagsalubong ang kilay niya.
"Bakit?" takang tanong niya.
Tinuro ko siya 'tsaka ko tinuro 'yong sarili ko.
"Nasa puberty stage na tayo. Ibig sabihin, p-p'wede mo na kong mabuntis. At kapag nabuntis mo ako papakasalan mo ako at kapag pinakasalan mo 'ko magkaka-anak na tayo at kapag nagkaanak na tayo bubuo na tayo ng pamilya at kapag may pamilya na tayo magiging Lolo at Lola na sina Mama and Dada at kapag--"
Bigla akong natigilan nang sunod-sunod na umubo ni Sperm kaya nilapitan ko siya at inabutan ng tubig pero umatras ulit ako.
"Hindi ako p'wedeng lumapit sa'yo baka mabuntis mo ako. Gusto ko pang i-enjoy ang pagkadalaga ko. Sa ngayon ay bawal mo pa akong buntisin kasi--" nabitin 'yong mga sinasabi ko nang-iwan niya ako sa kusina na magkasalubong ang dalawang kilay.
"Sperm! Dapat may distansya na tayo sa isa't isa! Bawal tayo magdikit! Baka mabuntis mo ako, delikado!" sigaw ko mula sa kusina para marinig niya.
Sayang at umalis si Tita kanina matapos naming kumain, may pupuntahan lang daw siya sandali pero babalik din agad. Hindi ko tuloy na tanong kay Tita kung paano kami hindi magdidikit ni Sperm baka mabuntis niya ako kapag hinawakan niya ako kahit sa kamay lang pero teka . . . kasi naman sabi sa akin ng Lola ng kalaro ko dati ro'n sa bahay namin ay kapag nagdalaga na raw kami ay 'wag na raw kami masyadong maglalapit sa mga lalaki dahil baka mabuntis daw kami.
Kaya naalala ko 'yong sinabi ni Lola Kuring at baka nga mabuntis ako ni Sperm kung magkakadikit kami, ayon kay Lola.
Pero paano na 'to kung hindi na ako p'wedeng lumapit kay Sperm. Paano na ako makakakopya ng assignments?! Paano na ako kapag nakalimutan ko na naman 'yong baon ko?! Hindi pwede! Hindi 'to p'wede! Bakit kasi niregla agad ako?! nakakainis naman!
Salubong ang aking kilay nang umakyat ako sa k'warto ko para makapagpalit na at habang umaakyat ako iniisip ko pa rin kung paano na ang mangyayari sa akin kapag hindi na ako makakopya kay Sperm. Gusto kong magwala sa isiping hindi ko kayang hindi lumapit kay Sperm dahil kahit ano'ng gawin kong paglayo sa kaniya ay gumagawa pa rin ng sariling desisyon ang aking isip para makalapit lang kay Sperm.