Kabanata 2
"Ako ba talaga'y pinagloloko mong lalaki ka, ha? Ano'ng sala-salang pinagsasabi mo riyan? Gusto mo bang mapektusan? Ha?"
nakapamewang kong sigaw.
"Hindi kita maunawan," nagsasalubong ang dalawang makakapal niyang kilay.
"Hindi mo talaga mauunawaan dahil nababaliw ka na! Ewan ko sa'yo! D'yan ka na nga!" sigaw ko sa kaniya bago umalis sa harapan niya.
"Hoy babae! Paparusahan kita sa kalapastanganan na binabanggit mo sa Panginoon ng dagat!" pahabol niya pang sabi.
Hindi ko na lang siya pinansin at dumiretso na lang sa k'warto ko. Naligo at nagbihis muna ako bago nagpatuyo ng buhok 'tsaka ako humiga sa kama at pumikit para makapagpahinga dahil pakiramdam ko ay sobrang daming nangyari sa araw na ito.
Narinig ko ang pagbukas ng pinto ng k'warto at ang mga yapak ng paang papalapit sa kama ko.
Bigla akong kinabahan dahil sa mga yapak ng paa. Napapanood ko na ito sa movie e, 'yong may papasok sa k'warto habang 'yong killer ay may hawak na kutsilyo at ready nang patayin ang bida.
OMG!
Gagi, ayoko pang mamatay!
Masyado akong maganda para saksakin lang ng isang killer.
Wala pa nga akong first kiss dito!
Kakaumpisa pa nga lang ng istoryang 'to papatayin na agad ako? Ano ito tragic?
Oh no! hindi ko keri kung makikita ko 'yong katawan ko na puro dugo at biglang hihiwalay ang kaluluwa ko sa katawan ko tapos pagala-gala na lang iyong kaluluwa ko rito at hindi ko na makikita pa ang mga kaibigan ko--
No way!
Marami pa akong pangarap sa buhay.
Gusto ko pang yumaman.
Gusto ko pang magka-sugar daddy 'yong. 'Yong mala-apat na M, matandang, mayamang, madaling, mamatay.
Joke lang.
Napaigtad ako sa gulat nang magsalita ang killer.
"Hoy, babae! Gumising ka riyan at pagsilbihan mo ang iyong Panginoon."
Nakahinga ako ng maluwag nang si Ashton lang pala ito kaya naman nagmulat na ako ng mga mata.
"Ano'ng ginagawa mo rito sa k'warto?" mataray kong tanong.
"Hindi ka maaaring matulog habang gising pa ang iyong Panginoon. Kaya naman,  ako muna ang patulugin mo," sabi niya at lumapit sa kama ko at humiga.
"H-hoy! Bakit dito ka matutulog? Do'n ka sa sofa! 'Wag ka rito! Hoy, ano ba!" sigaw ko at tinutulak siya.
Pero malakas siya at hindi nalalaglag.
Umayos ako nang upo sa kama at ini-ready ang kamay ko para itulak siya.
Tinaas ko pa ang aking mangas at malakas siyang itinulak para malaglag sa kamang kinahihigaan niya pero ang problema ay hindi ko talaga siya kayang ihulog.
Ilang minuto ko pa siyang sinubukang ilaglag sa higaan pero hindi ko siya malaglag sa kama.
Tumatagaktak na ang pawis ko at hindi ko pa rin siya nalalaglag at wala man lang siyang ka rea-reaksyon. Chill na chill lang siya sa paghiga at talagang nakacross-arm pa.
Kapal!
Susubukan ko pa sana siyang ilaglag sa kama nang bigla niya akong hilahin pahiga. Tumagilid siya nang higa kaya magkatapat na ngayon ang aming mukha at nararamdaman ko na rin ang mainit niyang hininga.
"Ano ba sa tingin mo ang iyong ginagawa?"
"Tinutulak ka para malaglag ka sa higaan ko?"
"Marami ka ng pakakasala sa iyong Panginoon kaya 'wag mo ng dagdagan pa," sabi niya at hinawakan ang mukha ko.
Tinabing ko 'yon pero binalik lang niya ulit.
"Bitawan mo nga ang mukha ko," iritang sabi ko.
"Napakaganda mo pala sa malapitan," mahinahon niyang sabi.
Napalunok ako dahil biglang nagreact 'yong puso ko.
"Bakit namumula ang iyong mukha?" takang tanong niya.
Mabilis kong tinakpan ang mukha ko gamit ang dalawang palad.
"Natural lang 'yan. D-dahil mainit," palusot ko.
"Hindi naman mainit."
"H-ha? Eh, bakit ba . . .teka nga! Umalis ka na nga rito sa k'warto ko!" sigaw ko at umupo sa kama.
Umupo rin siya sa kama at tinitigan ang mukha ko.
"B-bakit ba ganiyan ang tingin mo sa akin?" nag-iiwas ako ng tingin.
Sinusuri niya kasi ang bawat anggulo ng mukha ko kaya hindi ko keri ang mga titig niya sa akin.
Mas lumapit pa siya sa mukha ko at dahan-dahang dumako ang kamay niya sa mukha ko.
Napapikit na lang ako dahil sa kaba na baka halikan ako ng isang ito.
Pero mabilis akong nagmulat ng mga mata nang may tinanggal lang siya sa muka ko.
"May dumi ang iyong mukha," sabi niya at ipinakita niya sa akin 'yong dumi.
Parang gusto kong kutusan ang sarili ko dahil sa mga naiisip ko.
Napaka-assumera mo talaga kahit kailan, Alyhanna!
"Hehe! Oo nga may dumi," 'tsaka ako nag-iwas ng tingin.
Nawala na tuloy ang antok ko dahil sa lalaking 'to.
"Doon ka na lang matulog sa sofa. 'Wag ka rito sa k'warto ko at baka manyakin mo lang ako."
"Sofa?" tanong niya.
"Oo, do'n ka matutulog."
"Ahhh, ano ang bagay na iyon?"
Napa-face palm ako dahil ang akala ko ay alam niya ang sofa.
"Tara, ituturo ko sa'yo."
"Sige basta't paunahin mo muna ang iyong Haring makatulog."
"Oo na, ang dami mo pang sinasabi."
'Tsaka ako tumayo at dinala siya papuntang sala para roon siya matulog sa sofa. Dinalhan ko siya ng kumot at unan para hindi siya lamigin mamaya.
"Oh, matulog ka na," sabi ko at inayos pa ang magiging higaan niya.
Tumitig muna siya sa sofa ng ilang sandali bago humiga.
"Tabihan mo ako nang higa," sabi niya at hinala ang aking kamay.
May kalakihan at maluwag naman 'yong sofa kaya kasya kami ni Ashton kung hihiga ako sa katabi niya.
"Humiga ka na," sabi niya 'tsaka niya tinapik-tapik ang bakanteng sofa.
Nagdadalawang isip ako kung hihiga ba ako sa tabi niya o hindi.
"Matulog ka na," sabi ko na lamang.
Pumikit naman siya kaya malaya kong napagmasdan ang mukha niya.
"Sanay na akong pinagmamasdan ang aking magandang mukha," sabi niya habang nakapikit at may pagmamalaki sa kaniyang boses.
Mahina akong natawa.
"Ang yabang mo naman. Pero, saan ka ba talaga nanggaling?" tanong ko.
Kaso 'di na siya nagsalita kaya dahan-dahan kong hinaplos ang mukha niya.
"G'wapo ka sana kaso may pagkamanyak ka. Mayabang pa," natatawa kong sabi.
"At npakainosente mo pa sa ibang bagay,"
hinimas-himas ko rin ang buhok niya habang nakaupo ako sa tabi niya. Grabe ang lambot ng buhok ah.
Kumakanta ako pero 'hmm' lang ang himig. Para ko tuloy siyang hinehele.
Nakita ko siyang ngumiti pero mabilis din 'yon nawala o baka guni-guni ko lang iyon.
Naramdaman kong may yumakap sa baywang ko.
Binalik ko ulit ang tingin ko sa kanya at na gulat ako nang makitang nakadilat ang mga mata niya.
"Salamat sa iyong tulong," sabi niya bago siya tuluyang pumikit.
Hinapit niya pa ako papalapit sa kaniya at niyakap ako.
Nagpadausdos ako nang higa para tabihan muna siya sandali at para mabilis siyang makatulog.
Hindi ko na malayang nakatulog na rin pala ako sa sofa katabi ni Ashton.