Chapter Four.
Group Project,
"Hey!" sigaw ng Daddy ko.
Palabas na ako sa bahay nang marinig ko ang tawag sakin ni Daddy.
"Yes, Dad?" binalingan ko si Daddy na may hawak na tasa ng kape.
"Where are you going?" may malisya niyang tanong.
"Gagawa po kami ng research, Dad. Hindi po ba sinabi ni Mommy?"
Ngayon kasing sabado naisipan ni Laine na simulan ang research namin sa subject namin kay Sir Buds. Sabi niya mas maaga raw ang preparation ay mas maganda. Para sigurado raw sa week ng presentation ay handa na kami.
"Hon, nagpaalam sakin si Elle noong isang araw pa. Lagi na kasing gabi ang uwi mo kaya sa akin na lang nagpaalam." Singit bigla ni Mommy na nasa likuran na pala ni Daddy.
"Okay. Akala ko gagala ka na naman kasama ang mga kaklase mo noong junior high." He arched his brow before sipping his coffee.
"Hindi po. Busy rin po sila sa mga schoolworks nila," paliwanag ko.
Sumimsim ulit ng kape si Daddy. Bago pa 'ko mapagalitan ay nagpaalam na ako sa kanila ni Mommy na aalis na.
Hinatid ako ng driver namin sa tapat ng school. Dito kasi ang napag-usapan namin na tagpuan para sabay-sabay na kaming pupunta sa Simbahan ng Quingua na magiging topic ng research namin.
"Elle, aalis na ako ah. D'yan ka na. Itext mo ako kung susunduin kita." Paalam ng driver namin.
"Sige po. Ingat po kayo." Tumango ito sa akin at umalis kaya naiwan ako rito sa tapat ng school namin.
May iilang college student na may pasok pa rin kahit sabado, ang aagang nagdadatingan. Kaya imbes na humarang ako sa daanan ng mga estudyante ay nagpunta na lang ako sa may isang sizzlingan sa tapat ng school at agad nagchat sa group chat namin para alam nila kung nasaan ako.
Sa labas na lang ng sizzlingan ako naupo kasi hindi naman ako kakain. Nakakahiya naman na sa loob pa ko maupo kung saan may electric fan tapos hindi naman ako mag-oorder.
I am wearing faded pants and a sweetheart crop top. Ipinares ko ito sa aking white sneaker shoes. Nakapusod rin ang buhok ko in a high ponytail para maaliwas akong tignan.
Habang naghihintay sa mga kagrupo ko ay may biglang huminto na kotse sa harapan ko. Medyo natakot ako kasi uso pa naman ang nangunguha ngayon ng mga bata o dalaga, tapos puti pa ang kulay.
Napasulyap sulyap ako sa paligid. Marami naman ang tao pero baka mamaya walang makapansin sa akin, ay makuha ako rito ng gang. Pero grabe yung imagination ko ahh, baka mamaya customer lang pala siya nitong sizzlingan.
Nagchat tuloy ako sa group chat namin dahil sa kaba.
Ako: Hey! Guys, kaya today?
Laine: I'm on my way, Elle.
Ako: Dalian n'yo baka wala na kayong abutan na Elle dito?
Jed: Bakit?
Teffy: Saan ka ba banda? Malapit na ko, Elle.
Ako: Sa sizzlingan mga beshie ko.
Nagulat na lang ako ng may nakatayo na sa harapan ko. Lalaking naka uniform pang kolehiyo mula sa ibang school.
"Sino kasama mo?" tanong nito.
Nag-angat ako ng tingin sa kaniya. I sighed heavily when I saw who's standing in front of me.
"Kenny naman!" sabi ko sabay hampas sa kaniya.
"What?" natatawa niyang tanong.
"Bwiset ka! alam mo ba?" ngumuso ako at inirapan siya.
Si Kenny, Isa sa mga senior ko noong Junior high school. Mas matanda siya sa akin ng dalawang taon pero dahil sa Dance Club ay nagkakilala kami. Kahit noong grumaduate na ang batch nila ay madalas pa rin sila bumalik noon sa school para magturo ng sayaw sa mga naiwan sa Dance Club.
"Why Elle? You looked scared when you saw my car parked in front of you.," sabi niya sabay tawa.
Hinila niya ang upuan sa kabilang mesa at inilapit sa akin bago naupo sa tabi ko.
"Ano ginagawa mo dito?" tanong ko.
"Papasok na sana ako kaso... nahagip ka ng paningin ko. Ikaw ano ginagawa mo dito? May date ka? Susumbong kita kay Tito," sabi niya na may kasamang mapanuring mata. Inirapan ko lang siya.
"Baka ma-late ka, Kenny." Pilit ko siyang tinutulak para umalis na siya.
"Hindi maaga pa para ma-late. Ano nga, may ka-date ka? Pinapayagan ka na ligawan?" sunod sunod niyang tanong.
"Hindi ah. May project ako at hinihintay ko lang mga kasama ko." Tumingin ako kay Kenny at ganoon pa rin ang tingin niya sa akin. Seryoso at para akong hinuhusgahan.
"Hi, Late na ba ako?" Sabay kaming napatingin ng katabi ko sa lalaking nagsalita sa harap namin.
Si Ed. May suot siyang white t-shirt at jeans, tinerno niya ito sa puting sapatos. Ang lakas ng dating ni Ed, may relo pa ito sa left hand wrist at ang buhok ay maayos pa sa buhay ko. Ang gwapo.
"Date nga. Sige na papasok na 'ko," sabi ni Kenny sabay tayo.
Hinawakan ko si Kenny sa palapulsuhan para sana pigilan ito umalis upang makapagpaliwanag ako. Baka kasi isumbong ako kila Daddy. Ang kaklase kong si Ed naman ay inilibot na lang ang mata at nagkunwaring walang naririnig.
"Hindi nga kasi. May project kami.," sabi ko nakahawak pa rin sa palapulsuhan ni Kenny.
"Okay. Alis na 'ko. Baka ma-late pa ko, Elle." Marahan na inaalis ang hawak ko sa kan'ya.
Naglakad ito palayo pero bago lumagpas kay Ed, nagsalita siya muli.
"Paki-ingatan si Elle, salamat," sabi niya kay Ed gamit ang malamig na tono ng boses, malamig pa sa yelo.
Ed just nodded to Kenny.
Naiwanan kami ni Ed doon habang naghihintay pa rin sa mga ka-grupo namin. Ang awkward tuloy namin dalawa dito. Hindi siya naupo at nanatili siyang nakatayo malayo sa'kin at busy sa pagmamasid sa lugar. Epal talaga ni Kenny.
"Uhm.... Sorry." Basag ko sa awkwardness sa pagitan naming dalawa.
"It's Okay. Boyfriend mo?" Finally, bumaling din ang tingin sa akin.
Nanatili akong nakaupo at dahil matangkad masyado itong kaklase ko, nakatingala ako sa kan'ya. Marahan kong tinignan ang upuan na ginamit ni Kenny at nakuha naman niya ang gusto kong mangyari. Naupo siya roon.
"Hindi... Ahmm, schoolmate dati at family friend," sagot ko.
Tumango lamang siya at kinuha ang phone. Hindi na ito nagsalita. Kainis si Kenny baka naman mamaya mag-isip ito ng kung ano. Hays lagot sa'kin yun mamaya.
Segundo ang lumipas ay dumating na si Teffy at hindi katulad nitong si Ed, nagkwentuhan kami ni Teffy tungkol sa mga bagay na mayroon dito sa Collegio de Sta Isabel.
"Masarap dito sa sizzlingan na 'to. Minsan kain tayo," sabi ni Teffy na nasa kabilang side ko naupo.
"Sige ba. Siguro after ng research na ito."
"Oo sige."
A little moment had passed, dumating na rin si Laine at kasunod na nito si Jed. Kaya naman pagdating ng dalawa ay umalis na kami para magtungo sa Church of Quingua.
Nagsiksikan kami sa isang tricycle para makamura na lang sa pamasahe. Kaming tatlong babae ay nasa loob habang yung dalawa naming boys ay nagsiksikan sa may likuran ng driver.
Ngayon ko lang na-experience 'yong ganitong bagay. Yung tipong hindi na nakasunod ang driver ko sa akin o sa sasakyan namin kami sasakay. Ito yung mga bagay na hindi ko nagagawa dati. Mabuti na lang at medyo nagluwag na ang Daddy ko sa akin ngayon.
Habang nasa byahe kami papunta sa destinasyon ay nagkwentuhan kami nila Teffy at Laine.
Getting to know our classmates, making friends, and being a responsible student are the first things we need to do so we completely say that we are ready to face our journey in senior high school. I think our journey officially started today, as we try to be close to each other. Thank you Sir Buds for making a way.
After a short time of travel, we reached our destination. Sarado pa ang malaking pintuan ng simbahan ngunit ang maliit na pinto ay bukas naman.
"Gusto n'yo kumain muna tayo?" Jed suggested.
"Oo tara, gutom na ko." Pagsang-ayon naman ni Teffy.
Kaya naman bago kami magsimulang magtanong sa mga tauhan ng simabahan para sa research namin, kumain muna kami.
Naglakad kami sa may bandang gilid ng simbahan kung saan madaming tindahan ang mayroon. Nauuna si Jed sa amin dahil may alam daw siyang masarap na lugawan dito.
"Dito tayo." Huminto si Jed at tinanaw ang lugawan na may karamihan ang mga kumakain.
"Hanap muna tayo ng upuan," Sambit ni Laine.
Naupo kami sa bandang dulong bahagi ng kainan kung saan mag electric fan.
"Ano sainyo?" tanong ni Jed.
"Lugaw na lang akin" sagot ko at agad naglabas ng wallet.
"Ako rin,"
"Sayo Teffy?" Nagmamasid pa kasi siya sa listahan ng pwedeng I-order.
"Lugaw din, Tapos padagdag ka puto dalawang servings."
"Dami naman?"
"Libre ko," sagot ni Teffy at ngumiti sa aming lahat.
Sila Jed at Ed ang nag-order ng pagkain at naiwan na naman kaming tatlo nila Teffy at Laine.
I let my eyes explore the place. I am amazed by the simple design and paintings hanging on the wall of every corner of this porridge house.
"Yung mga paintings na 'yan, iyan ang history ng Quingua at ng kung paano nagsimula ang lugawan na ito," sabi ni Laine na inililibot din ang tingin sa lugar.
"Taga dito ka ba Laine?" tanong ni Teffy.
"Oo, malapit na bahay namin dito."
"Dapat pala dito na lang tayo nagkita, sayang pamasahe mo."
"Ayos lang."
Nagkwentuhan pa kaming tatlo hanggang sa dumating na sila Jed at Ed dala ang order naming lugaw.
Tuloy ang kwentuhan namin habang kumakain. Nakisali na rin si Jed sa aming tatlo pero si Ed ay nakikingiti at tawa lang. Siguro ay nahihiya o nahihirapan pa itong makisalumuha sa iba.
Ang sarap pala magkaroon ng ganitong mga kaklase. Ang simple lang. Iyong tipong mas gugustuhin magkakasama sa lahat. Sa tricycle nga lang kanina nagulat ako at isa lang ang tinawag nila kahit na lima kami. Never thought that we could ride one tricycle just so we can save money. Ten pesos each nga lang 'yon per person kaya sobrang tipid nga.
I couldn't wait to list down their names in my diary and consider them as my friends. Salamat Sir Buds talaga para sa group project na ito.