Excited na ako mamaya sa performance ng TB sa Wish 107.5, hindi na ako makapag hintay. Alas seis dapat nandon na sila sa Bus para makapag ayos at makapag handa sila.
Halos hindi ako makapag concentrate sa pag-aaral sa sobrang excitement para sa kanila. Nasa school nga ako pero ang isip ko lumilipad para sa mangyayari mamaya.
Gagamitin namin ang sasakyan ni Trisha habang sinusundan ang Bus ng Wish. Lilibot kasi iyon habang kumakanta ang banda.
I posted a message sa fanpage ng TB. Ibinalita ko roon ang mangyayari mamaya. Marami ang naglike, nagcomment at nagshare ng post. Mukang marami ang makakadalo para suportahan ang paboritong banda.
"Tangena mo, Irish. Nakikinig ka ba?" iritableng tanong ni Trisha.
"Huh? Oo naman, ano ba 'yon?" Ngumiti ako ng nakakaloko para itago ang hiya.
Kanina pa kasi sila nag-uusap tungkol sa ginawang activity na ibinigay sa amin ni prof. Karamihan sa amin ay nakapag pass na, sila Trish at Alex ay ganon din. Ako na lang ang hindi pa.
"Ewan ko na lang kapag bumagsak ka," banta ni Trish saka umiling.
"Hindi 'yan, si Irish pa ba?" alo agad sa akin ni Alex.
"Sige kampihan mo pa."
Napanguso na lang ako.
Hanggang sa natapos ang oras ay hindi ko na nagawa ang activity. Busy ako sa pagiging lutang, kung gagawin ko rin 'yon ay walang matinong papasok sa utak ko. Hindi rin maganda ang magiging kalalabasan ng gagawin ko.
May major subject kami mamayang alas siete ng gabi, at matatapos iyon ng alas nueve ng gabi. Ni-dismissed na kami ng prof namin ngayong four ng hapon. Kay Kuya ako sasabay ngayon kaya nauna na sila Alexa sa akin na umuwi. Madaling madali nga si Trish na umuwi dahil baka maabutan sya ni Kuya.
Feeling nya daw, baka 'pag tumingin si Kuya sa kanya ay mahalata nya na may gusto si Trish sa kanya. Kaya mas mabuti na lang daw na umiwas sya.
Naghintay ako sa tapat ng kotse nya. Doon ako dumiretso sa usual spot na pinagpa-park-an nya. Sumandal ako sa white na kotse ni Kuya at nagtype ng message sa kanya.
Ako:
"Naghihintay na 'ko dito sa kotse."
Agad ang naging reply nya.
Kuya Keith:
"Okay, I'm coming."
Ilang segundo lang ay nakita ko na syang palalapit. Napangiti na ako ng malaki dahil sa wakas ay hindi na ako maghihintay pa ng matagal. Napawi lang iyon at nangunot ang noo nang makitang may kasama syang... Babae.
Who the hell is she?
Malaki parehas ang ngiti nila at mukang may masayang pinagku-kwentuhan.
Pinagkrus ko ang mga braso sa dibdib ko at pina-sungit ang muka. 'Di ko gusto 'yung muka ng babae, pati aura nya. Hindi sila bagay ng Kuya ko. I'm sure, kapag nalaman 'to ni Trish baka masaktan 'yon.
Ngayon ko lang nakita si Kuya na may kasamang ganito kaclose na babae. Kita mo, nagagawa nya pang tumawa? Yes, may kinakausap sya pero hindi nagtatagal dahil hindi nya ini-entertain. Hindi ko naman sya nakikita sa barkada ni Kuya, dahil puro lang sila lalaki. So sino sya?
Nang makalapit sila ay medyo natatawa pa si Kuya nang tumingin sa akin. Feeling ko, parang ka-level na ng langit ang kilay ko sa sobrang taas nito.
"Sino sya?" Hindi naman halatang bastos ang patanong ko. Tinuro ko ang babae na ngayon ay nakangiti na sa akin.
"Nics, this is Catherine."
Pinakilala nya nga sa akin. Mukang hindi na ako kailangang ipakilala sa kanya ni Kuya dahil alam kong halos lahat ng nag-aaral dito sa SSU ay kilala akong kapatid ni Kuya Keith. Sikat 'yan dito eh dahil Varsity, 'di lang dahil don. Sa muka at utak din. Kaya marami ang nagkakandarapa dyan, minsan nga ay sa akin pa ipinapadaan ang nararamdaman nila para sa Kuya ko.
"I didn't ask her name, ano mo sya?" Naitikom ni Catherine ng mabuti ang bibig nya sa itinanong ko.
"Nicole." Tumalim ang tingin sa akin ni Kuya. "She's my friend."
"Weh? Kailan pa?"
"Kanina lang," biglang sumagot si Catherine, kaya sa kanya nabaling ang atensyon ko.
Halata naman sa isang tao kung may gusto ka dito 'di ba? I must say na may gusto itong Catherine kay Kuya. Pasimple pa sya, sikmuraan ko sya sa noo eh.
"Pano mo naging friend Kuya ko?"
"May nangbastos sa akin kanina, pinagtanggol ako ni Keith. Nag-kausap kami and then inalok nya ako ng friendship."
Tinignan ko si Kuya ng hindi makapaniwala. Ewan ko ba, hindi ko rin maintindihan ang sarili ko. Parang hindi kasi maganda na may kaibigan syang babae. Parang may mali eh. Sa circle kasi ng friend nya, walang babae. Para kasing may something, dahil biglang napalapit si Kuya sa kanya.
Sana naman hindi magkagusto si Kuya sa kanya. 'Yun na lang ang hihilingin ko dahil delikado kapag nangyari nga iyon. Ayaw kong masaktan bestfriend ko.
"Ganon lang? Bilis ah!" sarcastic kong sabi. Pero hindi yata nya tinake ng ganon. Manhid naman nito.
"Sasabay sya sa 'tin?" tanong ko kay Kuya.
"Ah, no. Katabi kasi ng kotse ni Keith 'yung kotse ko."
Wow! Coincidence huh?
"Ay, ang galing."
Plastik na kung plastik. May hindi talaga ako gusto sa kanya, hindi ko lang mapuna kung ano iyon pero... ayaw ko talaga sa kanya. Kahit pa kunwari sabihin nating kaibigan ko sya, ay ayaw ko pa rin sa kanya para sa Kuya ko.
"Let's go," si Kuya, saka pinatunog na ang kotse.
"Bye Keith, bukas na lang?" Napairap ako sa hangin dahil sa sobrang sweet ng boses nito.
"Yeah." Tinanguan sya ni Kuya.
Pinagbuksan muna ako ni Kuya ng front seat bago umikot sa driver's. Kunot noo akong nagseatbelt at hinintay ang pagsakay nya.
Habang bumabiyahe ay hindi ko talaga mapigilan ang bunganga kong maki-usisa.
"Kuya, may... nagugustuhan ka na ba?" I asked.
Kumunot ang noo nya sa tanong ko.
"Nics, kung ano man ang iniisip mo, that's not right."
"Pero may nagugustuhan ka na ba?" I repeated my first question.
"Yes," he simply said.
Nanlaki ang mata ko at halos mapatalon.
"Sino?" excited na tanong ko.
Hindi nya sinagot ang tanong ko. Napailing na lang sya at bahagyang nangiti. Oh my gosh! Ibig sabihin hindi si Catherine 'yon, kung ganon?
"Who's the lucky girl?" I asked again.
"No, Nics. I'm the lucky."
"Ehh? Describe mo naman sya, kilala ko ba?"
Umiling lang sya at hindi sinagot ang tanong ko. Hanggang sa makarating kami ng bahay, kahit na pinipilit ko sya ay ayaw na nyang magsalita kaya tumigil na lang ako.
"Kuys, may live mamaya ang Timeless Band sa bus ng Wish. Kasama ko si Alex at Trish." Matagal ko syang tinignan, naghahanap ng reaksyon nang banggitin ko ang pangalan ni Trish.
"What time?" Binalingan nya ako ng tingin. I need to lie.
"Pagkatapos pa naman ng klase namin. Kila Trish na rin ako sasabay sa pag-uwi mamaya, we're gonna stroll lang ngayon."
"Yeah, take care."
Bumagsak ang balikat ko nang iyon lang ang isinagot nya at nagtuloy sa kwarto nya. Kung si Trish ang tinutukoy nya, magiging curious pa sya at pahahabain ang usapan, pero hindi.
Ikukwento ko ba kay Trish? Hindi na lang siguro.
Isang oras bago ang pagpunta ng TB sa Bus ng Wish. Naghanda na ako. Kung kailangang naka-mic ako mamaya para sumigaw sigaw ay gagawin ko. Napangiti ako nang bumisina ang sasakyan ni Trish sa labas ng bahay namin.
Tiyak kong hindi na papasok 'yan dito dahil alam nyang nandito ang Kuya ko. Lumabas na ako sa kwarto para makatulak na rin kami paalis.
Kumatok muna ako sa kwarto ni Kuya para magpaalam.
"Kuys? We're going na."
"Alright. You tell Trisha, drive safely."
Hindi ko napigilan ang saya sa boses ko nang mabanggit nya ang pangalan ng bestfriend ko. I know normal lang ang boses nya nang ipaalala iyon, pero para sa akin nakakakilig na 'yon.
"Okay!"
Pagsakay ko pa lang nang sasakyan ni Trish ay napansin na agad nila ang saya sa muka ko.
"Excited na excited, beb?" pang asar ni Alex.
"Hindi ah! Ano kasi, pinapasabi ni Kuya kay Trisha na ‘drive safely’." Ginaya ko ang boses ni Kuya nang sabihin iyon.
"Sira!" Alam ko namang kinikilig si Trish dahil idinaan na lang sa pag-iling at pagpigil ng ngiti.
Hinintay namin ang pag-alis ng Bus. Hinanda ko na ang speaker at ang microphone nang makita na aandar na sila.
Unang kanta nila ay solid at talagang mabibilib ka sa talentong mayroon sila.
I always admire their talents, specially James.
"Itapat mo, Trish."
Sinunod nya ang sinabi ko. Tumapat kami sa Bus ang Wish at doon kitang kita ko ang kaseryosohan nilang lahat sa pagp-perform.

Binuksan ko ang bintana sa backseat para marinig ng lahat ng tao ang suporta ko para sa asawa ko.
"Go, James! Pa-support po ang bandang ito, dahil hinding hindi kayo magsisisi!"
I know hindi maririnig ng TB ang lahat ng ingay dito sa labas. Pero kung titingin sila sa paligid ay makikita nila ang mga nangyayari.
Nagtitinginan na sa akin ang mga tao. Nakalabas ba naman kasi ang ulo ko sa kotse at naka-mic pa.
"Timeless Band po ang pangalan ng bandang tumutugtog ngayon sa Wish. Punta po kayo minsan sa Beer Garden dahil doon po sila madalas nagp-perform!"
"Putspa, Irish! Pumasok ka nga rito," utos ni Trish.
Ramdam ko ang kagustuhan nyang hilahin ako papasok, kaso hindi nya magawa dahil sya ang nagda-drive.